讀得書越耐，就越覺得自己d 英文越 cheap，於是我的起心肝去補習。就係o係N年N月N日，我參加左x理補習班，每逢星期三補一堂。每逢o個日我都特別興奮，因為o係o個一日上ge英文堂係我由細到大最唔悶ge一堂英文堂。o個位成日自稱自己好靚仔ge呀sir用一個好輕鬆ge姿態黎同我地上堂。Will Lee，佢係我第一位啟蒙老師，佢係第一個教識我講最多英文粗口ge呀sir，唔只，佢猥"所"ge言行舉止同一連串ge屈人絕技簡直令我耳目一新。其實，有時我見到有d學生比佢串得好可憐，但係事不關已，已不勞心，既然佢唔係串我，我都懶得理。點知，就係一個風平浪靜ge星期三(我好記得o個日係26/2),o係當日，呀sir叫我地打開note。佢問我地"Deal" lie隻英文字係點解，o個陣全班都好靜，o個陣我o係到諗"嘿嘿...今次一個比我炫耀英文ge好機會，今次仲唔比我叻返次?!"於是，我好大聲咁講 "成交" 我諗住講左之後佢實讚我，點知條友ge反應係 "咩話?!性交?! " 我好激動咁講 "咩呀，我話成交呀，聽錯la你..." 點知條友反屈我 "我明明聽到你話性交，你有懶音呀~"o個陣真係好鬼嬲，咁大個女第一次咁比人咁屈發，若然o個陣唔係有三個女仔、四個男仔在場ge話，我一早就同佢展開一場驚天地，泣鬼神ge罵戰。不過好彩，本小姐EQ都極高，識得即時抑壓住d情緒....

自此之後，我又學識左一個做人ge道理，就係唔好懶醒，尤其係遇一d自己生得相貌不揚，但係又死都要話自己靚仔ge人....