日記 - 03 / 2005
2005 年 3 月 1 - 6 日
2005 年踏入 1/4 啦 ~ 真係快。呢排積左 D 開公司既野係手上 . . . 公司唔知咩事鬼咁忙，D Annual Return 又未出街 . . . 做死人啦 ~ 不過有個客開公司，個名叫 "Chuen Yan (Hong Kong) Limited" "全欣(香港)有限公司" =.=.=.= 真係有趣 ~ 用我個英文名開公司，好彩中文唔 match jer . . . 如果唔係都幾攪笑 ~__~。呢排要同 D 大陸客溝通 ~ 發覺自己 D 普通話進步左 . . . 哈哈 ~ 自讚 ^__^
返學教 deferred tax 啦 ~ 希望識啦 . . . 測驗臨近 . . . 冇咩心情溫書 . . . 因為公司真係好多野做 . . . 好累 ~ 好彩清左一個 report 俾個客 ~ 如果唔係實死呀 !! 不過真正既挑戰將會係o係 year ended audit 個時 ~ D 問題實會浮哂出黎 !! 個時就會知道自己問題係邊到啦 . . . 好想有假放 . . . 各位珍惜下返 full-time 既校園生活啦 !!
6 號全日冇休 . . . 娘親返大陸 . . . 溫書 !!星期六要 test 呀 !! 努力集中精神 !!
2005 年 3 月 7 日
呀 polly ~ 生日快樂呀 !! ^__^ 今日又係一星期開始啦，不過請左假溫書同交 $$ . . . 返 4 日 only 但係要 test =.=" ~ 今日係公司有一種個身就快散既 feel . . . 可能唔夠訓啦 !! 夜晚上堂有以前 D 戲睇 . . . 好好笑 !! 今日實在太好笑啦 . . . 嘩哈哈 !!
2005 年 3 月 8 日
今日老闆話有個靚女返工 . . . 應該係 full-time . . . 阿趙帶佢 ~ 都好 ~ 我都冇咩時間再去教人，不過當個女仔上左黎 . . . 心諗 . . . 真係靚女 wor ~ 都 ok ga ~ 不過我 D 死穴又黎啦 . . . 我唔敢同 D 太靚既女仔講野 ga =.=.=.= 哈哈 ~ 唔知點解 . . . 同我熟個 D 唔計啦 ~ 今日成日冇咩特別 . . . 個女仔好似好驚咁 . . . 話哂第一次出黎做野 . . . 要同趙生諗諗計令佢輕鬆 D 啦 ~ 我地又要拍住上去整蠱同玩人啦 . . . 哈哈 !!
2005 年 3 月 9 - 10 日
呢兩日超忙碌 ~ 一黎就快 test，二黎請左兩日假 . . . 要盡快 clear 手頭上既野 ~ 新黎o個個女仔 cool 到爆 . . . 唔識同佢溝通 =.=" ~ 好彩林生個面仲有靚女溝通到，哈哈 !! 兩日可能係公司做得太累啦，返到屋企都冇咩精神溫書啦 ~ 好似有信心，但溫落又唔識 ~ 好矛盾呀 !! 10 號做到 7:30 先走 . . . . 都好耐冇試過咁遲走啦 ~ ~ 好累 . . . 搭巴士大覺訓 ~ 都唔明點解好似好多野做 . . . 想有時間做番自己想做既野都唔得 . . . 不過係咁 ga la ~ 現實如此，有時係要壓抑下自己 D 感情o架 ~ 都係個句啦 ~ 人在江湖，身不由己 ~
2005 年 3 月 11 - 12 日
星期五請左假溫書再埋交 $$ . . . 上晝唔係溫書 =.=" 係到上網 ~ 準備下一次既單車旅程 . . . 踩去南生圍 ~ 有 D 網頁有埋路線圖 ~ 於是係咁睇 . . . 睇到食飯後就出發交 $$ ~ 先去旺角新世界 . . . 之後搭巴士大塞車 . . . 唔知坐左幾耐先去到尖碼 ~ 搭船去灣仔 AAT 交 $$ . . . 條友好串咀 =.=" 無奈 ~ 最後六點幾先返到屋企 . . . 夜晚可以集中溫書啦 ~
12 號繼續冇返工 ~ 今日要 test 啦 . . . 上晝梗係溫書啦 ~ 之後煲埋o野食，就出門口啦 ~ 點知 K16 去到廣東道又塞車 =.=.= 結果一到北京道個站即刻落車急急腳行去尖咀地鐵站再行去九鐵尖東站 . . . 返到 poly 成三點咁濟 . . . 好險 ~ 不過冇左半個鐘溫書啦 !! 唉 !! 今日 test 俾阿 sor 放彈簧 . . . 唔係好識呀 ~ 又話同 tut. 似 ~ 吹水 !! 測完搵唔到人食飯 . . . 唯有返屋企食啦 =.= 夜晚打機 ~ 好耐冇打啦 ~ 咁就一日 lu !!
2005 年 3 月 13 日
一早起身就打機啦，話哂算測完驗 ma ~ 根住睇棋靈王 ~ NBA ~ 新閒 ~ 打機 . . . 兩點幾三點去剪髮 . . . 剪完見天色許可同時間早 ~ 就去探路啦 !!
雖然得十度，不過都唔理啦 ~ 架單車唔夠氣 . . . 照去啦 ~ 今次想搵路由元朗工業村 --> 尖鼻咀。入到工業村好入 ~ 有 D 驚野狗，特別去到一條渠隔離 . . . . 見到有條小路上山 . . . 一個人唔上啦 =.=.=" ~ 另一邊有私家路 . . . 望入去可以見到漁塘區啦 !! 不過有狗看守 ~ ~ ~ 前面污水廠阻住 . . . 唯有走人啦，隔住條河見到南生圍個面有人玩搖控飛機 . . . 唔知幾時真真正正由我樓下踩到去南生圍呢 !? 不過諗起 D 野狗就 =.=.=.= . . . . 六點幾先返到 home . . . 好累呀 !! 夜晚冇咩特別，好快就 sleep 左 lu ~
2005 年 3 月 14 - 19 日
又過左一個星期 . . . 冇咩特別呀 ~ 工繼續返，學都係繼續返 . . . 書繼續唔係好明 ~ 星期一堂 society 有 D 關於性既動畫睇 . . . 哈哈 !! 好搞笑 ~ D 動畫人物好似火柴人咁濟 ~ 公司 D Com Sec 冇咁忙 . . . 要入番下 D 數啦 ~ 星期三 acc. 教 deferred tax，唔識呀 . . . 唔知講咩野 ~ 唉 !! 到考試個時點算呀 !!
星期四返學傾 present D 野，原來諗住發表下自己 ~ 點知一開始個氣氛已經令到我唔想講野 . . . 成晚冇出聲咁濟 ~ 睇住佢地好似 "嗌交" 咁 . . . 各不相讓 ~ 唉 !! 雖然有共識，但係一定有人不滿 law ~ 我成晚冇出聲 + 個樣木獨左 D ~ 差 D 整嬲人 tim (好彩都係冇 ^__^) . . . 傾到十點幾先走 . . . 搭巴士又冇位坐 ~ 企足五十分鐘返到天水圍 . . . 累爆 ~ 野都冇食就沖涼 sleep 啦 ~ . . . .
星期五都冇咩特別啦 ~ 星期六下晝走人，返到天水圍同安兄食 tea 同去睇 suit . . . 佢都係未買得 ~ 哈哈 !! 而我就諗緊買長定短袖恤衫啦 . . . 仲要買多條 tie . . . 之後安兄過左黎打機 ~ 都係 winning 啦 . . . 一陣就走 lu ~ 夜晚冇咩特別 ~ 搵資料之後就 sleep lu !!
2005 年 3 月 20 日
今日上晝等安兄電話去踩單車 . . . 等等下唔對路打俾佢 ~ 原來冇起身 =.=.=.=.= ~ 好彩打俾佢 jer !! 食埋飯就出發啦 . . . 今次帶埋地圖去 ~ 選定目標 . . . 由安兄樓下出發 ~ 先繞道朗屏 . . . 再入工業村 ~ 即係上星期我行過個條路 . . . 再由工業村 cut 番去巴士廠 . . . 入左條小路 ~ 眼看南生圍一河之隔，要搵橫水渡坐既時候 . . . 俾我搵到個"碼頭" ~ 於是入村啦 . . . 點知一入去就有隻狗欄住左條路 =.= 起左身但又唔走過黎 ~ 唯有避之則吉 . . . 唔行呢條捷徑 ~ 花多少少時間出番去入山背村好過 =.=
入到山背村 . . . 唔識路周圍踩 ~ D 魚塘風景好靚呀 !! 影左 D 相 ~ 遲 D post 上黎俾大家睇 . . . 之後問左 D 村民 ~ 就去坐橫水渡過山背河啦 ~ 每個人 $5 . . . 單車唔收額外 $$ ~ 一上船時平衡唔到 ~ 搞到好似就黎反咁 =.=.= ~ 嚇鬼死我 . . . 平衡番就唔驚 lu。同個船夫同埋同船村民講左幾句野 ~ 安兄就係到影相 . . . 唔駛五分鐘就過到岸 lu ~ 係南生圍遊覽 . . . 影下相 ~ 有 model 係到玩人像攝影 ~ 幾靚女呀 !! 最好笑既一 part 就係"安兄漂流記" ~ 等有相既時候先同大家講啦 ~__~
睇人玩搖控直昇機，好型呀 ~ 之後就沿錦田河踩番出元朗 ~ 上左去新元朗中心買野飲 . . . 見到我以前讀個間小學做緊 show ~ 仲見到以前個童軍阿 sir . . . 佢老左好多呢 . . . 唉 !! 咁就過左 8 年啦 ~ 真快 !! 補給完就踩返天水圍 . . . 之後既情況唔講啦 . . . 因為我會心 up ga . . . =.=" 南生圍終於都踩單車去到 lu ~
2005 年 3 月 21 日
呢日其實冇咩特別，返工都係咁返 ~ 公司都係冇咩特別呀 ~ 老闆心情似乎唔錯呀 ~ 個新同事都係繼續咁 cool =.= ~ 無奈 ~ 都唔知點名佢做同事呀 . . . . 今晚係最後一晚既 societ lecture ~ 真係快 !! 不過今次個 topic 個男同女 . . . 係上一課 sex 既 continue ~ 當上到最後半個鐘時 . . . 有三級片睇 . . . =.= 哈哈 !! 真係 ga !! 有露兩點鏡頭 . . . 係講以前一個女性係 10 個 hrs 內同 251 個男性搞野 ~o~ 痴線 ~ 都唔知咩心理呀 !!
今日 . . . 好似先真真正正清楚之前o既我係點 . . . 突然有一種好強烈既感覺 . . . . "我辜負左佢，我欠佢太多啦" . . .
2005 年 3 月 22 - 24 日
22 號一早搭完 K16 就見到我最討厭既 #201 係前面壞車 ~ 成一百個人要過車 ~ 點上得哂呀 =.=" 今日有客要去改銀行簽名 . . . 大陸董事長一大名 ~ 不過係台灣人 . . . 身光頸靚 . . . 唔敢同佢講野 =.=" 搞完就走啦 ~ 點知落雨 =.=" 唯有搭一個站 MTR 返佐敦啦 . . .
23 號冇咩特別 ~ deferred tax 上完 tut. 之後明左好多 lu ~ 太好啦 !! 都係個 tutor 好 ~ 好過個肥鬼 ~__~ 24 號又係冇咩特別 ~ 又有客去開戶口 . . . 不過同阿趙講左今次我唔去 . . . 結果我既決定係 correct ga ~ 因為有 D 問題出左黎 ~ 我去話都唔識搞 !! 今日被迫返星期六 =.= 唉 !! 借左隻 CD 係屋企 set-up，拎返屋企做 D 啦 ~ so 星期六我唔會返全日 ga !!
2005 年 3 月 25 日
今日又好早被阿媽整醒左 . . . 因為要去拜山 ~ 今次冇得坐西鐵 =.= 又要我要十幾蚊搭巴士出去長沙灣 . . . 唉 ~ 冇計啦 !! 不過今次阿媽唔知發咩神經 . . . 拎成一大袋野去 ~ 搞到我極之反感 . . . 去到長沙灣轉巴士上慈雲山 ~ 上到去又係咁叫我講幾句 =.= 我話我心入面講左又唔信我 ~ ~ 無奈到爆 !! 年年拜山都有 D 人拎住 D 紅紙既物體黎搵食，今次又有 . . . 不過娘親行開左 ~ 我就同佢地講 "我冇 $$ 俾你 ga wor" ~ 佢地好無引就走左 . . . 哈哈 ~ 下面有警察巡緊 ~ 希望捉佢地啦 !! 搞左有半個鐘就走啦，去慈雲山中心食野 . . . 等左好耐先有 ~ 不過冇啦啦多左杯華田飲 ^__^ 哈哈 ~ 食完就搭小巴落鑽石山啦 . . . 同阿媽去到巴士站就走人啦 ~ 返荷里活買菲林，一場黎到諗住叫 flora 落黎行下啦 ~ 點之又掛住同幾隻野睇戲唔肯落 . . . 無奈地出發去葵芳曬相 ~
行番去巴士站搭 38 . . . 等左一架唔上博有 hot dog 坐 ~ 點之下一架都唔係 ~ 唯有照上啦 !! 頂 ~ 半個鐘就去到葵芳 =.=.=" 太快啦 ~ 之後去曬相 . . . 1 hr 有得拎 ~ 週圍走 ~ 又坐左陣 . . . 俾埋份 MC Q 俾 polly 就返去拎相閃人 ~ 搭小巴返荃灣西坐西鐵落元朗買 winning 8LE。之後就回家大吉啦 !! 隻 game 又難玩左呢 . . . 夜晚睇埋大長今就大覺訓 lu !!
2005 年 3 月 26 - 27 日
26 號上晝係到打機 . . . 食完飯就返工 ~ 前兩晚係屋企入左 D 數 . . . 今日返去釘埋 D 單同對數 ~ 結果 5 個鐘先搞掂 2 個月 ~ 同我 expect 既一樣 !! 最麻煩係 8 月有一段時間 overdraft 左 . . . 睇得幾辛苦 ~ 同埋俾我發現左有人不誠實匯報鐘數 . . . 出多左糧 =.=.=.=" 無奈 !! 6 點半走人 ~ 食完飯睇左陣電視就溫下書 . . . 未溫過 =.=.="
27 號上晝睇電視 + 打機 only ~ 下晝落元朗抄 winning save，返到 home 繼續打 =.=.=" 打到食完飯先再去溫書。坦白講，星期五 test ~ 不過我唔識溫呢一科 . . . 出 70 條 MC . . . 15 條 short Q. ~ 唉 !! 6 課書 . . . 就咁睇 ga jer . . . 又唔知要背咩 ~ 下個月開始忙碌啦 =.=" 今日有一種不安感覺 ~ 星期二返工會有野發生 . . . 希望唔好中啦 !!
2005 年 3 月 28 - 31 日
28 號繼續係到打機 . . . 哈哈 ~ 不過又唔係成日都打 ~ 下晝都有溫書。今次 winning 用左車仔玩 master ~ 因為前兩次用過 AC 同巴塞 . . . 曼聯實俾安兄用 ~ 唯有用車仔啦 !!
29 號要返工 lu . . . 好彩冇咩特別 jer ~ 好平常咁過 . . . 放工就急急腳返屋企溫書 lu ~ ~ 30 號返學唔知佢講咩 . . . 堂堂 acc lecture 都係咁 =.=" 唯有寄望 tutorial 啦 ~ 31 號去左 stocktake 呀 !! 好興奮 ~ 個客係做一 D 同 CD 有關既生意 ~ 去點 CD ~ 好好玩 !! 不過o個度個女仔冇之前去個時咁靚 lu . . . 仲好似肥左 tim =.=" 哈哈 ~ 不過呢個 stocktake 真係好簡單 . . . 下年我仲係到做的話可以一個人去都得呢 ~ 放左工返屋企溫唔到書 . . . 因為條保險友上左黎 . . . 頂 ~ 到做大長今先走 . . . 唉 !! 唔溫啦 ~ 聽朝先早 d 起身溫啦 !!