2０0５年之８月號日記

7 月 30 日
天氣 : 雨

整個七月係空白的 ~ 因為冇咩特別 ~ 最多有兩三四日係出左去玩 . . . 都係踩單車同打波 ~ 教人踩單車都幾好玩 ga !! 哈哈 ~ 其他都冇咩特別啦，因為日日都係返工 . . . 有時去學車咁啦 ~ 加上懶左同埋想加 D 野入個日記到 . . . 所以七月係空白左。

不過空白還空白 . . . 總有 D 日子我係唔可以俾佢空白 gei !! 今日係一個大雨星期六，拎住部相機返公司影人同偷拍 ~ 可惜始終係星期六 . . . 冇咩點影到人。今日用一個輕鬆心態做野 ~ 因為今晚約左 miss leung、ti 同埋 Ying 去旺角食飯 ~ 超期待呢 ~ 因為上次已經 delay 左一次 ga la !! 好快又到左 lunch time ~ 叫左個外賣食 . . . 睇左陣報紙就返屋企 . . . 一返到去大覺訓 ~ 訓到五點半醒左 . . . 好頭暈咁樣就出左去啦 ~ 因為岩岩醒又驚遲到 wor !! 哈哈 =.=" 去到南昌都算早 ~ 咁岩有個女仔o係到做問卷調查，咁就做下啦 ~ 佢要做 40 份 ~ 雖然唔多 . . . 但係無咩人理佢 ~ 都幾難搞呀 !! 之後就搭 701 落 M.K 啦

去到地鐵站見到 Ying 係到 ~ 其他未到 . . . 同佢傾下計 . . . ~ 上次去學車我見到佢佢又見到我 . . . 不過唔知咩事無叫大家 =.=.=.=" 種感覺太難受啦 ~ 哈哈 !! 知道佢學車出街差 D 炒都咪話唔驚 !! 小心至上呀 !! 之後阿 ti 突然出現 . . . 哈哈 !! 仲有另一個 ying o黎埋。齊人就同 miss leung 會合啦 !! 都無見一年啦，miss leung 都o係咁靚 ^___^ 嘻 ~!! 去左間日本野食 . . . 一路食一路傾 ~ 知道番好多以前中學而家既情況呢 ~ 我地仲有好多野講呢 !! 成晚傾計多過食野 ~ 嘻 !! 最好笑就係我地影相o個時 ~ miss leung 要求好高，影得佢唔靚要重影，哈哈 !! 好搞笑呀 !! 好快就過左兩個鐘要走人 lu . . . 同 miss leung 道別就去搭 701 ~ 希望快 D 到下次可以去 miss leung 屋企啦 !! 行去巴士站途中 ~ 三位女士入左間賣化妝品個 D 野o既 shop . . . 我只好o係門口等 =.=" 而家 D 香水真o係越來越得意 ~ 上左 701 去到南昌就西鐵啦 ~ 佢地去到朗屏就走哂 lu . . . 下次見啦 ~ 返到屋企 bath 埋上左陣網都 sleep la ~ 今日好開心呀 !! 遲到我會 post D 相去個 album 分頁 . . . 大家留意下啦 !!

7 月 31 日
天氣 : 雨

一個下雨的星期天，一早起身 online 左一陣就出去學車啦 ~ 唔知係唔係落雨關係，今日水準冇前兩堂咁好，不過都冇咩大問題出現 ~ 個 ar sir 話我 keep 住呢個水準到中期試應該冇問題 wor ~ 希望啦 !! 學完車就走人返屋企煮粉食，食完就打機 ~ 打到夜晚食飯呀 . . . 跟住就睇電視直到 sleeping lu ~ 今日都幾無聊下tim ~

8 月 1 日
天氣 : 晴

我最後一個月o既暑假 ~ 8 月終於o黎啦 . . . 要好好珍惜呢個月 ~ 到時夜校開學就冇咩時間去玩 lu . . . 今個月有 camp 去啦、有 K 唱啦 . . . 希望陸續有啦 . . . 不過要交學費 ~ 好窮呀 !! 今日好好天，一早去搭 K76 -> 西鐵 -> K16 返工 ~ 其實日日如是 ga la。返到去都係吹下水先做野，原本都冇咩特別事 ~ 一到下晝就激死我 !! 公司隻笑面虎又出動，同佢講下叫佢俾番 $$ 我 ~ 因為幫佢 "燒碟" ma，點知佢連珠炮發 . . . 又話以前點對我呀 ~ 俾波經我睇呀 ~ 而家少少 $$ 就要問佢拎呀 ~ 以後唔俾波經我呀 . . . o係咁講 !! 講到我火滾 !! 大佬 ~ 你個個星期都買報紙，好似係你自己俾我 ga wor ~ 你又唔識睇波 . . . 要份野都冇用啦 ~ 況且我都唔賭波，我要份野係睇下 D 消息 jar ma ~ 都唔明佢做咩咁大反應 !?

佢自己又唔係冇 staff 幫佢，又要借我地一個人幫佢去沙田 wor ~ 問佢點解唔叫佢個 staff 去 ~ 佢問個 staff 驚 wor !! 但係當時氣氛睇，佢講緊大話 . . . . 因為佢個 staff 個樣好無奈呀 ~ 算啦 !! 上次隻笑面虎已經同我鬥串左一次 ga la ~ 今日再o黎多次，我對佢已經無哂好感 ~做會計師做到佢咁o既人 . . . 悲哀 !!

今日放工前要趕一間公司 D 文件，搞到成 7:30pm 先走 . . . o個一刻真係好無助 ~ 因為好似無人幫到我咁 . . . 一搞掂就即刻走人 ~ 留番份野聽朝先對過 !! 唉 . . .

8 月 2 日
天氣 : 晴

今朝又忙一大餐 . . . 好彩阿趙幫我睇 D 野 ~ 比我想像中順利，都唔明點解 D 人咁鐘意用空殼公司買車買樓 ~ 個責任係無咁大o者，不過呢 D 都係有 $$ 人做 ga la ~ 今日忙完就幾悠閒啦，下晝仲同個同事一齊出去 CR 同 IRD 帶佢去學野 tim . . . 哈哈 !! 去 IRD 途中見到好多人去漫畫展呀 ~ 仲有好多好漂亮o既女仔 ~ 嘻 !! 去完 IRD 成四點幾成返到公司，做做做 . . . 做到六點半閃人 ~ 鬼咩，尋晚咁夜先走 . . . 早 D 返去休息。

今晚阿媽請食飯 . . . 去大家樂食 ~ 食左個意粉同埋飲左杯楊枝甘露 . . . 好味呀 ~ 之後去 welcome 買左條朱古力 ~ 正 !! 返到 home 就睇電視啦 . . . 十點幾就訓左 lu ~

今日問左笑面虎個 staff，原來尋日笑面虎真係講大話呀 !! 佢個 staff 冇講過驚唔想去 ~ 佢個 staff 仲話番笑面虎利用佢 tim . . . 唉 !! 算啦 . . . 好可以當佢透明 ga la ~ 今日 Lori 姐幫佢去完 court，嚇個半死番o黎 ~ 哈哈 !! 笑死人呀 !!

8 月 3 及 4 日
天氣 : 晴

3 號一早整理好哂 D 文件，就可以 send 番出去俾個買樓人啦 ~ 不過手頭上仲有兩三間未整 . . . 今日應該整得哂 ga la ~ 呢幾日 lori 姐去左 camp . . . 公司好似靜左少少 ~ 我都唔敢想像暑假後o既冷清會係點呀 . . . . 今日過得好平淡呀 ~ 冇咩特別事情

4 號再有一個暑期工請左假 ~ 阿俊哥仔 . . . 搞到我超悶 ~ 今日終於可以再做 account D 野啦 . . . 繼續夾兩間公司O既 CURRENT A/C ~ 好鬼煩呀 !! 我諗要到下星期先有可能埋哂數 =.=" 無計 ~ 下星期有兩日請左假 ~ 哈哈 !! 終於可以抖下啦 !! 不過天文台話會落雨 . . . SHIT ~ 係就慘啦 ~ 話時話 . . . 好似好耐冇去影過相 lu ~ 希望返學前去影多次啦 . . . AL1 又係今個月引退 ~ 都係時候搵多 D AL1 o既相啦 . . . 因為我影得好少 jar . . . 呢兩日六點半就走 ~ 唔埋阿趙 lu . . . 哈哈 !! 我要自私少少，coz 就o黎要返學啦 !!

8 月 5 日
天氣 : 晴

今日都係好悶 . . . 對下 D annual return 同埋寄俾 D 客 . . . 下晝繼續夾 CURRENT A/C ~ 開始 ok 啦 . . . 比我預計快左 ~ 呢兩日發現左個 attachment 師妹一個弱點，就係唔敢打比人 or 係公司唔係好敢聽電話 =.=" 同新o黎冇咩分別 ~ 為左訓練佢，我下晝走左去隔離o個面坐 ~ 讓個位俾佢當 train 下佢 . . . 哈哈 !! 要同 miss ng 講下呢件事先 !! 再加上下星期我有兩日唔係到 . . . 為左減低影響 ~ 要教佢地開單等等日常運作o既野 . . . 費事去緊 camp 無啦啦打o黎問我呢樣o個樣 =.="

今日好累 ~ 六點走人 . . . 走之前公司有野食 ~ 好味呀 !! 返到天水圍幫安兄拎埋副 con ~ 再送埋過佢屋企 ~ 佢隻 cat 同 dog 真係熱情 . . . 一聽到門鐘響就走出黎 ~ 可惜我唔係佢地主人，哈哈 !! 唔知佢地有無失望呢 =.=" 搞好就踩番單車飛番屋企食飯 ~ 今晚睇埋妙手 3 先訓。

8 月 6 日
天氣 : 晴

今日夾好個 current a/c 啦 !! 再夾埋個 MPF 就正正式式埋好數啦 ~ 我諗呢個滿足感一定係好大，最希望就係去 camp 前做好 . . . 不過應該好難 ~ 下晝走人，買野食返屋企 ~ 好好味但係好熱氣呀 !! 食完抖左陣就去學車，今日係模擬考試 ~ 個師博好多野講 ~ 考過程冇問題 ~ 到時 keep 住呢個水準可以 pass ga la，不過考試再 train o個時死左兩次火 =.=" 都好既，可以改善下 ma ~ 不過因為咁 . . . 個師博教左我另一樣野 . . . 幾正呀 !! 學完就訓屋企 lu

呢排阿媽好懶 . . . 成日掛住訓 . . . 屋企有 D 烏煙瘴氣o既感覺 ~ shit !! 今晚又係咁 . . . 唔理佢啦 ~ 打機打到成一點成 sleep zzzzz . . !!

阿 ti 等下啦 . . . 下星期有相睇 ga la ^__^"

8 月 8 日
天氣 : 晴

尋日過得好無聊 ~ 買唔到 winning 9 . . . only 玩 winning 8LE。成日係咁打機 only !! shit !!

又一個星期的開始，一返到公司就忙到嘔泡 . . . 又有個客要買間公司 for 簽 contract 買樓。同上一次唔同，今次冇時間走盞下 =.=" 要下晝即刻要哂所有文件 . . . 唯有佢地一路 choose 公司一路做文件 ~ 好彩有阿趙阿俊幫幫手 ~ 如果唔係我會忙死 =.=" 等佢地簽好哂名就俾 may 姐出街啦 ~ 直到食 lunch 無啦啦打俾我話改左時間要早少少上o黎拎野 ~ 我食左半個 lunch (有十五分鐘o係等碗粉 -.-) 好彩 christy 肯幫我上番公司拎野落o黎 . . . 再去地鐵站會合 may 姐拎哂文件 . . . 即刻又要跑番公司影印同整理哂所有佢地要o既野 ~ 最後都大功告成 !! 不過已經好累啦 . . .

一到五點半就同阿俊走人 ~ 同埋 lori 一齊落油麻地 neway 唱 k . . . 阿俊唱歌真係好好聽呀 !! 到到成七點stephanie 佢地所以人o黎哂啦 !! 成晚勁好笑 . . . 有一穫笑到我眼水直標 . . . 哈哈 !! 因為有人唱錯歌詞 ~ 超搞野 !! 玩到十一點幾走人散 band ~ 同 christy 落 M.K 搭巴士 . . . 點知岩岩走左架 701 =.=" 之後 christy 上左 59x 一陣有 701 o黎埋 ~ 咁岩安兄趕到 . . . 齊齊上車 ~ 不過成程佢哂到打電話同 sunday D 人理論 =.=" 早知唔等佢 . . . 哈哈 !! 講笑 ~ 返到 home 都成十二點幾啦。bath 埋成點先訓 . . . 好累呀 !!

p.s 今日第一次俾老闆個朋友讚，開心 !! ^________^

8 月 9 日
天氣 : 陰陰地

返埋今日聽日就去 camp 啦 ~ so 今日好輕鬆，雖然聽日 camp 玩 D 野對我好有難度 . . . 但係我志在休息 ~ 都唔 care 有咩玩 lu . . . lori 姐放左榜 ~ city 收左讀 account ~ 幾好呀 !! 阿俊今日下晝走左 . . . 不過我諗佢聽日 CE 放榜冇問題 ga la !! 今日走之前都要交代 D 野 . . . 如果唔係班友實打電話o黎煩我 =.=" 所以都做到成七點先走人 . . . 咁岩 christy 又係搭西鐵 ~ 咁又一齊走啦 . . . 今日佢 last day ~ 不過好平淡。我都帶左相機諗住影相 ~ 不過 D 老闆係到阻住左 ~ 冇得影 . . . 希望下次再一次一齊出o黎玩可以整番個大合照啦 !!

返到屋企都冇咩點執野 . . . 因為聽日下晝先出去 ~ 聽朝執都唔遲啦 . . . so add 哂佢地 D icq 就走去訓覺啦 !!

8 月 10 及 11 日
天氣 : 陰晴不定

10 號終於去 camp啦 ~ 不過一朝公司就打o黎 ~ 原來我唔記得講低密碼 =.=" so flora 一早打o黎問密碼 =.=" 好在我已經起左身o者 . . . 執左野之後 ~ 個袋好重呀 . . . 冇計 ~ 全部都係必須的 !! 之後去左安兄屋企 ~ 條友仲未搞掂 . . . 於是影佢隻 cat 同 dog ~ 隻 dog 好百厭 . . . 影佢就吠 . . . 隻 cat 要等佢坐左係電視頂先影到 =.=" 之後就出發啦 !! 返到朗屏安兄去用 EPS 拎 $$ . . . 之後返到我以前成日去o既地方 ~ 裝修過 . . . 幾靚呀 !! 等左一陣就上左架 24 人小巴 . . . 不過安兄超百痴 . . . 去完 toliet 跑過o黎時走左上前面部旅遊巴 . . . 全車大笑 ~ 因為係佢 D 義工 member ma。之後就出發啦 !! 打左俾阿俊問佢成績 . . . 同我 expect 差唔多啦 . . . 17 分原校 ~ good ar !! 之後打俾 stephanie 問埋 christy 成績 ~ 同佢吹左陣水 . . . 過多左就到西貢戶外康樂營啦 !! 原本入到去等介紹都冇咩特別 . . . 但係一完左出去營舍條路望出去 . . . 風景好靚 ~ 背山面海 . . . 正呀 !!

係營舍放低 D 野就去玩繩網 . . . 入左體育館聽講解就出發 ~ 不過我冇玩 . . . 畏高發作 ~ 講真我都預左唔玩 ga la ~ 之後走番去體育館打波 . . . 好玩 ^__^ 打到咁上下就返營舍換衫 . . . 六點出去食飯 ~ 餐飯又幾好味 ga wor !! 食完打左左乒乓球就返去玩 game ~ 分三隊搵星星 . . . 不過我地同另一對結盟一齊搵 . . . 哈哈 !! 結果大家 20 粒搵到 18 粒 . . . 拎左獎金 $180 ~ 再大家夾少少 $$ . . . 有人出西貢市中心 . . . 趁呢後時間去 bath !! 費事有人搞事 . . . 沖都沖得唔安樂 . . . 哈哈 !! 之後睇電影同報紙 . . . 佢地返哂o黎夜晚玩 game . . . 輸左要飲啤酒 ~ 我都係飲過一次 . . . 好彩 ~ 到到十二點到就去 sleep lu !!

11 號一早天朗氣晴 . . . 不過尋晚受噪音影響訓得唔好 ~ 今日食完早餐去玩木筏 . . . 又係聽講解先就玩啦 ~ 一路紮一路都好平靜 ~ 著埋救生衣準備出發 . . 落埋海都冇問題 ~ 已經覺得自己好勇敢 . . . 因為我細個浸親 ~ 忌水的 . . . 當我以為冇問題o既時侯 . . . 突然落大雨 . . . shit ~ 我心理上即時o既反應，加上身體狀況有變 ~ 唯有要求返轉頭 . . . 睇住佢地出哂去我好灰呀 !! o個一刻真係好無奈 . . . 算啦 !! 我都已經試過 ga la ~ 等到佢地返o黎就幫佢地影相啦 . . . 個個問我做咩唔玩 ~ 我都係笑笑口冇答佢地 ~ 唉 !! 玩完就返去沖身執野換衫 . . . 再走左去泳池睇左陣就執野去食 lunch lu ~ 食完就走啦 . . . 真係唔捨得呢度 D 環境呀 !! 上左旅遊巴 . . . 都唔明點解咁少人都租旅遊巴走 =.=" 睇左陣司機 drive 就 sleep 左 ~ 返到朗屏呆左陣就返屋企 lu . . . 打左陣機 ~ 安兄放我飛機 =.=" 算 ~ 夜晚睇電視之後就 sleep lu . . . 聽日又要返工啦 !! 希望冇咩野剩俾我做啦 !!

8 月 12 日
天氣 : 雨

一早返到去見到我o個位上面 D 野已經想發脾氣 !! 應該話發左 . . . 頂 !! 有 D 野唔駛我跟呀 !? 開 cheque 又俾返我 . . . 唔知邊個 fax 完野放左張野係到 . . . 叫我放係落 file 呀 !? 唔關我事 D 野又俾埋我 . . . wholly shit !! 趙生返o黎我都冇埋佢 ~ 發埋佢脾氣 !! 成朝大部分時間我係黑面的 !! 到到 lunch 個時先冇事 . . . 今日 only 得我、stephanie、zoe 同 lori 姐去 lunch ~ 不過都唔覺悶呀 !! 食完就去交學費同咭數 . . . 返到去趕埋 D 野要早走 ~ 要學車 . . . 加上阿媽驚打風落雨 ~ 要我返屋企收衫先 =.=" 公司有個電話話有人想開公司搵老闆 . . . 但係趙生叫我聽 . . . 冇理佢直接話唔聽 ~ 哼 !! 做到四點走人 . . . 趕返屋企收左衫又出過去 ~ 好在又趕到 !! 六點半上 solo ~ 得我一個 control 架車 !! 不過落大雨睇唔到鏡，加上場內有盞大燈反光 . . . 有一次差 D 失手 ~ 整體感覺 ok 呀 !! 之後上理論 . . . 見到 Ying wor ~ 嘻 !! 不過上完理論堂之後有 D 驚下星期個泊位試 tim =.=" 又呢樣個樣 ~ 之前都未聽過 . . . 下堂問清楚先 . . . 同 Ying 傾左陣 ~ 到左元朗廣場就搭廢鐵返屋企睇野蠻奶奶呀 !! 個結局都幾得意 . . . 呢套野真係好白痴呢 !! 睇埋妙手III就 bath 同 sleep lu ~

8 月 13 日
天氣 : 雷雨

又到星期六啦 ~ 今日整埋以前少少手尾 . . . 再跟埋 D 客唔交商業登記 ~ 就應該可以更加專注手頭上工作 . . . 今日林老闆o個面有o黎 interview ~ 第一個係男丁 . . . 好高同好肥 ~ 一定可以壓死 stephanie . . . 哈哈 !! 更加可以同阿趙玩相樸 ~ 第二個係女仔 . . . 留意唔到咩樣 . . . 不過有 D 唔好惹o既感覺 ~ 呢個 in. 左好耐 . . . 最後仲請埋 tim ~ 星期一返工，真係快 ~ 不過因為咁 zoe 冇得返啦 ~ 要到下星期四先見到佢 lu . . . 噢 . . .

今日一點鐘準時走人，返大家樂買雞脾食 . . . 上左陣網走左去訓覺 ~ 好好訓呀 !! 也許呢排唔夠訓啦 . . . 夜晚睇左陣電視 ~ 食完飯沖埋涼 . . . 十點幾就 sleep lu !!

8 月 14 - 20 日
天氣 : 大雨的一個星期

唉 ~ 唔好意思啦 ~ 呢個星期懶左 tim . . . 唯有做個週記啦 !! um . . . 一星期o既開始，林生o個面有同事返 ~ 不過 zoe 同 christy 就唔駛返 lu，冇左佢兩個真係悶左好多呀 !! 冇左 christy 俾我笑 . . . 冇左 zoe o既語出驚人 . . . =.=" 得番隻小豬俾我笑 . . . 遲 D lori 姐、flora 同俊返埋學實悶死我啦 !! 呢段時間公司o的 job 清左好多 !! 有 D 空閒o既感覺，哈哈 !! 因為佢地仲o係到 ma . . . 好多濕碎野唔駛我跟 ma ~ 唔知 9 月會係咩環境呢 !!

呢個星期 May 姐入左醫院做小手術 . . . 可惜我地就唔到時間去探佢 . . . 希望佢休息多 D 快 D 好返啦 !! 因為 May 姐冇返 . . . 日常清潔就由我地分擔啦 !! 而出街 D 野就交左俾 lori 姐同 flora 輪更 ~ 哈哈 !! 貴人出門招風雨 . . . lori 姐真係貴人呀 !! 不過佢地兩個好似仲未分得清 CR 同 IRD 應該去邊度 . . . 無奈 =.=" 阿俊都係跟番 Eva D 野啦 . . . 冇咩特別 ~ 呢排俾 stephanie 小豬改左個好"可愛"o既花名 / . \ ~ 嗚 . . . . 冇哂佢符呀 !!

Poly 就快開學 . . . 唔捨得我個暑假呀 !! 又要努力了 . . . 希望今年可以比上一年更好啦 !! 我有心去做o既 . . . 唔會難到我o既 ^__^ 學車就 pass 左個泊位啦 !! 遲 D 考埋路試就得 ga la . . . 不過考o個日其實係o係我水準之下 . . . 幾危險 ga ~ 好彩都 pass o者 !! 遲 D 返學返工又學車 ~ 希望就到時間啦 !!

公司為左獎勵我地 . . . 今個月我、lori 姐、俊同 flora 都希 special bonus $500 . . . um ~ 對我o黎講我唔會太開心 ~ 因為太少啦 !! 不過對佢地o黎講一定開心啦 !! 特別阿俊 ~ 嘻 !! 我 9 月又加人工啦 ~ 不過加得 $300 only ~ 都好好 ga la !! 因為上次話過到年底先 review ga ~ 而家提早左不得止 . . . 老闆話年底會再 review wor ~ 希望到時我可以 bargin 到 $7,000 啦 ~ 諗番老闆講 D 野都幾滿足呀 !! 不過仲有地方要改進 ~ 我都知 !! 今時今日o既我同半年前比較 . . . 真係有好多地方唔同左 lu ~ 唔止工作 . . . 就連我性格同埋待人都唔同左 ~ 都好 gei ~ 成 20 歲仔 . . . 冇可能仲成個小朋友咁 ~ 不過玩人除外 . . . 呵呵 !!

成個星期都落雨 . . . 仲好似打風咁 ~ D 衫都濕鬼哂 . . . 落雨o既夜晚特別多野諗 =.="

8 月 22 日
天氣 : 晴

又一個星期o既開始 ~ um . . . 我諗要珍惜下呢個星期同lori 姐、俊佢地相處，因為佢地 last week 呀 !! 以後冇得經常哈哈大笑lu . . . 又要對住趙生 only =.=" 唉 ~ 無法啦 !! 睇住佢地初初o黎返工好似好文靜，特別係 lori 姐啦 ~ 點知原來都係活躍份子 . . . 哈哈 !! 阿俊o黎埋之後多左個男仔 . . . 起碼有人陪下啦 ~ 唔駛對住成班女仔 . . . . 希望佢地將來俾心機讀書啦 !!

今日 lunch 大伙兒去飲茶賀 Eva 牛一 . . . 好似有 14 個人呀 !! 熱鬧 ~ 今次食左好多野呀 !! 有個飯好好味 ga !! 唔知咩名堂 . . . . 食食下我又成為連生o既目標 . . . . 又同我訓話 =.=" 又唔訓埋阿俊 . . . 無奈 !! 不過最好笑都係連生冇改英文名o係到叫自己個姓 ~ Lin . . . Lin . . . 笑到我呀 !! 哈哈 ^__^ 食完就返公司啦 !! 之後同阿俊落左去兌 $$ . . . . 就係公司做野 lu ~

今日集體 6:00pm 走人 ~ 可惜有隻小豬同佢同事被困冇得走 ~ 哈哈 !! 落左元朗 book 埋個路試日期 ~ oops . . . 10 月 7 日 ~ 又要 book 堂上啦 !!

8 月 23 日
天氣 : 晴

May 姐今日返o黎啦 !! 不過返到去o既情況竟然係 stephanie 同 May 姐一齊清垃圾 ~ o個一刻我係呆左的 . . . 因為諗唔到小豬會咁勤力幫 May 姐 =.=" 哈哈 !! 今日表面上我o係公司好似好悠閒 . . . 其實大把野煩緊 ~ 都唔知點 handle 好 ~ 不過都唔駛搵人幫我住o既 . . . 今日老闆同趙生周圍走 ~ 去完呢度又去另一度 . . . 老闆仲發埋脾氣 tim ~ 最衰係個周生 ~ 不知所謂 !! 唉 ~ 做人做到咁真係悲哀呀 . . . 權力榮譽沖昏頭腦 . . . 可以由呢個人身上睇到。不過我冇當個佢係老闆 bor . . . 佢只係一個前輩 jer !! 我係唔會服佢的 !!

今日發覺原來趙生唔係公司既時候我既感覺係無人睇住好正 . . . 唔知點解今日感覺特別深 !! 話時話 ~ 我已經開始好討厭公司係放工 or 放假o既時候仲打o黎 . . . damnit ~ 咩 mood 都冇哂啦 !! 情況再o係咁的話 . . . 我會出聲 ga la ~ 再唔o係就唔聽電話 !! 尋晚又打o黎問埋 D 一 D 都唔重要o既野 . . . my god . . . 如果我唔係俾返學呢樣野限制住我 . . . 我走左十世啦 !! 唉 ~ 今晚睇完 yummy yummy . . . 有 D 慨嘆 ~ 也許人生就是如此吧 ~

8 月 24 日
天氣 : 陰

今日諗住冇雨落 ~ 點知 lunch 落雨 wor ~ 唯有o係公司拎傘出去食飯啦 ~ stephanie 病左無返 . . . lunch 個時打去慰問下佢 ~ 今日都成點鐘成出去食 . . . 唔記得左打俾 toby 叫佢一齊食飯 tim ~ 難得佢出 job o黎佐敦 =.=" 去左上次同老闆一齊食個間 ~ D 湯好好味呀 !! D 食物都 ok 啦 . . . . 之後返公司繼續做野 !! 做到六點半走人 . . . 返到天水圍就發火啦 !! 見廢鐵 751 條坑有人上o黎 . . . 即係應該走左架 ~ 而家又冇 751P . . . 咪走去搭 706 law . . . 單卡 ~ 點知迫到嘔泡 !! D 人仲係咁迫入o黎 \ . / 仲話下一班成 7 分鐘後先到 wor ~ 心諗 . . . 你地唔係信個時間 display 呀 !? 搭開都知佢昆人 ga la !! 個司機仲唔肯開車 . . . D 人繼續迫入黎 ~ 到到架廢鐵開啦 . . . 後面有架孖卡 706 ~ 嘿 !! 1 分鐘都冇就黎啦 . . . 都唔明 D 人點解解自私 ~ 一D 都唔理人感受就迫入黎 ~ 有人仲差 D 仆親 tim ga !! 唉 !! 架車過左一個站我忍無可忍就落車搭後面架 761 . . . 激死我呀 !!

返到屋企樓上又有水滴落o黎 . . . 搵 D 看更上黎睇 . . . 之後佢上左樓上睇 ~ 我就用鏡照上去 ~ 嘿 !! 俾我見到 22 樓條粉蛋插緊條喉去部冷氣到 ~ 不知所謂 !! 晚晚都係咁 . . . 今晚又係咁咪打電話去 complain ~ 而前都試過 ga la ~ 而家都仲要係咁 wor !! D 人真係唔知點諗 . . . 一時又拋野落街 . . . 一時又倒水 ~ 咩都有 !!

如果呢個世界冇左"自私"呢樣野，我相信世界會係好和平 ~ 好少爭吵 !! 可惜 . . . 人類鐘意自取滅亡 ~ 唉 !!

8 月 25 日
天氣 : 陰

今日好早返到公司啦 ~ o係樓下見到 May 姐 . . . 一齊上去開門 ~ 之後 stephanie 返啦 . . . 個樣好病 ~ 仲發燒 tim =.=" 今日 lori 姐冇返 . . . . 有 D 悶 ~ 因為通常一早會聽到佢同阿俊係到吹水 . . . 今日近 LUNCH TIME 時間又有收數公司上黎追數 . . . D 客真係煩 ~ 搵著我地黎搞 ~ 條友幾串下 . . . 我 D 語氣都開始不滿 ~ 阿趙講多兩句條友仲返埋去阿趙到想兇佢 =.=" 但係又退後左 ~ 哈哈 !! 百痴 ~ 後面個阿頭終於出聲啦 !! 果然見慣場面 ~ 好平淡講多幾句就走左 lu . . . 因為呢件事 ~ 我同俊 (其實係我) 決定留返公司食野 . . . 廢事再有人上黎搞事 ~ 因為公司得番 stephanie 一個 jar . . . 但係佢地個個原來都買哂外賣返黎 ~ 好 !! 夠 team work !! 之後林生返o黎啦 ~ 點知一返黎同我講話對住呢收數佬唔駛咁講野 ga ~ 又呢樣個樣呀 ~ 小心俾人打呀 . . . 你唔敢人地打 ga ~ 咩廢事煩呀 ~ wholly shit !! 一個過於保守o既男人 . . . 難聽 D 講就係怕死 ~ 我牛脾氣極都唔會亂衝亂撞同人打架 . . . 我好識控制自己情緒的 ~ 呢樣要多謝我阿媽教導 !! 不過真係諗唔到佢會講 D 咁縮骨o既野 law =.="

到到下晝繼續做野 . . . 平安無事呀 ~ 有個客上o黎搞報稅 D 野 ~ then 我聽到阿趙問林生駛唔駛我地幫佢做 account . . . 林生有以下反應 : "um ~ 駛唔駛呀 !? 如果俾 flora 做的話不如俾番我地啦 . . ." 語氣係好睇唔起我地呢邊 ~ 佢地o個面咁忙 . . . 我地反正有人幫到手 ~ 不過佢 D 語氣真係好睇唔起人 law !! 如果聽到我地哈哈大笑就覺得我地唔得唔認真就真係死啦 ~ 外表唔代表一齊 . . . 一個外表正正經經o既人實際可能係一頭色狼 . . . 總之 ~ 我會記住今日佢講野o既語氣 !!

以上係個人主觀睇法 . . . 唔代表一齊o既立場 ~ 叫我換個角度去睇 . . . 我咩都睇唔到 !!

8 月 26 日
天氣 : 陰

今日o係 lori 同阿俊o既 last day ~ 唔經唔覺就過左三個月。遲 D 我會係 "私感覺" 分頁分享一下同佢地O既相處 . . . 返到o黎都係聽到 lori 同俊o既吹水聲 ~ 直至趙生返o黎先肯去做野 ~ 哈哈 !! 好多時都係咁 . . . 因為我都會吹埋一份 !! 最後一天O既佢地 ~ 執捨自己手頭上O既工作 . . . 交代左一齊一齊 ~ lunch 去番上次同老闆食個間 . . . 始終o個度同佢地食 last 一次上班中的 lunch 比較好 ~ 食完 lunch . . . 餘下的一個下午 . . . 各有各忙 ~ 忙中吹下水 "疾" 下人 . . . 哈哈 !! flora 早走去左洗牙 ~ 真幸福呀 !! 時間一秒秒咁過 . . . 要走的始終要走 ~ 呢一分鐘後 . . . 大家天各一方 ~ 各自為自己而努力 . . . 希你地俾心機去做自己想做o既野 ~ 多謝你地o係呢個暑假帶俾我o既歡樂 !!

8 月 27 日
天氣 : 晴

一個沉默的星期六 . . . 咩人都冇 ~ 好唔慣 ~ 今日只係做 D 輕鬆o既 job . . . 都係我o既作風 . . . 對下文件改下野咁 . . . 就過左一個上晝 ~ 等埋 stephanie 一齊離開公司 . . . 佢要返學 ~ 病左仲要繼續努力 . . . 我就返屋企 ~ 去到樓下買左外賣上樓食 . . . 點知一出電梯嚇左一跳 ~ 走廊 D 牆被人鑽哂 . . . 屋企鐵閘俾人要凡布遮住 . . . 有 D 心寒 ~ 不過唔理照入屋啦 !! 點知食食下聽到出面有聲 =.=" 原來鑽到過o黎啦 . . . 啦啦聲執野落街 . . . 要o係樓下食埋我 D 外賣 =.=.=" 食食下有藍帽子巡街 . . . 不過冇查我 ~ 哈哈 ~ 食完就出發去學車 !!

今日第一堂出街，有 D 緊張 . . . 不過上到車就好自然啦 . . . 今日主要o係工業村行 ~ 開到成四十幾 . . . 不過有 D 其他學神真係好慢 . . . 仲有成日俾車插埋o黎 =.=" 無奈呀 !! 整體感覺幾好呀 !! 之後就返屋企 lu . . . 同佢地 confirm 哂聽日 D 野 . . . 夜晚恰著左訓埋覺 =.= zzzzzzz . . . .

8 月 28 日
天氣 : 晴

今日阿媽要返工 ~ 無早餐食要落街買 . . . 望去漁塘區 . . . 幾清呀 !! 又大風 . . . 天氣好好呀 !! 食完早餐就繼續 online . . . 無食 lunch ~ 飲湯 only !! 出左去踩左陣單車 . . . 逆風 . . . 好難頂 =.=" 踩完返屋企抖下睇電視 . . . 小豬打o黎就出去啦 !! 今日約左佢地去睇戲 + dinner ~ 有我、stephanie、lori、俊、flora 同埋 christy . . . 有 D 失望o既係 zoe o黎唔到搞唔到唔齊人 ~ 睇 "人細鬼大" . . . 幾好笑 ~ 好百痴呀 !! 不過又有 D 核突 =.= 睇完就去意粉屋食野 . . . chirsty 變左肚餓怪 . . . 哈哈 !! 食完 dinner 落近永成o個面食糖水 . . . 之後散 band ~ 去左搵安兄 . . . 吹左陣水 ~ 走人 . . . 點知走左架 701 =.=.= . . . 又人有三急 ~ 於是搵 toliet . . . 成十一點幾啦 ~ 費事又要中途落車去啦 !! 好彩個天今次幫番我 . . . 咁岩有人拎 key 去 toliet . . . 好野 !! 搞掂就去番等 701 啦 !! 返到 home bath ~ online ~ "涼" 衫 . . . 兩點先 sleep 呀 !! =.="

8 月 29 - 31 日
天氣 : 晴

他們走了 ~ 繼續他們本身的生活 . . . 投入他們最後的暑假 ~ 他們的學業 . . . 一早返到公司好靜 ~ 冇左 lori 姐同俊o既吹水聲 . . . 好唔慣 ~ 成朝冇心機做野 . . . 望住張 table o係到發呆 ~ 有一種好耐都未出現過o既 feelings ~ 過左個 lunch 還好少少 ~ 他們離開的第二日 . . . 慣了 ~ 我知道我要習慣的 !! 加上我強勁的適應能力 ^__^" . . . 可以投入番了 ~ money 姐開始返 day-time ~ 夜晚冇左個人係公司 lu ~ 阿趙可以做夜 D 唔駛走啦 ~ 哈哈 !! 不過我仲擔心另一樣野 !! 問大家一個問題呀 !! 如果大家知道一樣野 . . . 但係o個樣野要發生的時候 . . . 你o係幫唔到手 ~ 感覺有幾難受 ?? 當然 ~ 如果要對事對人的話 . . . 呢個人係心目中一定有一個好重要的地位 !! 如果唔係做咩要緊張，right !? 希望呢樣野唔好再發生o係佢身上 . . . 如果再係咁 ~ 我驚我會打人 . . . 保護唔到人o既感覺我唔想再有 !!

要返學了 . . . 又要繼續毅力落去 ~ 今次滿懷大志拎個好成績 ~ 希望可以做得到 !! 望住媽咪日漸年老的樣子，滿心不是味兒 ~ 而家唔努力去做好本身o既事 . . . 幾時去做 ?? 年老先做 ?? 有能力 ma ?? 希望睡魔離我而去 . . . 腸胃不再受夜訓所影響 ~ 呢幾日 . . . 上次去分享會o既畫面又再展現 ~ 我相信日後我會再次係更加多人面前分享我o既一切一切 !! 9 月 ~ 來吧 !!