27.07.2003 Sun.
尋晚又訓得唔好lu....>< 12點幾訓...但其實都訓唔到.....>.< 可能因為edwin 啦......佢同佢friend 去左篤波喎...我又突然之間諗起尋日套戲....有野想問佢喎......我send 左個message 俾佢呀....不過......佢尋晚都冇打過過唻搵我...可能因為想等佢打唻...所以一路都係醒住.....冇訓掛...>.<
約左班friend 12點半o係太子地鐵站等........點知我10點幾先起到身....仲未執野喎......之後, 仲要等埋媽咪d 麵包早餐食完先出到去.....攪到我最遲呀....>.<
之後, 我地8個人就一齊搭地鐵去左中環...去中環搭船過南丫島.....拎住一大袋野食行緊過碼頭o個時....edwin就打唻叫我玩時玩....自己都要小心d o勒.....^^ 我梗知道啦...!!^^
一路搭船入去.....一路睇風景..傾偈...好快半個鐘就到左南丫島lu...^^ 2點拎屋...我地真係兩點去到呀...^^ 因為要俾$500 按金....我又o岩o岩有一張$500 喎..所以就我同sharon + 阿bee 去左等拎key o勒...都等左一陣先有得拎呀....阿bee 同sharon 就勁o係度話要同我傾偈喎...
入到屋....發覺個樓底好矮呀....不過...算啦.....我地諗住等冇咁晒先去沙灘玩...所以就留住o係屋入面先o勒...o係到睇「12夜」喎.....其實之前都o係戲院睇過o架喇....不過...唔記得晒d 劇情lu...不過.....今次睇裡面有一句野令我印象好深刻.....同埋我一睇就get 到o個句野係講緊乜喇....佢地就點講都唔明...可能係因為我自己衰過......所以知...o個句野係...「男人的尊嚴，是放在女人的其他男人身上。」經過三月頭o既o個件事...我諗我知呢句野點解...唔知edwin 覺得係唔係呢...??! 嘩...我記得我o係戲院睇...都睇到想喊.....今次都唔例外....都係想喊....>.<
睇完之後, 咁o岩香港對利物浦場波又踢完......liverpool win 6:0 呀......edwin 都應該o係屋企睇緊....
我地仲食左豆腐花呀...^^
之後, 我地就落左沙灘玩lu....我同阿屎阿bee都冇帶泳衣....但都落左水玩到濕.....嘩...不過...o個個沙灘d 沙勁拮呀...>.< 好痛...好痛...呀...不過....我學識左點吹貝殼呀...哈哈......笛子人點都一定要吹到先得....如果唔係真係有辱師門呀...之後, vicky 同阿屎就去左海邊係咁執d transparent 又圓圓地......質感有d 似牛眼裡面d jelly o既野喎...o個d 野好恐怖o架......一拎上手又猛咁滴水喎......總之....d texture 就好核突啦...阿yo 仲要將o個d 一舊舊o既野...排o係我手臂度喎....嘩.....個感覺勁差呀..>.< 之後, 俾我發現原來o個舊野裡面有d 白色o既微血管o個類野o架....應該係d baby 水母唻o架......但vicky 執左一大包返去呀...因為我地一齊呃佢話係可以用唻當eye mask 敷.....仲可以去黑眼圈添o架...哈哈...佢又會信o架喎.....笑死...!!
到到6點幾7點.....個天越唻越黑lu.....我地冇帶電筒..所以都要返去lu....嘩.....南丫島超多狗呀.....勁勁驚呀....!!>< 返到去之後, 一路打邊爐一路輪住去沖涼呀....
沖完涼之後, 就o係度睇「新扎師妹」我又o係戲院睇過......哈哈..今次睇依然覺得咁好笑呀...^^睇完之後, 就入左房lu.....阿yo 都入左唻訓覺.....所以就o係度傾偈o勒...哈哈.....今次去camp 又令我熟多一個人喇...o個個就係阿yo lu...^^之後, ava 都入左唻....出面阿屎佢地就o係度玩緊.....同個電視d freeze shot 影相...同吳彥祖錫呀...o個d....真係頂佢地唔順呀.哈哈.....仲可以玩左好耐喎,.,,,...哈哈...笑鬼死.....之後, 佢地12點到...落左去街玩...我同阿yo 因為怕蚊所以就留返o係度...
edwin 10點幾就訓左lu...佢聽日要返工工呀...今晚仲同佢d friend 出左去食飯添呀...其實我之前同佢講過..佢去邊..唔洗問過我....因為其實我都唔可以話你唔准去咁o架啦.....咁問我permission 做咩喎...但係...我都真係好想佢做d 咩之前都好....我淨係想知咋......我想知佢之後, 有咩做呀....>.< 其實有時...我就係會因為呢d 少少野...而攪到自己o係度唔開心都冇人知......等到過多一陣...自己又自然冇野...
之後, 我都冇訓lu....出左廳玩...等sharon 同阿yo o係房訓...因為sharon聽朝要早走返工呀....我地悶到o係度睇「冷靜與熱情之間」...其實可以話係播.....因為真係悶到出汁...>.< 我地6個人就o係床上面搵野玩o勒......阿bee 今日買左本fashion & beauty 喎....咁佢就送修甲呀...修眉d 野喎... vicky 悶到冇野玩o係度話要同我修眉囉......好犀利呀....好多個人一齊圍住我.....攪到好似做手術咁呀....哈哈.....有阿屎啦...toby 啦...仲有就係vicky 囉....佢地都咁問我痛唔痛喎...我覺得都唔係好痛o者...所以冇咩反應....但佢地係咁話.....好痛o架喎....好痛o架喎...咁...哈哈...都幾ok 呀.....出唻個效果...^^
之後, 又玩打電話...用左我個電話打俾人玩.....因為我電話有speaker 呀...哈哈...可以一齊聽....^^ 嘩....原來真係仲有咁多人俾我地攪醒仲可以係咁俾我地坤俾我地玩囉...哈哈....阿bee 真係好勁.....d 戲超好....其中得一個正常少少話「好支力呀」.....跟住唔同我地講之外....其他o個d 真係明乎其實o既口水佬囉.....=.=!
到到5點幾...玩到我電話都冇電lu....所以就訓o勒...嘩....6個人訓一張床囉.....勁勁辛苦....!!不過....過左一陣....之後, sharon 就醒左lu.....阿屎.ava 同vicky 就入左去訓... 我同toby 同阿bee 就繼續訓....
哎呀...唔記得左講d 好重要o既野添呀.......今日係我偶像王喜生日呀...唔覺唔覺又老一歲喇....^^我都o岩o岩好有一年冇見過佢lu......睇返junnie 更新o既靚靚網頁o個相同新聞....突然有個衝動.....好想再見一見阿喜呀.....>.< 好掛住佢添...!!
呢版就係我o係屋入面寫o既段...未完成o既日記...^^ 真蹟喔!!!^^ 曾幾何時...我對阿喜寫俾我o既真蹟真係珍而重之o架....宜家仲keep 住緊o係櫃桶...^^不過...我d 真蹟都應該冇人希罕o架喇....可?!^^.都係算把啦....