好快又到第二次o既聚會la ~ 係約定o既時間同地點, 我見到1/2、果步、izumi同第一次見面o既小鹿... 大家係等其他人o既時候就睇1/2"新鮮熱辣"到手o既[BR->RS](wah 信和買得 好平...比我地想像中平...) 一打開就見到ando o既古裝look ~超爆笑, 總之果 本o野就好正la ~:p 不久 ,羊都到o左la ,咁小鹿同1/2就唸住周圍搵下睇下見唔見taz同Emily, 又不久, 1/2就連同兩位新面孔邊返來邊說「我帶o左Emily o黎la ~」那時見 vitco 未到, 就打俾佢la ,點知...佢仲訓緊...於是, 我們就開始我們緊湊o既 旅程lo ~
第一站就係係信和睇[BR->RS]同d雜誌老翻咁...我們先向底層進發, 好快,
大家就去到果間o野la ~[老闆仲將本書放係櫥窗呢 ~真好 !!] 於是我們入去明
知故問地問個哥仔有冇果本書la ,佢竟然話得返一本 [莫非佢入得十本貨 ?有d
唔敢相信會咁好賣....:p]大家都唔知點算好 [因為唔夠我們咁多人分嘛 ~]於是
我們就係間shop o既門口"高談闊論"起來lo ~[唔知我們係咪過份興奮 ,大聲得
滯, 搞到個哥仔仲不時望住我地tim ...:p]大家都唔知點算好 , 因為冇o既就好
想買, 但係想買o既之前又係sogo 度訂o左wor ,不過1/2就話之佢死la ,一於買o
左sin ,sogo d人打o黎話有sin扮"查無此人",不過izumi就慘la, 皆因佢留o左屋
企電話, 避唔到 ~[不過, 果晚佢再打俾我, 話佢阿姨同佢拆掂o左...即係取消o
左 ~]到最後, 大家都冇為個果哥仔帶o黎生意, 就向上層o既老翻shop進發la ~
大家係各大雜誌shop、老翻shop 運吉之後, 離開信和, 向太子聯合進發...
於是大伙兒就浩浩蕩蕩咁向太子方向進發la ~不過唔知係咪今次"人多勢
眾"o既關係, 竟然同小鹿&Taz 失散o左 ~好彩, 呢個世界有手電, 而呢項偉大o
既發明又係香港極為普及, 於是, 我們就打俾小鹿, 發覺當我們仲係旅程中o既
時候, 佢地已經到o左聯合la ~
於是, 我們一伙人又再係聯合集合起來lo ~
去到聯合o既第一時間, 我們就
梗係買ando 做cover o既「Tag」 la ~大家都好興奮搞到"樂極生悲"la ~
[haha...誇張o左小小啦 ~]就係izumi付款過後就好急不及待咁睇下 la ~~事件
就係咁樣發生la, 佢一個"論盡"就整跌o左本雜誌, 之後, 就爛o左la ~[雖然只
係小小 ....不過係係ando 果頁都爛o左...]好想搵人地換過本新, 但係又唔敢
wor, [話晒都係自己唔小心整爛..]幾經掙扎之後, 都係決定同人家換la, 成個
事件o既main point就係呢度la ~
izumi :本書爛o左ar... [隨即打開果頁俾人睇la]
店員小姐 :咦 ~*幾靚wor* [~>就係呢句啦 ~個姐仔話*靚*ar... haha俾
ando吸引住la ...]
於是個姐仔就(竟然)換過本新o既俾izumi la ~之後佢仲*擰住本o野繼續睇
*ar.....
之後, 我們又向各大雜誌shop 進發la ~仲去d 賣相o既shop la ....
進攻完聯合之後, 我地又返去旺角o既懷抱la ~[事關大家又要去潮流特區可
以補購J-Point 果間shop , 但係大家去聯合之前又完全忘記o左wor ,行到半路
sin醒起...]期間羊[定係izumi ?!]就提議不如去影返張貼紙相留念lo ~於是,
我們就決定去完潮流特區之後就去la ~與此同時, Emily 都回家lo~
到達我們o既第三站[潮流特區]o既時候, 大家都有d失控...原本o既ando迷
聚會, 開始有少少變o左質, 變o左Johnny's偶像聚會[因為我、izumi同羊分別係
KinKi 同V6o既fans...:p]開始失控咁去睇佢地d o野 ~就係咁o既情況底下, 大
家又同小鹿&Taz失散o左la ~[可悲, 時常走失...]
到最後, 大家當然又聚返埋一齊lo ~[之後就好快樂咁生活下去....好似講 故仔, happy ending咁......] 之後, 我們就上o左去一間上樓o既book shop....有一d 日文o既舊雜誌[不 過有d亂葬崗feel.....]又混了一會, 就向有得影貼紙相o既銀城[廣場定商場?!] 進發la ~ 去到人山人海o既地庫.....我們研究o左好耐, 終於搵到個可以容納我們咁 多個人o既[貼紙相]機....不過 ,那時1/2又有電話wor ~小鹿同Taz又話唔影, 最 後, 都係得我同izumi、羊同實希4個影 ~[仲有我們o既"客席演員"~ando ~>其實 係擰住佢做cover o既Tag o者 ~]不過都幾歡樂 ..最搞笑係影完之後會有得俾你 們"加鹽加醋"gar 嘛 ~我們就唔知做咩 ,搞到一張就好多o野, 但係一張就咩都 冇...形成o左一個好強烈o既對比 ~(笑)就係影緊貼紙相o既時候, 1/2就雜我們 而去la ~(哭><)佢因為要上日文課, 所以講完電話就走先一步...係我們影完之 後, 小鹿同Taz 就同我們道別啦 ~ 就係咁走下走下 ....就剩抵我同izumi、羊同實希4個留守到底la ~因為實 希話想買套"番鹼", 所以我們又向信和方向駛去la .....[好似d的士佬feel...] 點知原來買老翻果度好麻煩, 又要等一陣[都成半個鐘gar ~]sin可以擰貨wor ~ 於是我同izumi就同實希係度等la ~而羊因為趕時間就唔可以同我們一齊等lo ~ 就係等o既時候, 我們又返去有得買ando本寫真o既shop度「望梅止渴」一下.... 到最後, 大家係老翻shop d哥仔點o黎點去之後, 終於都係交易*不成功* gar ~ 激死 !!要我們白等o左咁耐...因為實希o既"逃走路線"[即係歸家路線ar !!]同 我同izumi唔同 ~所以我們就係信和分手la ~而我同izumi就一齊搭地鐵....就係 咁 ~大家o既所謂聚會, 就曲終人散啦 ~ 後話 ~ 呢篇會後report 好難打ar !!因為我們去o左好多地方, 又同小鹿幾度失 散....d 人走下一個,走下又一個...加上唔係即日打 ~分o左幾日sin打晒, 有d 細節都唔太記得lu ~[haha, 我承認我有d痴呆o既 ~+_+]希望呢篇report唔會唔 順暢la ~~ 雖然中間有d唔係幾好o既插曲 ~不過, 講到底 ,呢個聚會都係愉快o 既 ~希望下次大家都會踴躍參與我們o既聚會lo ~^^~