我的檔案

◇睇下我既簡介先啦!◇

           

大家好呀!  我叫做......全名唔講啦~  多數人都叫我做Amy既!  都有人叫我做亞美, 不過係呢個"亞",  唔係呢個"阿"呀!!  我屋企就0係九龍區啦!  學校就在中環區, 聽落好似好high咁,  其實真係幾high架!!  位於半山區, 日日都行到我死呀!!!  你話high唔high先?!~  我媽咪既受難日就係1984年12月26日, 咁即係我係12月26日boxing day生日啦!  記住喎!  我既嗜好就係人都知係唱歌同聽歌架啦!  我屋企長時間都會播住音樂,  真係"鄧"我隔離屋慘呀!!  哈哈~  我小學就係讀獻主會小學, 呢間學校唔錯架!!  校風好, 連學生都好純架!  hehe!  中學就係讀聖母院書院, 呢間學校呢, 就真係越黎越唔掂呀!  d學生越黎越不知所謂呀!  我入去讀0個陣, 雖然都唔算好好, 但點都好過而家呀!~ 而家就讀緊嘉諾撒聖心商學書院, 係一間秘書學校, 套校服好似麥記d公關咁, 成日畀人笑呀~ 不過呢間學校都好嚴架~ 入左呢間學校之後, 我畀心機左讀書好多, 雖然成績唔算係名列前茅,但都過得去啦!  總算係對阿爸阿媽有個交代先啦!! 我平時多數會行旺角, 因為多野行, 而且又平喎~不過係迫d lor~  溫書我就會去自修室, 因為有冷氣同埋我屋企成日都好嘈, 冇辦法溫到書! 我屋企好奇怪, 我爹地媽咪唔會迫我地讀書好緊, 就算同佢講我要考試讀書, 佢都唔會熄左部電視或者cd機黎就我, 所以人地d甚麼升中派位, 會考放榜既緊張心情同氣氛從來都唔會係我屋企裡面發生既!~  莫講話平時派成績表啦!  哈哈~  我鍾意既歌星有多架!!  有kelly, Avril Lavigne, 學而, 關心妍, 元斌同碧咸(呢兩個唔係歌星, 但都鍾意!哈哈)........因為我鍾意聽佢地d歌, 尤其是kelly d歌呀!!  不過講到我至愛既偶像當然係揚明啦!!!!  簡直無人能及呀!! 我最鍾意既卡通人物就係馬騮仔monkichi啦!! 好可愛架!!  最鍾意顏色當然係紫色粉紅色! 歡迎大家在icq add我, 我icq no. 127519062, email address: amymak26@netvigator.com