
" 鍾意一個人唔一定要擁有佢.. 只要你見到佢開心.. 自己就會好滿足.."
有陣時有o的野.. 係唔論到你話想點就點.. 對自己好o的.. 對身邊既人好o的 !!
我突然間懷念番一個老朋友.. 諗番起以前既情形.. 同佢好耐無見.. 無論o係任何環境..
佢永遠都係最突出果個 !
12.5.2001
人無理想是否等同一個空殼 ??
16.5.2001
人真係會變o家 ?! 我覺得我自己變左好多.. 好無奈 !!
20.5.2001
心態變左.. 無心戀戰 .. !?
26.5.2001
朋友既不幸.. 令我再次諗番起以前.. 曾幾何時我都....
31.5.2001
我變到咩都無所謂 ?! 所以樣樣都唔上心 ?!...
3.6.2001
朋友..好抱歉 !! 我無為你o普上名字..
4.6.2001
我而家先知道原來我仲 CARE ?!
15.6.2001
係咪因為佢倆個好似.. 所以我先有咁既感覺呢 ?! 又會唔會因為呢個咁既錯覺.. 而令我有呢o的感覺呢 ?!
24.6.2001
原來人真係可以好情緒化o家 ?!
25.6.2001
我覺得好困擾...
29.6.2001
我要澄清一樣野.. 一 我無驚.. 二 我喊係因為你對我好有壓迫感.. 次次一講呢d野.. 就變到咁.. 而唔係你所講既驚.. 三 我對你真係徹徹底底咁失望.. 原來我o係你心目中一路都係咁..
我呢一該真係好想大喊出來.. 講哂我想講既野...
4.7.2001
雖然話已經唔再care.. 但到左呢一該.. 個心真係好亂.. 唔知自己想點.. 亦唔知自己可以點...
5.7.2001
佢咁樣做分明就係可憐我.. 我最憎人可憐我o家...
6.7.2001
我真係好牟盾 ?! 一方面我唔稀罕stay O係到.. 但係另一方面又想捱埋半年佢.. 究竟點好呢 ?? 不過都唔論到我揀.. 選擇權唔O係我到...
7.7.2001
你的而且確睇得我好通透.. 睇透哂我曾經諗過既野.. 無錯.. 我承認我o係到逃避..
唔係逃避緊其他野.. 只係唔想去面對你.. 你令我感到好大壓力.. 曾幾何時.. 我真係想心平氣和咁同你傾.. 但係往往都無一個完美既收場....
10.7.2001
我既情緒幾時變到咁差o家 ?! 唉...
11.7.2001
有陣時你表面所見到既未必係事實.. 所以唔好咁早下判斷.. 我知道自己O係到做緊咩..
我亦希望你能夠了解...
17.7.2001
人人都咁講.. 令我更加覺得自己好不知所謂.. 我知自己都仲有少少care.. 但係我又唔take action.. 我而家真係唔知自己想點.. 我諗我自己真係打定輸數.. 所以先會咁...
26.7.2001
聽天由命...
31.7.2001
哈哈.. 今日係阿敏既大日子.. 好開心呀.. 收到六份birthday gift.. 希望陸續有o黎啦...
我好開心可以同o的好朋友傾住計咁等countdown.. 過我既生日..
呢個係我既第一次.. 希望我仲有好多個第一次啦..
多謝哂你地 !!! I Love All Of You So Much !!!
4.8.2001
8/8就到啦.. 講真我一o的都唔緊張.. 唔知點解 ?! 我呢年真係感受到無壓力個感覺原來係咁o家..
mud都唔駛擔心..
6.8.2001
放心啦大家.. 既然佢俾得我讀.. 阿敏一定會捱埋佢o家.. .
10.8.2001
我剛剛去完Australia旅行.. 我好威呀 !!
我親身抱過樹熊.. 餵過袋鼠.. 玩過四驅車.. 玩過o的叫"洗衣機"同"子彈快車"既機動遊戲..
完全對我無mud難度.. 哈哈 !! 我仲釣埋魚添呀.. 釣到條ok大既.. 幾威呀.. 成團得我一個釣到 jar.. 係咪好鬼叻呢 ???
27.8.2001
今晚好開心呀.. 七人幫罕有咁齊人去食韓燒.. 仲影左好多相添呀.. 遲d update啦 !!
31.8.2001
佢要走啦 !! 離開我好遠好遠.. 以前無mud機會見到佢.. 我都覺得佢o係度o家.. 但係佢而家要走.. 我覺得好似被人遺棄咁.. 好無奈 !!
1.9.2001
要離開五年 ?! 我....
3.9.2001
我想跟埋你去呀..?!
10.9.2001
願主祝福你.....
11.9.2001
要走既都走左.. 準備走既亦已準備就緒.. 我只能嘆句"無可奈何"...
13.9.2001
唔知佢果日會唔會到呢 ??
日子一日一日咁過.. 距離佢走既日子又愈來愈近.. 我只能夠戴點無奈...
真係好想同佢有張合照.. 咁我已經好滿足啦 !!
20.9.2001
我從來無諗到呢d事會發生o係我最親既人身上.. 佢講到好若無其事咁.. 令我感到好難受.. 可能亦如佢所講.. o係佢個case o黎講算係小事.. 但係我覺得任何小事終有一日會變成大事.. 我都唔知我可以做d咩... 世事真係變幻無常.. 願天下人身體健康...
21.9.2001
同老師既飯局.. 佢果然無o黎到 !! 講真我都估到.. 原來佢星期二就會走.. 連佢臨走前都見佢唔到.. 有d無奈.. 仲妄想可以同佢影相 ?!
22.9.2001
聽日佢就會走..! 好down.. 我今晚mud野都無做過.. 只係訓o係度聽住電台.. 我唔會同佢通訊.. 唯一既就係成日睇佢homepage.. 我而家差不多每日都會去睇下.. 呢一刻好想見到佢......
24.9.2001
佢終於無聲無息咁走左.. 唔知佢而家點呢 ?!
26.9.2001
激死我啦.... 我而家條氣超唔順.. 好興呀........
1.10.2001
我突然間好enjoy我既沉默...
5.10.2001
沉默對峙...
7.10.2001
長久作戰...
12.10.2001
無正式講野18日...
18.10.2001
班人真係bull shit...
20.10.2001
知道佢為左BS兩年後會番o黎.. 我竟然無mud特別既感覺.. 只係好想知道BS係邊個.. 咁意味著d咩 呢??
2.11.2001
我覺得好累呀.. 無力啦...
10.11.2001
去完camp等於一個小既總結 ! 跟住就再無藉口話遲d先發力啦..
18.11.2001
希望我身邊所有既人都開開心心...
30.11.2001
昨晨我突然醒來.. 出奇地無想再訓既念頭.. 我望住藍藍既天空.. 覺得好靚...
10.12.2001
我覺得我係有o的唔開心既.. 但係我又講唔出係咩.. 可能只係無mud起伏.. 太過單調..
不其然令我好迷茫...
13.12.2001
今日好surprise.. 因為收到佢既email.. 雖然唔係o的特別既野.. 更可能係佢多手所以send埋俾我 .. 但係我都好開心.. 佢仲當我係朋友.. 呢個係我一份好好既christmas gift !! 我已經好滿足啦...
15.12.2001
今晚平安夜.. 我地七個一齊出o黎打邊爐.. 周街逛.. 仲影左好多相添.. 又有禮物抽.. 勁正囉..
24.12.2001
哇.. 除夕啦.. 我地六個except旋旋.. 一齊落bar飲野till到countdown.. 好耐都無試過咁開心啦.. 我地仲傾到個mood好high.. 最美中不足既就係我要走先囉.. 勁無奈.. 一個人自己走出去.. 簡直無隱.. 不過我都好開心o家啦...
31.12.2001
好耐無浦頭啦.. 因為我down哂機囉.. 今日聽左好多從來無聽過既野.. 我想講既係.. 我唔會因為你地既對話.. 而令我去改變我一向既態度.. 咁樣我會覺得好無意思囉.. 我完全想走出你地既圈子呀.. 我可以嗎 !!
20.1.2002
勁搞笑囉.. 我同珍珍同碧碧居然坐o係出面食暑片.. 哈哈.. 諗起都想笑.. 但係都買唔到tickets睇Ocean's Eleven .. 無奈....
10.2.2002
唉.. 新年都係無無聊聊咁過啦.. 因為要mock.. 所以...
14.2.2002
咁又搞掂左兩科啦.. 好唔好都算啦.. 我亦唔想再提… 因為我無心機去做.. 無心機既原因係對成個學校既制度失望.. 對某d人失望.. 對自己都徹底失望... 我好鄙視呢間學校呀......
28.2.2002
今日你突然同我講話諗唔到我會考成咁.. 我知道你好唔開心.. 我見到你個樣.. 我好心痛.. 我咁大個人最怕既唔係俾人鬧.. 而係令我敬重.. 愛惜既人失望.. 呢個係我最唔想見既.. 但係我偏偏做左.. 唔係我唔想去做好d.. 但係我好似做唔到咁.. 對唔住.. 我知你對我地三個都好失望.. 我都唔知我可以再做d咩啦.. 不過我會再試.. 雖然已經無力.. 但我都會盡力.. 但係我真係好驚我會再次令你失望....
6.3.2002
重有一個月就AL啦.. 我仲未識得驚.. 可能因為今趟timing好正.. 可以俾我鬆少少咁囉...
20.3.2002
居然俾我知道d我唔知既野.. 我而家先深深發覺到原來人知道既野愈少.. 係會比較幸福o家.. 哈.. 個個都話對我有期望.. 咁即係點呀...
23.3.2002
俾我知道哂d results.. 感覺好平淡.. 心情無mud起伏...
25.3.2002
我想講既係.. 我已經對自己certified左.. 而家所做既只不過係盡責.. 從來無強求過.. 但唯一最唔想見到既仍然係唔想令佢失望.. 我彷彿做任何事都係為左同人交代.. 好無奈...
28.3.2002
麥Sir秘吸 "NEVER GIVE UP.." "不在乎成績高低 只在乎問心無愧.." 我都知好難做到.. 但係一步一步o黎囉.. 我都唔擔保最終會得.. "But if you haven't try.. you haven't live.." 至理名言呀....
30.3.2002
出師不利.. 全軍覆沒.. 對唔住.. 我又令你失望.. 真係好對唔住....
10.4.2002
我而家打緊一埸完全無把握既仗.. 好無奈.. 我感到內疚.. 但係我服.. 我甘心.. 我知道自己能力去到邊.. 又一次證明左我付出既同我得到既唔成比例.. 一次又一次既失望.. 令我覺得好心淡.....
13.4.2002
今日既一席話.. 睇到既係大家都大個啦.. 希望七人幫以後可以開開心心...
20.4.2002
o琴晚令我上左好重要既一課.. 件事o黎得太突然啦.. 我根本無時間諗野.. 但係我表現得好冷靜...
23.4.2002
雖然話暫時已經雨過天青.. 但係仍然都要keep住o家.. 祝天下人都身
體健康...
25.4.2002
好想快d搞掂埋個AL.. 可以理所當然咁出去玩.. 而家好悶呀..
考試對一個人o黎講真係一種精神虐待呀.....
1.5.2002
點解你地要搞到我咁苦惱呢?! 真係皇帝唔急太監急..
3.6.2002
佢好似七月會番呀..!! 好想見佢.. 不過我知道佢係為一個人而番.... 無奈........
15.6.2002
呢幾日又有人提番起我好想唔諗既野.. 有哂心理準備點解個心都係咁唔安穩既..?! 我驚我接受唔到.. 我連我自己都驚面對唔到.. 我好唔想令到我敬愛既人失望.. 可惜我做唔到.. 兩年前已經令我抬唔起頭.. 兩年後又會令我點呢..?! 無奈........
28.6.2002
用最平淡既心情去迎接今日既來臨.. 似乎係最佳方法..!!
5.7.2002
原來一個人收埋自己既感覺都係錯..!! 唔表現出o黎就等如對呢樣野無感覺.. 而家d人真係好睇表面呀..!!
17.7.2002
多謝你地俾我一個"狼狽"既生日前夕..!! Thank You....
4.8.2002
預料中既結果對我無mud殺傷力..!!
9.8.2002
點解你地要為我咁費神呢..?! 無回報o家.. 我真係唔想麻煩到人.. 我唔希望煩到人.. 亦唔希望人煩到我..!! 你話我自私都係咁話....
14.8.2002
終於都唔駛再爭持落去呀.. o係呢一兩個月裡面要應付你地.. 我真係好辛苦.. 不過而家mud都塵埃落定啦..!!
21.8.2002
美人.. 生日快樂 !!
22.8.2002
今次應該係呢個summer既最後一次meeting啦.. bigbig聽日就要同小東子去北京開始佢地既新生活..因為近幾個weeks都不停咁見到大家.. 所以搞到有d唔捨得... Take Care, big卿家!!
26.8.2002
我無意中知道佢既近況.. 竟然有少少開心..?! 我覺得我原來仲對佢有感覺.. 因為我居然可以o係dream度搵到佢個縱影.. 我都唔知點解.. 唯一可以俾我個解釋就係佢仍然對我有一定既影響力.. 佢仍然存在o係我心裡面.. 可能唔係無時無刻.. 但係當有必要既時候.. 佢一定係第一個令我諗起既人.....
9.9.2002
我好心痛.. 點解要咁樣對我..?! 我寧願唔好俾我知.......
16.9.2002
麥Sir真係講中哂.. 原來自己一路都係咁膚淺.. 我一直都放唔開.. 原來一直都係自己唔識得"珍惜"已經擁有既一切.... 麥Sir.. 你叫我做既野.. 我有做到呀.. 但係個感覺仍然好差....
19.9.2002
真係好想搞清楚我對你既感覺究竟係點既..?! 想人話我知但又驚個答案唔係我想聽既.. 係因為無人可以代替你所以我仲未放得低?! 定係我一路都無放棄過..?! 明知無結果既事偏偏要去留戀.. 人真係好犯賤!!
16.10.2002
我覺得近來突然間對自己失哂信心.. 明明一句好simple既sentences我都搞到好complicated.. 我都唔知點解..?!
17.10.2002
o琴日一度聽見羅文既消息.. 覺得好震撼亦好難過.. 覺得做人真係好化.. 無論你之前過左幾多關.. 但係始終都敵唔過天意既安排.. 一個健康既身體可以唔係理所當然.. 係要不斷咁去爭取而得番o黎.. 麥sir講得太好不過.. 我地根本無認認真真咁"珍惜"過上天賜俾我地健康既身體.. 呢個可能係一d人一世都無既恩賜..!! Roman既離開令我覺得所有野都變得一d都唔重要.. 我都唔知點解我會有咁深既慨嘆..?! 可能我仍然好好奇人離開後會去邊.. o係今年既清明可能因為太冷清.. 所以有好特別既感受.. 好想所有事都從未發生咁.. 如果可以番番以前.. 我一定會好珍惜!! 不過已經無可能呀....
19.10.2002
無意間俾我發現到佢竟然跟我用"朕"o黎自稱.. 我覺得好奇怪..!! 一方面o係度諗會唔會關我事..?! 而另一方面又自知無可能.. 世事係咪真係有咁蹺呀..?! Anyway.. 好開心可以同佢有一樣野相同..!!
4.11.2002
唔知點解本來想唔諗.. 但始終都要令我諗番起佢.. 究竟我想唔想擺脫佢..?!
23.11.2002
哈哈.. 我終於考牌成功啦...!!
27.11.2002
得你o係果邊.. 一定覺得好孤單...
30.11.2002
我實在好enjoy而家一個人既生活.. 可惜寧靜而愉快既時光總是短暫的...
22.12.2002
唔知點解今日突然間好無mood.. 我愈來愈覺得自己完完全全係雙面人.. 對住人係一個樣.. 得自己一個既時候又係另一個樣.. 咁係咪叫做假?!
23.12.2002
今晚相信係我第一次可以同你地玩得咁夜-2:30.. o係我屋企又打牌又打邊爐.. 個個都好盡興同好tired.. 但係我輸左成60蚊囉.. 無奈... 聽日兩位老人家終於番o黎啦.. 我 一個人寫意既生活又要回復原狀呀.. 真無奈... Anyway.. Happy Christmas~~
24.12.2002
Still remember the day we started this ambiguous relationship...
We once shared joy & happiness, grief & worries, that was one of the most wonderful time I had in life
Yet, what left behind was my tears & despair
People say time is the almighty healer
But it have not cured my wound, instead it has cruelly ruined my dream & destructed my only spiritual support
Though I do not regret becoz I love you...
However things go, I wish you joy & happiness
27.12.2002
2003年終於到啦.. 我,Amy同lily今晚無戲睇走左去唱k.. 仲迫左o係離times二條街果度等倒數.. 好迫好"局".. 不過好彩旋旋都有同我地一齊食個dinner.. 今年真係人丁單薄呀.. bigbig又唔o係到.. otata又忙緊.. 美人就... 唉.. 都無謂講啦... 希望新既一年大家都有新既發展啦...
1.1.2003
感覺到你既info充滿無奈.. 唔知點解睇完之後好有衝動去回應你.. 其實並唔係真正既回應.. 只係好想就你既心態去諗番起我對你既感情...
我知你而家既生活好痛苦.. 但係我只能夠同你一齊無奈而幫唔到你d咩....
9.1.2003
無奈.....
11.1.2003
又一個唔開心既消息.. bee gees既maurice不幸逝世.. 聽到之後好"心up".. 我聽左bee gees好多年啦... 屋企既唱盤成日都會播佢地既歌.. 可以話係由細聽到大.. 而家覺得好可惜.. 無啦啦咁就無左個有才華既人呀.. 唉... 無奈.....
12.1.2003
終於考完lu.. thx god !!
18.1.2003
呢個禮拜真係過得好舒服.. 無壓力.. 好enjoy.. 同退左休既老人家既關係比以前好.. 不過相信當我番番學既時候.. 一切又會變回原狀...
近期覺得d人好無責任感.. 應承左人既野不但無做到.. 仲連講聲交帶下都無.. 點解會變成咁o家..?! 所以我決定以後話一就一.. 話二就二.. 唔理啦.....
26.1.2003
快樂既日子總是短暫的.. 好快我既假期就放完lu.. 真係好唔捨得...
我都係覺得唔可以同呢個老人家太過close.. 一定要保持番d距離...
31.1.2003
你一路都未開心過..!!
1.2.2003
無奈的你.. 煩躁的你.. 痛苦的你...
8.2.2003
今日輸左成60幾蚊....
9.2.2003
祝"訓唔著既你"情人節快樂...
14.2.2003
惡兆的夢...
15.2.2003
睇到你近期d相.. 忍唔住張佢print左落o黎.. 我終於有你既單人相啦.. 雖然好粗糙.. 但我已經好滿足.. 知你而家o係果邊都有班friend陪住.. 咁我都放心d...
22.2.2003
同珍珍講完一大輪之後.. 又令我諗起你.. 其實我覺得我根本無資格去話人點點點.. 因為我連自己一直既問題都未搞得清楚.. 呢d咪就係識得話人唔識得話自己囉.. 但我又好清楚我對你既感覺係有d唔同.. 點講都好.. 一直沈醉o係夢度既係自己..!!
23.2.2003
今日過得好充實呀.. 放左學同同學仔走去打左2粒鐘badminton.. 出左一身汗.. 正!!
3.3.2003
今日收到result.. 總算過左關啦.. 好彩唔駛哂錢retake.. but不斷諗住一個問題--> 我而家既target係咩..?! HD or DEGREE?!
8.3.2003
今日落左堂突然間好moody.. 唔諗住番屋企so走左去書局.. 仲行左成個幾鐘.. 慢無目的咁.. 周圍搵d書睇下.. 無意中咁發現到顧老闆既一句 "算啦.. 計較得咁多.. 實在太辛苦了.."
我都想做到.. 可惜我既境界未去到咁高...
12.3.2003
你info講得好o岩.. 鐘意一個人最好要俾對方知.. 否認會後悔.. 但係sorry.. 我無咁既勇氣....
12.3.2003
o琴晚臨訓時諗起好多野.. 諗起過去既種種.. 覺得自己係一個衰女..點解我成日都咁"憫"..?! 當我做左d舉動o黎表示我既不滿.. 事後我都會覺得自己好衰... 點解..?!
14.3.2003
發覺到而家所有野都唔係必然.. 無論係一家人坐o係度食飯.. 睇電視等等.. 呢d都可以唔係理所當然o家.. 但係我地根本無去珍惜過.. 睇番而家同病毒作戰緊既人.. 正在幫緊大眾既前線醫務人員.. 佢地希牲左好多野.. 我好appreciate佢地既工作態度.. 你地要加油呀..!!!
24.3.2003
今日見有時間所以走番去以前住既地方度睇下.. 兜左一個圈.. 勾起左我好多回憶.. 雖然而家個單位係吉.. 但係好可惜都唔可以入去睇下.. 我徘徊左o係果度一陣.. 好想番番去以前.. 好想而家仲o係果度住.. 好懷念o係果度住既感覺.. 我真係想一路都無變過...
25.3.2003
極之唔想停課.. 雖然已成定論.. 但希望停課期唔駛延長啦..!!
今個3月真係多事之秋....
30.3.2003
太突然呀.. 完全接受唔到.. 今個3月究竟發生咩事呀..?! 點解咁多唔如意既事發生o家..?! 一個有才華既人就咁又走左呀.........
Goodbye Leslie...!!
1.4.2003
LESLIE既歌聲不斷咁o係我耳邊奏著... 好難過.. 好心up...
2.4.2003
旋旋, 生日快樂!! enjoy your birthday.....
3.4.2003
悲歎...
4.4.2003
bye bye啦 哥哥.. 知道當你走果一刻.. 所有人一路叫住"哥哥" "leslie"..
一路向你揮手.. 表示最後既道別.. 真係好唔捨得.. 好唔捨得.. 連o係電視機面前既我都忍唔住咁流下眼淚.. 何況係o係現場果d歌迷呀.. 永別啦.. 我永遠寵愛既哥哥!!
8.4.2003
抑鬱症帶來既禍害真係深遠.. 希望大家嘗試睇通d啦.. 雖然自己有時都真係做唔到.. 但係盡量啦..!! 終究所有唔開心既事永永遠遠都會長留心間.. 縱使傷口唔再留瀧.. 但個疤痕仍然存在..!!
9.4.2003
O琴日實在過得太充實啦..!! 10點幾俾人捉左去飲早茶.. 跟住又俾人點左去行山.. 足足行左2個鐘呀.. 然後又要飛的去join珍珍旋旋佢地.. 不過好彩飛的費可以o係麻雀�`上get back.. 我嬴左$106呀.. 從未試過嬴咁多呀.. 確係勁..!! 夜晚仲去食左餐好正而又好平既ruby tuesday...
but因為太充實既緣固.. 今日我成身好似俾人打咁.. 郁一下就痛一下.. 真係無奈...
20.4.2003
唉.. 今日朕被2個超級大衰人搞到四腳朝天.. 另外果個又唔幫朕.. 激死朕啦......
23.4.2003
呢兩日唔知做咩.. 無mud心機同人講野.. 又頭痛... 頭先見到佢update上網既近照.. 搵到一殺那既溫暖..!!
25.4.2003
唔知點解呢幾日對所有野都好不滿.. o係無對象渲洩之下.. 成日發自己脾氣.. 好憫陣.. assignments又迫住咁o黎... 好煩呀............
26.4.2003
實在唔知做緊mud.. 呢一頭話窮.. 另一頭又駛埋d無謂錢.. 今日仲無食lunch咁�t埋d濕碎錢.. 唉.. 真無奈..!! 發覺自己一時一樣.. 嚴重缺乏安全感...
30.4.2003
今日真高興.. 同姨媽舅父一齊走去西貢燒雞翼.. 跟住又去滿記食糖水.. 真係好耐無去郊外玩啦.. 確係正!! 不過由於曬完.. 番o黎雙臂痕癢非常..
1.5.2003
o琴日同bigbig珍珍lily旋旋去打馬吊.. 好不幸朕輸左少少錢.. 本來既形勢係輸得更多.. 但係朕o係尾果半粒鐘連嬴幾鋪6番.. 幫補左d..
哈哈.. 真係唔可以唔信.. 次次都係尾段發威.. 連上次嬴都係臨尾嬴o家.... 都咪話唔信邪...
4.5.2003
話咁快就o黎exam啦.. 真係快得緊要.. 自從考完mid term之後.. 都好似無mood上堂咁.. 而家仲加埋sars添.. 不過我都開始逐d逐d咁睇下d notes 架啦... 希望到頭來會有幫助啦..!!
5.5.2003
一盤散沙...
7.5.2003
個心好坦tick.. 係有d野.. 但講唔出口...
22.5.2003
而家呢個咩家庭呀..?! 好想走... 我幾時先可以走呀..?!
24.5.2003
激死朕啦.. 早知上次keep住佢唔帶啦.. 唔駛搞到而家又跌左.. 搵唔番呀.. 唉.. 今日份media炒左.. 絕對係個大大大兇兆呀.........
27.5.2003
冷戰再冷戰再冷戰..!! 今日份marketing都算係好過media既....
29.5.2003
Always got no confidence..!! 無得救架啦..!!
1.6.2003
終於等到今日啦..可以名正言順咁出去玩lu.. 所以一考完試就走左去睇戲+唱k.. 真係一次過滿足哂兩個願望呀..!!
6.6.2003
今日晨早(講緊既係已經11點幾12點)一行5人就走左去打馬吊.. 仲有特別嘉賓- Eric哥添.. 一打就打左5粒鐘.. 真係盡興呀!! 跟住落腳點係"紅螞蟻".. then又去許留山食甜品.. 簡直飽到嘔呀!!
7.6.2003
你鐘意點睇就點睇啦.. 討厭解釋.. 我一向都硬食你架啦..
9.6.2003
愈來愈覺得自己無mud朋友.. 好想搵人陪既時候.. 總係無人可以選擇.. 無奈..!!
12.6.2003
"沉默不語 不等於 沒有感覺 沒有主見.. 平凡淡然 不是沒在意 是不想刻意.. 平淡自然 不等於 未夠深刻 未夠真摯.. 不必口述我真心 留待你來發現" 寫得太好不過啦!!!
15.6.2003
原來都唔係我心目中咁興奮..
16.6.2003
今日收到一份早來了既生日禮物.. 好多謝家姐emily..!!
18.6.2003
真係激死我啦.. 踏長途機無tv睇簡直係人生最慘既事呀.. 搞到我... 不過都有度好.. 一個人要哂2個位..
原來自己搭underground都唔係好難姐.. 完全係under control呀....
21.6.2003
jet net..晨早6點幾就醒左.. 無奈..!! 跟住出左LONDON 飲茶 SHOPPING.... 咁又一日啦...
22.6.2003
今日第一日番工.. 無mud野offer俾我走.. 一個字 --> 悶..
23.6.2003
lana成日話我唔笑.. 好死cool.. 好嚇人... um.. 前幾日可能係.. 不過而家好d lu...
24.6.2003
今日自己一個番工放工.. 無左lana o係度.. 仲好!! 哈哈.. 無人睇住我.. 我反而好d架.. 一係就無野做.. 一係就要我入成幾百個data.. 想點呀..?!
26.6.2003
隻手好tired.. 今日由早打word打到放工.. 累死lu... 都係果句
--> 極唔鐘意寄人離下既感覺.. 好有束縛感...
27.6.2003
好開心呀.. 咁都可以俾我o係呢度搵到個bag.. lucky me..!!
28.6.2003
今日去左睇Anger Management.. not too bad... 咁大個女第一次去戲院睇戲without any 字幕.. 全程英文.. 但係都睇得明喎.. 勁..!!
29.6.2003
一個月既時間眨下眼咁就過左lu.. 都無咩野姐.. 不過就駛左好多錢囉..!!
21.7.2003
番o黎之後突然間有個好怪既感覺.. 有恐懼..!! 恐懼自己死左之後.. 無人o係身邊.. 得自己孤ling ling一個... 開始擔心..!! 唔知點解有咁樣既諗法.. 我話哂而家先係20歲.. 幾時得o黎老死呀.. 真係莫名其妙..!!
23.7.2003
今晚同珍珍.. c33去食pizza.. 然後去則公傾計.. 跟住又兜左幾個圈先搵到間健康工程食desert..
番到o黎收到result.. 總算又過左關啦.. 其實都幾滿意今個sem.. 不過overall既gpa就麻麻. 都係上個sem累事.. 要+把勁啦.............
24.7.2003
今晚約左兩位張小姐食飯聚舊.. 感覺ok啦.. 都無dead air既...
27.7.2003
今日好開心呀.. 一行六人走去西貢既半月彎游水+曬太陽+食海鮮餐+食滿記甜品.. 好耐都無試過咁充實去玩lu.. 半月彎真係好靚.. d水好清.. 不旺我地山長水遠塔walawala入去玩... 高興的生日前夕!!
3.8.2003
番左o黎唔夠3個禮拜又不知不覺駛左好多錢.. 雖然係駛左人身..不過真正受益既大部份都係我.. 唉!! 真係不得了呀.. 唔可以再係咁架啦.. 要忍..!!!
6.8.2003
一直以o黎.. 無人可以令我好放心咁將自己所有野完完全全.. 毫無保留咁表達出o黎.. 唔係話我對d朋友唔信任.. 只係... 其實我都唔肯定.. 可能我真係對佢地信任唔夠深.. 又可能係自己太保護自己.. 唔足以好free咁打開自己既內心.. 我先前講過.. 我內心係有恐懼.. 但究竟個恐懼係來自邊度呢..?! 我一直都搵唔到答案...
13.8.2003
一連四日既上海trip咁又玩完啦.. 大至上都ok既.. 最正係個hotel囉.. 幾grand.. 我地又游水又做gym又玩stream.. 簡直good呀..!! 咁平既trip都係唔好要求咁多啦...
25.8.2003
一連兩晚睇wasabi本小說.. "還未學懂忘記"真係令我好感動..!! 好感動故事中jeffery所做既野.. 最尾一幕既一句"放不下".. 亦深深感動我..!! 可能我自己都係 "還未學懂忘記".........
28.8.2003
一件突發既事.. 令我措手不及!! 希望everything is fine.. 我既恐懼又番黎呀.. "害怕孤獨"呢種感覺仍然好強烈.. 成日o係度諗.. 自己老左身邊無人無物會點呢.. 會點呢?! 唔敢想像...
1.9.2003
希望我身邊每個人都可以身體健康.. 最好唔好有咩bad news.. 我會頂唔順架....
2.9.2003
"不要活在過去.. 要活在現在.. 要夢上未來.." 我應該都可以做到既.. 不過需要一段更長既時間囉....
3.9.2003
o琴晚突然發覺兩位老人家真係老啦.. 無以前咁好精神呀.. 自己愈諗落去恐懼就湧住咁o黎.. 我都唔敢想像lu.. 唯有希望所有人都身體健康.. 長命百歲..!! 其實近呢年我既心態都改變左lu.. 變得唔想走.. 只係想陪o係老人家身邊....
5.9.2003
正一香蕉大學專業art錢學院呀.. 調mud鬼班喎.. 搞到又要重新識過d人.. 唉!! 真係幾難為我架真係....
8.9.2003
唉!! 同大姐傾計講到一個女人年紀愈大真係會有好多病痛.. 突然間覺得好可怕.. 想避都避唔到.. 整定架..!!
10.9.2003
今日PH同amy同lily去睇gigi套向左走向右走.. 覺得都唔錯.. 之前以為純粹係文藝片.. 點知都有笑位既.. 跟住就join埋otata同naomi去食din.. 果個老闆不知幾咁見談呀.. 臨尾不斷聊我地傾計.. 醒我地甜品(我都有俾番$5 tips架).. 又好pro咁幫我地影相.. 佢真係..?!
12.9.2003
今日第一日番學.. 已經有groupmates覺得我cool唔出聲.. 但係我真係無mud野想講.. 況且大家又未係好熟住.. 你想我點同你地social喎..!? 我真係好唔舒服呀.. 有講唔出既唔舒服.. 有野屈住透唔到氣.. 好痛苦..
16.9.2003
我唔需要為左討好人而令到自己唔舒服.. 更加唔希望辛苦自己而迎合其他人.. 根本無咁既必要.. 我只要做番我就得啦...
17.9.2003
原來做番自己唔附和人.. 自己都好辛苦.. 係前所未有咁辛苦... 番到o黎眼睛發洩左一輪.. 又同v記傾左一大輪.. 感覺好少少.. 解唔解決到就睇我自己點去balance.. 個波不經不覺又拋番俾自己..!! 而家先深深體會到原來所有野最終都係要由自己去做決定....
18.9.2003
在人前扮作輕鬆.. 其實辛苦自知...!! 人愈大就愈覺得屋企永遠都係最好既.. 係永遠既避風塘...
19.9.2003
今日好無聊.. 一個人好悶.. 兩位老人家去左泰國.. 要食自己..!! 落到街唔知食咩填肚.. 一d idea都無.. 真係"企"左o係度..!! 見到周圍都咁多人.. 好煩.. 唯有好無隱咁番屋企煲帶..
20.9.2003
我諗今日都應該係番學一個week以o黎過得算係幾好架啦.. 同姨媽舅母表姐妹去飲茶.. 可以暫時令我忘卻d瑣碎野...
21.9.2003
今日我向自己要求.. 盡量唔好俾任何人或事搞到自己辛苦.. 幸好我都勉強做到了...
23.9.2003
醒了.. 真的醒了.. 我已經開始接受個game rules.. 唔會再辛苦自己.. 原來自我催眠真係幾有用架....
24.9.2003
智者大壽.. 我地5個except otata去左鯉景灣蘇豪區食din.. 跟住又行去海傍.. 差唔多傾左成3個hours呀.. A Wonderful Night..!!
27.9.2003
今日同amy睇無間道2.. 發覺黃sir反而無上集咁smart.. 至於吳鎮宇都ok既.. 總括o黎講覺得麻麻地..
1.10.2003
發覺原來老人家個層次都幾高.. 佢唔會為一d唔再重要既人而輕易動怒.. EQ真係好高... 佢令我反省.. 要好好upgrade自己既EQ.. 唔好輕易俾人影響到自己既情緒...
2.10.2003
發覺自己正在自欺欺人.. 以為不斷咁催眠自己可以令自己好過d.. 可惜最終都唔成功.. 由day one開始已經知道自己呢年會過得好辛苦.. 只係一直奢望可以overcome哂所有既唔愉快.. 原來係好難架...
3.10.2003
今晚為預祝珍珍生晨.. 去左藍灣既"海藍島"食seafood buffet.. 跟住又去公園傾計送禮.. 次次既鋪排都是這樣.. 真想出去行下...
6.10.2003
同v記講開.. 發覺時間過得好快.. 唔經唔覺咁就過左3個幾weeks啦.. 感覺上好似無mud做過野咁.. 無奈..!! Just Let Go..!!
8.10.2003
近排有好多assignments要做.. 但係無心機.. 成個人好似懶洋洋咁.. o琴日聽到一個我對佢完全無好感既人講"我(地)好可憐".. 不過我feel到佢係真心既.. 聽到之後無反應.. 可能已經慣左.. 已經唔當一回事..況且都week 6啦.. 邊個仲會咁傻去計較呀?!
17.10.2003
今日無啦啦俾aunt拉左去唱k.. 仲由3點唱到8:30食埋飯10點先歸家.. 不過都好盡興.. 臨尾果兩個hours得我同aunt o係度.. d歌番唱又番唱.. 真係勁..呀!!!
20.10.2003
呢兩day唔係太舒服.. 軟腳蛇咁.. o係assignments緊迫之下o琴晚真係頂唔順.. 攤抖左無做野.. 完全體會到當病既時候.. 總係想有個人o係身邊陪下自己既心態...
24.10.2003
我覺得自己已經開始戀家啦.. 聽人講話當人愈來愈大既時候, 獨立左之後先會想家.. 想番番去以前同家人既生活.. 但我人都未真正既長大就已經有呢個感覺啦.. 係咪好搞笑?! 唔知點解愈來愈鐘意屋企.. 愈來愈想同親人相處.. 可能覺得老人家開始老啦.. 想陪佢地多d.. 對長大呢個過程真係又愛又恨...
26.10.2003
激死我啦.. 同d不負責任既人做野真係憫死我啦.. 唔理啦.. 做番自己算啦...
30.10.2003
呢個web page已經有兩年呀.. 由2001寫到2003.. 裡面記載住我好多既開心同唔開心.. 要close真係好唔捨得.. 但係凡是都有終結既一日.. 兩年時間話長唔長話短唔短.. 但真係要好有恆心先可以keep到.. close既原因大概係wasabi既一席話.. 佢講中哂我咁多年o黎既矛盾.. 就係因為咁而令我有close呢個念頭.. 不過我唔會停止寫日記.. 我會一路一路咁寫低自己既睇法.. 等大個左有個回味..!! byebye...
31.10.2003