2003-07-05 - 12:13 a.m.
放榜
A-Level 放榜, 考得好唔好, 唔開心既事不想記錄
2003-07-3 - 11:25 p.m.
放榜前夕
今日係放榜前夕,
超驚超擔心, 但其實o羅咩成績, 係好係醜, 自己大概都心裡有數. 但始終都唔係好放心, why??? (ans: 唔知呀! )
要面對既野始終都係要面對..... 唉~~~
**謝謝鋒
sir 帶病相伴 & Henry “長途”慰問
Thanks~~
已盡人事,
唯安天命. 祝我好運吧!
2003-07-2 - 11:27 p.m.
憂累
今日留左響屋企, 頹廢足一日, 擔心足一日, 仲有唔夠 48 小時就放榜. 結果係點 ...
大概都心裏有數...唉
~~~ 但到底我應該repeat(自修)
抑或讀副學士/HD?
我諗左成個月都諗唔掂,
關乎一生前途既決擇真的不易做,
但我只係“靜”返幾日考慮,
因為如果真係repeat,
我唔想等八月先開始温,
唔想再
“side”多一個月.
如何決擇?!
下午馬會打電話比我叫我 8/7 去interview,有得in 理應開心, 但我即時諗到既竟然係“如果佢真係請左我, 我又repeat, 咁點算?!”因為佢雖然叫做 part time, 但佢係由朝頭早八點半做到夜晚八點半, 冇時間温書, 但而家諗下, 請左先算啦!
看來今日太多“如果”啦!搞到自己好唔開心添!
我要開心!!!
2003-07-2 - 1:33 a.m.
七 ∙ 一
今日係七 ∙ 一 ,
對我黎講有一個非凡既意義, 呢日唔單止係我第一次遊行咁簡單 .....
今日... 我體驗到香港人有幾團結, 今日有三, 四十萬人抱著同一信念上街遊行, 我見到佢地有幾齊心, 有 d 人帶埋自己整既 banner 黎~~
好用心 ; 有 d 老人家唔怕辛苦唔怕迫 ; 另聽到 d 因為返工或者身體會唔舒服而唔黎得, 雖然佢地唔可以親身黎, 但佢地擁有同一樣既 spirit.
我諗, 其實大家一路都已經有呢個共同信念, 只係被政府迫得太緊先 show, 呢 d 唔係叫做 "官迫民反", 仲可以叫咩?! 我諗董生都係
"唔見棺材唔流眼淚" ga la. 但另一方面, 要做到 "民間直選" 又談何容易?! 唉~~~ 香港既政治未來 ... 到底會係點 ???
請恕我不太樂觀.
************
轉 tone ~~~ 回復正常 -- 閑話家常, 但繼續 < 七 ∙ 一遊行 >
趣事篇 ~~
1. 之前睇電視見到有個 "大學生" 響加拿大 major Econ, 讀完返黎香港竟然做掃垃圾工人,
今日響百德新街迫緊既時候居然竟然間比我地見到佢響度推住架垃圾車返緊工, 真 surprise! 個世界真細!! 咁都撞到. 佢個樣真係好 "pei"
(<--取音), 堂堂一個大學生, 真係咁甘心?! 唉 ~~ 睇見都心 "up", 點解香 港會搞成咁?!
2. 因為師父不太舒服, 所以行左 d 就冇行 lu, 不過好彩過左一陣冇事啫! take care~
另外好奇怪, 今日好多人唔舒服, 繼師父之后, 有阿 Queen, 鋒 sir 同 Angela. 一眾人仕, 請小心身體, take care~~
be strong !!!
3. 地鐵超級爆多人, 平生第一次搭地鐵由九龍塘去銅鑼灣要成兩個鐘頭, 勁! 連地鐵上面 d 燈板都 short 埋.
今 day 真型 !!! ... ^ o ^ ...
^^^^^^^^^^^^
夜晚同佢地返沙田食元氣, 都幾 good ar. 之后仲去左一條冇人既走廊狂影相.
總括而言, 今日有意義得黎又好 good.
~ 開心
2003-06-30 - 11:16 p.m.
昨天、今天、明天
沉日係正宗既
family day, "玩"得好開心呀! 不過因為返到屋企太倦, 冇力打diary, 11點幾就訓左 lu ~
沉日一早同 daddy, mummy, 成日寸我既阿叔 & 嫲嫲落新達飲貴茶之后出左旺角行街街, 第一站去豐澤買我想買好耐既數碼相機 ---
DSC-P2, 雖然個形號係舊左 d, 但係已夠我用, 買靚 d 我都唔識用, 咁費事買咁貴 "side" $ 啦 ... (唔係自我安慰ga~!),
之后仲買左衫.
沉日一行六人 (我地四個 + 我阿哥個女朋友 + 我阿叔) 買左勁多野, 之后 join 埋鋒sir 響新世紀食金牛宛 ~ 越南野, 好好食 ar,
不過都幾貴.
好耐都冇試過全日family day啦 ~~ 開心 ! ... ^^ ...
沉晚睇師父 diary 先知佢原來有睇我個 diary ga woo,有 d surprise. 佢讚鋒哥哥整比我個 diaryland 靚呀,
hehe~~ 好開心呀!!!
至於今日就同鋒sir 雪國 again + shopping, 食得多, 開始有 d 厭 lu ~~
聽日七 ∙ 一
, 去遊行
2003-06-29 - 1:35 a.m.
新 diaryland 開幕
燈燈燈櫈 .....(各位自己佩音, 唔該!) 冇錯今日就係我呢個新 diaryland 開幕既大日子啦!!!
係我既好好男朋友鋒哥哥整比我 ... 呵呵~~ 真開心啊!!! ... ^^ ... 很滿足啊!!! ... hehe~~~
多謝鋒哥哥 !!!
(P.S. 其實個 diaryland 未整好晒, 仲有 d 野未係好 ok,不過~~ 我已經急不及待地用啦! hoho..... )
... ^ o ^ ...
************
今日連續發生左好幾件特別事, 真係十年唔逢一潤
話說今日係樂道畢業禮既 "大日子" 喎, 為左返去特登買枝 "黑彩" 黎噴返黑個頭 (p.s."黑彩"已經係出晒名極黑) 噴左成兩枝,
佢地已經話我個頭極黑, 但居然都仲入唔到校門, 激死人!!! ... >< ... 最激氣就係第一次佢話我前面ok 后面啡, 但第二次佢竟然捉我前面,
話我前面啡, 癡線架! 都唔佑佢點捉架!! 挍到我平身第一次抗課, (雖然佢唔計)早知係咁唔噴 & 唔返好過, 蝕車 $ 不特止, 仲挍到我 d 頭髮極旱,
我第一次只係洗濕洗順 d 頭髮要用成四五個字, 激死!!! 噴完之后又挍到 d 頭髮成個蓋咁喎! 勁核突!!!
... >< ...
不過今日返唔到唯一蝕左既就係o羅唔到個服務獎銅獎, 上面有董太同林鄭月娥簽名, 雖然董太個簽名就唔係好"恨", 但因為張野有認可性,所以都有d開心o既~~ 廿世冇o羅獎lu ~ (上次係F.4)
另外今日好難得地見到彩虹, 好靚架!!!
今日真係好開心 ar.....
但係... 植仔就黎走 lu, 雖然唔係識左好耐, 不過真係唔係好捨得, 一去就 n 年, 有排冇得見, 人到咁尚下年紀就總要為自己前途而鋪路, 唉~~~
諗起都恢, 仲有幾日就放榜,唉~~ 點算?!
我既生日剛剛好係佢走或者末走既擲界日, 唔知佢到時仲響唔響香港呢?!
