My Diary - 10 / 2004

2004 年 10 月 1 日

今天國慶 55 週年，無咩特別 ~ 不過政府個國歌廣告好討厭 . . . Hardsell 得濟 =.= 今日十點幾同 flora 食野 ^^ 之後同佢行左一陣 . . . 咁就返屋企啦佢 ~ 我就去左葵芳拎相 . . . "pan" 鏡 4 張有兩張算係成功 ~ 都好，慢慢練啦 ~ 我既 AL 全集多左三陪搞掂，不過仲有成九十部未影 =.=.=.= 冇時間 =.=.=.= 。之後係間專賣球會既野間 shop 睇左陣，好正 ~ 想買番個我最愛既 AC 鎖匙扣 tim ~~

搭西鐵返到屋企打機，玩 GTA 係到殺人 . . . 哈哈 ~ 玩玩下玩左 winning，做左個好大既決定，就係將退化緊既舒夫真高換去華倫西亞 . . . 交換左艾瑪返黎 . . . 用舒夫真高次次對安兄都有波入 . . . 唔知冇左佢對安兄會點呢 !? 不過個新陣搞好後第一場聯場對波圖就炒佢 4 : 0 ~ 成為主力既朗尼入左兩球，艾瑪表現幾好 !! 呢個就係我今季 AC 米蘭既正選陣容啦 :

GK-舒米高
DF-格連莊臣, 尼斯達, 森美爾, 馬甸尼
MF-加度素, 卡卡, 雲佩斯, 艾瑪
FW-朗尼, 施斯

至於後備 :

GK-基雲, 阿比阿迪
DF-唔識中文名 =.=
MF-派路, 干地, 祖亞昆, 路斯基
FW-基士文, 艾馬頓, 巴治澳

大家覺得正唔正呢 ~ ^_^

2004 年 10 月 3 日

今日涼好多呀，要著番件長袖 ~ 費是又病過 . . . 一早起身番教會，咁耐冇返，多左好多人呀 ~ 特別係我地個組，阿銘都有 D 老懷安慰既感覺吧 ~ 哈哈 !! 不過之後 gather 既時間，竟然冇人知我而家已經返工同埋夜晚讀書 =.= 唉 ~ 算啦 . . . 都預左啦 . . . 完左就坐西鐵返屋企。

食完野，上左陣網 . . . 同美國個 friend 傾左陣 (佢打黎 ga =.=) 就做功課 . . . 之後就打機。哈哈 ~ 好好玩呀 . . . 夜晚睇四葉草 . . . D 女仔好靚呀 !! ^^ 特別係個葉青，好似孫燕姿呀 !! 哈哈 . . .好靚 ~~

2004 年 10 月 4 - 10 日

又係好耐冇寫日記啦，等我一次過補番先 ~ 呢個星期都冇咩特別，有一日同老闆去左個客到拎單 . . . 有靚女呀 ^__^ 哈哈 ~ 不過個老闆話兩星期可以 clear . . . 點知返到公司佢就叫我 handle 哂。雖然係挑戰，不過兩星期我都唔知得唔得 tim . . . Dare to try ~ 星期三下晝就因為有 D 野趕，我就要去 Revenue Towner 同埋 C.R 拎野 ~ 係灣仔同金鐘走黎走去 . . . 不過都令我大開眼界 ~

至於返學，我就開始對一位同學不滿 . . . 次次問 project D 野都問我，又唔問 D 女仔 . . . 又話人唔做 ~ damn him !! 有時間先得 ga 哥仔 !! 唉 ~ 上英文堂又好似驚俾鬼佬問 . . . 一問佢就喘氣，唔問佢就係到嗌個答案 =.=" 咩人黎 ga。返學真係好累，上堂好難集中 . . . 有一晚 polly 直頭訓埋 =.= 哈哈 ~ 不過每次一上 K16 我都即刻訓 ~

星期六就最特別，因為之前 IVE D 人黎完 interview 今日有一個黎返工 . . . 由我負責教佢，不過教得佢黎都趕唔到老闆俾個 deadline 啦 . . . 所以俾 D 易既佢做。一路教一路諗番一年前既我 . . . 哈哈 ~ 好懷念 IVE 既生活呢 ~ 如果遲 D 老闆叫埋安兄的話 . . . 唔知會點呢 ~

2004 年 10 月總結

終於有時間 update 個日記啦 !! 十月實在發生好多事呀。有開心有唔開心 . . . 不過整體都過得 ok ~ 只係係公司方面唔想再過 D 咁既日子，我而家深深 feel 到當時 Peggy 被迫做 com. sec. 既痛苦啦 !! 唉 ~ 最慘而家孤身作戰 . . . 仲要被老闆當左我係佢秘書 \ . / 百佢個街 !! 再係咁落去我頂唔住 ga，安兄努力讀書呀 . . . 我夢想中既王國等緊你 ga !! 要加油呀 ~

讀書方面，好累 . . . 好辛苦 . . . 好難頂呀 ~ 五年都唔知點過 . . . 不過點都要繼續，諗起我個王國 . . . 我唔可以放棄 !! 希望到時我唔會剩番排骨啦 =.=

十月有幾日真係過得好開心，係邊幾日 ? 唔係度話被大家聽啦 ^__^ 哈哈 !!