網主近況
26/6/03-11/07/03
話說我去左日本旅行,不果係得我自己同我細佬去,都有d悶ga....因為佢好悶......成日都提唔起精神咁,攪到我都唔知點好.....都去左好多地方.....有迪士尼,餃子館(我仲以為餃子任食添.....心諗發達囉...點知唔係),NHK電視台 仲去左試下播新聞添,又去左築地食壽司.....見到d師傅好快咁整壽司......大約五秒一件.......,仲去埋富士急電機動遊戲,一個時速有172公里的過山車,好似由0加速到去172公里,都係3秒多dd咋.....仲有上富士山,又去埋地震館,試下地震的滋味,去埋宮崎峻博物館,同龍貓影相,不果可怕冇去到手塚治虫果個,而家講講富士山先,我地要係山腳搭車上到去2305米高的五合目(日本佢分左幾多幾多合目,聽阿哥講,最言係十合目)成個富士山係高3772米(要行6公里先上到去山頂),我地一開始,就去到五合目,跟住食d野填下肚先,就開始出發......不果....果陣已經開始落緊毛毛雨啦,唯有去買雨褸啦.....成$1200一件(港紙$70左右),跟住我地就開始上路啦...沿途都行得好快,但去到七合目,開始慢落黎,因為我細佬好累...要經常休息,大約五百至一千米,就會有間屋,俾我地休息下,不果只可以坐係出面吹風同淋雨,要入去就要最低消費(400日圓一碗面豉湯),我地一路行下行下,行左三個鐘左右就行到上去八合目(3200米)期間越行越大風大雨......我件雨褸仲整爛左....攪到好似丐幫咁..期間我地仲見到一個短袖人,因為佢著住兩件短由衫,一條短褲,就上左黎,仲同我地差唔多快添(富士山最高溫度8度)...最後去到八合目(3500米),我地就停左落黎,因為實左係太大雨啦,我地成身都差唔多濕晒,手套,衫,褲,襪,都扭得出水ge.......起初都係諗住休息一陣,等冇咁大雨再上去,點知就一休息就唔停,因為果陣零晨點零兩點,我阿哥同細佬都好累好累,唔想再行就入左去休息,但冇耐就俾人趕返出黎...跟住又去第二間休息,再後去到第三間,就坐到天光走人,跟住落山都落左三個鐘....有機會要再去富士山
(旅行的一少部份相)
14/1/03
咁快又過一年啦~~~~我而家終於捨得更新個網啦~但都係冇乜野想整~~~因為都唔知點入手好~~~講返聖誕同元旦丫~~~我就都幾慘的~~~冇乜野好做~仲要返工~~~........但當我果幾日要返工的時侯,我想起二千年之戀~~~入面的理德(中山美惠)佢又係要工作.........攪到我而家好鬼死想睇丫~~~好lu~~~~寫住咁多先~~~~因為而家已經2:32分啦......累到想死.............
7/8/02
今日放傍...............我有少少失望丫........得果8分..........8分都唔緊要丫~最緊要係我最得果科電腦,竟然得D .........唉.......我仲諗住可以拎C或者B ga嘛...............唉...............不果都唔差ge,都好過上年~~~呵呵~~~~~~~不果希望跟住又係咁好運,讀到 ive la~
14/7/02
今年生日都幾開心丫~~~雖然今年少左人同我慶祝,不果又有返一班舊同學同我慶祝啵~~~幾開心唷~~~~不果正日果日就略嫌冷清左d~~~得3個人同我切蛋糕,不果都好過冇la ^^" 跟住就同左佢地出去打機,我初頭仲以為有乜驚喜添.......點知冇.....不果我一開手提之後,有4個message send俾我啵~~~~係樹多謝佢地先(阿珊,cat姐,sarah,阿欣),仲有啜死你地先~ ^3^ 呵~~~呵~~~呵~~~~~
1/7/02
今日係7月1號係回歸慶典,我都冇咩慶祝,甚至我唔覺得有D咩值得開心同慶祝,我都唔明點解而家香港攪成咁,仲有心情同錢慶祝ge,可能我仲係一個細路la(@Q@19歲仲細.............)~最近都仲係沉迷打ONLINE GAME中,都冇乜做過其他野,甚至冇出過街咁濟(其實係冇錢出 ^^")遲D我會慢慢整返晒成個網ga la~連呢樹都攪攪佢~打算放個月歷係樹,咁咪可以自己chick返之前果D 睇low~~~諗起都方便唷~~~~今日寫咁多先~得閒同有興趣再寫~~~~不果呢幾日都會寫多d,因為我開始搵工做,寫下我d辛酸史倅人睇睇,等人同情下我~~~~呵呵~~~我係咪好怪le???竟然要人同情~~~我都唔跳點解~ ^^"
16/6/02
最近冇咩野做.............都係係屋企,發臭...........丫~~~唔係,我最近都有d野攪下ga~~~就係走左去做gym,希望練大隻d~~~同埋打機~~~日日都冇野做好似依時間表咁一起身＞刷牙＞洗面＞食飯＞睇下戲＞打機＞食飯＞沖涼＞打機＞訓覺.......日日如是.........又搵唔到野做啵.............慘慘丫......>_<
2/6/02
前幾日有封信寄左俾我,果封信係一封報名表,係奧運歡樂跑,今次跑4 km 咋~~~跑完仲有國際奧委會ge證書俾返我,咁我更係幾大都報名la~so我6月23又去會展跑lu~不果希望我報到名先la~不果最近幾日我病左............都唔知點好.......好鬼辛苦.......又未搵到野做.............冇$$睇醫生.............
27/5/02
今日係5月27號..........我考完會考咁耐.......仲考搵到野做.......都唔知點算好............仲諗住話買多部腦......我諗而家咁樣樣,都唔使旨意low~~~講返會考..........今次我諗都同上次差唔多ga la........都係得果5大分咁大把low~~~~大大話話我都搬左黎東涌差唔多一年low~~~到而家我都只係記得我隔離果兩棟樓ge名........其他le........呵呵~~我全部唔識,so成日都有人話我都唔知係咪住東涌ga ^^" 唉.............諗下諗,下我都有成幾個月冇跑過low~~~成日都係屋企發臭..........就黎臭到隔離屋以為有人死左la........下果遲d應該唔會,因為我報左器械健體訓練班(即係教你做gym丫)不果講真成日困你屋企都唔係想像中咁悶者~~~又有機打,又有人陪我icq傾偈,又有好多戲睇而家,而且我又開始整過一個新ge 版面(遲d得閒可能攪靚d呢到添)其實都幾忙下~~~ ^^而家開始個版面唔會再攪住low~,由得我做住一個努力ge學生先 ^^"
2/4/02
琴日係我一個好耐冇見ge舊同學生,大大話話都有成3-4年冇見過la~~~都幾耐下~~~咁佢就搵左我出去同佢一齊慶祝生日,初頭我仲以為係全男班la~點知佢地搵返兩個舊ge女同學出黎,初頭我都有少少突然,就係點解佢地會搵佢地ge???同埋佢地點搵ga???係成晚入面,我都好少出聲,可能又係我ge怪毛病la~又或者係我唔知有d咩好講la~成晚我都極少出聲~~~不果見返佢地又真係幾好ge~~~話晒都開始再熟絡返嘛~~!!!!我諗遲d我應該可以講返多d野,不果我諗都唔多得去邊~~~因為我係一個冇乜野講ge悶人黎ga~~~!!!係icq可能你地會發覺我有好多野講,但我一見面就少左好多ga la~我都唔知點解,希望快d同你地再一齊玩la~再好似以前咁熟咁好玩~ Friendship Forever(希望冇打錯^^")
23/3/02
今日同我個fd出去整電話同拿機票,咁我地一行3人,都唔知點去,後來行左上酒樓,以為果到有得上la~~點知冇ge,但入電梯時,有個人唔知佢有心定冇意la~~~我見到佢好似岩岩按完關門製,咁我即時問佢,你做咩唔按住個開門製,咁係mong kok,入電梯,冇斑由唔按開旯ga,咁多人,係咪先???咁我就同佢嘈左la~~~佢條女,就冇lala出聲,後尾,到左佢地出電梯時,我個fd就幫我,等佢地出電梯時嗚嗚咁聲(唔係喊)跟住條女就話樣衰,咁我個fd即時回應,話返佢豬扒姐姐,但條女唔知失聰定聾左~~~聽到我地講粗口,跟住條仔好似聽佢話咁衝左入黎打我個fd,即時俾我個fd擋住,我即時幫手,分開佢地,跟住條女入黎問我地做咩打交,跟住就唔俾我地走,話報警...............但............佢手提收唔到..........果陣我好鬼想笑~~~跟住又話搵佢阿哥黎..........唉.........d人真cheap又要收唔到,又要搵人黎..............後來又唔知點解改左又話只想攪平件事,唔想攪,大又話只係小事,做咩要攪到咁大件事~~~但全陪都俾我同我個fd講到佢冇野講............跟住俾佢搵到人la~~又話叫我地落下面傾,即時又俾我問返佢,點解要落去傾???而且而家有人睇住佢衝入黎打我地,有乜理由要我地落去傾,更何況我都唔想同你傾~~!!之後就話我地做咩要打佢條仔!!!跟住我個fd條女同我同我個一齊出聲話佢打人先,條女即時話我個fd條女吧渣,佢同兩個男人講野,做咩出聲,又即時俾我問返佢,咁我同條仔嘈,條仔打我地,又關咩你丫???你又出咩聲丫???佢即時冇野好講,都唔知點答我地,突然有電梯上黎,佢地入左去,就係咁叫我地入去同佢地一齊落去傾,但我地唔理佢,佢條仔就係咁拉住佢,好似唔想再同我地講咁,跟住佢地就落左去,我地都唔知點好,落去,又見到佢地,留係到,又唔知做咩,後尾都係落左去,係落去ge時侯我就諗更,佢地會唔會係下面伏我地等人黎le???點知.................落到去咩人都冇..............後尾咩事都冇~~~我同我個fd諗返,點解個男人唔出聲,仲叫條女走le???得出黎ge結果就係條仔驚,因為係佢出手先黎打我地,咁佢一定俾人告,我地仲諗更佢係唔係police,因佢ge身型似,so我諗多數都係~!!!而家d人真係咩品都冇,陏d就打黎打去又call馬,都唔知咩人黎ge,真cheap,我地都大意左,冇諗過後果,如果佢地係黑低ge,就麻煩,好彩而家都冇事~!!! ^_^"
10/3/02
今日又走左去跑長跑~~!!!今次跑ge係adidas 大路之王,d人都好鬼死勁~~~!!!又有d學界接力啵~!!攪到我d時間亂晒!!!佢地係咁奔係咁奔,好似唔使$$咁~~~!!唉..........今之又拿唔到第一............(其實係冇可能拿到~!!hehe!~^^")不果都好ga la~今之又快左~~49'xx攪惦,對我黎講都唔錯ga la~~下年再跑ge時侯,我就唔係青年組la..........有少少膽心,d公開組ge人好鬼勁,驚佢地仲勁過青年組d 人~~!!!!V︵V
7/3/02
終於都1000人la~~~都幾開心ga~~~^ v ^本來諗住轉埋個近況先溫書ge~~~但冇乜時間,唯有等考完會考先轉la~~~~
4/3/02
今日終於都考左mork oral la~~~我覺得我唔識多ge~~~!!!!今日又唔知做乜鬼,咁好雅興,剪左個7頭,一返到屋企,就俾我細佬潤我,佢問我係唔係掛第7,搵左個7號師傅剪.............V︵V 我3月10號又有得跑la~~~今次跑 ADIDAS 大路之王 !!!好開心丫~~~可能你地覺得我係傻ge,咁辛苦ge運動都玩.......但當你過人ge時侯,係好鬼死開心ga~~~就快會考LA...........而家仲未溫書..............今年都係死得ga la~~~!!!!=.="
24/2/02
今日我要去跑渣打10 km賽~~~~我之前一晚(即係23號),唔知點解訓唔著~~~可能係我緊張得濟掛~~~到左5:00,我就起身出發la~~未去到尖咀,我已經見到好多人la~~~佢地個個都係去跑ga~~~嘩..............真係多人到丫~~~~到左7:00左右,我同我個fd就去左起步點,我同佢當時,應該排第50行左ga la~~~到左7:10,起步la~~~d人慢到丫...................阻住晒.....................早知就排前d la~~咁就唔使俾人阻住,一起步,我已經要係咁起勢咁追人la~~~大大話話都追左成幾千人~~~追到人果個feel le~~~真係好鬼開心ga~~~!!!!由一起步一路追,追到最後一條上斜,我已經開始冇力la~~~開始俾d人追過返 la~~~,但後尾唔知做乜鬼野,我又追返佢地,見到終點時,我又冇力................又再俾人追返...............好彩係得一個追到我咋...........如果唔係.........我都唔知有冇證書拿丫~~~不果最後都好好彩,我跑成503,都跑win成5500人~~~~又跑得快過琴日ge時間,快左成一 min(51'05),係地識到我,係唔係感到好自豪le??? hehe~~~~!!!跑完之後,我有兩之差d跌左係到...............我果兩隻腳抽筋抽到.....................發唔到力咁濟~~!!!辛苦到丫..............而家都唔知幾時先好返~~~其實我今次真係好好彩~~~咁都跑到503,之前,我都唔敢有咁ge成績!!!諗住,唔使跑尾,已經好開心la~~~!!!聽完我講,大家有冇dd想跑le???有ge話同我講丫~~~我一定陪你地跑ga~~~~
23/2/02
今日終於試左自己跑唔跑到10 km~~~果然得啵~~~我而家覺得自己好叻唷~~~~haha~~~!!!跑運動場跑左成25個圈..............跑到死下死下咁..............但跑出黎都唔錯丫~~~跑到52'05~~~聽日就要跑10 km la~~~~大家祝我完成佢la~~~~可以完成,我已經好開心low~
22/2/02
就黎要跑渣打10 km la~~~2月24號丫................ts us ke te..........要6:00出到尖咀..............點出丫............東涌出去.....咁咪要5:00起身..............呀...............救命..........丫.........呢排唔知做乜鬼野......我竟然死走左去睇小說,而且仲睇晒成本,而家睇多一本........我一定變左........平時,掂都唔掂ga嘛......平時~~叫我睇小說好似叫我去死咁.....而家唔知做乜鬼野!!唉........!!琴日又係我最愛ge一個女人生日,大家估下佢係邊個(估中冇獎)???佢就係我個好靚ge婆婆la~~我都唔記得佢幾多歲lu~~~~大家快d一齊祝佢老人家生日快樂,青春常駐 la~~~!!!聽日跑我一生人ge第一個10 km,而又冇一到,我可以計到有10 km,所以聽日會有一個最憎係運動場跑ge人,死走左去運動場跑........跑成25個圈,希望跑出黎時間,唔錯la~
18/2/02
今日係我哥哥返日本ge日子,一早,我地就送左佢去機場,一直都冇事ga啵~~~但到左佢入閘ge時侯.........唔知佢同我媽媽有冇夾埋la~~~~佢地一齊喊左出黎丫.............我地都唔知點好~~~~根本冇一個人識得哄人.............睇到佢地咁樣樣我本來一d反應都冇ga(可能你地覺得我冷血 la)...............但我自己都唔知點解會咁樣樣~~~我自己都有諗過我究竟係冷血/cool定冇表情le???我諗左好耐.....後尾先諗返,我係有表情,但我自己............唔知點解自發性唔想喊出黎~可能係因為男仔要堅強ge理由掛(係唔係好老土 le???)之後我心諗,如果有一,日到我做人老豆,我就算點傷心都好~我一定唔會喊,因為我諗如果連我都喊埋,咁到時我ge另一半咁點???咪冇人安慰佢low(雖然我自己覺得唔識安慰人)但都好過一齊喊,最起碼我都可以比個心口佢丫~~!!!令佢有一d衣靠,感覺上冇咁徬徨~~!!
15/2/02
今日個日本人要走la~~~~有少少唔捨得佢添~~~!!!!雖然識左唔夠一個月~~~但唔知點解~~~發生d咁ge野都係第一次咋~~~本來想送佢機ga..............但我果晚成4點先訓.........又要5:00起身,邊有精神.........最後都冇送到佢機ga~但送左佢出門口~~~最衰就係唔記得同佢影返張相......................
14/2/02
今日係情人節........係一個冇gf陪ge情人節...........諗返起,唔知點解今個情人節.........好似好孤單咁,可能冇人陪掛~~~而且又諗返起中3果年ge情人節..........同我第一個gf過~~!!!好似過個情人節特別唔同咁~~~真係唔知點解~~~但今年ge情人節都幾特別~~~就係因為我同我最love ge女人一齊過la~佢就係我婆婆la~!!!仲有一個岩岩識左冇耐ge日本人~~~日本人原來唔係個個都咁減濕ga~~~佢好好人ga~~~叫三蒲慎治,我諗佢唔介意我講佢個名出黎ge~仲教左我好多日文~~不果我都教左佢好多廣東話~!!!
10/202
好耐冇寫過野la~~~~之前我哥哥由日本返黎~~~今日成家去左飲茶,又唔叫埋我去~~~都唔知有冇攪錯ga~~~正衰人黎ga~~~!!!!飲完茶我哥哥同佢個日本fd去左山頂玩~~~咁我悶悶地咪去埋low~~~~佢地都唔知係唔係專登ga~有乜理由星期日去中環ga~~~貪果到多賓妹咩???都唔知佢地係唔係想睇實妹先楝今日ga~~~~~上到山頂~~~個日本fd好攪笑~~~成日係咁講救命丫~~~d音又唔正喎~~~聽到時好攪笑~~~~佢一講我地成班即核笑~~~仲要成日講果下死喎~~~~幾個鐘頭之後終於行完山頂................跟住就返左屋企lu~~~!!!今日我又學迫左幾句日文la.................但轉頭冇耐.......我就唔記得左lu~~~~hehe~~~!!!!
30/1/02
嘩之前勁凍丫!!!!大家有冇凍親le???凍到我就死咁濟.................都唔知我個fd點ga~而家又話可能唔使去旅行喎,今日又去左練跑la~~~今次跑出黎仲快左添~~~我細佬之前話我越跑越慢.........(估話呢d係運動員一定遇到ge事,其實我都知la~)但而家俾我更加快左(今次時間35'49)~~~~haha!!!!!正到丫~~~~佢俾我串左好耐唷~~~呵呵~~~!!!!講返學校個pk郭,佢由開學到而家都未鬧過我一次,唔係因為我乖啵~~~係因為佢咁耐想鬧我時,都俾我窒住佢,由開學到而家佢都未騎過我唷~~~呵呵~~~~!!!!!而家個網ge更新情況都差唔多la~~~好快一次過up load~~~
22/1/02
本來今日有好多野想寫ga......................但我返到屋企.........已經咩都唔記得晒lu............^.^",我之前報左渣打10公里賽,我琴日終於收到信la~~~~叫我去攞號碼布,好開心有得跑唷................但...........我俾人放飛機丫.........V︵V 好慘慘唷.................唉..............本來諗住有人陪下我跑GA嘛......點知...........佢又要去旅行啵..........正衰人黎ga!~~~~~!!!!舍衰人去台灣......今次一定叫佢買一份好大份ge手信~~~!!!!當係陪罪都好丫~~~~!!!!!
20/1/02
今日凍左好多丫~~~大家有冇凍親le?就算有,我都幫唔到你地lu~~~^_^"我遲d會轉埋呢到~~~到時會易睇d~~~不果好難整唷~~~有掛攪而家終於攪惦個xp咁濟la~又多返d時間同大家傾la~好開心唷~~~~^0^
19/1/02
今日由早到晚細佬都係到整更win xp,攪到我冇得用................都唔知xp有咩好?冇野好做~~~咁就去疽練跑la~~~~跑出黎都唔錯~~~又快左la~~~~好開心唷!!!!!(^_^)今次跑到38'43都唔錯丫~係咁跑,越跑越快~~~希望下次仲快就好lu~~~~
16/1/02
今朝差d抄車(好險)~~~~我落斜時冇煞掣,諗住,咁樣快d嘛~~~~但.........咁早有對頭車.............好彩佢行得慢~~~我見得快又反應敏捷~~~~冇事~~~但都抄左上肩位,但我就一d事都冇~~~~真好彩~~~~~!!!!返到學校又俾個pk郭煩.................我就最怕人煩ga la~~~~咪同佢撐到衡lwo~~~遲d俾個內容你地睇~~~!!!!但...........到我返屋企時,就見到有一灘血係果到~~~~~9成9有人抄車la~~~仲要好大鑊果隻喎~~~!!!!返到學校又俾個pk郭煩.................我就最怕人煩ga la~~~~咪同佢撐到衡lwo~~~遲d俾個內容你地睇~~~!!!!今日又去左練跑,今日ge時間,都唔錯~~~~唔知係我上次狀態唔好定咩丫................今次跑到ge時間,竟然係40'16(以我ge知識,快咁多,對一個運動員黎講,簡直冇乜可能)實在快左好多~~~~我估多數都係我上次ge狀態唔好ga la~~~(想下次跑ge時間係39分)希望得la~~~!!!!由於又要練跑&溫書,所以會少左up date~~~雖然我都冇乜點up date ga la ^^",但我好快會一次過改個成個網咁濟~~~!!!如有不便.sar 聲sorry下(不果我諗都冇咩不便ga la~~~咁少人上黎~~)
13/1/02
今日要見家長~~~我都估到個死人班主任講咩ga la~~話我maths 唔得,佢自己又唔諗下自己點教先~~~唉...............咁就俾人做左一鑊.............不果算la~~~到最後咪又係俾我同我媽媽講,到好似佢唔岩咁(但真係佢唔岩)~~~之前報左名參加渣打10公里賽,今日終於開始練習la~~~十分辛苦!!!一跑,跑多以前一倍路,但成績都唔錯~~~都好d(大約有8km,用左44'55)都差唔多la,係咪????但跑完之後...............成對腳,好似想斷咁........十分辛苦~~~就好似落左地獄咁!!
7/1/02
今日終於決定左寫埋個網址la~,之前實左太過唔想寫la~,明唔明點解?就係我一幫佢地寫完,佢地就唔會左up date ga la~,咁樣寫左,浪費晒d心機,俾你,你都唔想寫la~~~係咪???但最衰又答應左佢地幫佢寫喎~~~,又冇可能冇信用ga~~~,佢又就黎交喎~冇辦法唔寫(我要今個禮拜寫好個網)..........唉............又拉傷對腳..............十分慘&痛~~!!!
2/1/02
轉下眼,咁就一年la~~~今年真係發生左好多野,有唔開心亦都有唔開心,有後悔亦都有堅決ge事,開心ge係我又識多左fd,有一d更加係好fd果隻,有d由最初好熟,跟住冇咁熟,而家又熟番ge好兄弟,你可能唔當我係,但我當你係已經得la~~~~希望唔會冇左你地幾個好兄弟la~~~~後悔同唔開心ge就同一件事黎ge...............就係考唔到我想考ge野,都怪自己唔溫書la,掛住玩~~~~~~~攪到考唔到,真失敗!!!!不果都好,起碼而家學識珍惜機會,唔會咩都唔理,大過左~~~~識諗左~~~~但而家都仲係掛住玩,可能我估到我自己今年會考又唔得掛~~~,我ge願望都係實現唔到ga la~~~就算要實現,都要兜好大個圈,但我會盡力做到為止,希望有多d fd支持我la~~~~!!!講番今,日我勁瘀,以為今日要返學,點知............今日唔使返...............仲要晨早起身...........唉...............不果俾我發現,原來我屋企附近有條馬路好靚ga~~~成條路都種晒紫色ge花~~我諗如果有一個塊田,種晒,呢d花,一定仲靚!!!!!最後希望各位新年快樂&進步!!!
1/1/02
今日終於睇左千尋la~~~~實左太好睇la~~~~今日勁眼訓,但又訓唔到喎~~好慘................今日又用左成$100,跟住返學都唔知點食飯lu..........冇銀兩.................電話又趺爛...........媽媽仲要唔肯俾$我整添......今日黑仔.............
21/12/01
今日有一個X'mas party~,但我唔係咁想去..........就算去,都想遲到,因同d同學都冇乜兩句~,都唔知同佢地講咩好~~~~但之前一日又俾個pk點名要幫個女仔手攞沙津返學校~咁就唯有返la(點都要有少少Gentlemen嘛,雖然佢就唔靚女)...........點知........果盤沙津輕到..........早知就唔使幫手la~仲要吹成幾個字風.........d風又凍喎.............著左成3件衫都唔夠丫~之後返到學校我都冇乜點理d人ga la~~~玩玩下就過左隔離班~好玩好多~有個阿sir就送左份聖誕禮物俾我,等我鬼咁開心~~~,但果份禮物係一個地球儀.........對我 一d用都冇.......佢都唔知點做丫sir ga~~~不果算la~都好過抽獎,抽到2盒紙巾.............之後返到東涌有人叫我出去唱k,咁就又再出去la~但我成車都訓覺^^"今個聖誕都唔錯~冇想像中咁悶~~~都算幾開心ga la~~~~
12/12/01
今日轉左首歌,呢首歌實左太好聽啦~~~~但都幾冷門下,我周圍搵都搵唔到............終於俾我係佢地個網搵到啦十分開心~~~~~^0^,隊band叫S.E.N.S歌名就係Forbidden Love(二千年之戀ge片尾曲)~~~~各位都聽下丫~~~~
8/12/01
今日見完一個net fd!!!第一眼見到......佢俾我ge感覺係好cute~~~~除左cute我搵唔到第2個字形容到佢.............佢都幾好傾~~尤其是我又唔係咁多野講呢~~~~,因我之前都見過一個net fd.......但見到時,我都冇乜野好講~~~~可能果陣我地見到時都唔知搵咩講好la~~~,但今次就唔同la~~~雖然都唔係講左好多野,但都算幾好傾~~~佢都幾玩得~~!!
5/12/01
呢個已經唔再係日記啦~~~~應該叫.............近況~~~~今日睇完留言版.....點會有d咁既事發生??????如果整好我miss 同阿sir個網,我一定係呢個網整一個連結俾大家去睇睇~~~~,因呢個網已經令到我冇左好多同朋友傾偈ge時間....而且又令到我maths統測得歷史性新低......得12分.............岩岩睇左個網,係一個警察整ga~~~~佢好叻,全部都用左flash咁濟,相比我呢個網.......簡直..........唉..........都係唔好講啦~~~~
23/11/01
唉.............今日又俾人鏟,請假又俾人話,個死人班主任都唔知咩事,傻傻地嫁!!!我年年冇去陸運會都冇事,今年冇去,就衰左,又要見訓導,又要呢樣果樣,麻煩到嘔呀!!!而家我會開始update番我個網架啦~~~~,不果我最想都係快d可以改果d排位,一次load太多野,要好耐時間!!!
21/11/01
越黎越少更新個網添~~~,成日都要測驗,根本冇時間,就死啦~~~成日都測驗,3日唔埋,2日就測驗,首先就小測,跟住就統測,都唔知點溫好!!!
15/11/01
都好耐冇寫過日記啦~~~我覺得呢本唔係日記黎既,因為都唔係日日寫既!!!!而家咩都知到結果 lu,我咩都 考唔到啦,可能因為我太渣啦(但我估9成9都係因為我太英俊啦),而家黎更,更加唔得閒,又要溫書(今日先測完中文同bio),又要操體能,仲要幫我miss同阿sir整網頁,一人一個呀~~~佢地好懶呀~~~~不果算啦,佢係我讀書咁耐最fd既miss同阿sir,佢地好好玩嫁!!!!!我咁叫佢地佢地都唔發火既,我覺得呢d miss同阿sir好正!!!不果教書就差d~~~~~
5/11/01
嘩,今日差0的遲到呀~~~~死人地鐵公司丫~~~~聽日又係咁佢就死!!!!今日lunch勁正,先徲一個煎餃子,再黎一個雜錦炒烏冬,跟住就係粟米蛋花巾(唔好意恩,唔識打,用左個冇咁好既字添),勁正呀~~~~~!!超好食~~~~!!!!!!!!仲要全部都我自己煮嫁,我唔可以唔講一句~~~~~~~我真係太叻仔啦~~~!!哈哈...........聽日仲要去police面試呀,希望得啦~~~!!!
4/11/01
唉~~~,十分慘呀冇左個舊ac.!!!!攪左幾耐先add番晒所有人呀!!!haha...........不果,咁樣又俾我減左好多無謂人(有60幾人呀,佢地add左我又唔同我傾,都唔知做咩既~~!!!!如果我有add你咁你就係好既fd啦~~~~!!!!!遲0的又要改過個日記格式啦,我覺得而家呢個格式有0的唔係咁好~~!!!!本來仲想更新個wallpaper嫁,但有0的技術問題更新唔到~!!!
3/11/01
網主被迫用過另外一個icq ac ,各位快0的add番我丫~~~
2/11/01
咁又一個月啦~~~,話快唔快,話慢唔慢!!唉也!!今日個頭病到死呀~~~!!!仲要死撐返學!!!死啦,個頭就爆啦!!!>_< 我個中文miss都唔知係唔係既~~~,叫佢幫我寫個自我介紹,佢居然話要寫3日喎~~今日問佢攞,佢竟然即時寫俾我,你地話呢0的miss要黎有咩用丫~~!!!唉~~~~~!
31/10/01
哈哈~~~~!!!!過埋今日就係呢個"綠色牧場"既1個月生日啦~~~!!!咁岩又係萬聖節,祝名位萬聖節快樂!!!!我又突破自己紀錄啦,連續寫左日記3日呀~!!!!係唔係好傻呢,但真係有種好開心既feel嫁!!!!!呢排唔知發咩癲,勁想食凍餅~~~~好多生果0個0的呢!!!!好正嫁!!!美心0個0的就冇咁好食,太普通啦,反而聖安娜0個0的就好食好多~~!!!!真係好正嫁~~~~~!!!!之後又有排忙啦!!!!我要幫我以前個miss整hp呀,仲要12月俾到佢添,真係忙到嘔茄呀!!!今日又換左snoopy MTR ,都幾得意下喎^_^!!!!
30/10/01
今次係我係一日入面最遲寫日記既一次,11:45,今日都唔知做咩事!!!有線又上唔到網喎~~~~!!!真黑仔!!!打佢果個死人熱線,可以打成個鐘先有人應,你話低唔低死丫????而家寫寫下,又有隻死人蚊攪住晒,針到我鬼死咁"恆"!!!too bad ^.^
29/10/01
唉....................今日心情好down呀!!!點解我要有近視~~~~~!!!累到我冇得考消防~~~~~!!!唔得!!我要去醫返好0的近視左考過,但我冇$呀!!!點算好????唯有做住差佬先啦!!!!今日去考消防順便去左無印良品(我有好多fd都講左優の良品)成日俾我串^_^,無印良品俾我想像中細好多!!!冇也野買(仲好貴添呀)不果0的禮貌好到不得了,可能係日本人既關係掛,所以貴少少都值得既!!!!
27/10/01
有好多野做呀~~!!!!又要操體能,又要讀書(仲未溫書^_^),又要打機!!!!唉~~~~根本冇時間~~~~~~~!!!!!而家仲要溫新聞添~~~如果唔係點pass police 面試!!!!其實都幾想唔左寫呢個hp嫁!!!都冇人上黎既~~~~~!!!!寫黎都冇用~~~!!!!唔知點好(仲寫唔寫呢個hp)
26/10/01
HAHA~~~~!!!又一喜訊~~~~~我考警察體能又pass啦!!!跟住仲要面試!!!!希望跟住既消防考試都pass啦,始終我都係想做消防多0的,因為可以更加挑戰自己既極限~~~!!!今日十分開心~~~!!!!^_^
24/10/01
嘩~~~~!!!!有線寬頻簡直垃圾,到而家都上唔到網,cheap到嘔呀,仲話一直在線..............天呀~~~~~~~~又有試考啦~~~~!!!
19/10/01
今日有個奇遇呀~~~~我俾人調戲呀~~~!!!今日搭MTR時,有個8-9age既女仔走黎叫我,俾佢聽MD喎,咁我更係唔俾啦,我都唔係一個咁隨便既人,咁佢就再攪我個shirt袋我就撥開佢隻手啦,但佢好似越攪越開心咁係咁係到攪我喎(幾想鬧佢呀,但係我太過好人啦,竟然唔鬧佢喎,我選擇左避佢)勁慘呀~~~!!!佢攪完我,仲攪其他人添呀~~~!!!佢都唔知係唔係有病嫁,我幾驚佢又左黎攪我呀~~~,到時都唔知點算好呀~~~!!!總之今日就黑
仔啦,今晚仲要破財呀~~~!!!又有人生日呀~~~~!!!!0的錢就黎洗晒啦~~!!!
17/10/01
今日又咳到痴肺~~!!!好慘~~~~寫唔到啦(有邊個可以救我呀???)
16/10/01
唉~~~~今日勁辛苦呀~~~~!!!!由朝咳到晚,就黎咳到痴添~~~!!!係咁辛苦既情況下,我都新增左個下載區,私唔可以唔讚自己一次,我太強啦~~啦~~~hahaha~~~~!!!!
14/10/01
同一個朋友慶祝完生,日都幾開心,但.....................星期5仲有一個fd生日呀~~~~~~~~~今個禮拜又冇錢使啦~~~~~~好too bad呀!!!!!聽日又要俾封請假信個pk班主任,又唔知佢會講咩啦???唉~~~~今年十分悲哀~~~!!!!
13/10/01
今日去左網吧打機,0的人cheap到丫,你勁0的都boot你走呀~~~~,真cheap估唔到0的人喧渣既,唉~~~~跟住返屋企,攞信時.............俾我發現一樣野............HAHAHA~~~~~~~!!!!!!就係我有信呀,仲要係2封添呀~~~.......我終於知道咩叫雙喜臨門啦~~~~~,我有得考police,又有得考消防.勁正...........俾我考到呢,我一定唔讀書,仲一定串到個班主任死(佢唔死冇用呀)~~~~~~,HAHA~~~~~睇佢仲有咩講~~!!!
8/10/01
今日又好艱咁過左一日啦~~~~,勁辛苦尤其是果個pk郭,又吹水~頂佢唔順呀~~~~~,成日都係咁,無端端又會講美國既,想話美國唔岩,又唔大聲咁講,淨係識得同我地講,又唔知自己煩喎(係煩到嘔果隻)~~~~~~,有佢做班主任都唔知前世做左0的咩壞事,唉~~~~~~~,以後有掛崖~~~~~!!!!!
7/10/01
我呢世人既第一次冇左啦.....因為今日係我第一次寫日記咋~~都唔知寫咩好~???個wallpaper靚唔靚呢??我超鐘意~~!!今朝早又冇也野好做,去左睇"絕世好BAR"......嘩..........超好睇呀~~~~勁攪笑!!!今日寫住咁多先~~!!
^
按此回首頁