究竟貓同狗可唔可以做朋友呢??

可能有D人己經知道答案...不過o係臨開估之前,我想發表下D前言先，

其實我好鐘意貓貓o架,一D熟悉o既朋友已經知，所以我想藉住呢個網站

介紹一下貓貓，但係我又唔想淨係介紹D貓鐘意食乜、鐘意玩乜，因為實在

太悶，加上呢D野三歲細路仔已經識。所以我決定介紹一下貓最鮮為人知o既一面...

好~又返返黎正題....其實你會察覺倒一樣野，貓同狗一走埋一齊多數都係打交o既多..

其實可能佢地大家都好想做對好朋友，不過呢兩種動物o既行為同性格都好極端。

當狗想結交朋友o個陣佢就會豎起條尾同show off佢地D爪，但係呢種行為對貓黎講

係表示想一決高下；而當貓想識朋友仔o個陣佢地就會發出"喵喵..."o既叫聲，同時呢種

行為對狗黎講係視為撩交打。因此當狗同貓邂逅o個陣，用佢地o既獨有打招呼方法，佢地就會打起上黎。