2０0５ 年 之 11 月 號 日 記
11 月 1 - 6 日
無奈地又要打週記 ~ 冇時間及冇心機對住電腦打野 . . . 呢排時間身心疲憊 ~ 好辛苦o既一段日子 !! 仲要捱幾耐 ?? 點解返 part-time 仲好似忙過返 full-time ?? 無啦啦改制 ~ 雖然o係公平 D ~ 但都唔駛俾咁多野我地做呀 ?? 當我地o係鐵人呀 ?? 仲有兩個 presentation 、一個報告書、一個 individuals assignment ~ 十一月啦 . . . 下個月 exam 啦 ~ 點解咁忙呀 !!
公司情況尚好吧 !! 不像做 audit o既你地忙到嘔 . . . 有時仲可以偷偷地做下功課都得 ~ 不過我仲有兩間公司 account 未入 . . . 好多野做 ~ o係我唔想去面對 !!
呢個星期o既某一日 . . . lunch 接到噩耗 ~ 大陸一位舅父去世了 . . . 一切來得太突然 ~ 點解無啦啦會咁 ?? 生命很脆弱 !! 究竟人一生要面對幾多次呢 D 野先懂珍惜 ??
星期日飛馳新田公路 --> 吐港 --> 直至大圍回程，時速 100km/h 感覺很好 !! 不過架車幾擺下 ~ 一不小心就會 "拜拜" . . . 各位真係要小心駕駛 !!
11 月 7 - 11 日
極度辛苦o既一個星期，五日返左學四日 . . . 唔夠訓 !! 好難過 . . . 傾中文傾到成十一點幾先返到去 ~ 不過進度不佳 . . . 遲 D 仲要顧埋 marketing presentation 同 中文計劃書 !! 唉 ~ 冇時可以休息下 . . . costing 一如所料收左功課 ~ 哈哈 !! 不枉我花時間去做 ~ 考試時間定左 lu . . . 20/12 同 23/12 ~ 24 晚就真係平安啦 ~ 考哂試 . . . 冇野要擔心 !! 只希望呢段時間快 D 過 ~ 仲要順順利利咁過 !!
有一晚同 jennifer MSN ~ 一位來自上海o既 exchange student ~ 聽佢講左 D 野之後覺得，點解我可以咁理性分析人地o既野 . . . 我仲未可以 !?
那些事再次重複發生著 . . . 究竟真係控制唔到定o係處理得唔好 ?? 我唔知 !! 只知道再o係咁的話我會走 . . . 性格問題 ?? 定o係其他原因 ?? 唔知 . . . 只知道有一樣我一定要去面對，否則後患無窮 !!
11 月 12 - 19 日
我諗成個十一月真係要用週記先得啦 ~ 忙到死 . . . 頂不住倒下左幾日 . . . 又發高燒 . . . 今年 D time management 有 D 問題 !! 要改善下爭取多 D 休息時間 ~ 幸好最病o個日返去中文 presentation 都 ok ~ miss o既意見仲幾好 tim !! 好開心 . . . 最好玩都o係我地o既 druma ~ 哈 !! 病完又要企番起身 ~ 有念力支持 . . . 仲有 marketing o既 presentation ~ 之後 costing 一次o既功課同埋中文報告書就可以面對考試啦 !!
呢個星期有 D 奇怪事發生 . . . 唉 !! 原來最大問題o個個o係我自己 . . . 理性o既我真係幾好 ~ 諗野清楚 !! 阿趙同 money 姐o既暗戰似乎將要開始啦 . . . 我夾o係中間 ga . . . 唔好玩野啦 !!
究竟呢個世界邊條友發明臭丸 ?? 好憎呢樣野 !! 哼 !! 阿媽仲要話好好聞 . . . 無奈 ~
11 月 26 日
個日記搬左去下面 ~ 呢到將會成為回憶 . . . 遲到我可能要呢個網址寫故仔都唔出奇 ~ 所以大家唔好 delete 呢個 website !! 請多多支持新日記 ~ 因為大家可以 "回應" . . . 好互動 !!
http://spaces.msn.com/members/archuen1985/