2０0５ 年 之 9 月 號 日 記
9 月 1 日
天 氣 : 晴
終於都 9 月了 ~ Money 姐返 day-time 啦，多左個人同阿趙鬥咀 . . . 總算冇之前咁靜 ~ 不過林生o個面新請o既又走 lu . . . 真係快 ~ 流失率極高 =.=" 呢幾日做野冇咩目標 ~ 唔知做邊樣好 . . . 發下呆過下時間 . . . 加上阿趙要出去做野 ~ 哈哈 !! 冇人理我 ^__^ 同埋我要讓位俾佢地用電腦 ~ 走左過去林生個面對數 . . . 好輕鬆又過左一日啦 !! 老闆返左大陸 . . . 正 !! 唔駛對住佢 ~ good ar !! 不過就係因為咁 ~ 有一次o係佢間房搵野俾我搵到 D 唔知 3 仔定 4 仔出黎 =.=.=.=.=.=" 好心佢唔好放係公司啦 !? ~_~ 又唔係o係公司睇 . . . 服左佢呀 ~ 之後話左俾好多人知 . . . 哈哈 !! 好似好衰 tim ~ 不過最好笑o係我帶阿趙入去話佢知o既時侯，佢同我講 : "一齊拎 D 返屋企睇 law" ~ 哈哈 !! 估佢唔到呀 !! 大家將來記住唔好放私人野o係公司啦 ~
最後講少少野先 ~ 大家記住要準時食野 . . . 如果唔係搞到胃痛就唔好啦 !! 好辛苦 ga !!
9 月 2 日
天 氣 : 陰
返學啦 ~ 終於o黎啦 ~ 一早返到公司上網睇一睇 ~ shit !! 原來今日返 6:30pm ~ 咁我咪要成 5:30 食飯 !? 唉 ~ 失左預算 tim =.=" print 埋 notes . . . 今晚上 costing ~ 唔知會係點呢 ~ 今日阿趙俾左份公司 taxation 我做 ~ 初初以為係做支出分析 . . . 原來係叫我做個 draft account 出黎 ~ 當場呆左 =.=" 我一向都不太喜歡呢類型 taxation ~ 叫我做 limited 我都還有少少興趣o既 ~ 不過又可以學識一樣野 . . . 都好呀 !! 因為做完呢間仲有其他呀 !! 不過做呢 D 報稅真係好考功夫 ~ 我睇到頭爆都唔係太明 ~ 直到我差唔多走要食飯先理解到少少 ~ 好 !! 我唔信我搞佢唔掂 !!
食完飯就走人啦 ~ 返學 lu . . . 好耐冇行過條路啦 ~ 返到去先上 tutorial ~ 個 miss 有少少問題 !! 佢有個 rules 就係遲到入o黎o既人解釋原因 wor ~ 大佬 ~ 點解釋俾妳知呀 . . . 我地要返工 ga ~ 有問題的 !! 仲要呢個 sem. 要每人抽 4 份功課 wor ~ 我平時唔做 ga ma . . . 而家又要做 =.=" 無奈 ~ 之後個上 lecture ~ 個講師o既 style 好唔得 ~ 男人來的 . . . 最好笑佢一入o黎 D 女仔o係到笑同嘩 =.=" 我都笑埋出o黎 ~ 哈哈 !! 忍唔到 ma ~ 不過我覺得佢好過個 tutor law . . . 第一堂 nth special ~ 好悶好晏訓 . . . 9:30pm 走人 ~ 落左尖東搭 K16 返南昌. . . 安兄放左我飛機 =.=" 改左聽晚 ~ 跟住o係度傾電話 ~ 嘻 !! 返到 home 成十一點啦 ~ on 左陣 line 就 sleep lu !!
9 月 3 - 4 日
天 氣 : 雨
星期六 ~ 終於諗完個 taxation draft ~ 不過仲有野要補充 . . . so 未交得差住 ~ 一點走人 . . . 帶左小豬去搭巴士就去搭 K16 返屋企啦 !! 買左個 tea . . . 食完去學車 ~ 今日冇咩狀態咁 =.=" 差 D 撞到存架貨櫃 =.=" 好彩佢就我o者 ~ 今日個師傅幾好 . . . 不過煩左少少 . . . 學完走人 ~ 阿媽返左大陸 . . . 返到樓下買飯同埋啤酒兩罐 ~ 準備同安兄把酒談天 . . . 嘻 !! 不過安兄成十一點幾先過到黎 ~ 仲要 cook 埋野食俾佢 ~ 哈哈 !! 之後就吹下水啦 . . . 我地都好耐未試過咁傾計法啦 . . . 傾完就打機啦 !! 一點幾走人 lu . . . 借左架單車俾佢踩番去 ~ 我就 2:00 先 sleep ~ 好累 !! 今晚傾左好多野呀 !! 大家都講左好多野出黎 ~ 正呀 !!
星期日 . . . 九點幾醒左 ~ 起身整埋野就出去學車啦 . . . 今日個師傅同尋日一樣 . . . 不過今日個 feel 幾好 ~ 幾滿意今日自己o既表現 . . . 今日行左其中一條考線 ~ 工業村 . . . .好短呀 ~ 不過佢話算長 wor ~ 同埋好易超速 . . . 今日我都開到成 50 咁濟 . . . 真係好易超速 ga !! 學完車諗住約人出去 ~ 點知已經俾約左 . . . oh no ~ 總之尋晚講啦 !! 返屋企同 mum 飲茶 ~ 不過唔知佢約左人 tim ~ 冇得食太多野啦 !! 食完又同人爭俾 $$ =.=" 好多人望住呀 !! 無奈 !! 之後就返屋企打機啦 !! 食埋飯 online 就 sleep 啦 ~ 又一個星期啦 !!
9 月 5 - 6 日
天 氣 : 陰
呢兩日都係做 taxation . . . 我相信咁會令我有更多機會做私幫生意 ~ 嘻嘻 !! 不過仲有其他野要跟 . . . . 所以仲未可以集中去做 ~ 呢 D 數字遊戲太煩啦 !! 唉 ~ 又要顧呢O個樣 . . . MY GOD !! 算啦 ~ 學多 D 野都好呀 !! 呢兩晚都是返學 . . . 不過 marketing 有兩個 exchange students 呀 !! 一個o係上海的 ~ 另一個o係韓國的 . . . 可以講下國語呀 !! 英文又得o者 . . . 哈哈 !! 之後分組 . . . 上海o個個 exchange student 入左我個組 ~ 哈哈 !! 臨走前同佢地兩個打個招呼 . . . 不過 . . . =.=" 都o係 Noah 唔好 ~ 哈哈 !! 今日個 miss 講野好快 . . . 話自己唔識睇中文 ~ 但係講講下書又講左 D 中文出o黎 =.=" 好無奈呀 !! 星期二o個晚就上中文 . . . 點名方式o係用小學生模式 ~ 叫中文名 =.=" . . . 個 miss 好 cool 下呀 ~ 之後就睇左文章比較 . . . 就搵人出去講野 =.=" 不過冇叫中我 ~ 有 D 唔開心 tim . . . 哈哈 !! 上完堂走人 lu
今年的生活就會比上年忙碌吧 !! 希望可以順順利利過左佢 ~ 大家一齊努力啦 ~
9 月 7 日
天 氣 : 晴
今日發生左好多事 . . . 加埋尋晚上堂時o既一篇文章 . . . 令我知道有 D 野係唔可以再等 ~ 因為我怕機會慢慢溜走 ~ lunch 之前見到一 D 我好唔想見到o既野 !! 成個 lunch time 我又黑面 . . . sorry !! 又嚇親大家 ~ 不過種感覺真係好難受 . . . 我唔相信每一個人都可以忍受得到 law ~ 點解呢個世界咁多面具人 . . . 做左 D 咁不知所謂o既事仲可以若無其事咁 ~ 唉 !! 食完 lunch . . . 返到去食生果 =.=" 因為有客人送 ~ o係佢追問o既情況下講左俾佢知咩事 ~ 希望佢會明白我的心情啦 !! 今日 zoe last day . . . 有人忍唔住喊 ~ 傻傻的 ~ 嘻嘻 !! 今日要去學車 ~ 早走左 . . . thx zoe 幫左我個忙 !!
學車 . . . 一晚行哂 D 考線 ~ 宏業東真係好難 !! 其他 ok 呀 !! 個師傅幫我剎停部車 . . . 攪到我第一次出街死火 =.=" 算 ~ 我仲有好多地方要改善呀 !! 希望可以更進一步 . . . 考左個牌將來可以載人 . . . 當然要有車先得啦 !! 學完隻手好痛 ~ 唔知咩事 . . . 去搵安兄途中知道左一樣野 . . . 好擔心好不安 ~ 好想即係仆出去九龍 . . . 安兄隻狗好熱情 ~ 一見到我就標埋o黎 . . . 仲唔俾我同隻 cat 玩 =.=" 之後同安兄落左街吹水 . . . 放狗 ~ sorry 安兄 ~ 我有集中聽你講野的 ~ 雖然我一路 SMS 一路傾 ~ 不過你知我擔心緊 D 野 ga ?! right ?? 傾左陣就返屋企食飯 . . . 冇胃口 ~ 唔想食 . . . 唔知佢有冇事 . . . 媽咪都問我係咪冇胃口 . . . 冇理佢 ~ 只想收到 SMS or 電話 . . . 幸好最後無事 !! 我先鬆一口氣 . . .
臨訓前已下定決心 ~ 唔等了 . . .
9 月 8 日
天 氣 : 晴
我會記得今日放工後所發生的事 ~ 所做的事 ~ 所說的話 ~ 因為我不是開玩笑的 !!
9 月 9 - 11 日
天 氣 : 陰、雨
9/9 ~ 阿趙今日返左大陸 . . . 一早返去做功課 !! 哈哈 ~ 直至 lunch 之前我都係做功課的 ~ 點知今晚佢唔收功課 wor =.=" 算 ~ 我都算叫做勤力過 . . . 公司 D 野唔想理 . . . 覺得好煩 !!
10/9 ~ 阿俊同 lori 上左公司拎 cheque . . . lori 就好啦 ~ 咁平就有部 PDA 啦 !! 好羨慕呀 ~ 之後就去左裕發樓食飯 . . . 阿俊病左好靜 ~ 唔慣 ~ 食完飯就各自散 band 啦 ~ 我就返左屋企訓覺 !! 冇去學車 ~ 今日落雨 wor . . . 好彩冇去o者 !!
11/9 一朝早o係到打機 . . . 下晝去左學車 !! 感覺幾好 ~ 去完o拿o拿聲出去 APM !! 約左人 ~ 點知佢早左放 . . . 我變左大遲到 =.="" sorry !! 四圍行 ~ 去左出裕民坊 . . . 又行番入去 ~ 食飯 . . . 之後坐左o係到睇迪士尼個 party . . . 利用玻璃反光睇的 ~ 哈哈 !! 傻左 . . . 究竟o個隻o係青蛙定烏龜 !? =.=" 睇到咁上下就走 lu ~ 今晚真開心 !!
9 月 12 - 16 日
天 氣 : 晴、陰
呢個星期好似經歷左一 D 野，呢個世界真係好神奇 ~ 雖然係人之常情，不過呢 D 事足以影響我之後的事情 !!
返學，比我想像中真係辛苦多 ~ 因為 poly 改左制 . . . 個 C.A 都睇得好重 . . . 又多 group presentation wor !! 又要上堂答問題又要收功課 ~ 今年所需的毅力一定比上年多 !! 不過我相信難唔到我o既 ~ 分配番多 D 時間o係呢方面啦 . . . 上年我都係考試前先理 ~ 哈哈 !! 今年唔得 lu ~ 不過我最需克服的困難始終都係佢 -- 睡魔 =.=" 希望佢唔好再搞到我上唔到堂啦 !!
呢排安兄面對o既野真係好多 . . . 做兄弟o既好似分擔唔到咁 . . . 唉 !! 有咩方法可以令佢面對得開心 D 同積極 D 呀 !! 同佢識左十幾年 . . . 原來佢有 D 野我都係呢排先知 ~ 真係好失敗呀 !! 或者同之前我未搬o黎天水圍有關啦 !! 人生得一知己 ~ 死而無憾 !! 衰仔 ~ 有事記住要搵我 !! 起碼我會係第一個肯聽你講野o既人、肯幫你分擔o既人呀 !!
公司 ~ 多野學左 . . . 討厭程度亦增加 ~ 因為你識得多野 . . . 做o既會多左 ~ 工資呢 ?? 升少少吧 !! 公眾假期亦多左機會要返 . . . 都唔知好唔好 ~ 遲 D money 姐走的話老闆唔快 D 請番個我應付唔到 ga !! 另一邊，面具人成日做 D 不知所謂o既野 . . . 有一次仲俾我睇到 . . . sorry !! 我諗我要控制情緒 ~ 世界就係咁神奇 . . . 就係因為一個人 ~ 原本一件同你好似冇咩關係o既事都變得重要 !! zoe 話我再係咁會打人 . . . 我諗唔會掛 ~ 不過我都知衝動係無助解決事情的 !! 我會改善下 ga la ~ 你地放心吧 !!
呢個世界就係咁神奇 ~ 因為愛一個人 . . . 好多野都變得重要 ~ 呢排經常向將來諗 . . . 今年二十歲啦 ~ 我要考到車牌將來買車 . . . 學煮飯去照顧自己、照顧人 !! 我相信我會做得好好的 !!
9 月 17 日
天 氣 : 雨
今日上晝返工 . . . 老闆返左o黎 ~ 又要幫佢打 D 野 . . . 不過佢傻傻地 ~ 叫我地落油麻地拎車匙幫佢架車熄死火燈 =.=" 無聊 !! 佢同趙生又叫我地星期一返工 ~ 我睬你地都傻呀 !! 費事理你地 !! 下晝走人 ~ 去 BBQ . . . 天氣不太好都唔理啦 !! 難得一次呀 ma ~ 同 stephanie + flora 搭 87D 入去 . . . 訓左陣 ~ 落車搵埋阿俊就去食野先 ~ then 買野食 . . . 好彩多個男仔o係到 . . . 如果唔係都唔知點拎呀 !! 由於 lori、zoe 同 christy 未到 . . . 四個人入去先 . . . 推住架百佳車入去 ~ 要落樓梯 . . . 變左舉重 =.=" 好彩平時舉開啞呤 . . . 辛苦完到左 ~ 正 !! 之後安定左 D 野就同 stephanie 出去接 christy 入o黎 ~ 嘻 !! 阿俊就接埋 lori + zoe ~ 齊人就開始啦 ~ 不過隻腳扭親下 . . . 痛 =.=" 燒燒下又落雨 . . . 雖有野遮住 ~ 不過都係有水溜落o黎呀 !! 班女仔又出去談心 =.=" 得番我同阿俊 ~ 成晚都 ok 好玩啦 ~ lori 姐又要俾我笑 ~ 哈哈 !! 今晚睇到一陣間月光 . . . o個度個環境好正 ga ~ 最衰就係天氣唔好呀 !!
燒到咁上下就要去還車 . . . 又要推番出去 ~ 十一點岩岩好還到啦 !! 之後就散 lu . . . 同 christy 搭 86k ~ 都唔明點解 flora 見到 299 咁 happy 就衝左上去 =.=" 成 $6.1 返去 . . . 86k $3.5 jar wor ~ 最後我地係快過 flora 到沙田 . . . 哈哈 !! 到左 christy 就去搭 263 . . . 我去搭 269D 返屋企 ~ 呢個時候安兄打黎啦 !! 有野傾 !? 去左佢屋企樓下 . . . 傾到成兩點咁濟 . . . 搭 taxi 返 home ~ 同個司機吹水 . . . 哈哈 !! 好搞笑 ~ 返到去再傾左陣電話 . . . 嘻 !! 成三點先訓 !! -o- zZZzzZz
期待下一次同你地相聚o既日子 !!
9 月 18 日
天 氣 : 雨
今日o係中秋 ~ 中秋節快樂呀 !! 成十一點先起身 ~ 好耐冇試過啦 !! 起左身無耐就食飯 ~ 真係快 . . . 之後約好時間就準備出去 ~ 見有時間就打左陣機先 . . . 嘻 !! 之後就出去啦 !! 去到南昌好似打風咁 =.=" 成條褲濕哂呀 !! crazy 的 . . . 等左佢一陣 . . . 之後行左去 harbour city adidas shop 買左對襪換 =.=" 濕哂呀 ma ~ 週圍睇下野 . . . 食飯 ~ 傾計 . . . 去九龍公園睇花燈 ~ oops !! 好中國呀 . . . 之後就行左去尖咀啦 !! 一路行一路希望個月亮快 D 出 . . . 嘻嘻 !! 佢有出o黎呀 ~ 雖然個時間唔係太長 . . . 不過真係好靚呀 !! 之後繼續沿星光大道行 . . . 之後返返去碼頭買野就走啦 . . . 今晚真係好開心 !! 因為我做左一樣我想做好耐o既野啦 !!
長短不能用時間來定的 !! 我會證明俾妳睇我唔係一個短暫o既人 !!
9 月 19 - 30 日
個日記再係咁真係變雙週記啦 ~ =.=" 懶左好多 tim ~ 九月尾好多事發生左 ~ 好多都係估唔到的 !! 亦都冇預計過 ~ 都係用番過往咁分番幾樣野講啦 ~
返學，冇咁輕鬆 ~ 煩緊個 marketing presentation . . . 不過因為咁佢地多左同個交流生溝通 . . . 哈哈 !! 多謝我啦 ~ 係我招攬埋佢一組 ga ~ train 下 D 普通話 . . . 幾好呀 !! 不過佢 D 英文好勁 . . . 我有時用英文講 ~ 驚普通話講錯 =.=" 個個星期都要做功課 ~ 有 D 又唔識做 . . . 唉 !! 冇買書真係咁大影響 ma !? D notes 又太精 . . . 測驗考試夠唔夠溫都係問題 ~ 中文呢一科算係好了 . . . 冇咩壓力 ~ 仲幾好玩 tim !! 希望今個 sem. 可以順利 D ~ 下個 sem. 有 taxation 玩 . . . 下半年我會嚇親大家 ga la . . . 哈哈 !!
公司 ~ 哈 . . . 其實就真係輕鬆左 ~ 因為 Money 成為左佢地o既 "目標" ， 我可以安心做自己野 !! 就連老闆我都唔駛點理 ~ 最多問下我 D 票同單o既野 ~ 不過我已經放眼係之後啦 !! money 走的話會點呢 ?? 幾時請到個人返o黎呀 !? 呢排幫人報稅真係好好玩 ~ 只限個人薪俸 only . . . 報公司咪搞我 . . . 好煩 !! 做左媽咪o既稅務代表，佢o既評稅同我報o既一樣 ~ 嘻 !! 開心 ~
感情 ~ um ~ 好大波幅 . . . 自己又衝動 ~ 令到原本好o既野變得唔好 ~ 要控制下 !! 都係唔o係到講咁多啦 ~ 呵呵 ^____^ 朋友 ~ um !! 好耐無見過安兄 . . . 呢排的 polly 又怪怪的 ~ 唔知佢做咩呢 ~ 不過有一個朋友識左我無耐竟然可以睇得到我大部份o既性格 ~ 真係好開心 !! 我一定會好好珍惜佢 ~ 唔知佢會唔會睇我日記 . . . anyway ~ 珍惜呢樣野 ~ 唔係得個講字 ~ 要去做的 !! 講住咁多先 ~ 十月日記見 !! ^______^