2005 年 6 月 號 日 記
2005 年 6 月 1 - 4 日
正正式式踏入六月 lu . . . 即係話今年又過左一半啦 ~ 真係快呀 !! 自從上星期公司請左 D 暑期工後，少左 D 濕碎野做 . . . 好似聽電話咁啦 ~ 太好啦 !! 不過手上既 job 好多呀 . . . 唉 !! 要諗下計睇下暑期有冇 O.T 先 . . . 都係得個三個月 jer ~ 唔會太過份呀 !!
報左名學車 . . . 好貴呀 !! 因為我冇咩信心一次 pass，唯有報安心考 ~ 呢幾日o係咁睇個本道路使用者守則 ~ 好鬼多野呀 !! 真係估唔到呀 !! 星期六 ~ 即係六月四號啦，o係趙生口中壓力下下晝冇走到 =.=" 呀周會計師下晝帶左佢兩個女o黎，細女幾得意呀 . . . 撩下佢玩 ~ 點知佢地好暴力 =.=" 追住我打 =.=" 無奈 !! 做到咁上下走人啦 ~ 返到屋企上網 only . . . 咁就大一歲啦 !! 唉 ~
2005 年 6 月 5 日
今日生日 . . . 同自己講生日快樂 ~ 今日超唔開心 . . . 冇人理我都算啦 ~ 去踩單車探路又俾狗追 . . . 好彩有個人識隻狗 ~ 如果唔係都唔知點 . . . 因為我前路o係斜路 (上斜) . . . 走人o個時又落大雨 . . . 走左去朗屏避 ~ 落左好耐都唔停 . . . 唯有衝返去 . . . 黑仔 !! 咁都叫生日 . . . 夜晚安兄走過黎打機 ~ 今日成為 20 年o黎最唔開心o既生日 !!
今日學識一樣野，凡事平常心面對，當有驚喜會開心 . . . 就算失望 ~ 都唔會 "希望越大，失望越大" 呀 !! 不過都要多謝 send e-card 俾我同埋講個生日快樂俾我o既人 . . . 多謝您地 !!
2005 年 6 月 6 - 10 日
因為呢個星期 all 返工，so group 一齊寫啦 !! 暑期真o係好忙，要報稅 ~ 公司又要埋數 . . . o係咁入數。晚晚最早都七點先走 ~ 好累呀 !! 今個星期有新同事o黎，不過o係林會計師o個面 . . . 女仔來的 ~ 聽番同番事講，應該o係玩運動o既人 . . . 不過原來佢又o係住天水圍 ~ 估唔到呢 !!
新o黎o既暑期工兩位小姐，由於經驗不足 . . . 成日被阿趙話 . . . 我都有鬧埋一份 ~ 唔係趁熱鬧，始終人唔知錯o係唔會進步。鬧都o係想佢地好同埋進步 ga jer，遲 D IVE 位師妹返o黎 . . . 待遇一樣 !! 唔會再有之前咁有保護性o既待遇 ga la ~
10 號晚睇左 poly U sem. 2 o既 result，有 D 出奇 ~ 因為成績高過我預計。三科都有 B 呀，GPA 有 3.0 ~ 平均分都拉番高呀 !! 哈哈 ~ 超開心 !! 不過都知道有 D 同學升唔到班 . . . 唉 !! 下星期學車開始有堂上啦，本野已經睇哂 . . . 而家睇下本路試題 ~ 七月考筆試 . . . 哈哈 !! 加油 ~ 我要一次 pass 哂 !!
2005 年 6 月 11 - 12 日
難得有假放，想訓耐 D ~ 不過 11 號一早就醒左 ~ 打機打到食 lunch . . . 之後同 mother 去交埋學車尾數 ~ then 我就出發去影相 . . . 真係好耐冇去過 ~ 搭西鐵去到美孚阿鋮 call 有波打 . . . 不過出左去 =.=" 錯過左 tim ~ 唯有下次啦 !! 搭 2A 去太子道西o個面影 ~ 超正 !! 可以訓練技術之餘又多野影 . . . 結果我一個鐘都冇就影左廿幾張相 lu ~ 破哂記錄呀 !! 之後搭車返南昌坐西鐵走人 lu . . . 夜晚睇電視同上網 only !! 好想快 D 到星期一，因為有秀才遇著兵睇 . . . niki 好靚 ^__^ 哈哈 !!
12 號冇咩特別，下晝踩單車 only ~ 踩左去西鐵站 ATM 拎 $$ . . . 哈哈 !! 反正都踩開單車 . . . 雖然頌富有 ATM ~ 不過好多人 . . . 唔鐘意 ~ 今日好熱呀 . . . 聽日又要返工啦 !! 又要見到老闆 . . . shit !!
o係到分享少少野，唔該大家唔想做一野樣o既時侯 ~ 直接了當拒絕吧 !! 最憎人搵藉口 !! 又話要依樣個樣，不知所謂 . . . 唔想咪唔想 law ~ 就算搵藉口，都搵個好 D 原因啦 ~ 另外，唔好俾人知道你背後真正o既原因o係咩野 !! 唉 !! 無奈 ~
2005 年 6 月 13 日
又到星期一返工的日子啦 ~ 唔想起身 . . . 今日諗住公司會好忙 ~ 不過好彩唔係太忙 jer . . . 不過隻手長期處於同一個位置 ~ D 骨唔知係咪緊左 =.=" 好痛 ~ 仲要係右手 tim . . . shit !! 今日冇咩特別，都係做入數 ~ 今日好早走 lu，不過都成六點半啦 !! 今日老闆好低 B . . . 自稱黑社會 =.=" 又咩左青龍、右白虎 . . . 又話有黃氣照 . . . on on 地 ga !! 好似好巴閉 ~ 夠膽o係條街到大叫呀笨 !!
今晚返到屋企搽藥酒 . . . 隻手好痛呀 ~ 唉 !! 呢 D 叫唔叫工傷呀 ?? 不過係都 $$ claim ga la ~ 呢期公司銀行戶口冇 $$ . . . 好多野都要就住o黎 ~ 票都唔敢開 . . . 嘿 !! 老闆自己拎o黎衰 ~ 之前俾左咁多 $$ 某人 . . . 抵死 !!
2005 年 6 月 14 日
今日隻手仲係好痛 ~ 戴住護腕返工 . . . 好似廢左隻手咁 ~ 晏晝o個餐全公司同事 + 老闆都一齊去 ~ 因為林會計師今個月生日。好熱鬧呀 !! 哈哈 . . . 食野都可以放少少，食多 D 都冇所謂 !! 因為唔駛我地俾 $$ ma . . . 不過我成為 "眾矢之的"，可以得我一個男仔掛 . . . o係咁俾人提點 ~ 無奈 . . . 不過我都好受落 ~ 都唔明點解o係都叫我返大陸 =.=" 要我過夜睬你都白痴啦 !! 食完好正的一餐就返公司繼續做野 lu . . .
有時真係覺得人好自私，呢幾日o係巴士見到好多不知所謂o既野 ~ 有個女人冇位坐搵人鬧 . . . 鬧到要人讓位俾佢 ~ D 人落車係咁衝 . . . 撞到人又唔理 . . . 一味企哂車頭唔行入去 ~ 有老人家又唔讓位 . . . 唉 ~ !! 點解人會o係咁 ga !!
2005 年 6 月 15 日
隻手仲未好番 . . . 都唔知咩事痛咁耐 ~ 今日返工又見到 D 人係咁跑去 K16 個站 =.=" 日日都係咁 ~ 我真係唔明佢地做咩咁急 ~ 我就離遠觀察，見到站長有所動作 or 個司機扣安全帶我先會追 ~ 有時都好好笑，D 人咁驚遲又唔早 D 出門口 . . . 有時觀察多 D 週圍環境，身活都好 D 呀 ~ 唔駛做一 D 冇必要做既事
今晚上堂 . . . so 4 點幾就收工，學車第一堂 ~ 有 D 無聊，不過個 ar sir 幾好 . . . 如果遲到上車o個時o係佢教就好 law ~ 不過今晚之後先覺得 . . . 學車俾我想中難 ~ 不過我要一次就 pass 呀 !! 遲 D 又要預時間上堂 . . . 呢個暑假實充實呀 !!
2005 年 6 月 16 日
今日阿趙返左大陸，哈哈 ~ 就由我睇住個場啦 ~ 不過公司真o係好忙呀 . . . 多野做到死 ~ 差唔多 lunch time 時老闆返左o黎 ~ 個 look 似o係返大陸 . . . so 估佢會入房訓覺 ~ lunch 叫外賣 . . . 因為好大雨呀 ~ 之後下晝繼續做野 . . . 到到三點幾老闆走左出o黎，問我地做咩唔去食飯 =.=" 佢應該訓到咩時間都唔知，之後佢就走人返大陸 lu ~ 今晚好早走人 . . . 六點幾走人 lu ~ 因為冇人睇到我做野 ~_~ 返屋企抖下好過 ~
大家要小心 D 送速遞o既人，因為有 D 態度真o係好差 . . . 呢兩日有個直情要打架咁 gei 款 ~ 一入到黎就串 7 7 . . . "隊" 份野俾我 . . . 我咪同叫玩下啦 ~ 唔拎份文件 . . chop 左印先拎 ~ 點知佢掉份野落張 table . . . 頂佢呀 !! 咁住我好輕鬆同佢講如果想 complain 佢可以點做 ~ 佢瞪大隻眼講話同佢講 ~ 哈哈 !! 跟住我唔玩啦 ~ 因為驚動左林會計師o個面 . . . 由佢走 ~ 不過我諗佢唔敢o係會計師樓搞事呀 !! 之後打電話去同個 client 投訴叫佢唔好再用呢個人做速遞 ~ 唉 !! 後生仔真o係血氣方剛 . . . 我都唔例外呀 !!
2005 年 6 月 17 日
終於又到星期五啦 ! 因為週末將至 . . . 正 !! 今朝阿趙冇返工 ~ 因為唔舒服 ~ 趙太打o黎幫佢請假 . . . 哈哈 !! 好搞笑 ~ 因為好少會由趙太親自出馬 ma . . . 不過佢下晝都o係返左o黎 . . . 唔聽老婆話 =.=" 今日有個客要做 company search ~ 睇下間公司有冇問題 . . . 今次o係我第一次面對呢 D 事 ~ search 完我就研究下啦 ~ 終於有結果 ~ 間公司有問題 . . . 因為兩年冇上年報 & 公司秘書無啦啦 resgin 左冇 appoint 番 . . . 加上有 loan 登記左未還 !! 同個客解釋完好有滿足感呀 !! 另外今日又 clear 左一個比較煩o既 case . . . 不過都要多得之前老闆出口講點做先搞得掂 ~ 奉勸大家將來做生意要小心 D . . . 同個 partner 幾夾都要留意下 ~ 因為一有不和就難收科 ga 啦 !!
又分享下我 D 謬論先 ~_~ 凡事總有解決方法，希望大家學懂要去面對 . . . 正如之前 flora 姐一樣咁勇敢去面對 ~ 因為我深信呢個世界冇野解決唔到，除非你認輸 or 坐以待斃 jer !! 各位加油吧 ~ !!
今日 lunch 好搞笑 ~ 落大雨 . . . 因為林會計師一行 4 位冇帶傘 . . . stephanie call 左我拎傘俾佢地 ~ 哈哈 !! 拎成 4 把傘呀 . . . 好大雨呢 ~ 最令人無奈就o係我地返哂上公司竟然出太陽 =.=" 呢 D 天氣真o係玩死人呀 !!
2005 年 6 月 18 日
flora 姐生日快樂 wor !! 妳都 20 歲啦 ~ 越來越老 law ~ 哈哈 !! 今日返工好努力入數 . . . 因為我要下星期前 clear 呢間公司o既數 . . . 因為呢間公司我地收哂 $$ 但係一 D 都未做過 =.=" 好彩o係熟客 ~ 今日新同事阿 wing 問我邊到有村巴搭 ~ 我呆左呆先知佢講緊非法村巴 =.=" 原來佢搭 269B 返工 ~ 好貴呢 ~ 非法村巴就o係沿途 269B 分站 . . . 搶客 ma !! 等下就有 ga la ~ 不過班次不詳 . . . 因為非法 ma . . .
做到成點半先去食飯 ~ 一行四人 . . . 我、趙、stephanie 同埋有位叫"藍小姐"o既人 ~ 佢都好多野講 ga . . . o係老闆們以前 D 同事，佢近排上得o黎多我先知佢o係邊個 . . . 佢同趙生拍埋一齊都幾夾 ~ 可能大家都o係 fat 呀 !! 哈哈 ~
食完飯繼續做 . . . 做到四點幾走人去搵安兄 ~ 因為買衫 . . . choose 左好耐先買左兩件 . . . thank you 安兄每次o既熱情款待呀 !! ^__^ 不過咁就冇左 $300 lu . . . 今個月都o係冇 $$ 剩 ~ 鬼咩 . . . 要交學車 $$ . . . 遲 D 又要交學費 lu ~ 要慳 D 先 !!
今晚爆開心 ~ 因為同阿 ti icq ~ 哈哈 !! 我地都好耐冇 chat 過啦 ~ 原本遲 D 搵佢同埋 miss leung 出o黎食飯 . . . 冇諗過 icq 傾左咁耐 ~ 上一次見佢已經o係上年暑假 ~ 咁快就一年 lu !! 話咁快佢又畢業啦。喂 ~ 記住俾心機呀 ~ 一個可能令妳忙個不停o既商業世界等緊妳 !! 加油啦 ~ 快 D 搵到工呀｜因為好想快 D 見到妳同 miss leung 呀 !! 等妳好消息 !!
2005 年 6 月 19 日
好好太陽o既 sunday ~ 不過我冇出過街 ~ 打機 only . . . 玩 winning 買下人，因為就黎又出 winning 9 ~ 玩得就玩啦 . . . 如果唔o係 waste 左我 D 心機 ~ 而家有三集都有整隊 master ~ winning 7 有 AC、winning 8 有巴塞、winning 8 LE 就車仔 . . . 三隊最強o既o係 AC !! 唔知 winning 9 用咩好 tim ~ 打到五點幾走去踩左陣單車 ~ 搵左條路去綠田園，不過天色已暗踩冇入去 . . . 睇o下下次有冇機會入埋去上座山玩下先 !!
2005 年 6 月 20 - 26 日
又懶左冇寫日記 tim =.=" 唯有又一星期總結下啦 . . . 不過呢個星期都好似冇咩特別咁 ~ 都係返工又放工咁啦 ~ 公司都係咁忙 . . . 日日做到成七點先走 ~ 星期三晚走去上學車理論堂 . . . 幾好玩呀 ~ 星期五晚就同 flora、國平同佢女友去左 MK 食飯當補祝 flora 生日 wor ~ 不過 flora 仲未請我食飯 wor =.=" 算 ~ 睇到國平同佢女友真幸福呀 !! 食完飯就o係 MK 行左陣 ~ 一時落大雨一時就唔落 . . . 玩死呀 !! 接近走人時人有三急 ~ 搵廁所但係搵唔到 . . . 諗住忍到返南昌先去啦 ~ 上左 701，不過身體狀況話我知忍唔到咁耐 =.=.=.=" o係大角咀落車快步趕去奧海城 (其實應該係跑去) 去廁所 . . . =.=" 去完舒服哂啦 ~ 一出去又要追 K16 wor =.=" 搞到個身出哂汗 ~ 上到西鐵站又要追西鐵 . . . . shit !! o個晚勁黑仔 law ~ 唉 !!
星期六公司大顆兒去食飯 ~ 阿趙請 wor . . . 生日請人食飯，真係搞笑 ~ 食到三點幾走人 . . . 返到 home 抖左陣就去上模擬駕駛，又係好好玩 ~ 特別係支波棍 . . . 不過個 test 得 85 分 ~ 死左一次火 =.=" 如果唔係應該有 90 以上 ga !! 可惜可惜 . . . 不過十個人上堂有四個係女仔 ~ 真係冇諗過有咁多 girls . . .
星期日 ~ 即係 26 號啦 ~ 去左葵芳曬相 ~ 要等一個鐘 . . . 去左 80M 睇相 ~ 中途都有 D 女仔走左入黎 ~ 因為搬左去 wave zone . . . 企到我腳痛呀 ~ 一個鐘就走番去拎相 . . . 上左小巴先睇 ~ 哈哈 !! 勁開心 . . . 因為全部都 ok . . . 特別係 pan 鏡個埋 ~ 雖然有鐵欄杆入左鏡 . . . 但係架巴士都係好清楚呀 !! 個背景亦有 D 矇呢 !! 努力再 train 下先 !!