28.05.2003 Wed.

今朝搭小巴返學校去到彩虹道o個時, o岩o岩見到對面有架21號呀.....我就o係度勁望架巴士裡面o勒....因為我估edwin 都係呢個時間度出門口去到呢頭.....不過....咩都睇唔到呀....因為架小巴開得好快呀....同埋o個時都就8點lu...唔趕就會遲到o架喇....今日到4號同14號落去樓下覆體溫呀.....14號就係我o勒...我落到去..阿火見到我喎......佢話又係你o既...咁喎.....我話係咩???..我第一次落唻覆檢咋喎...點會見到我好多次jei.....佢掛住我咪講囉...哈哈......^^

第二個recess o個時, 阿sir 入唻話要俾多幾題數我地做喎....狗糧就o係度猛咁同阿sir 理論..叫阿sir 唔好俾咁多喎...我心諗....你點講...佢話左俾..諗住俾....都冇人可以阻到佢o架喇.....咪由佢囉.....況且你邊有我咁神心...走去真係做丫....唔好俾我睇死你...你咪又係抄返唻交.....抄多幾題o者..唔洗死掛...所以我就即刻好大聲咁應左佢兩句o勒..哈哈....我講完佢仲要應返我喎,...咁我梗係唔同佢執輸o架啦......坳坳下....阿gil 就勁抵死咁話....你地兩個唔好吵啦.....雙嗌唔好口呀.....咁喎...哈哈..... 跟住阿gil 仲要同我講笑話....angel 你好英呀....好鍾意你呀..咁喎....咍哈.....

今日要做chem lab 喎....做完之後, 有d 時間俾我地玩.....erica 係咁玩我對手喎.....係咁話我對手好好拖喎...哈哈......佢摸到我想嗌非禮呀.....哈哈....跟住又話..佢要左我對手掌喎,.....哈哈....傻o架...!!^^

放左學....搵極阿珊都搵唔到喎....激鬼氣....>.<" 我搵到佢之後, 佢仲好意思話搵我唔到喎....好嬲呀!!! 之後, 佢俾左張單我, 我就同polly 過左荷里活廣場間東海堂拎big wing 個生日蛋糕o勒........跟住..就去左九龍城廣場間neway...同big wing 慶祝o勒.....o係九龍城廣場頂樓見到有間野成間個display 已經係有九成係阿仙奴野喇.....好犀利呀!!!!^^ o係o個度淨係食左一件蛋糕咋...佢地又將d 歌糟蹋晒喎....都唔係唱o既.....>.< 勁唔好玩!! 唱唱下k, 一個好耐冇搵過我o既friend 打俾我喎.....choir o既friend 唻o架.....佢今年考會考o架...我之前借左d 精讀俾佢...佢話宜家還返俾我喎....^^ 同佢都傾左成3個字呀...同佢傾傾下...edwin就打唻o勒...之前..打過一次俾佢....佢做緊野冇聽到....之後, 就返返k 房lu.....唱到5幾....就走lu...o個度d waitress 勁唔得.....有一次有個人拎野飲落唻喎....d 態度勁差...佢打算走o個時...拎住咪o既我, 已經問...嘩...叫咩名呀你....咁喇.....不過...佢唔知係扮聽唔到定係真係聽唔到....咁就走左喎...俾$ o個時, 佢地仲話俾tips 喎...唔係掛....咁o既服務態度仲俾tips 佢??? 點得o架.....最尾就冇俾到o勒....

之後, 送左polly 去搭車, 之後, 我自己都去左搭小巴返屋企...返到屋企..勁支力呀.....明明好肚餓.都冇理...就去左訓覺喇...訓到食飯...之後, 做左一陣功課.....edwin 7點幾先放工呀....9點幾我去左沖涼o個時, 佢話過隔離屋企....希望佢唔好攪咁夜啦..佢聽朝仲要上大陸做野....我就12點訓lu.....我訓之前都send 左個message 俾佢叫佢小心....

今日同polly o係度傾偈o個時..佢講左d 攪笑野我聽喎...佢話老土..就係old soil 啦....有路呢...就係have road 喎....即係「HR」啦...哈哈.....勁抵死!!!!^^