01-6-02 Saturday

今日一早去左base幫手, 之後同apple, amats一齊去食野, 見到阿珊...
返到家聚, worship坐我隔離喎, 好緊張呀。完左家聚,去左球場打波, 同小詩掛住傾計同理溫書, 都冇咩打球...
聽日外展呀, 一定要努力!!

夜晚, 竟然同軒傾左三個鐘電話, 好無聊, 傾完都唔記得自己講過咩了, 同佢傾過咁多次電話, 發覺好多野都好唔同, 冇左以前個種感覺...哈, 正常嫁!

今晚 ,我send左個message俾阿哥, 叫佢俾心機讀書, 佢既反應就係話"知道", 希望佢真係好俾心機啦!

今日一早on9, 發覺Jerry改左info, 但我完全唔明個info講咩, 淨係知道係同一個人講, 我估係emi, 但又唔肯定喎 ...
返到主日, 唔係好專心, 成日都諗其他野, 以我都擔心之後外展, 感謝神, 最後帶到兩人信主, 我相信一定會帶到佢地返會並且返得穩定既, Amen
今日都幾開心嫁, 同班姊妹一齊, 佢地個個都對我好好...感謝神

03-06-02 Monday

今日開始夏令, 要一早返學, 唔制呀! 返到學放完書包先落去, 我仲係上面偷望佢添呀, 搞到遲左落去, 落到去都早會完了。
今日Miss Tse心情好差, 成日鬧人, 都唔知仲咩, Miss Lee又係喎, 淨係識得鬧, 但我地話知佢呀, 我地煮野食不知幾好玩, 煮完我自己留左d嫁, 一上到去, 我就上去搵軒, 但馮sir係度丫...好奇呀, 點解我上黎搵軒, 一d都忘記左jerry既存在...
第二個小息, 去左搵軒 , 點知佢唔食, 浪費我d心機...哈, 我搶左佢眼鏡呀~仲俾左傻lok添, 我唔知咩樣做係咪好, 但唔俾都俾左, 傻lok想踩落佢副眼鏡呀, 都係玩姐, 佢唔會踩的...之後將副眼鏡俾左傻晉...
今日有周會, 佢坐我前兩行, 我望住佢好耐, 覺得好陌生, 好像我知佢存在, 但佢從來他不知我的存在, 更加唔認識我呢個人, 個種感覺好可怕...
放學同Kylie, Kitty行左一陣先返屋企, 初初阿哥成班係我地前面, 之後我地過左佢地, 阿哥見到我, 但佢同魚魚一齊, 之後又俾我地撞返佢地, 係咪咁有緣丫?
後來係麥記見到忠, 佢成個人都唔同左呀~

今日好得醫治, 我要好返!!!Amen!

04-05-02 Tuesday

唔知阿哥尋晚係咪好夜訓, 今朝見到佢一返黎就坐左係椅上訓, 仲訓得好淋, d人騷擾佢都唔識醒。
上到課室我一邊行一邊同Kelvin傾, 經過佢課室我望左入去, 佢又望左出黎, 大家見到大家, 但我望左一眼就立即拎轉頭...好怕見到佢...
PE堂換完衫出去又見到佢, 但佢見我唔到...小息我去買水, 見到佢, 幾開心既...
放學, 因為要返黎開會, 所以同gi瑞瑞出去食lunch,返去個陣經過麥記, 見到扑華同Jerry, 扑華見到我, 佢就見唔到了...

05-06-02 Wednesday

今日上堂好悶呀, 又累喎...
小息, 拎ERS box去禮堂, 見到佢上黎, 佢都見到我...英文堂過左C班借書, 阿柴諗住幫我問Jerry借, 我話唔駛, 佢就話我有咪算囉, 唔好計較, 最後我都問左雪借書
第二個小息, 落去搵軒, 同佢講camp d野...見到Jerry一個人坐左係好偏的地方, 後來日日去陪佢...
我仲見到阿哥, 佢同魚魚和art個班一齊, 見到阿哥食野個樣, 笑爆呀, 下巴勁兜...

放學, 去左麥記食野, 見到Jerry, 不過佢係出面, 我係入面...之後佢入左黎一陣的, 但我去左洗手間, 冇緣...
食完野, 見到Philip, 我見到佢好似喊, 我好傻咁追出去...原來佢病, 搞到好似喊咁...
之後同佢去左車站, 我地兩個人企係街度傾計, 我問佢生日點過, 佢話冇咩點, 一份禮物都收唔到。佢話有次想打電話俾我, 但係唔見左我電話, 我聽完之後, 把口雖然話佢衰, 唔記得我電話, 但其實佢有諗過打俾我已經好好了...之後我寫左電話俾佢, 而佢都要搭車了, 佢話今日會打俾我的...

06-06-02 Thursday

今日早會要當值, 阿哥俾人叫左出去, 唔知仲咩呢?
落到去, 我不自覺咁望住佢, 但佢根本唔知道我望佢, 之後 , 我跟3E上去, 同玟一邊行一邊傾...
小息, 落左去當值, 順便搵William, 我仲見到佢呀, 佢同Feel一齊...
上度去, 我經過佢班房, 我成日望住佢, 佢有時都會見到我既, 但每次佢見到我, 我都會走...有時係度諗, 如果我望住佢, 佢又見到我, 而我又唔避的話, 會係點呢?搵次試下先^^
講真, 要見到佢一d都唔難, 但我唔避佢好難...
放學, 為左個Camp好煩, 好遲先走, 但估唔到會見到佢, 佢好遲先走...
返到屋企, 收到子傑message, 好開心...之後訓左覺...
7點幾, Philip打電話黎呀, 好開心呀, 點知佢第一句就話: 訓覺呀? 唉...乜佢咁嫁...^^
之後同佢傾左一陣, 咩都講, 可能大家以前真係疏左, 佢既野, 我一無所知, 有點失敗...
再夜d, 軒打電話俾我喎, 真係有點意外嫁...同佢傾左一陣...就訓了

07-06-02 Friday

唔知今日係咪早左返, 我返時佢地都未返, 一個人坐左係度, 望住阿哥...望望下發覺佢返左黎, 同Feel一齊...但咁又點丫...><
今日好少見到佢...就算見到, 佢都扮見我唔到, 又咩用喎...

下星期一考試了, 唔好為佢煩, 我要俾心機溫書, 我唔想自己後悔...

08-06-02 Saturday

今日返家聚, 坐第一行, 有d 唔慣。今日篇信息講忍耐, 講真我真係冇咩忍耐, 小小就會發晒脾氣...做事又心急, 好多野都未諗清楚就決定...
完左家聚同珍珍行街...^^

09-05-02 Sunday

今日返主日, 我冇瞌睡呀, 但有點唔留心, 成日諗其他野...
聽日考試了, 我要俾心機!
神啊~ 求您帶領我...給我信心與盼望...讓我勝過一切難阻...拋棄一切牽掛
做我需要做的事, 靠著那力給我力量的, 我凡事都能作! Amen

在絕望中,將希望熱誠給我,
在患難中與我一起共經過.
全能神啊!今給我詩歌,情懷憐愛,熱烈似火.
長存慈愛,祂施恩不念過錯,
迷茫途中,祂使我脫離罪禍.
常扶持我,永愛著我,患難疾苦,生死不可隔阻.
誰人曾愛我,憐憫我,為我犧牲?
誰人曾捨己,流了血,受了痛楚?
全能神救贖我,曾成全這救恩,
歷代歷世永讚頌,皆獻上詩歌.

10-06-02 Monday

今日考試, 宣告好淺, 宣告識答...但我相信神會叫逆境變美善, 我要有信心, 我唔要講負面的事, 在神, 凡事都能...我一定考得好, 我係speaking spirt! Amen!
我返到學個陣, 咩人都見唔到, 就企埋一邊溫書, 後來見到傻晉, 扑華, 之後見到佢返黎...最後同阿雪一齊上去...

放學諗住俾禮物榕榕, 但又見唔到佢喎, 之後去左M記, 等Kylie。我見到阿哥同魚魚佢地一齊溫書。我仲見到Jerry呀, 但佢上緊電梯...得佢一個, 唔知去邊呢?

11-05-02 Tuesday

今日落好大雨呀~ 今日考中文, 好有信心, 一定得嫁!
我見到佢呀, 佢拎住把藍色傘~
考完中文, William度笑我喎, 睇我唔識答喎...哈, 中文我好有信心的, 但唔好自大! 卷都未收完, 我已經同佢傾計, 真係唔應該^^"
之後考Home.E, 哇, 真係依靠神呀, 我相信會合格的!
考完陪Connie等人, 我又可以見到佢了~

夜晚, 竟然收到阿哥message呀, 佢問我溫成點, 佢好少主動send messages俾我嫁, 好開心呀~ 好耐好耐冇同佢傾了~

今日考Computer, 除左VB, 其他都好有信心。一定得嫁! 我唔可以咁自私呀, 幫到人係好事黎嫁, 唔好埋怨, 唔好覺得唔抵呀!
考完Led, 收卷時望住阿哥, 佢個樣好呆呀, 諗左好耐先寫野, 又成日眼光光, 望天光咁...
哈.Philip相反就好俾心機咁不斷寫, 不斷做, 希望佢合格, Amen

今日見到佢改左info, 成個nickhame都改晒 , 變成emi===唔好嬲啦, 又係為左Emi而改, 我真係好唔明佢到底係點嫁!

等到阿哥on9, 原來佢岩岩訓醒, 之後同佢傾左一陣, 佢話今日考中文都唔錯喎~ 不過佢話禮堂凍得制喎, 成日打噴嚏~ 用左好多紙巾添~
佢聽日考中史呀, 希望佢合格, 仲有唔好凍病~

13-6-02 Thursday

今日考IS呀, 哇哇哇, 依靠神一定得, 我有信心嫁, 應該唔差既...Amen

今朝返學一邊行一邊溫, 點知君爺無端端係我後面, 嚇左我一跳呀!

返到學見到阿哥架車, 佢係入面溫緊書~ 好開心見到佢!
開考前, 阿哥竟然訓覺喎, 我望住佢, 好搞野!
收完卷, Mr Leung問我識唔識, 我未答, William就幫我答左呀! 佢睇我唔掂, 我偏偏要叻俾佢睇!

下午, 我見到Jerry online, 但係DND, 但我己經好滿足...真的...
唔知點解 , 平時一個message都冇, 我一away話訓覺就好多message, d人真係...

夜晚, 傻Lok話我同佢好襯, 日日都invisible, 我係度諗, 只有佢知我幾時invisible, 我唔知佢幾時invisible, 我好失敗喔!
半夜, 見到阿哥online喎, 但冇同佢傾呀~

14-06-02 Friday

今日考英文呀, 神呀, 救下我呀~ 份卷俾我想像中多同難, 但依靠神, 我信會有神蹟, 我要有信心~~神蹟才會為我發生!Amen
之後考英作, 我作書信呀, 好簡單, 但William話我好多病句, 但我唔理, 一定合格, 成科英文一定合格, Amen~

見到佢, 冇感覺, 因為佢從來唔會留意有我這個人, 從來唔會知我仲有幾在乎佢...

返到屋企online, 同小學同學傾, 之後又William 傾, 最估唔到Lotion無端端send個messages黎, 好搞野。但好多謝每一個叫我努力的人, 只少我覺得仲有人理我~

話咁快考左一個禮拜, 真係過得好快。每日返學考試, 食完野就訓覺, 夜晚就溫書, 第二朝又返學考試。
生活好麻木...呢個禮拜, 到底我有開心過嘛?
有, 但唔多。每次諗起佢, 見到佢已經足夠令我哭了, 加上考試壓力...神呀~ 我...><我唔要呢種生活! 我要喜樂!

點解以前可以咁無憂無慮, 咩都唔駛諗, 大顛大肺咁過每一日, 依家...我幾時變得咁多愁善感嫁, 呢個唔係我黎嫁!!!

夜晚, 好唔開心, 好down, 好想有人關心自己, 我喊了, 之後唔知點解打俾軒, 點知佢唔得閒。到十一點幾, 軒打返黎, 好開心, 其實我知佢因為冇野做先打黎, 但我好開心呀, 同佢傾, 我可以咩都講, 佢會俾我傻俾我顛, 佢會理我, 好快又過左個半鐘, 但係傾完都唔知傾過d咩...^^"
佢聽日好多野做呀, 仲要陪阿爸喎, 佢幾時變得咁孝順嫁? ^^