2０0５ 年 之 10 月 號 日 記
10 月 1 至 2 日
10 月1 假期呀 ~ 朝早去左學車 !! 行去駕駛學院 only . . . 搭唔到旅遊巴 . . . 行到成身汗呀 ~ 慘 !! 下晝同佢去 hollywood 睇戲 ~ 去到見到好多月餅罐放哂o係到玩骨牌 ~ 點知原來聽日先o係 =.=" 我地仲傻左o係到等 tim =.=" 食完 tea 睇童夢奇緣 . . . 好感動 ~ 特別係最後同埋班小朋友打波輸左之後一幕 ~ 好深感受呀 !! 睇完之後就o係咁行 ~ 睇模型 . . . 想買但係未有時間切呀 . . . D 飛機好靚 . . . 有埋巴士o係到就 good la !! 今晚要叔屋企食飯 ~ 要走了 . . . 送左佢上車就行去搭巴士 . . . 龍蟠苑 ~ 很熟悉的名字 . . .
呢排成日有啖咁個喉嚨好唔舒服 . . . 作病 !?
10 月 2 ~ 在家中懶惰 ~ 下晝又去學車 . . . 今日踩單車入去 . . . 又係成身大汗 =.=" shit ~ 無諗過之後會病 . . . 上完堂飛車返去 ~ 因為個天好黑 . . . 我唔想又學生日o個日咁呀 . . . 好慘 ga !!
10 月 3 至 8 日
呢個星期大部份時間下晝都學車 ~ 不過我就真係病左啦 ~ 發高燒 . . . 有一日返唔到工睇醫生 . . . 有 D 不知所謂o既人趁我唔係到就搞搞陣 ~ 頂你個肺 ~ 無膽鬼 . . . 見到我低頭行彈開一邊 ~ 我唔係到就搞事 . . . 你再係咁我唔客氣 !! 食藥 . . . 食到暈暈地 ~ 10 月 7 考車仲要食 . . . 去緊駕駛學院途中好眼訓 ~ 無咩狀態可言 ~ 到左都做好 D 啦 . . . 試完車 ok la ~ 等左 10 分鐘終於o黎啦 . . . 左褲袋一隻跳跳虎頭 . . . 右褲袋一張o係一張佢留下左十七年的駕駛執照 . . . 考元朗村 ~ good !! 全程 ok 順利 ~ 返到去好平靜等結果 ~ 結果 . . . 得左 ^____^ 好開心 ~ 第一時間打俾媽咪 ~ 之後打俾佢 . . . 好開心 ~ 打埋俾安兄 ~ 嘻嘻 !! 懷住興奮心情返公司 ~ 返到去扮個樣好失望 . . . money 講 ~ 你咁o既樣即係啦 . . . 我就答 ~ 係 law . . . 又要俾多 $900 拎個十年牌啦 . . . money 先知我玩佢 ~ 哈哈 !! 返到去做功課 . . . 我請左半日假 ga ~ 無偷懶 . . . 我o既目標又進一步。今晚返學 tracy kwong 姐考車不過衰左 . . . 下次o黎過啦 !!
p.s D 枇杷露好好飲呀 !! ^_________^
10 月 9 - 10 日
星期日 ~ 去左拜山 . . . 我兌現左上次清明時所做o既野 ~ 今次去感受別有一番體會 . . . 媽咪一早嘈醒我 ~ 好眼訓呀 ~ 拜完搭 3c 落番佐敦返公司做埋學校個 powerpoint . . . 冇人o係到 ~ 正 !! 做左陣仲未收到佢地個 e-mail 就上下網 . . . 之後落去食飯同買 USB memory stricker ~ 256MB . . . 價錢唔知貴得唔貴 . . . 因為我唔係好知市價 ~ 唔理啦 !! 買左上番去繼續 . . . Eva 返左o黎 !? 奇怪 . . . 佢話阿趙都會返 . . . 不過到我走個一刻都見唔到佢 ~ 唔理 lu . . . 兩點幾走人 ~ 同 polly 行番去 . . . 齊人就開始啦 ~ 一路改一路傾一路吹水 =.=" 哈哈 ~ 搞左好耐 . . . 比我想像中耐左 ~ 直到五點先走人 ~ oops . . . 太夜啦 ~ 唯有無奈地返屋企啦 !! 阿趙打左兩次俾我問我野 =.=" 好野 ~ 唔駛再做o個間 taxation !! good ar !! 夜晚又整唔到個 powerpoint ~ 部死電腦 detect 個 USB . . . shit !! 可能佢老啦 . . . 無計啦 ~ 聽日先 send 俾佢地 . . . presentation !!
今晚發生左一 D 事 . . . 失敗的我 ~ 今晚之後 . . . 好似有 D 暗湧會出現 . . . 好煩 !!
10 號啦 ~ 返工冇咩特別 . . . 都係跟下 D 手尾 only !! 夜晚返學 ~ 今晚要 presentation 呀 . . . 不過唔緊張呀 !! 嘻 ~ 自從上次返學講完 talk 之後 . . . 面對呢 D presentation 可以話得心應手啦 ~ 今晚黎老闆車我返學 ~ thanks 呀 !! 5 min. 就返到去 ~ 勁呀 !! 返到去見到佢地好緊張 ~ 呀 noah present 前仲深呼吸一大口 . . . 整體唔錯呀 ~ jennifer 好勁呀 !! 佢幫我地答哂 D 問題 . . . 今晚佢同 polly 好似好 friend ~ 搞到 tracy 姐冇哂隱 . . . 哈哈 !! 放學同 polly 一齊走 ~ 傾左 D 野 . . . 未講完要落車啦 ~ 哈哈 !! 吊下隱啦 ~ 冇計 !!
返到屋企傾電話，同安兄商討大計 ~ 正呀 !! 不過條友應該 3 分鐘熱度 ~ 聽日冇 ga la . . . 哈 !!
10 月 11 日
今日唔駛去拜山 ~ 訓到十點幾先起身呀 ~ 正 !! 上晝 only 上網同打日記 . . . 下晝難得安兄放假 ~ 同佢去左踩單車 . . . 去左錦田 ~ 又再一次o係好奇心下發現可以一大班人的地方 . . . 可能你地聽過 only 去過啦 ~ 錦田鄉村俱樂部 . . . 原本諗住去上村先 ~ 但係一個路口有好多車入去 . . . 於是就跟埋入去 ~ 入面都幾多野玩呀 !! 有 war game ~ 50c.c 賽車 ~ 有風景睇 ~ 釣魚 ~ BBQ ~ 撈金魚 ~ 餵白兔同一隻大肥豬 =.=" 都 ok ga ~ 下次可以叫埋一大班人去玩 ~ 租架車 drive 入去又得 . . . 嘻 !! 逗留左好耐就回程啦 !! 返屋企 lu . . .
各位 ~ 千萬不要俾陌生人亂入屋企 !! 以免發生危險 !!
10 月 12 - 14 日
也許每天重覆著的日子就是這麼沉悶，返工放工 ~ 每日對住同一樣事物去做，有新意 ma ? taxation 冇得玩了 ~ 因為阿趙跟得番 . . . 我又再次對住 accounting ~ com. sec ~ 話就話有 money 幫手 . . . 其實都係咁 !! 佢又要忙佢間公司 D 野，唉 ~ 成日要跟番 D 手尾 ~ 不如我做番啦 !! 成日話我O係到有好多野未學 . . . 但係我自己又冇咩時間去學 ~ 咁點呀 !? 等你地安排到時間都唔知o係幾耐之後o既事啦 !! 成日要 public holidays 返 . . . 大佬 ~ 你俾新野我學咪返俾你睇 law ~ 呢排做野冇哂以前o個種動力 . . . 話俾大家知吧 ~ 其實我公司有隻老狐狸o係到，每日若無其事週圍走 ~ 幸好我看得到佢的尾巴 . . . 如果不是的話 . . . 佢會成為一隻大x狼 ~ 個 "x" 有好多意思 ga，有興趣想想吧 !!
呢排阿媽唔知咩事，突然將我看待成小朋友 . . . 好煩呀 ~ 而家晚晚都同佢嘈 !! 再o係咁我真係頂唔住 ~ 好想知佢咩事變成咁 !! 唉 ~
10 月 15 日
咁大個人，雖然未遇到大風浪 . . . 但係有一件事我一路都解決唔到 . . . 仲要同身邊o既人有關 ~ 很迫切的一件事 !! 上晝o係到做野 . . . 下晝同 polly 去 lunch + 傾野 ~ 很久也沒試過這樣了 . . . 由原本很平常的交談 ~ 到她的煩惱、我的煩惱，由平靜到激動、激動到憤怒 ~ 佢差點連杯也打破 . . . 大家冷靜地分析 ~ 有了更多的結論 . . . 其實我之前有少許忽略呢位朋友 ~ 要講對唔住、唔好意思應該o係我呀 ~ 今日得到一個很好的提議，polly ~ 真係 thx 妳啦 !! 陪左我個幾鐘講咁多驚嚇野 ~ 哈哈 !!
之後去港島東面接佢放學，之後去左德福行 . . . 行行行 ~ 最後行宜家 . . . D 電腦枱好正呀 !! 遲 D 要買番張 ~ D 款幾好 . . . 唔錯 ~ 最煩就係要襯番屋企隻色 . . . o個度 D 床軟到死 ~ 一坐落去就訓但咁濟 =.=" 行到咁上下要走 lu . . . 今日好開心 ~ 雖然有少少插曲 . . . 但係今日發生左兩樣我好想o既野 ~ 嘻嘻 !! ^_____^
10 月 16 日
2005 年 10 月 16 日 ~ 不知所謂的一天 ~ 黑色星期日 !! 我究竟o係到做緊 D 咩 . . . 除左同安兄去左流浮山俾狗搜尋 =.=" 之後去左綠田園睇下有咩玩外 ~ 整天我也不知道自己在幹什麼 !! 呢排消瘦了 4 磅 ~ 咳死我了 . . . 唉 !!
10 月 17 - 18 日
呢排變得很感性，好多野o係到諗 . . . 又再一次勾起我影相o個種感覺 !! 唔知發生咩事 ~ 呢兩晚都要返學 . . . 不過 marketing 次次都恰眼訓 ~ 雖然 IVE year 1 學過 . . . 但係驚唔記得 ~ 中文又學新野 . . . 比起 IVE o個 D 實際好多同埋有用好多 . . . 幾好 !!
呢個世界有好多野可以解決到，今日 lunch 同佢傾過 ~ 希望有個好o既結論 . . . 之後情況會天下太平 . . . 可能會覺得我過於緊張，但係呢 D 人之常情 ~ 唔擔心唔得 ~ 況且仲要o係我身邊其中重要o既人 . . . 唉 !! 再o係咁落去我都唔知我會點 ~ 趁呢個機會多謝兩位朋友 . . . 多謝您地o既分析同埋將我平伏下來 ~ 不柱我咁愛您地 . . . 嘻 . . .
10 月 19 - 21 日
這幾天不停去想 ~ 似乎開始明朗 . . . (待續)
10 月 23 日
無聊的一天，訓到好晏先起身 . . . 下晝溫書 ~ 都叫做溫到 . . . 始終 test M.C ~ 心情冇咁緊張 . . . 溫溫下訓左覺 ~
之後去左踩單車 . . . 為左公司o既秋天 BBQ 搵資料 ~ 可是別有一番景象 ~ 山坡一大遍山火 . . . 漫天燒焦的樹葉。消防員努力救火 ~ 山下o既小朋友為他們打氣 . . . "消防員加油" ~ 重複地叫著 !!山頂仲有人放緊風箏 ~ 唔知o係落唔到o黎定o係第二樣 =.=" . . . 睇左一陣救火就踩番去綠田園燒烤場o個面 ~ 行左陣睇左陣 . . . um ~ 太貴啦 ~ 都o係錦田o個面好玩 D ~ 好 !! 測驗後再去過搵料 !!
10 月 24 日
點解每一個都要咁睇我 . . . 你地每一個都有了解咁耐以o黎發生o既事 ma ?? 由以前到現在 ~ 也是這樣 . . . 冇人欣賞我做o既一切 . . . 冇人看到當時期間我做o既事 ~ 我付出未必多 ~ 但o係你地知 ma ?! 你地有了解過 ma ?! 為何每個人只幫著她、愛護她 . . . 憐憫她 ~ 這個世界還有誰來憐憫我 . . . 了解我 ~ 為何這個世界如此不公平 . . . 所有都是我錯 . . . 我冇岩過 ~ 永遠永遠 . . . 只是罪人一個 ~ 永遠背負著傷害人o既罪名 . . .
"風繼續吹 ~ 不忍遠離 . . . ."
10 月 25 日
今天 ~ 心情沉重 . . . 充滿憂鬱 . . . o係街上睇住 D 垃圾玩耍 ~ 頓覺一點寒意 . . . 無情的風吹在我身上 ~ 沉重的步伐，沒有動力返工去 ~ 葉、黃了 . . . 從樹上掉下來，結束了他們的生命 ~ 花、謝了，不再如以往夏天般美豔 ~ 換來的是光禿禿的植物，沒有一點生命力。為何世界要這樣 ?? 一年 365 日都是春天不行 ma ?? 為何又到了死氣沉沉、沒有希望般的冬天 ?? lunch 睇左陣模型，好多 Q 版仲未買 . . . 下晝死氣沉沉 ~ 俾 money 姐睇到我流眼水 =.=" . . . 無計 ~ 太累了 . . . 太累了 ~ 好想訓覺 ~ 咩都唔駛諗就最好啦 !!
看著他死去活來地想著，終於明白到安兄為何還要想著她 ~ 今晚中文堂 . . . Miss 無情地講中我心聲 ~ 入哂肉 ~ 只是平時上堂般 ~ 卻有如此多的感受 . . . 做了一個鐘o既堂課就走了 ~ polly 還在默默努力 ~ 走o個時見到 Sam 姐男朋友 . . . 佢好興奮地說 : "呢個我男朋友呀" ~ 真幸福的樣子 !! 晚上 ~ 漆黑的天花 . . . 寂靜的房間 ~ 想著每一句的說話 . . . 就在我最無奈的時候 ~ 有人同我講了一番說話 . . . 才可安心地訓覺 ~ -o- zzzz....zzzz
10 月 26 日
今日發神經，money 成為我o既目標 . . . o係咁俾我同阿趙 + 阿民玩 ~ 不過日日都o係咁 ga la . . . 佢都慣 ga 啦 ~ 今日再次提到 BBQ o既野 ~ 突然好掛住暑假o既日子，一大班友去食飯 ~ 熱鬧得很 !! 好掛住你地呀 !! 阿俊、lori、zoe、christy !! 好想快 D 到我地下一次聚會呢 !! 而家 money 已經成為新任駿輝康樂組組長 + 我地o既保母 ~ 哈哈 !! 佢成日好似教仔咁同我講野 ~ 或者佢唔o係好老 . . . 我會好受落 !! 今日老闆心情差勁，下晝個個都唔敢出聲 ~ 情況可怕得很 !! 後o黎先好番 D D ~ 佢要去跑渣打十公里 wor . . . =.=" 佢跑唔跑到 ga ~ 要 train 下先好去 wor . . . 如果唔係有咩意外就唔好啦 !!
今天起決定不想了，她說得到 ~ 順其自然想清楚比較好 !!
10 月 27 日
今日好集中咁做野，特別o係下晝 ~ lunch 食完飯之後同埋 money 姐 + 雷小豬同埋阿民又去睇模型 . . . 不過我似乎俾人忽略左 =.=" ~ 無奈呀 !! 老闆成個下晝o係到咁濟 . . . 好彩冇煩我o者 !! 五點九就走番屋企溫書 . . . 不過夜晚都係溫唔到 ~ 有 D 事發生 . . . 不過我相信一切會平安渡過 !!
做人樂觀 D . . . 向好o既方面去諗 ~ 我知 ga !! 我明 ga !! 我一向都好樂觀 ~ 但係今次我影響唔到人地對我o既睇法 . . . 所以先咁灰 ~ 呢件事涉及太多野啦 ~ 遲 D 詳述妳知啦 !! 一位默默支持我o既好朋友 !! ^__^
遲 D 會搞個駿輝 BBQ 團 or 唱 K 團 !! 有冇人唔想去 ga ?? 去的話就要投入去玩 !! 哈哈 ~_~ 遲 D 聯絡你地啦 !! ~ 2005 年度暑期兵團 ~
10 月 28 -31 日
同人慶祝生日但係搞到人病 . . . 唉 !! . . . 失敗 !!