布吉曼谷勁玩勁食之旅 布吉曼谷勁玩勁食之旅
8-July-2007 DAY ONE
今天一早 8 點鐘就出門口 , 坐機場巴士 A12 向機場出發 .
去到機場差不多 9: 15AM CHECK-IN , 但都已經被安排坐在最後排的窗口位 , 班機真係都好 FULL 喎 ~
CHECK-IN 完 , 即刻走去二號客運大樓翔天廊食個早餐先啦 , 本來諗住在潮樓
飲下茶食下點心 , 但可能有半價的關係, 所以一早都已經好多人在等位 ,咁我地只好走在去阿瑪港澳門餐廳食左個" 西"式早餐啦..
嘩 ~ 又貴又唔好食 , 真係好" 西 "式囉 , 早知食 Burger King 好過啦 ..
食飽飽後 , 都係時候入閘啦 , 既然身在二號客運大樓 , 當然要試下在這邊過海關
在這裡落一層扶手電梯就是二號客運大樓海關入口
成個入境處只得我地兩個人過關咋 , 過關後明明寫住不可拍照 , 我地重突登企起個牌到影相 , 呵呵 ..
出境後要坐兩次無人駕駛列車 , 係要轉車 , 未試過可以一試 , 時間都係差不多 ..
落去坐無人駕駛列車去番一號客運大樓
2 個人坐晒成架無人駕駛 , 嘻嘻 ..
要上機啦 .. 起飛無幾耐 , 空姐就比包 nuts 你食下 , 之後開始 serve 飲野 , 我當然要杯 Gin Tonic 嘆下先啦 ..hoho.. 飲完野 , 就有飛機餐食啦 ~
飛機餐黎講 , 都算唔錯啦 , 有兩款食物揀 , 嘻嘻 .. 又有紅白酒及咖啡茶
飲
, 最後重問你要唔要 cognac 添 , 嘩 .. 我唔想貓住落機 , 今日重有成 day 節目架嘛 , 所以無飲 cognac lu, 不過都飲左杯白酒
. 哈哈 ..
飲左兩杯 , 都係時候要眠一眠養足精神先 , 差不多 3 個多小時的機程 , 終於到達布吉機場啦 ~ 機場都好細下 ,d 海關動作又超慢 , 排左成 20mins 先過到關 , 好彩只有一班機過關咋 , 如果多一班 .. 我諗又排等啦 .
因為今次係自由行 , 所以在出發前的一個月 , 我已經搞盡腦汁去計劃今次去布吉旅行的活動 , 亦聯絡好了在布吉的 agent, 所以一出機場 , 已經有人舉牌接我地啦 .
由機場出發 , 未到酒店前 , 要先到 Patong Bayshore Hotel 找 Mr. Chai, 他是布吉其中一間 local tour agent 的老闆 , 因為之前已通了幾次 e-mail, 所以他大約知道了我在布吉要報的 local tour, 而且佢都有將我地聯絡的 email print 出來 , 所以好快就安排好了 4 天需要的安排及付款 .
Day one - Book 車連司機由機場去酒店 + 遊車河一日遊 1300baht
Day two James Bond Island by boat (Visit 4 Island) 1300baht for one
Day two - Book 車連司機 晚上去 Lotus Restaurant Dinner 1000baht
Day three Khai Island tour (Visit 3 Island)1000baht for one
Day Four Book 車連司機 酒店去機場 500baht
Total 7400baht
付款後 ,Mr. Chai 就問我今日想去 d 咩地方 ( 一般 book 車連司機是不會幫你安排行程的 , 所以我在香港已經準備好行程架啦 !) , 因為司機英文不是太好 , 所以 Mr. Chai 就幫我寫好晒泰文行程給司機 , 安排非常妥當 , 下次去都要再找 Mr. Chai.
不到五分鐘 , 就到了我地住的酒店 Banthai Beach Resort
& Spa , 去到 receiption 我將 passport 及 hotel voucher 交低 , 佢地就安排我地先飲一杯 welcome
drink, 等他們辦理 check-in 手續 , 差不多 8-10 分鐘後 , 心諗泰國人的工作效率真係慢
, 才有酒店員工問我有沒有 book hotel 的 receipt, 佢地話 check 唔到我的 booking
唔係咁大鍋呀 ~ 好彩我有帶 receipt, 之後再攪左一輪 , 終於安排好房間 , 不過就沒有我一早 request 的 double bed, 因為
full 晒喎 , 哎 ~ 都無辦法啦 … 好過連房都無 . 而且今天是星期日 , 打電話回香港比 agent 都 check 唔到 , 所以只好明天一早打電話回香港啦
, 因為我重有在曼谷 book 酒店 , 所以一定要 check 清楚 , 好彩我在香港問了朋友借泰國 sim card, 打回香港一分鐘只都 HK$1,
我上個月去 bangkok, 沒有泰國 sim card, 只是接了一個電話 , 講不到一分鐘 , 已經要 13 蚊啦 , 所以去泰國一定要買泰國 sim
card, 其實去泰國買都好方便 , 周街都可以買到 , 大約 199-299 baht.
雖然沒有 double bed, 但房間都 ok, 對住 swimming pool, 又有 welcome fruit, 一出酒店就是芭東夜市 , 都好方便 .. 去相 …
上房放好行李後 , 都差不多四點 , 而且我今日安排的行程是 Karon Beach-> Kata Beach -> Kata View Point (Phototaking) -> Phromthep Cape (Sunset) -> Parlai Seafood (Dinner) -> Phuket Town ( Big C supermarket). 行程非常緊密 , 所以洗個面就那那淋再出發啦 .
我地一出到 Lobby, 司機都好醒目 , 佢就即刻走去開車到門口接我地 , 由 patong beach 去 Karon Beach & Kata Beach , 其實我地都無落過車 , 不過每到一個 Beach, 司機都會同我地講這是甚麼 Beach, 基本上你可以落車行下 , 不過我地時間有限 , 要去睇日落 , 所以在車上拍下照就算了 .
Patong Beach
Karon Beach
Kata Beach
在去 Kata View Point 的途中 , 經過一到有大象的地方 , 司機就主動停低比我地去影下相 , d 象都可以比錢騎架 , 不過見 d 象好老 , 所以影下相就算啦 ..
到左 Kata View Point,
之前上網見到好多人 post 過相 , 今次終於係我自己影啦 ..
從 Kata View Point 去 Phromthep Cape
日落崖 , 行程都唔係好遠 , 看看錶是 5:45pm, 問左司機日落時間是 6:45pm 左右 . 咁我地就先行下 d 檔口先 , 行行下見到司機坐左在其中一間鋪內食野
, 我先醒起 … 從上機食飛機餐到而家 , 都成 4 個鐘都未過野喎 , 話明是勁食之旅嘛 , 哈哈 .. 好彩個到有 d 串燒檔 
,
正 .. 買番幾串先 .
買好串燒 , 就走去找定個好位 , 諗住一邊等日落 , 一邊嘆串燒啦
. 點知就係隻衰狗 , 見我地有野食 , 就坐定定起我面前喎 , 哎呀 
我怕狗架嘛 , 我即時走開重那那淋食完 d 串燒 , 因為佢見我有野食 , 就一路跟住我呀 ~~~ 
日落崖風影真係好靚 , 係睇日落的好地方 , 可惜今日天色麻麻 , 好多雲 , 所以坐左一陣 , 影下相 .. 無等到日落晒就走 lu.
跟住去 Parlai Seafood Restaurant 食 Dinner, 這間餐廳是在海邊的 , 比較多泰國人 , 食左 d 咩呢 ? 去相睇睇 ..
我地好好彩,去到剛好有對住沙灘的位,就是對住這個景色dinner啦 ~
冬蔭公湯,咖哩crab,
蒜鹽賴尿蝦,
好多羔, 必食推介 (嘻嘻..因為太好味,食左幾舊先記得影相)
生蝦
(泰文 : 公車number),太好味,食左2碟
這一餐連pineapple shake, 2支泰beer ,都只是差不多 HK$350, 好抵食 .. 正
食飽飽 , 就當然去 BIG C Supermarket 掃貨啦 , 泰國的利是薯片比香港的味道多好多
, 當然要數多幾包啦 , 而且有一樣野是必買 , 就是蔡蘭都推介過的土炮威仕忌 , 重要溝泰國的 soda, 超正 ! 必試 ! (( 在泰國規定 ..
唔記得肯定時間 , 只記得下午 2:00-5:00pm 是不可買 ( 賣 ) 酒架 , 真 r 頭
))
重有這款粟米雪糕 ,yummy..
行完 BIG C 已經好累啦 , 而且明天一早起床出島, 所以叫司機車我地完酒店休息 lu.
