0827
幾耐冇試過有咁既感覺? 大概係比人寵壞左好耐,耐到我都已經一早遺忘左呢種感覺。今日,突然有一刻返晒黎......好驚,唔該唔好再纏住我,我會想喊...
0826
三日O-Camp,玩得好開心,早睡早起,食足三餐,做晒我儲起十年都唔會做既運動,從未試過咁健康過,多謝Group D所有teamates,Cheers!夜晚同妹妹去Oriental Peace剪頭髮,坐左四個幾鐘先剪完,結果佢地為左我地兩個遲成粒鐘先收得工=D,我把頭髮足足短左三倍,嚇親媽咪!!!不過.............好*爽*
0822
右眼好痛,紅紅腫腫,最近帶con帶得好辛苦。今日行街,買左Pancakes新碟,Dejay今次..值B-。好忙好忙好忙,我手上仲有兩本書+兩隻過期未還既VCDs等緊我,不過聽日我要入CAMP喇,冇時間..
0817
我記得 如何可感動你
但忘記了自欺的傷悲....
我可以 為你
不理 懷內沒你的靈魂和空氣
亦記得 我應放棄.....
0813
新屋裝修緊喇,不過仲未諗好自己間房色調..棗紅 x 淺灰定淺紫 x 銀好呢?比D意見。瑤瑤越來越肥喇,老豆同媽咪成日塞野比個肥婆仔食,驚死佢餓親咁,個肚腩仔越來越大喇。
0809
一年冇見,聚埋一齊仍然能夠笑到肚痛笑到拍手,五條友一條心食埋同一啖口水,無花無假既十年感情。今晚真係好開心。
0807
四十小時馬拉松慶祝十八歲生日,好勀..好眼訓。收左一封大利是,唱K唱K再唱K(冇多冇少,加埋係十二個鐘),徒步行勻中國、南非、泰國、法國做電波少女,停低落黎食左一餐好豐富好好味既法國田園餐,收到好多禮物、蛋糕、b-day cards,仲有十幾個SMS、超過三十個電話同b-day kiss,好甜,多謝你地。不過最大份既禮物當然係我今年放榜都有個唔錯既成績,順利升F.6。多謝所有緊張我,關心我既人!阿小今日下晝返Canada喇,因我要interview所以送唔到機..不過一切,在心中啦。我會掛念妳。
0804
覺得D天氣好焗...好辛苦好似抖唔到氣咁..四十八小時一直Keep住頭痛..好勀..昏昏沉沉猛咁訓覺...究竟..係咪最近食得煙多累事?定係當一個人不斷地唔開心既時候就會好易發病.........? 唉,我好唔想病.....我好唔想..唔開心。開始.....覺得自己既心情低落,接近病態。
0803
個頭好痛...........
0802
陽光與海灘...煙霧彌漫...零晨醉酒高速飛車...星下談。一個應該盡情愉快既旅行對比一個沉重心情,格格不入。夜晚,拎住一張抽籤而得黎既O31座位門票,睇左一場絕好既輕喜鬧音樂劇,但我...居然哭了。
..::Back