14.11.2003 Fri.
今日好開心呀...因為唔洗返學....一朝早起身......打俾edwin......因為今日lunch 可以同佢食呀...好期待....好開心....^^
我9點幾就起左身....諗住溫一陣書o架.....點知鬼咁肚餓....所以就出去睇下電視直播o既立法會...平機會o個件事o既討論....又聽下收音機...又食下餐.....攪呢樣....攪o個樣....攪完晒d 野都差唔多要出門口lu....約左edwin 12點半....
我11點45分先o係屋企出唻...我搭土瓜灣小巴呀......其實我唔識o架......我又驚遲到喎....點知...我又好叻地識落車...又識行去edwin 話o個間餐廳喎.....又o岩o岩好冇遲到呀......我o岩o岩好12點半去到...edwin 話要去拎$$ 先......叫我入去等....
原來佢係想我叫野食先呀...... 但我慣左有得依賴就依賴...所以連嗌野食...都要等埋佢.^^ 嘻嘻...... 今日我特登帶左部相機出唻...俾edwin 睇....我尋日影d 相相...^^
edwin 話佢成個12月都好忙呀....又要返學...又要做assignment....又要踢波.......佢一路講....其實我都真係有d 唔開心o架....我個心會諗.....「有咁多野做...... 咁我呢.....咁我點算呀....咪仲少時間陪我...比起宜家.....」......以前一個月見十次閒閒地.....最近o個一兩個月.....4.5次咋得.....>.< 其實都有d 唔開心....仲要勁耐冇試過同佢行街喇.....好想可以再同佢一齊行街街呀....
食完lunch....edwin 本身話唔陪我行過去自修室o個邊o架......但可能見我咀bean bean..所以就陪我過埋條馬路o勒.....^^ 我梗係即刻好開心啦.... 行過報攤..佢又攪事.....成日都係咁.... ^^ 雖然只係一齊行左短短一段路....但我覺得...我地就好似o岩識o個時咁開心....
我臨走先記得...我張八達通負左$$$.....所以要增值呀... edwin 就俾左張一百蚊我o勒.... 之後, 我就去左自修室溫書.... 一路搭lift 上去..一路諗返起....我之前o岩o岩識左edwin 一個月多dd o個時..我都曾經同佢一齊搭呢架lift... 好記得.... ^^ o個日都幾凍下呀....但係因為有edwin 而個心總係覺得係暖o既....^^
o係自修室......做左份phy o既AL question 功課.....有d 唔識....但都有好多係識o架.... 又溫左一陣......phy o既gas and heat energy....
到到4點5度...我就走lu... 去佐敦補習...我記得我曾經試過由o個度搭車落佐敦o架....但我又唔記得幾號巴士喎...所以就打電話俾edwin 問o勒.... 佢話係26號呀..^^
講講下...o岩o岩就有車o勒......嘩....雖然有少少塞車....但唔洗10minutes 就到佐敦喇......^^我早左d 去到...所以就落左地鐵站增值o勒....增值都係4點45 分度...我仲以為上到去要o係條又局又窄o既走廊等開門...但點知.....已經可以入去lu wor....^^ 勁好....
補完習....就返左屋企....edwin 今日要返學呀....佢話係開學禮呀....
夜晚同佢傾左一陣icq.....佢第一次同我講佢o既problem 呀......我覺得咁先叫有交流...我鍾意咁....星期一本身係第一堂....但因為佢哥哥結錉所以返唔到.....佢話好驚呀.....我突然覺得唔知講咩好.......因為我未見過佢咁....所以我就係咁講左d 支持佢o既說話... 一齊努力....!!^^
今晚o係icq 其實有d 野想問下edwin o架...係我今日o係沖涼o個時諗o架......就係...唔知edwin 其實諗住幾時結錉o既呢....我o既意思唔係同我....定點....係佢有冇諗過自己應該會o係幾多歲結錉o既呢...定係..唔打算呢.... ^^ 我唔係迫佢做d 咩決定...但我想知下...^^ 無聊....8 卦...^^
edwin 話要努力d 讀書....我一方面好支持佢...一方面好自私......所以我就同佢講..... 佢咁多野做.....咁佢會唔會唔理我o架....咁問佢... 佢就一句頂埋唻話...「咁你想點」....咁喎..我一睇到呢句梗係已經好d 想喊o既衝動啦.... 但我又突然諗起....可以話想一個禮拜至少見佢一次o架喎.....最尾...我o既建議順利通過.....希望佢唔係哄住我先啦... 我知道佢最醒就係哄住人先....但最尾都係做唔到... 我就會好唔開心o架喇...>.< 佢一話ok o個時...我本身想喊o既心情...冇晒呀.... 最尾都冇喊...好叻呀..!!!! ^^