13.08.2003 Wed.

今日雖然好黑仔......不過....好開心呀!!!!^^

一朝早....諗住去入境處換身份證啦..點知超多人.....攪到要返屋企網上預約......攪到28號先有得去整仲要去到觀塘o個間喎...

好啦.....之後, 返到屋企....睇一點鐘新聞先知原來自己部腦中左電腦病毒......攪到又要我去整....好彩整到我兩點幾出門口之前都算整好....

3點鐘準時去到九龍灣補習....補完之後, 就去左彩雲....搵阿珊傾偈....傾到6點到....佢話要上返屋企拎野...我就o係lift 口等佢...我o係度睇住玉宇樓......原來見到edwin 屋企o架喎.....仲見到佢件阿仙奴衫o係出面晒緊添....^^之後, 就去左荷里活廣場lu......未去到edwin 就打唻lu....^^ 佢o係大陸落返唻喇...^^佢話7點半o係尖咀等..我見有時間...所以就同阿珊行左一陣.....

之後, 我就7點半去到尖咀地鐵站o勒.....edwin 先仲o係旺角呀.....總知..我就行多陣啦......等左一陣...佢就出現lu...^^ 本身話去澳門茶餐廳食...點知要等位喎...跟住...edwin 就話九龍城間南記好食o勒.......我係記得好耐之前.....佢同我講話好想帶我去食o架.......我覺得佢應該就係話呢間lu....所以就行左去等巴士去九龍城lu....點知架26號鬼咁耐都唔唻喎....不過..唔緊要啦....^^

o係巴士度edwin 勁俾蚊咬呀...>.< 差唔多8點半先去到九龍城喎......食到好飽呀....^^ 之後, 行左一陣.....就搭小巴返屋企lu....^^ o係小巴度..我講左俾edwin 聽...今日唔係我生日咁簡單呀..^^ 佢越聽越驚訝...^^ 傻左.....佢d 反應好假但又好真....真係唔知佢攪咩..^^唔緊要啦...^^ 總之, 同佢一齊真係好開心.....今個18歲o既生日....第一次係男朋友陪我過......^^有個咁錫自己o既男朋友.....好幸福呀!!!!^^ 嘻嘻......琪琪成日都係咁話我....^^ 咩..「幸福小天使」呀..哈哈...好嘔..!!!^^ 唉.....最衰就係...佢同芷婷會o係琴行叫我做「全嫂」囉....^^ 都唔知好嬲定好笑呀.....

聽日又要返british council 喇....講真.....俾左咁多$$落去....其實教d 野都幾廢....如果唔係咁貴.....上完一堂之後就唔想再去lu.....