日記 - 05 / 2005
2005 年 5 月 1 日
今日好難得訓到十一點先起身 . . . 之後睇 NBA ~ 下晝做埋個 assignment 就去踩單車 . . . 返到黎就打機 ~ 今晚大長今大結局 . . . 唔駛再追電視啦 !! 哈哈 ~ 就黎考試 . . . 可以集中 D 啦 ~ 今日心情不佳 . . . 係屋企係咁發脾氣 . . . 唔知咩事呀 ~ 唉 !! 心情矛盾 ~ 咩都唔想做 . . . 唔知自己想點 ~ 又發神經啦 =.="
2005 年 5 月 2 日
今日打機 only . . . 終於打爆 metal gear 3 ~ 夜晚溫書 . . . 無聊的一天 !!
2005 年 5 月 3 日
唔知係唔係尋日坐係張床成日 . . . 今日一起身隻腳好痛 ~ 一行就好似有針 "吉" 咁 ~ 枴番公司 . . . 不過今日因為有同事請假，so 我要去灣仔 . . . 痛苦呀 !! 又係枴去 ~ 不過今次去左打 stamp duty . . . 又認識左 D 程序啦 !! 正 ~ 做到一點鐘就返佐敦買飯上番公司食 . . . 隻腳咁痛 ~ 冇可以仲走圍走去食飯呀 !! 食完飯就繼續做野 . . . 好多野做 =.=.=" HELP ME !! 做到成七點先走啦 . . . 枴去中港城等 K16，頂 !!條龍超長呀 ~ 真係未見過 . . . 等左一陣有車黎 . . . 不過頂閘 ~ 上都冇上過 . . . 諗諗下唔對路 ~ 見到有 12 黎緊 ~ 上啦 . . . 雖然要 $$ 同埋耐 D ~ 不過當架車番到南昌既時候我就慶幸決定冇錯 . . . 因為如果我繼續等的話 . . . 一定仲未返到 ~ 呵呵 ^__^
今晚開始溫書，不過亦都開始又有 D 唔舒服 . . . 公司個死人冷氣機 . . . 唉 !! "坐親呢個位既人都會隔冇耐就病" 趙生講的 ~ 中哂 =.="
2005 年 5 月 4 日
今日繼續要去灣仔，同尋日 D 行程一樣 ~ 不過 lunch 就過左中環搵 polly 一齊食 . . . 嘻 ~ 食完就返佐敦去銀行拎 ticket 就返公司 ~ 到到咁上下就去入票啦 !! 下晝都幾好 ~ 因為趙生出左去 ~ 呵呵 !! 不過我冇蛇王 ga，只係一到六點就即刻閃人 ~ 今日 K16 冇咁多人 lu，等多陣仲有位坐 ~ 哈哈 !! 不過一返到去要飲苦茶 ~ 因為唔舒服 . . . 唉 !! 點解會咁 ga . . .
2005 年 5 月 5 - 7 日
呢幾日都冇咩特別 ~ 公司繼續忙，不過我就扮返學早走 . . . 返屋企溫書呀 ma ~ 可惜要飲苦茶，好早就訓 ~ 不過都溫到書呀 !! 星期六剃左個 12mm o既頭 ~ 正呀 !! 下星期要返 IVE KC 講野 =.=" 又要諗下 D 講詞 . . . 呢個星期都幾忙呀 !! 聽日娘親節，不過冇買野俾媽子 . . . 留番 D 銀彈下星期佢生日時用仲好呀 !! 就快到考試啦 ~ 睇番 D past paper，今次都幾有信心 . . . 希望可以做得好 D 啦 !!
2005 年 5 月 8 日
今日阿 ti 生日 !! 生日快樂呀 ~ 雖然唔知妳有冇睇我日記 . . . 不過我有 send sms 俾妳呀 ~ 今日咳到死死下 =.=" 好辛苦 ~ 不過今日竟然冇打過機 . . . 太好啦 !! 雖然今日係母親節，但係冇咩特別慶祝 ~ 反而我係咁發脾氣 . . . 唔知點解 tim。可以有一種無形壓力啦 ~ 話哂好多野都o黎緊 . . . 不過咁樣既生活先叫充實呀 !!
2005 年 5 月 9 日
今日落雨呀 . . . 香港都有 D 不幸既野發生 ~ 我同事都受到棚架倒地事件影響坐左三個鐘巴士 ~ 感覺上香港都好耐未試過咁大雨啦 ~ 不過今日放工時被困九龍 =.=" 諗住大雨唔搭西鐵 ~ 費時週圍轉啦 . . . 等 269B ~ 醒唔起紅磡個面塞緊車 . . . 等左幾個字唔對路 ~ 前排有人聊其他人搭的士去南昌 =.=" 咁都得 ~ 又醒唔起有地鐵 =.=" 見到有架 2E 時就上左去，諗住去到大角咀轉番 K16 搭西鐵啦 !! 點知一轉出渡船街有架 K16 係前面，一路吊佢車尾 ~ 去到富榮花園諗住落車走上去坐 K16 啦 ~ 2E 個司機唔肯開門 !! 頂佢個肺 ~ 架 K16 走左再埋站埋到正一正先停車 ~ shit !! 算啦 ~ 諗住柏景灣實得啦，點知走架小巴出黎 . . . 目送 K16 走左 ~ 好無奈落車 ~
橫風橫雨下等左成十五分鐘先再有 K16 =.=" ~ 前前後後用左一個鐘頭四十五分鐘先返到屋企 ~ 破哂紀錄 . . . . 不過娘親返左大陸 ~ 食完飯都成九點幾 ~ 冇溫書就訓左啦 !! 死人政府 ~ 不知所謂 !!
2005 年 5 月 10 - 12 日
10 號搭 K16 破左紀錄 =.=" 個變態司機用左十分鐘就由南昌去到渡船街 =.=" ~ 條友平路唔快，一轉灣就快 . . . 都唔知咩人 ~ 大家小心啦 ~ 呢排都係忙緊報稅同溫書 ~ 加油 !!
11 號下晝去左稅局 . . . 因為同事請左假 ~ 中途安巳 call 我話去 APM . . . 不過最後冇去 ~ 因為溫書同埋準備個講稿 . . . 不過佢夜晚上左黎 ~ 做左陣功課 . . . 我都寫好個稿啦 . . . 打機 =.=" 冇溫書 ~ 仲打到點幾先訓覺 . . . shit ~
12 號有人黎見工呀 ~ 其實呢兩日都有人黎啦 ~ 好多都係 F.7 呢，不過有一個男仔種態度好唔得呀 !! 寫 application form 時又講電話 ~ 又坐得好不知所謂 ~ 唉 !! 呢基本野都唔識 ~ 都唔知有冇人請請佢，有都算佢好彩 ~ 不過當我知道老闆 $25 一個鐘去請人我就好唔順 law ~ 雖然係短期 contract jer ~ 都唔駛咁呀 !! 真係唔明佢咩心態 ~ 今日先知趙生六年都冇加過人工，條友真係幾 "度" ~ 仆街來的 !!
2005 年 5 月 13 日
今日用左一個不好的態度做左上晝o既野表達我的不滿 ~ 哈哈 !! 下晝食完飯就返 IVE KC 啦 ~ 今日要 "演講"，不過唔係好緊張呀 ~ 嘻 ~ 返到去見到劉澤強 ~ 吹左陣水 . . . 之後見到 Miss Wong . . . 慢慢 D Miss 開始落黎啦 ~ Miss Ng 睇左我份稿話 ok ~ 都放心 D ~ 到到三點半開始啦 . . . 聽完我師妹講完就到我啦 ~ 一開始確實緊張，不過慢慢就 ok . . . 都幾順 ~ 最令我開心既係台下反應，因為我將份稿有 D 地方係幽默少少 . . . 唔想太嚴肅死板 ~ 不過聽到台下大笑都幾開心 ~ 因為我做到我既目標呀 !! 仲有我見到院長對住我點頭 ~ Miss 讚我講得好 ~ 好開心呀 !!
今日因為我老闆冇黎 ~ 我代表公司拎紀念品，個一刻好有衣錦還鄉既 feelings ~ 特別係同一群擁有豐富社會經驗前輩一齊影相個一刻 ~ 我好自豪 . . . 因為得我一個年青面貌係人群之中 ~ 我呢個年青人話緊俾班前輩知 . . . 我正係努力追趕緊佢地既成就 !! 仲有今日個 talk 真係令我獲益良多 ~ 特別係有一位陳先生講既野 . . . 正呀 !! 對於就黎考試既我真係好鼓舞 ~ 最開心佢都認同我 D point 呀 !! 因為佢有 quote 出黎呀 ~ 嘻嘻 !! 完左個 talk 同 Miss 傾左陣就離開 lu ~ 唔知幾時再返黎呢 ~ 今日真係好開心同好激動呀 !!
2005 年 5 月 14 日
今日星期六，返左上晝就閃人返屋企 ~ 買左隻雞脾食 ~ 之後就溫書啦 !! 今日娘親生日，尋日秘密訂左個生日蛋糕 . . . 哈哈 !! 今日溫到咁上下就話唔同佢出街食飯慶祝，扮落街去拎蛋糕 ~ 呵呵 . . . 計劃成功呀 !! 個蛋糕唔係好貴 jar，用恆生 credit card 有 20% off 呀 (美心) ~ 夜晚真係冇出去食，因為尋晚食剩太多啦 ~ 溫書o既進度比我想像中好 . . . 如果佢出返同上年 past paper 差唔多的話就掂啦 . . . 呵呵 !!
呢個星期見到好多人性羞惡的一面，只是平時返工放工都見到 ~ 又或者睇報紙見到 ~ 其實呢個星期係有一種做人好羞愧的感覺，發神經 =.=" 哈哈 !! 不過尋日個 talk 個位先生講既野依然o係我個腦中不斷出現，真係難得 ~ 以往o既我只係一剎那有感覺，返到屋企就冇哂 ~ 今次好例外 . . . 唔知今次佢講既野會否影響的將來的定位呢 ~ !!
2005 年 5 月 15 日
星期日好好天 ~ 因為溫書進度理想，有 D 懶左 ~ 哈哈 !! 睇左陣 NBA ~ 下晝去左安兄o個面打波 . . . 一隻手拎住個波一邊控制個單車好辛苦呢 . . . 上到佢屋企隻大貓又發姣 =.=" o係咁跟住我 =.=.=.=.=" ~ 我地走o個時仲攔住個門口 . . . 佢o個兩隻貓真係勁 !! 一隻識攔人、一隻識開房門 =.=" 可以的話我會將佢地影低俾大家睇 . . . 打完波 ~ 好熱呀 !! 吹左陣水就閃人返屋企溫書，不過溫到夜晚又又睇電視 lu ~ 浪漫滿屋 . . . 哈哈 ~ 唔知最後結果會係點呢 ~
flora ~ 妳呢 D 經常堅持原則o既性格實在令人摸不著頭腦，如果那條線會連在一起的話 ~ 即是說世上有人和妳思想一樣 ma ?? 仲有可唔可以唔好成日話我個頭 =.=" 就算講笑，我話下妳睇下妳開唔開心呀 . . . . / . \
最後想同大家分享一 D 我個人的觀點，呢個幾兩個月身邊發生左一 D 野關於 $$ ~ 就算 $$ 對我地日常生活如何重要都好，希望大家唔好將 $$ 睇得咁重 ~ 因為 $$ 可以令大家o既親情或者友情消失，講 $$ 真o係會傷感情 ~ 記得睇過沈祖堯醫生一本書大慨咁講過 : 人生有三種球 ~ 只有事業是會有反彈力 ~ 情感同埋健康係玻璃球 . . . 冇左就會碎 ~ 不能再返轉頭 ~ 如果大家睇 $$ 睇得好重 ~ 可否俾自己一個實實再再o既原因 ??
2005 年 5 月 16 - 31 日
oops . . . 好耐冇寫日記 law ~ 5 月考哂試 ~ 輕鬆哂。不過有 D 唔抵 . . . 因為溫唔熟 ~ 拎唔到高分 . . . 哈哈 !! 唔o係到多講 . . . 六月會寫多 D ga la ~ 大家留意下啦 !! 夏天終於再來啦 ~ 嘩哈哈 ^__^