誕生

唔係同你講笑，M&M's朱古力原來起源自西班牙內戰！話說Forrest Mars在西班牙遇見一班食緊朱古力波的軍人，朱古力波外面有層硬糖衣包住，避免融化。亞Mars腦中閃出一句：『好有計喎！』，跟住就返家鄉發明M&M's朱古力喇！

M&M's朱古力出現於二次大戰，美國士兵鍾意到佢不得了。當時M&M's朱古力以硬紙筒包裝，可以隨身攜帶，又唔受天氣影響，所以成為行軍必備零食。1940年代末期，佢成功打入普羅大眾市場，深受大人同細蚊仔歡迎。去到1948年，M&M's朱古力轉形象，改用棕色塑膠袋包裝，從此成為經典。

在美國長大的日子

進入50年代以後，電視日漸普及，M&M's朱古力因此在美國聲名遠播。1954年，新力軍M&M's花生朱古力面世，同M&M's牛奶朱古力一齊打天下，勇創銷量佳績！同年，M&M's推出第一支電視廣告，裡面代表M&M's的角色話快咁快成為眾人偶像，而『只融口，唔融手』的口號仲hit到人人識背添！

同年，傳媒報導話某種紅色食物色素有問題，可能有害健康，雖然M&M's朱古力並無使用呢種紅色食品色素，但為一眾M&M'sfans食得安心，於是安排紅色M&M's朱古力退下火線，暫時脫離M&M's朱古力的行列。

  M&Ms 朱古力探索太空

1981年，駕駛第一代穿梭機的太空人揀M&M's朱古力作為補給品；美國國家航空暨太空總署仲將M&M's商標永遠放於『太空食品展示會』裡面添！去到80年代初期，M&M's開始推出一系列針對節日特色的產品，好似有Christmas出現的M&M's紅色、綠色朱古力，甚至有專為復活節而設的粉色產品。M&M's品牌的國際市場版圖，也在80年代迅速擴張至歐洲地區。