06.06.2003 Fri.

今日落雨雨呀....好彩我返到學校之後, 先開始落到勁大雨咋....好好彩....今日好鬼平靜呀......朝早同小息都好清靜...我亦都唔洗鬧人...^^

放學同erica , 阿杰...阿gil....jonathan 同阿揚食飯飯...哈哈....阿gil 梗係又成日攪事啦.....好鬼攪笑....^^

之後, 同左erica 去摩士游水水.....阿杰話返屋企擺低d 野又要唻喎......所以我同erica 就游住先o勒....嘩.....摩士d 更衣室整過晒呀...靚左好多..好多呀.....又乾淨喎......雖然游游下落雨....但我地都冇上水呀.....繼續游...游到要走先上水.....

游完水就去左樂富麥記飲野....哈哈....我又食左個朱古力脆筒喇....哈哈...好味好味....^^ edwin 本身話今晚要踢波o架....點知落雨所以就冇踢o勒.....之後, 佢約左我o係九龍城等...一齊去食飯飯.....不過..佢等唔到車...所以遲左好多呀.....見到佢之後, 好彩佢有帶遮jei.....^^ 見未肚餓.....又o係九龍城hea 左陣...之後, 就搭小巴返我屋企o個頭先食飯o勒.....

去左一間我都未去過o既舖頭度食....嘩....都唔係好掂....下次一定唔會再去....我一路行返屋企仲好肚痛痛添呀......

返到屋企都成10點幾lu.....仲沖左個幾鐘頭涼呀.....我出到唻...edwin 已經返到屋企+攪掂d 野喇.....犀利....^^

今日好開心呀!!!同edwin 一齊好耐冇試過咁開心喇....^^