偶 然間睇返以前自己寫低比你既小話語..我完全領略唔到,代入唔到呢個舊角色......... -------------------------------- 15-07-2002 .....依家D生活好安穩,好滿足.成日提住自己唔會再諗以前..簡直係非一般既惡夢!但我唔會呃任何人,冇錯我到依家都仲好掛你,好愛你.不過呢種愛永遠都會收係心..原因係我唔想再對你做既野有反感. 18-07-2002 今朝早起身個心倪一倪,feel到自己又傻喇...諗起你陣除,擔心你響果邊唔知有冇著夠衫,有冇記住食少D煙,有冇準時起身返學,有冇記得冷飯要擺響雪櫃,咁耐以黎有冇丁屎咁多掛住我....口講點憎,點唔記得,但其實我都係愛你...我愛你...但你收到嘛...? 唉..覺得自己個心好似扯開左兩截咁辛苦. 22-07-2002 01:48 a.m "我要向右還是向左走...?"好亂...不過奇蹟地我今晚冇喊... 22-9-2002 一大清早便坐著車子回家..車子慢駛,一路上我看每處風景,都有回憶...到了你家附近的車站,車子慢慢地停了下來,我看得出了神,感覺如同從前你正在長椅子上等著我下車來抱你一樣.......車子駛開了,我收回了心,繼續車程,心裡淡淡的,沒有多餘的悲傷...像是,剛看了一齣別人的戲,與我毫不相干. 20-9-2002 放了補習,夜裡獨自一人閒逛..經過化妝品店,走了進去,叫售貨員給我一張taster.我嚐了從前送你的Burberry,那一瓶我最愛你塗的Burberry...我手拿著它一直在嗅,像在嗅著從前你大衣上的味道...冬天的味道沒有變,感覺也沒有變.我好像又感受到了你擁抱我的溫度....只是一張小小的taster,已經令我覺得好滿足......然後,我小心奕奕地把它放進袋子,走出了化妝品店.......今晚的心情.....難得的好. 26-9-2002 "沒有人是故意要變心的，他愛你的時侯是真的愛你；不愛你的時候也是真的不愛你了 。他愛你的時候沒有辦法假裝不愛你；同樣的，他不愛你的時候也沒有辦法假裝愛你。" 偶然間係網上睇到呢段野,醒了,原本再次泛起難過既心,又平靜落黎.......
01-10-2002 02:45 a.m. 等左一年,就係等今日..其實我真係好想同你坐下來傾計,但我唔知自己可以講乜..而且我亦知道你唔係咁想聽...呢一年黎我對你從冇煩過半句,冇電話,冇主動...就算今晚要我陪笑亦唔難...但我唔想令自己咁假,其他人做到..但我真係做唔出.我亦唔想令你只係一晚就好似以前一樣,"覺得我煩".其實我可以好明顯地感受到你厭惡,逃避,什至要同我劃清界線既凝重氣氛,但我仍然唔捨得,忍唔住頭一次追返轉頭...冇人會信,愛面子既我居然可以為左一個人而低聲下氣...我知道你唔愛我,呢一刻唔愛,永遠都唔愛..我以為一直扮堅強既我一定會喊...但結果,當時既我,心只識痛,但一滴眼淚都流唔出. 10-10-2002 今日執房,無意間搵返一張係床下底封晒塵既舊相.一邊睇,一邊數先記返起,原來今日你剛剛好離開我一年..以前既memories全部返晒黎,但今日,所有野都已經變晒........ 原來人,就係咁脆弱. -------------------------------- 呢 個曾經咁懦弱既人,真係我黎嗎?
今日睇報紙..睇左一段說話,覺得好岩,"無論係乜野資料上.寫最親果個親屬,一定係老公或者老婆,而點解唔係父母呢?可想而知,如果同老公嗌交之後要斷絕關係,要離婚;咁同爹地鬧交咪可以斷絕父女關係!?呢個概念係好緊要."我由此..清楚心底入面,老公永遠只得一個,唔可以隨便捨棄.
我知道一直以來你都好想我可以當返你朋友...而我就一直為你傻,因為開始以來從未同你做過朋友..令我冇從入手..但你可以放心,我知道幾時應該死心,我會好乖好努力地同你做返朋友...頭一次,我將所有最真實既我都講你知,我太自我,呢D說話講唔出口唯有寫出黎..希望你明白呢個我.