日記 - 02 / 2005
2005 年 2 月 1 - 6 日
唔經唔覺又到左二月啦 ~ 今個星期都過得 ok 呀，返學方面都唔錯。除左催眠師個科 B.I.S 之外，其他都好有心機聽書，希望今個 sem 可以做得更好 ~ 遲 D 要去報個 HKICS 做 student 先，希望我係 28 歲前考到呢個 qualification !! 再加埋 poly 既 degree !! 我要努力 . . . . (希望得啦)
1 號開 chq 出糧時，特登唔寫銀碼。老闆見到好奇怪，問我張 chq 俾邊個 . . . 於是我同佢講加人工 D 野，點知佢又想拖 ~ 話遲 D 先講，結果過左年先 wor =.= 唉 !! 好無奈，一個人去食飯諗野 ~ 要搵定工先得啦 !! 到左星期五，阿趙開左張 $1,000 既 chq 俾我，當係 bonus 咁話 (老闆既安撫行動)。又同我講左好多野，幸好我做既野都有人睇到 !! 希望過左年可以傾得個好結果啦 !!
星期六下晝四點幾先走，落 M.K 搵安兄 ~ 之後就返屋企樓下買鞋 . . . 好貴呀 !! 不過係舒服過而家呢對好多 ~ 返工唔駛咁辛苦 law ~ ~ ~ 星期日係咁打機，冇咩特別。
2005 年 2 月 7 日
今日公司猴年 last day，放到初七先返工 ~ 一個星期呢 !! 唔知有咩好做啦，今日返去清埋 D 手尾同執下 D 野 ~ 下晝走左個大陸客上黎 =.= 佢份 AR 年初三到期，阿趙同佢講左陣野就要去黃埔花園執老闆 D 蘇州屎 ! ~ 我就同個客去完 bank 入 $$ 之後就扑去金鐘 CR 交佢份野，好多人呢 ~ 去金鐘同返佐敦沿途有好多美女呀 ^__^ ~ 哈哈 !! 就係呢個客咁就冇左一個鐘啦 =.= 結果六點半先收工，返屋企食團年飯 ~ 好味 + 超飽呀 !!
2005 年 2 月 8 日
今日年三十，上晝係屋企執下野 ~ 食完飯去影相，咁岩 AL1 行 2A ~ 咁就去左美孚啦，去到有好多巴士發燒友係到 . . . 原來有新既 B9TL 係美孚，不過我對佢地冇咩興趣 ~ 等 AL1 期間影其他野 . . . 一個鐘到 AL1 返黎啦 ~ 見時間早，就遊下車河上左 AL1 ~ 點知去到深水步封路，好似話有炸彈 =.= ~ 塞左好耐，冇左好多時間 ~ 又天陰 . . . 結果係九龍灣落左車 ~
行左去德福，諗起暑假出 job 九龍灣既日子 . . . 買左包野飲就要回程 ~ 等四波吉蘭 (大家肯定唔知我講咩啦 ~_~)，返到中港城轉 K16 返歸 lu ~ 夜晚冇咩特別，猴年過去 lu !!
2005 年 2 月 9 - 11 日
一次過講哂年初一至三啦，初一去左舅公家拜年 ~ 耀東村 ~ 因為西鐵全月通關係，今年用左另一方式去 ~ 好熱鬧呢 ~ 好多小朋友呀 !! 有個一黎到就坐上我大脾 ~__~ 哈哈 !! 食飯之餘飲左半杯紅酒，正呀 ~ 但係娘親飲左一啖就好似想嘔咁 =.= 七點幾就走啦 ~ 今日有十三封利是呀 !! ^__^
初二入粉嶺去伯娘到，隻黑狗冇左好多毛呀 . . . 食完飯傾左陣就去老人院探人啦 . . . 之後就起程回家 lu ~ 之後返到屋企都冇咩特別 lu ~ 又一日
初三入大棠去娘親個前同事到拜年 ~ 行左好遠 ~ 附近有個馬場好多馬 ~ 坐左個幾鐘又走啦 . . . 之後去安兄屋企拜年啦 ~ D 貓躲埋一邊唔見哂 . . . 又係坐左陣就同安兄去馬會買波，睇下有冇新年財發啦 . . . 買左 $20 ~ 一條 3串1 + 一條 8串1。中哂可以買 DC 呀 . . . 不過機會唔大 ga la ~ 夜晚留係 home . . . 諗住打波 ~ 安兄太累冇去 . . . 傾電話 only ~ 同個衰仔傾左好多佢既野 . . . 哈哈 !!
2005 年 2 月 13 - 14 日
今日好無聊冇咩做，又溫唔到書 ~ 星期六同 ar 鋮 toby 打完波好似散哂 . . . 耐冇做運動 ma =.= ~ 食完飯走返公司 . . . 因為我知一定好多信，唔想返工個日咁多野整 ~ 返到去真係好多信 =.= . . . 搞左兩個鐘就走人啦 ~ 呢個新年假期冇溫個書 . . . 點算 . . . / . \
14 號情人節冇咩特別，不過有 D 病病地既 feel . . . 要返學 lu ~ 不過冇咩心機上 ~ 因為呢科唔駛考試 ga，哈哈 !! 希望，下年情人節唔好咁寂寞地過啦 !!
2005 年 2 月 15 - 18 日
15 號終於要返工啦，第一日繼續有利是 . . . 老闆晏晝請大家食飯，不過心諗你咁"度" . . . 今餐實唔飽啦 ~ 結果叫左好少野食 =.= 唔飽 ~ 今日跟返放假前 D 手尾 . . . 做到六點半閃人 ~
16 號開始病咁啦 . . . 好早就返到公司 ~ 因為 book 左 D 時間，點知唔可以係公司做 . . . 要上 CR 先做得 ~ 百街老闆話番我轉頭唔睇清楚 . . . 頂 !! 佢根本唔知份 form 講咩，有咩用都唔知又係到發瘟 ~ 低 B !! 之後同事返黎同我講番 ~ 好多人同我一樣誤會，好明顯係 CR 寫得唔清楚啦 !! 唉 ~ 無奈 !! 做番自己野，下晝直接上 CR ~ 不過同 demo 入面冇咩分別 =.= 去唔去都得 =.= 是但啦，好過成日係公司到 ~ 夜晚返學 . . . 唔識呀 . . . 點算 ??!! / . \
17 號好辛苦呀 . . . 個背肌好痛 ~ 唔知咩事，又唔係好精神 . . . 頂到放工即係去睇醫生 . . . 好多人 ~ 探熱 . . . 101"c =.=.= ~ 等左半個鐘先睇到醫生 . . . 私家都咁多人 ~ 個醫生話感冒引至肌肉痛，打針 . . . shit ~ 好耐冇打過針啦 =.= 仲要打 patpat . . . 唉 !! 新年搵 D 既野黎搞呀 . . . 之後死下死下返屋企 ~ 食完藥就訓啦 . . .
18 號冇返工，學都冇返 ~ 係屋企休息 ~ 一早九點幾打返公司請假 . . . 點知老闆聽電話 ~ 同佢講我唔舒服 ~ 仆個臭街鬧返我轉頭話最忙個日先請假唔返 ~ 個一刻我好想 cut 線，好不滿答佢兩句就收線 !! 頂你老x !! 我鬼知今日病鬼知係今日忙呀 !! 唔好話你想搵人幫你做野但係搵唔到 !! 仆街 !! 病都唔識關心人 !! 老闆大o能哂呀 !! 我會記住今日 ga !! \ . / 晏晝趙生打俾我都問我有冇事啦，叫我 rest 多 D ~ 再係緊星期六都唔好返 . . . 唉 !! 唔知呢個世界有冇 D 好似趙生咁既老闆呀 ??!!
2005 年 2 月 19 - 20 日
星期六見好左 D D，返左工啦 ~ 不過唔知係咪 D 藥水問題，好想嘔 ~ 返到公司好少講野 ~ 做到一點啦。老闆返左黎，扮睇唔到佢，同我講野扮喉嚨痛唔答佢 ~ 原本今晚去食春茗 . . . 但係我病成咁唔去啦 ~ 返左屋企休息 ~ 今日食哂 D 藥啦 . . . 都好左 D 既 ~ 不過訓個陣喉嚨又有少少痛啦 . . .
20 號一起身 ~ 喉嚨好痛 . . . 叫娘親買左包喉糖同埋感冒藥 ~ 唔想睇醫生啦 . . . 咁凍點落街呀 ~ 成日係間房渡過，出廳打下日記整下 D notes . . . 又一日啦 ~ 就快又 test 啦 ~ 一定要溫書 ga la !! 快 D 病好啦 . . . .
2005 年 2 月 21 - 26 日
21 號同 22 號冇咩特別，不過 D 病好似又嚴重番 ~ D 咳勁左呀，22 號晚仲發番燒 . . . so 23 號一早就去睇醫生啦，唉 ~ 睇左兩之醫生冇左 $300 啦 . . . 仲要交學費 tim ga ~ 今個月 D 糧實冇哂 lu。雖然老闆加左我 $500 人工 . . . 不過今個月真係要洗好多 $ 呀 ~
之後幾日都係冇咩特別啦 . . . 24 號返左學校傾 presentation D 野，佢地超認真 . . . 我都冇野可以講啦 ~ 佢地講哂咁濟 . . . 哈哈 ~ 之後就 CHOOSE 左個 TOPIC 就走去食飯，難得有得食飯呢 ~ 25 號冇咩特別呀，上催眠師堂 . . . 26 號超忙 ~ 係咁做 . . . 一點去食飯即走，係深水步等沽弟 . . . 睇左陣模型 ~ 沽弟黎到就去高登買 LCD MON 啦 ~ 行左半個鐘就 action 啦 . . . 成 $2000 呀 . . . 有 keyboard 同 mouse 送 . . . 唉 ~ 好彩有 D 利是 $$ jer . . . 買完就拎住勁多野返屋企 lu ~ 就快測驗啦 . . . 又有 project ~ 希望可以安排好時間啦 !!
2005 年 2 月 27 - 28 日
27 號好努力咁上網搵資料同埋溫書，點知 28 號同 ar Sir 傾完先知搵既野全部冇用 =.=.=.= . . . . 無奈呀 !! 溫書溫完都係一般識 ~ 希望 test ok 啦 !!