你o地有無自己o既心願o架？每個人都有佢自己o既心願，如果唔知自己o既心願都幾可悲o架！因為做人會無晒目標，自己想點又唔知仲唔慘呀！咁我呢？我當然有自己理想心願啦！就係成為一個『成功藝人』喇！

係咪會覺得我發明星夢、貪慕虛榮呢？如果你係咁諗，點解會咁諗呢？係咪明星藝人o係你o地心目中係咁o架？點解我會想入娛樂圈呢？其實係由我細個開始講！我細個o個時，係幼稚園入面，每年都會有份表演o架喎！第一年係扮〝國王的新衣〞入面個騙子、第二年扮樂團指揮、第三年係跳蒙古舞！嘩，人仔細細o既我已經咁多演出機會喇！小學又如何呢？我會唔知點解走o左去人o地個D社區中心玩人o地D歌唱比賽o架喎！都有拎獎o架！仲有參加校際朗誦拎過第三、參加過學校D合唱團、仲有我係託管個度，人o地話劇招收演員，又唔知點解走o左去報名喎！哈哈！仲要收埋我添！係小學個時都唔知自己係咪鍾意，因為我都唔明我點解會去玩！

到中學，學校有話劇團，我又走o左去報名，之後又參加學校合唱團，但係已經無小學咁多o野玩喇！個時跟話劇團去參觀演藝Open Day，睇完人o地表演話劇，我先知自己鍾意話劇！我Enjoy係台上演出！我都參加過社區中心攪個D劇坊，做過劇中女主角，係一個街頭劇，對住街個度做劇，但係真係好好玩！又參加學校o既管絃樂團充當呢個Saxophone手，好好玩o架！因為要夾埋其他團員一齊演出！中五會考個年，因為我個Friend叫到我就去o左玩Yes!o既校花校草，第一次係雜誌影相！好開心，其實係成日過程都好開心！因為識到一班朋友，又可以去電台做節目！最緊要梗係有得踏台板嘛！到個時我先知道自己係有勁強表演慾！同埋自己好想做藝人！

為o左入呢行，我send相去magazine等人發掘，參加任何比賽，仲有99年港姐，入o左final 50強，之後咩聲氣都無！都參加過藝訓！又係無料到！唉！但係我唔甘心，我唔信自己唔掂！

就係因為咁，o係o黎緊o既時間，我會去學跳舞！充實自己！有可能會去學唱歌！希望有一日能夠達成我o既“心願”！

蘋果04/24(港姐面試次日水準飆升)   蘋果05/09(港姐佳麗投訴無法入圍)   蘋果07/27(亞姐颳起8號波！)