日本雜誌經常有好多騎呢選舉，今年人氣急升o既w-inds.就o係多個好男人選舉
中名列前茅。而o係「最想擁抱的男人」投票中，他們更成為NO.1，係唔少少女
心目中o既理想男人，不如今次就等佢o地講o下佢o地心目中o既好男人係點啦!
　

橘慶太:溫柔男人
我認為理想o既男人應該要好溫柔，要好
有性格，意志力強，對任何事情都能迎刃而
解，咁樣o既男人就真係最好。
外表好唔好，其實我唔會太過要求，所
以唔可以話我貪靚o既，其實我o個o的習慣只係一
般生活o既基本動。例如皮膚乾燥當然係唔會
舒服，梗係討厭，好自然要塗潤膚膏；改變髮
型唔係因為想變型仔，而係覺得悶咪改變一o下
型象囉。我本身好鍾意飾物，如果係我睇中o左
o既飾物，即使售貨員同我講「呢個設計適合女
仔多o的，冇乜男仔戴o架」，我都唔會理會，照
買可也，因為我就係鍾意個設計，唔關乎性別
問題。
　

千葉涼平:型格男人
o係我身邊o黎講，我就覺得DA PUMP係最
有型格o既人，佢o地認真做事o既時候就認真做，
玩o既時候又盡情玩，能夠活出自己o既個性，而
且佢o地所做o既事亦好有個性。佢o地會為自己
o既歌寫rap歌詞，仲會編舞，聽聞佢o地由出
道曲開始已經係自己編舞o既，我真係好佩服佢
o地，除o左係因為佢o地能夠有咁o既意念去做之
外，仲要真係有能力實現得到，所以我以後要
以佢o地為目標。
另外仲好欣賞陣內孝則，雖然我未同
佢見過面，我覺得佢好有幽默感，好識得講
話，我好欣賞咁o既人，因為我講o野唔叻，一般
傾閒偈都仲得，但係上電視做訪問就唔得喇。
我認為一個人有冇型格唔關乎年紀，唔
係大人就一定有性格，最緊要係思想方面。所
以我認為男人要培養多方面與趣，挑戰唔同o既
事物，同成功人士傾談多o的，經歷多的事情咁
先會係好男人。
　

緒方龍一:成熟男人
對我o黎講，最理想o既男人就係我爸爸，仲
有就係DA PUMP、ERIC CLAPTION，同埋我O地
O既髮型師等等，好似全部都係圍繞我身邊o既
大人，原來好男人都有咁多。我覺得一個大人
要識得對人溫柔，懂得人情世故，識睇時機做
人。雖然我都想成為一個大人，不過我更想成
為一個好人，不要忘記「感謝」同「對不起」
o既心情，仲要堅持日本人所有o既義理、人情。
我最近覺得自己長大o左，識得為身邊o既人著
想，唔再以為一切都係理所當然o既，識得珍惜
身邊o既一切。
對男仔o黎講，受女性歡迎當然係一件重要
事情。早前我17歲生日，事務所o既同事為我搞
生日會令我有感而發，我成日都想o係人前演
出，但係首要條件係要別人鍾意我，雖然咁講
好似好自戀，不過我而家真係未有自信話自己
好有型，我亦俾唔到乜o野好表現人o地睇，所以
我要做到o係人前表現以後就要多多意識到呢個
重點。

BY:

提供:淩茵   打字:Misty

如想轉載，請在留言板說聲，多 謝合作!