2003-10-14 - 12:17 a.m.

原來阿 Queen 有 (睇) 我 diary 架喎~~!! 好 surprise 添~~ 哈哈^^

Thanks~~

2003-10-13 - 11:27 p.m.
surprise~~

因為唔係好想返屋企, 所以自己一個人響樓下個商場行左一陣, 估唔到咁都居然有收穫喎~ 仲係一樣本來都冇諗住添置既野......... 就係護膚品啦!! 仲要係一個我從來都冇諗過買既牌子添! 哈哈~~  雖然我自知我係果 d 好易耳仔軟既人, 但千萬都估唔到我居然會比人 sell 到喎 ~~!! 好 surprise 添 ...^o^... 唔知 o 唔 ok 呢?! hehee~~~

************

頭先睇阿 Queen diary, 佢話佢發夢見到維尼, 唔知果個係咪我呢?! 如果係既話都幾搞笑喎~~ ( + 開心, 因為顯得我地位 "超然" 嗎!! 一個唔係識左好耐加唔可以話好熟既居然可以走進佢既潛意識, 哈哈^^)

2003-10-12 - 10:59 p.m.
難忘的一餐飯

好耐都冇試過全家人一齊坐埋同一張枱食飯 lu~~ 唔係阿哥要返 part time 就係我去左温書夜晚唔返黎食, 難得今日有機會一齊食飯, 大家都顯得好開心, 媽咪仲煲左我地最鐘意飲既湯同鐘意食既 "送"  ~~ ^v^ ~~

難怪有句俗語話人容易得到既野唔會珍惜, 以前晚晚都會同枱食飯, 但大家都唔會覺得係 d 咩, 但宜家冇咩機會就好渴望, 人都是如此?!

2003-10-11 - 11:58 p.m.
Happy day

哈哈~~ 今天好開心呀!! 因為今晚去左玩^^ 不過注明我今朝有去温書架!!! 絕對冇偷懶 ^o^

我己經好耐都冇去過玩啦~ 日日都係去温書, 唔係就係去補習, 好想哎救命 ><"

今晚去又一城雖然唔係行左好耐, 但係好開心 ar!! 仲去左玩具反斗城度 "狂歡" 添呀!! hehee~~~ 雖然 d 鋪頭已經開始 "山", 但係都唔係好捨得走, 因為過左今日又唔知幾時先再有得去玩 lu~  不過既然簡左 repeat 就應該預左係會冇得去玩, 唔可以讓自己有半點後悔! 我要說服自己..... 我冇簡錯!!!

************

今日係金城武生日, Happy birthday to him~~~

2003-10-10 - 11:49 p.m.
Sharing

From Cheresse's info...

人長大了，就不會再像小朋友般天真無邪，也不會像他們那麼容易快樂、容易滿足。他們笑的時候很真、哭的時候很響亮、害怕的時候會顫抖、憂慮的時候會恐懼．．．就是那樣自然、那樣老實的反應。曾幾何時，我們，都擁有過這些老實。

為何，長大了，就會忘記怎樣笑、就要忘記怎樣笑？

2003-10-09 - 11:35 p.m.
疑團一....... hehee~~

今日好攰呀~~ 不過為左「他」同「她」, 所以都打 diary 啦!! 睇下我幾好人~~!! 呵呵^^

都好 n 日冇打diary lu~~ 因為每一日既「節目」都係一樣....... 就係去自修室温書勒!! (不過今日叫做有 d 唔同啦~~ 因為去左 HKU) 所以每日都拖住疲乏既身軀回家, 之后就 Zzz... lu~~~

************

Thanks F u n G ~~~

************

之前出名成日都唔駛食野既我, 而家居然會自動叫話去食野?! haha~~ 到底我以前係唔識肚餓丫, 抑或係真係成日都唔會肚餓?! ............. 呢個係一個謎................. 哈哈..............!! 不過諗返起都有 d 恐怖 (強調係有 d 咋!!) ...^,^...

2003-10-04 - 08:43 p.m.
苦笑中.....

剛剛睇完 03 年各大院校收生既 median 同 lower quartile, 好驚...!! 高過 02 年好多, 最恐怖就係好多既 lower quartile都居然會有 A,仲要唔係最 top 果三間 U 同 top 開果 d 科喎!!! 死啦~~~ 今年都唔知簡咩好, 突然之間好驚添..... 點算?! 唉~~~ 唔知係咪因為舊年考得好差既關係, 睇完 d grade之后, 我覺得今年入到既機會好似仲微咁, 開始有 d 驚 repeat可能會係一個錯誤既選擇, 點算?! 唉~~~

2003-10-04 - 02:53 p.m.
請冷靜一點 !!

豪哭了一場又一場 .......

都只怪自己愛胡思亂想~~~

2003-10-01 - 11:58 p.m.
我百分百正常架 ~~ !!!

Haha~~期待已既今日終於到來, 今晚響旺角新世紀既一間日本餐廳度食 dinner, d 野都 ok呀!! 仲叫左好多野食添^^ 有壽司啦~~ 有冷麵啦~~ 燒魷魚筒啦~~ 雜錦天婦羅啦~~ etc. 好豐富呀!! 不過每碟既份量略嫌少左 d , 所以都比較適合少人多 d !

因為温完書出黎既關係, 所以成晚都藕藕地又成日卒眼, 仲挍到成為一陣子既焦點人物添!! ^,^

************

繼比人話 " low b" 之后又比人話 "鵪鶉" 同 "痴痴呆呆", how come?! ... >< ... 我唔係呀!!! 人地今日攰所以先唔出聲 ja ma!! 仲有我個人本身比較文靜同鐘意細心聆聽丫嗎!!! 唔得咩!!! 太卑鄙啦你地~~!! 哼!!!

**我係百分百既正常人黎架 ~~ !!!

2003-09-30 - 11:11 p.m.
hehee~~

Yeah~~!! 我有實質進步呀!! 佢地約聽日下午唱 k + 夜晚食飯, 我居然可以抵受去玩既引誘, 推左唔去唱 k, 夜晚先 join 佢地一齊食飯, yeah~~ 好開心呀!! 聽日一定要早 d 起身早 d 去自修室, 如果唔係就枉費我推左個咁 good 既約會啦~~!!
...^^...



2003-09-30 - 09:39 p.m.
我以后會記住架啦~~

呢期唔記得帶電話出街既頻率好高, 最近一個星期己經有三日唔記得帶. 好彩我唔係出黎做野 jack, 如果唔係就真係..... Ha!Ha!!
...^o^...

************

聽晚又有得見佢地啦!! 呵呵~~~
期待中.......
~~ ^^ ~~

2003-09-29 - 11:24 p.m.
Surprise~~

有一 d 人同自己唔係太熟, 所以一直都以為自己不大關心, 但直至佢被問題煩擾, 先知道原來自己有幾緊張佢, 雖然佢發生事以黎我連一句問候都冇送上, 但唔知點解我每日都會自動自覺去 update 佢 info同 diary幾次, 睇下佢既最新動向同最近心情如何.

因為佢呢件事, 令到佢響我心目中既地位升級. 真係估唔到, 一個識左唔係好耐, 唔係好熟既人, 居然會響我心裏面有咁聳高既地位 (relatively)

2003-09-29 - 10:48 p.m.
good day^^

今日雖然温左唔係好多個鐘頭書, 但温得好順, 所以好攰.第一次交 essay 比 Linda Lau, 唔知佢係咪覺得我寫得好差呢?! 有 d 緊張添~~

2003-09-28 - 01:13 a.m.
 讀后感

剛睇完 Sea Through 既日記, 佢內面咁講 : "食左琴日買既一盒朱古力酥同旺旺燒米餅，好好味，除左感覺好幸福之外，仲 feel 到..........好熱氣啊！" 睇到呢到, 第一個反應就係... 笑左出黎, 好搞野~~

理論上佢都唔係一個極級正經既女仔丫~! 但點解佢總係會比我一種好正經好乖既感覺既?! How come?!
( Definition of "好正經好乖" & "極級正經" in my mind : 好悶好呆唔會玩唔識講笑..... etc. )

p.s. 不是有心品評人, 亦冇惡意 ^,^ 希望你唔會介意^^

2003-09-28 - 12:13 a.m.
意外收穫.....

今日唔算好特別, 但係好開心, 有意想不到的收穫.... surprise~~!!
Thank you^^

************

今晚又出左太子補 Linda Lau, 計埋黎緊呢個星期一, 響四日之內見佢三次, 真厲害! 不過今晚果堂 map reading 幾 good 呀!! 學到好多野, 所以都 ok 開心啦~~~ 慢慢補得耐, 開始覺得佢幾 good, 佢有料得黎又教得幾好, d notes 都好 examination oriented <--有 d 功利 feel (有好有 "唔好" 啦!!) 所以如果有人問我覺得佢補成點, 我諗都會話佢 ok 既 ~~~  ( 唔係賣廣告呀!!! )
...^o^...

************

今個星期要死四條 essay 出黎, 今次真係唔知點死啦!!!

2003-09-27 - 01:52 a.m.
Thanks~~~

同阿映傾繼, 什少會好似今晚咁認真..... 感覺很好, 希望我真係可以令你明白一 D 野, 令你改觀啦~~ 其實有時有 d 野未必係好似你咁諗咁既 ( 希望你仲記得我地講過 d 咩啦!! ) ...^o^...

謝謝您的老實^^

************

正如映映話齋, 佢地最近都好似被問題纏身咁, 希望佢地快 d  "好返" 啦 ~~!!

Take care~~

2003-09-24 - 11:59 p.m.
遠方的問候

她與他分開了! 很可惜. ( 雖然和她不相熟....... )

Hoping she will recover soon.

2003-09-23 - 11:12 p.m.
笑 ~~ !!

今日響自修室發生左好多搞笑野, 笑到肚都痛埋. 不過唔可以響度講, 因為鋒 sir 頒左禁制令. 想知?! 問鋒 sir 啦!! 兩件都係佢 d 超級 "lor" 野. 諗起都想笑, hehee~~~

搞笑程度 : ★★★★★★★★★☆

2003-09-22 - 10:30 p.m.
呵呵~~~

哈哈~~ 好開心添!!

今晚同 Henry傾 ICQ, 佢話我靚左呀!! 仲話我瘦左添呀!! 呵呵~~ 佢真係老實架勒! 我都知架啦~~ 一個好似我咁... 又靚又可愛既女仔去邊度揾呀^^
Hehee ~~~

2003-09-22 - 01:18 a.m.
On-line album

Following is my album link. Please go to see see^^

http://hk.f2.pg.photos.yahoo.com/winnieaniki

2003-09-21 - 10:25 p.m.
歌曲欣賞

我什少會欣賞梁詠琪既作品, 但最近十分欣賞她的 "兩個人的幸運". 因為佢唱得出那一種感覺; 一直以為與他天各一方, 但原來一直在左右、很近很近. 在知道一刻的震撼感, 那一種心 "up"、悲哀的感覺. 呢一種感覺很 "入心"

      明明是你的聲音 在我左近
      相隔一幅玻璃敲進內心
      寧願 從來未接近
      天各一方終於等到陌生
      和你 若不相識不相襯
      另覓愛侶入會甘心

( p.s. 不是因為 "向左走 ∙ 向右走" 這套戲才欣賞這首歌, 是出於真心的! )

************

< 生活小品 >

我阿爸唔知發咩癲, 心情超靚, 理論上應該冇咩既~~~ 但實際上? 咪係我同阿妹受罪囉! 因為佢一心情好就會周屋走, 不停聊人講野同聊阿妹玩, 一方面阻住阿妹瞓覺, 另一方面又阻住我温書, 我地兩個都真係多得佢唔少呀! 不停響度搞搞震, 真係救命~~~
...^ v ^...

~~~~~~~~~

師父的一句話使我中心泛起了漣漪, (或許是因為太中 point吧!!) 使我想通了一些事情.......

謝謝您!!

2003-09-21 - 12:42 a.m.
放過我吧..... "妹妹" 姐

自從 9.1 之后, 佢地個個都入晒 hall, 我又開始返最正常既時間表, 所以一直都冇咩時間聯絡. 今日比我見到姚麗, 佢不停講佢住 hall 同同果度 d 人既野, 好似幾 ok 咁喎~~ 好彩 "jack", 如果唔 "arm" channel 但又要日日住都幾係野, 最 typical 既例子咪就係 Chelsea 同佢 roommate 囉!! 真可憐~~

************

雖然最近幾日都唔係好早倒起身去自修室, 但我覺得自己比之前有紀律左, 最少而家當鋒 sir 引我去玩我會 say no. Good~~~ (乘機讚下自己先..... hehee~~)

************

我就黎比我家隻肥狗玩死啦!!! ><"

佢呢排日日去完街返到屋企唔夠幾個鐘就又響厠所度柯野, 搞到有 "冇去街疑雲", 最弊就係我係全屋最晏出門口果個, 冇人見到我帶肥妹去街. 搞到佢地以為我冇帶佢去街, 唉~~ 我就黎比呢隻野玩死啦~~

我又要比人鬧, 你又要比人打, 咁有咩謂呢?! "妹妹"姐, 求下你唔好再玩我啦~~~

2003-09-20 - 01:38 a.m.
Testing...

I just had one IQ test and one mind game in Henry’s diary.

For the IQ test, I would not do it initially because in my mind, my IQ is very low so that I don’t want to show my weakness to myself and make me sad. But finally I had done because it seems to be professional. The result is.....

“Well functioning. With no problems with primary school and secondary school or similar education”

I am quite happy with this result because as I am doing, I am very afraid I would be below average. Lucky, I am “normal”. According to this result, I want to declare once more, especially to Fung and Ying, I AM NOT LOW B!!!
...^o^...

About the result of mind game, it describes me as "溫柔的喊包".

魅力 : 對別人好、温柔是你的一大魅力,你對任何人都可以一視同仁般十分親切, 所以人人都喜歡你, 而你也樂於助人, 看到別人有難你一定不會袖手旁觀。

弱點: 喊包的你十分眼淺, 甚麼也可喊一大埸, 別人對你好, 你又喊;別人對人差,你又喊。 看書、睇戲更是你盡情流眼淚的時候。

It’s quite “accurate”. I usually cry easily. But I had never imagine that I am so attractive. It makes me very happy now.

Hehee~~~

************

I had dated Ying for today’s lunch but 放飛機. I dated her 12:00 at the main library but at 11:15 I was still at home and sleeping. Don’t know why, I am very sleepy these day but I had slept a lot.

2003-09-17 - 10:21 p.m.
我變.......

哈哈哈~~!!今日聽到第一個人 --- 映映對 "向左走 ∙ 向右走" 既影評, 雖然評價唔係好高, 但整體上都 ok 呀! (<-- 我覺得).

響我聽到既數個人既評語之中, 佢地大多數都覺得梁詠琪個造形好 "learn", 好似返返去七八十年代咁; 其次就係梁詠琪好造作, 好生硬. 其中就以映映今日所講既最中 point. 一針見血既映映今日大讚金城武唸詩句果 part 好自然呀^^ haha~~ 佢講到呢度, 我已經忍唔住響度不停咁偷笑啦~~~!! 仲要笑唔停添!! hehee~~~ 諗返起都覺得自己好低能 ^,^ 搞笑~~~

************

睇返自己以往既 diary, 先發覺原來自己一路都幾低能架喎! 係咪係時候應該 "變大" 呢?! a...而家咁咪幾好 law~~~ hehee~~~

　

2003-09-16 - 11:17 p.m.
低 b 中 ~~~~

嘩哈哈 ~~~!! 原來我 d 電腦咁叻架喎, 我今日先知添,失覺晒黃維尼^^

又係認叻既時係勒..... 話說今日鋒 sir 部電腦唔知發咩顛無端端上唔到網喎, 打去 Netvigator 度問, 佢既答案居然係叫你去 netvigator.com 度自己 download 返個程式 "莊" 返. 都話上唔到網咯! 點去 download 呀!! 激死 ><" 但唔知點解 d system 成日都咁架喎, 每次都比埋 d 好 low b既答, 真令人費解.

好在有黃維尼幫手咋! 好彩佢好人幫鋒 sir download 左之后再哎佢阿哥幫手銷燒咋, 如果唔都唔知點算呀!! ( 當然刪除左當中好多波折啦!)

當然不得不嗚謝佢阿哥幫啦!! (雖然佢冇我 diary address, 不過都應該響度表揚下佢既~~ ) 如果唔係鋒 sir 今晚就要返HKU 露宿啦~~!!

黃維尼回應 :「a... 乜說話呀!! 我地呢 d 一向都好低調加嗎, 又咁好人喎, 唔駛咁客氣既~~ 」

Hehee~~~
...^,^...

2003-09-15 - 10:17 p.m.
各位晚安~~~

努力地温了一整天書和補了習, 所以今天很累, 所以...... 還是明天請早吧!!

Good night^^

2003-09-14 - 10:40 p.m.
自我 ..... 在那兒???

昨晚當紀文邀請我今天到教會參加佈道會 ---「尋最」的時侯, 雖然幾經掙扎, 但最終都是放棄, 沒有去. 或許是我並沒師父那份勇氣, 將自己解決不了的問題告訢一個 "不相熟" 的人, 到底是何時開始對人的信任減低? 我也不知道. 漸漸覺得現在的我, 一切都是逆來順受, 好像聽天由命一樣.

人, 為什麼會變得那麼悲???
有點灰.....

身心俱疲, 怎樣才可以洗滌心靈 ??

人的心, 有時總會無原無固地在 "打風" !!

2003-09-13 - 03:54 p.m.
笑爆嘴

之前兩日實在玩得太攰啦, 所以連 diary 都冇力寫..... 呵呵^^ 實在太開心啦!!等我而家黎個 "兩天大事回顧" 啦 ~~!!

11.9

響大家都響度賞緊呢個 "圓 look look" 既月亮既時候, 我同鋒 sir 就響呢個沙田 UA 度睇緊好好睇既 "向左走 ∙ 向右走" 勒! 真係好好睇架! 唔係 hard sell 架! 連鋒 sir 都話好睇架~~ 不過我知 sell 左咁多日, 我既公信力已經跌到破產既階段..... 好灰 ><"

係真架! 真係好睇架!!!

琴日... 12.9

好彩到爆!! 佢地幾左沉晚去燒野食, 同我補習撞到應一應, 仲要響太子補,  但我都有得去喎... hehee~~ 補完之后再返返烏溪沙 join 佢地都仲有幾個鐘玩, 真好運啊^^ 呵呵~~~

鋒 sir 琴晚完全地暴露佢 d "常態"--- 低 b 野出黎, 每次佢一做 d 低 b 野, 師父就笑到差 d 攤左度, 搞笑~~ 大家響沉晚都終於知道我平日對住既低 b 鋒係點啦~~哈哈!!

Yoyo 同鋒 sir 果然係絕配

2003-09-11 - 04:25 p.m.
"向左走 ∙ 向右走" 已經上左畫啦!
快 d 去睇啦!!

<廣告篇>

今日既係一年一度既中秋佳節, 又係由金城武主演既 "向左走 ∙ 向右走" 上畫既大日子喎!!大家梗係記得要去睇啦!!!如果今晚唔得閑去睇? 唔緊要~~ 遲 d 睇返啦^^, 冇咁快落畫架!!

(沉晚先比鋒 sir 嘲笑我話我用盡各種方法賣廣告, 今日又 "黎料" 啦!! 哈哈~~~ )

************

琴晚同 Henry 傾 icq, 原來佢都覺得金城武好 good 架!! 呵呵~~~ 真係好呀! 有人同我 "志同道合", hehee~~~

2003-09-10 - 10:22 p.m.
懢 $大計... 失敗了!

由於我今個月嚴重超支, 只係過左十日已駛左零用既大大半, 所以諗住今日開始懢 d, 所以今 day 既早餐 + lunch 只係食左幾塊餅. 以前我係得架! 以前食幾塊餅或者什至咩都唔駛食就可以 "崖" 到夜晚食飯架! 但而家就唔得lu~~ 人越大, 反而好多野都做唔返, e.g. 以前唔會失眠.

結果: 餓到唔係好舒服 + 温得超唔 efficient, 超慢 + 比 "人" 知道左之后鬧左一大餐

Comment: 雖然搞到好辛苦, 但係今日懢到好多 $ 呀! Hehee~~~  但係以后既日子點算??!!

************

今 day 係 Kimi 生日, happy birthday~~ 踏入二十啦!! **我地幾個之中最老係你呀!! 你就好啦!! 我 "恨" 都恨唔到呀!! 呵呵~~~

2003-09-10 - 12:50 a.m.
向左走 ∙ 向右走

Yeah yeah~~~ 今日下午去左 UA 買 "向左走∙向右走" 戲飛, 預售三天, 今日買定飛, 星期四晚就有得睇啦!! 希望星期四快 d 到啦~~
期待中..... hehee~~~
...^o^...

我部電腦而家個 wallpaper 同 screensaver都係用由金城武主演既 "向左走 ∙ 向右走" 劇照, 每日一開電腦就見到金城武, 超開心^^ 你地都快 d去 www.turnleftturnright.com 度download 啦!! 同埋 **9.11 上畫啦! 大家記得去睇呀!!**

頭先諗住將張 "向左走 ∙ 向右走" 既 e-card send 返比自己, 想 save 返用黎做 wallpaper ( 因為果張 e-card 只係得金城武, 冇梁詠琪架!) 點知冇得當圖畫咁 save 返 ><"

************

今日見到 Kimi , 頓感大家好似唔同左, 好似多左一層隔膜咁; 搞到咁, 有 d 唔開心, 好似有 d 假..... 我地幾時開始變成咁?! 唉~~~ 有 d 灰.......

2003-09-08 - 11:46 p.m.
ZZzzz......

雖然沉晚瞓左十幾個鐘, 九點幾已經開始瞓, 瞓到今朝成十點 ~~ 好似成隻豬咁^^ , 但今朝去到自修室都瞓左成個鐘, 不過好彩温果時都好 efficient, 好彩好彩.......

開始可以早返瞓同埋早起身, 希望可以再好 d.
+ oil~~

2003-09-05 - 11:12 p.m.
鋒 sir = Lucky

今日為左認路記住點去上水自修室所以去左上水温, 因為鋒 sir 遲 d 返學每逢星期四大埔果個休息我就要自己去上水自修室 lu~~ 所以唔認實點去點得呢^^ 不過今天果然係 for 認路... 温左兩三個鐘就走去左玩 lu... 都係因為受唔住鋒 sir 引誘 + 自己心散啦, 呢 d 野邊有得賴人架~~

************

The next station is Kowloon Tong.....
跟住去左又一城行街, 鋒 sir 終於買左佢想買好耐既波鞋啦! 恭喜恭喜 ...^o^... 真係「踏破鐵鞋無覓處, 得來全不費工夫」!! 之前狂行狂睇都睇唔 "arm", 點知今日咁 "arm"比佢撞到一對之前從來都未見過但一睇就咁鐘意喎! 真 good~~ 睇黎佢適合叫 lucky 多 d .......

************

響上水比我揾 d, 響又一城又比我揾到 d, 真好彩~~ 好耐都冇試買生日禮物比人買得咁輕易, 唔駛諗爆頭, 真係好啊!! 呵呵~~~

2003-09-04 - 11:13 p.m.
頭痛 again... 唉 ~~

冇左好耐既頭痛今 day 又黎探我, 唉~~ 真可憐! 希望佢快 d走啦!! 真係死, 頭先諗住瞓陣休息下, 點知發夢見到自己囉住一大堆藥丸要藥, 搞到即刻扎醒 ... >< ...

 雖然頭痛, 但我都去左上水同映映. 鋒 sir 飲茶, 當然唔少得既就梗係狂吹水啦^^

************

果間野 d 點心都幾 good呀! 而家 d 食肆好多都係同一集團不過用唔同名, 好似「稻香」「迎喜」同「客家好棧」咁,三間都係茶樓, 但三間都唔同名, 都唔知話佢地奸好丫, 抑或話佢地叻好.

2003-09-02 - 11:45 p.m.
返學篇

頭先睇師父 diary, 突然有一種似曾相識既感覺..... "成日渾渾噩噩"?! e.....?! 咁似我以前返學既 ^^ 真唔到師父份人都幾認真 (<--感覺上), 但估唔到上堂都會噩下噩下架喎!! 有 d surprise 添, hehee~~

唉!! 人人都有得返學, 但係我就冇, 到今年既 9.1 我先知道原來返學係有幾可貴, 有幾吸引, 唉~~ 希望出年有得返啦!!

我都好想返學呀!! ..... ><"

************

今晚打九號風球, 又吹正找屋企呢邊風, 完全地感受到佢有幾勁! 打咁多次風, 第一次搞到要痴膠紙, 勁呀~~!!

************

鋒 sir d 功課好難呀! 唔識做呀!!!
Help~~~
>< ~~!!

2003-09-02 - 12:45 a.m.
good day~~

今天好開心呀~~因為一方面有温書, 但另一方面有可以去玩喎... perfect combination...

九月 --- 對我黎講係一個好既新開始 (温習方面), 因為我好耐都冇試過坐自修室可以坐都咁耐 (**注明唔係瞓覺, 係真係温書架!!!)
好的開始, 希望可以 keep 住 + 繼續進步啦^^

************

今晚買左樣超靚既 Hello Kitty野阿瑋, 希望可以快 d見到佢比佢啦! 好彩唔係 Hello Kitty fans "jack", 如果唔係一定成日響度掙扎, 想據為己有..... hehee~~~