My Diary - 5 / 2004
2004 年 5 月 1 日
天氣 -- 熱呀
過左半年返工返學o既日子，今日終於可以好安心咁留係屋企享受一下啦。原本諗住開始溫書，但係都唔得 ~ 上左陣網，下晝又打 Winning 7 ~ 溫左一課 L.F ~ =.= flora 去左返工，唉 ~ 冇人同我傾計 . . .
到左夜晚，走左去荃灣西影相，試下塊 filter。不過個總站 D 光唔係好得 . . . 影左兩個鐘就走人，收獲一般啦 ~ 夜 D D 同 flora 傾電話，之後唔o掠衫就 sleep 左 lu ~
2004 年 5 月 2 日
天氣 -- 幾熱下
今日係星期日，返教會 ~ 安兄起唔到身，so 得我一個出去。返到去同平時一樣，不過聽完道之後氣氛高漲，個個都好 high，因為傳道搞氣氛 . . . 好似變左做 Rave party 咁 ~ 不過今日o黎左兩個女仔，打破左維持左好耐既全男班陣容 =.=" 阿銘應該有 D 安慰啦 ~ 哈哈 !!
下晝冇出街，返左屋企，食左半煲粥 ~ 打下機咁 . . . 同 flora 傾下電話咁 ~ 做下 taxation 咁 . . . 好快過左成個下晝啦 ~
夜晚都係溫唔到書，唔知點解係到集中唔到，唔知係咪 taxation 未搞掂有關呢 . . . .
2004 年 5 月 3 日
天氣 -- 熱呀
星期一一早返去 print past paper，遲左上 audit ， 之後 taxation 講下 revision 咁就去 lunch。喉嚨痛，so 去買粥食，食完趕去搵 Miss Yuen，知道左之後有個 function 我要做 M.C，幾得意咁 wor，不過又要著 suit =.="。o個日有好多老闆級人馬出現，一定要表現好 D 啦 !!
之後冇堂上，於是去傾 taxation，因為有 D 問題咁 ~ 傾完就分左工搞埋佢，之後去左打波，頂 . . . 又傷過，今次係篤魚蛋 . . . 好 Q 痛。不過都再打多陣就走去 present project 份野，我o既表現一般啦 ~ 好辛苦咁完左呢個 final year project 啦 !! Present 完走左，返到屋企俾阿媽發現我整親，好彩冇鬧我 jar ∼
夜晚做 taxation，做到好無奈 ~ 得罪都要講句 . . . 呢 D project 抄人地係一 D 意思都冇 !! 唉 ~ 又無溫書，咁落去唔掂呀 . . . .
2004 年 5 月 4 日
天氣 -- 熱
今日冇 costing 上，可以訓耐 D 先起身。搭車去到葵芳，見到個天氣唔係好 ok ，等埋 flora 先一齊返 ~ 驚佢被雨淋 ma ~ 返到去英文堂睇鬼眼，我未睇過 ~ 睇左個幾鐘，幾好睇呀 !! lunch 就成堆人去吉野家食飯，好似有 11 個 ~ 之後就返去打波，我就冇打啦，因為隻手未好返 ~ 走左去打羽毛球，同米高打真係勁好玩呀 !! 打打下就上去睇下阿楚佢地個 part taxation 做成點，跟住又落去再打過 ~
打到咁上下過去搵 Miss Ng，初初以為又有關於影相 D 野，點知唔係 ~ 原來 Miss 有個 friend 遲 D 有 show 擺，仲要係o係德國 !! 個一刻有 D 驚訝 . . . 我冇諗過我會有咁o既機會，但係我係個時考慮好多野，so 暫時推左 ~ 之後過番去上 adv account，flora 上上下走左 =.=" Miss 問我咩事都唔知點答，兩個鐘係到講 cash flow. ~ 好快完左。打俾 flora 搵番佢一齊走。
之前聽完 flora 講 D 野，自己開始諗我去唔去德國好 . . . 最後決定問清楚我想知o既野先，因為機會難得呀，加上娘親又 agree ~ so send 番 mail 俾 Miss Ng 啦 ~ 之後做番 taxation，將所有 part combine 埋一齊等 flora + ship 可以 prepare 個 powerpoint ma ~ !! 之後去睇相，幾 ok 呀 ~ 特別係荃灣西影個幾張，塊 filter 真係好有用呀 !!
2004 年 5 月 6 日
天氣 -- 涼左
今日因為有 taxation presentation，所以早左一堂上 adv account。一個鐘好快就過。之後 present，我地抽中第二組 present，4 組之中當然有好有唔好啦 ~ 不過 water 同我講左 kevin 兄俾所有o既分都較低就有 D 唔開心 law . . . 唉 ~ 不過 last 一個 project 終於完成，所有 presentation + project 都完哂，咁亦都代表 exam o黎緊啦 ~
因為 taxation 早左一個鐘完，so 去食 lunch，行行下肚痛 =.= . . . . 搞到要搵 D 近 toliet o既舖頭食野 =.=" ~ 好無奈，同 flora 去到大家樂+買埋o野食o個時就真係要去 toliet，肚痾呀 ~ 唉 . . . 去左好耐先再返去食野，真係嚇死人 law ~ ~食完就返去打左陣波，之後同埋米高佢地去搵 Miss 聽 feedback。不過我自己去搵 Miss Ng 傾番科隆 D 野先，原來而家係留定名，睇下到時邊個得閒就去 ~ ~ 咁都好 D，之後睇下搞 show o個個人影 D 相 . . .一個字 : 勁 !! 真係好靚呀 !! 之後去聽 feedback ，都唔錯，最開心係 Miss 話睇住我地組進步 ^__^
聽完就返番正校，又打過 ~ 打左陣就上兩個鐘既 costing，淨係講 past-paper，聽到冇心機上呀 ~ ~ ~ 無聊左兩個鐘就完啦，又去打波 ~ 連 kevin 兄都一齊參加，所以吸引到好多觀眾 ~__~。打到 6 點幾趕番屋企食飯，因為要睇醫生 ~ 個喉嚨痛左幾日，原來係楄桃線發炎 =.= 要飲多 D 水 wor . . . .
返到屋企，安兄都差唔多上到o黎，佢要考 stat.，不過我都唔知幫唔幫到佢 . . . 同佢 print 左 D ，講下要點答 . . . 大概咁啦 ~ 佢走左就沖涼同埋訓覺 . . . 因為藥力發作呀 ~
2004 年 5 月 7 日
天氣 -- 幾好
project 上哂，今朝唔駛返 ~ 不過唔知係咪 D 藥勁，有 D 胃痛 =.=" 下晝同 flora 去街，帶埋部相機 . . . 佢同我齊齊影相 ~ 哈哈 !! 先去又一城，食左 D 野 . . . 再去樂富 ~ 行佢最喜愛o既吉島，見到 D 水晶幾正，so 買左當 mother's day 禮物。之後就行 supermarket 買左盒野，行到咁上下就搭車走人 ~
諗住食左藥o係巴士上面訓下，又訓唔到 . . . 唉 ~ 返到屋企 . . . 都冇咩好寫 tim 。
2004 年 5 月 8 日
天氣 -- 落大雨
今日阿 ti 生日，講番生日快樂先 ~
今朝一起身開電視見到紅雨 wor，好 Q 大雨呀。之後就上網 icq 同沽弟 + 奶坪o係到傾 . . . 勁耐冇同過奶坪傾計 ~ 講左好耐 . . . 就過左個上晝 lu . . . 都係冇心情溫書 =.=
下晝搞完 D 野，沽弟就o黎啦，緊係吹水 + 打機啦 ~ 咩都打下咁 ~ 中間走去幫條水晶淨化。最尾玩 metal gear 2 先正 . . . 打到成 8 點佢就走人而我就食飯 ~ 等到 flora 返到屋企就傾電話，今日 . . . 都係冇溫過書 law . . . .
2004 年 5 月 10 日
天氣 -- 天晴
所有堂上哂啦，不過今日都係要返學，因為Miss 要幫我地溫書 wor ~ 不過都係下晝先返，so 可以訓晏 D ~ 上晝好無聊咁就過左 . . . 煲完野食就出門口搭 269M，去到大欖隧道前過左部 69M，於是就緊係去轉車啦 . . . 費是去到葵芳村行 ~ 點知轉左車去到屯公見到部 269M 打死火燈泊埋一邊 =.= 唔知係咪壞車，好彩我轉左車 jer =.=" ~ 部車去到葵涌，有幾個外國人上車去葵芳，坐哂係我隔離 =.=
今日上 consolidation，講左 3 個鐘就完，早左一個鐘就走得，咁就幾個男仔過番去正校打波，打到件衫濕左 3/4 . . . 又冇帶衫換 . . . 唯有等到佢乾先走 ~
今晚終於開始溫到書啦，真係好 . . . 希望可以 keep 落去 !!
2004 年 5 月 11 日
天氣 -- 天晴
今日都係要返學，因為 Miss 要繼續幫我地溫書 ~ 不過上晝要上埋 last 一堂英文，行去天瑞搭 69M，又係咁好彩 . . . 去到荃灣見到前一班 69M 壞車 =.= ~ 呢兩日都幾好運。英文堂可以話係俾 feedback 我地 ~ 我個 result 唔錯。用左一個鐘就完哂，同 Miss 影相就走人 lu . . . 跟住去食 lunch，睇"無頭東宮" . . . 好好睇呀，向海嵐奸到嘔 !! 食完就同 flora 去新都會交 $$，行左就返去上 adv account.
今日講o個 D 都 OK，不過又係好早就有得放 ~ 於是又全部去哂正校打波，今次有帶衫啦，打到 6 點走人 ~ 搭巴士去到大欖自動收費亭前有部拖架差 D 同部密斗炒車，我搭緊部巴士即刻急剎，見住部拖架甩哂尾 + 同個地磨擦出哂白煙 . . . 真係超恐怖 ~ . . . 夜晚安兄o黎左，要用 frontpage 整網頁 ~ 唯有叫 flora o係電話到教佢啦，整到成 11 點就打機，打左兩局 winning 佢就走人 ~
剩番兩個星期到就考試，我都唔咁想像之後o既生活會係點 . . . 或者都係要辛苦辛苦辛苦 ga 啦 . . . .
2004 年 5 月 12 日
天氣 -- 熱
星期三，媽子留係屋企，完本諗住出去食飯，但係無頭東宮太好睇啦 ~ So 搶左阿媽個飯盒食。下晝返左學校做 costing D 野，做 budget 同 variance ~ 做左個幾鐘 Miss 就講答案，都識左多 D 野 ~ 做完就同 flora 過正校 print 攻略同 past paper . . . 跟住就返屋企 ~
夜晚o係到睇 notes，真係睇 . . . 得個望字 . . . 唉 ~ 唔知點好 =.=
2004 年 5 月 14 日
天氣 -- 雨後有陽光
認承左flora 今日陪佢去又一居，好早就起左身諗住佢會打o黎，點知等左好耐，一路睇 nba.com D 比賽過程就一路等 . . . 唔對路 ~ 都係打俾佢 ~ 之後急急腳出門口 =.=.=" . . . 飛西鐵出去又一城先，搵個又一居搵左十幾分鐘，交左野就行番去又一城食飯 ~ 食完就返學
一返到去就上 LCCI o既野，又要學新野 lu，不過都好 ~ 上到兩點幾阿楚佢地先返，哈哈 ~ 有人陪下傾計啦 !! 上到 5 點解就走人 lu，行去搭巴士個時勁搞笑 . . . 返到屋企睇得到新聞，知道 Lakers 係最後 0.4 秒贏左 . . . 正呀 !! 即刻上網 D/L 場波睇
成晚o係到睇電視 + NBA ~ 之後同 flora 傾計，做左 D housework 就sleep lu ∼
2004 年 5 月 17 日
天氣 -- 晴
冇寫兩日日記，因為前兩日冇咩好寫 ~__~ . . . 今日上晝溫左陣書，下晝就返學去個分享會 . . . 要著西裝 ~ 超熱呀 . . . 同埋 flora 一齊返 (佢陪我 ^_^)，返到去坐低無耐就見到我老闆，佢同我講左 D 野，唔知真定假呢 . . . . . 之後要睇下條問題要點問 (Miss 叫要問 wor =.=" ~ 哈哈)。中間有 break 過，傾下計咁，成個分享會都好正，去到 4 點幾就完啦影左陣相就走人去食野 lu ~
成晚想溫書，不過好累，溫唔入腦 . . . .
2004 年 5 月 18 日
天氣 -- 晴
今日係最後一日返學補課o既日子，不過要返 9:30 . . . 好早要起身去搭 265P ~ 出奇地o黎左部 ATE (直梯巴士)，哈哈 ~ 咁難得o係 265P 坐到，於是就坐車頭啦 !! 返到去上堂，講 EPS 同 redemption，中間 break 個陣出左去吹水，最後上到 12:30 就完啦 ~ 放低 D 野就食 lunch 。
成 12 個人去吉野家，flora 話幫我買野食，加上米高出埋去，我知 flora 一定會叫米高拎 D 野返o黎，就由 flora 幫我買野食啦 ~ 不過都係觀點問題，唔知點解咁都俾人串 . . . 我咁大過人從未試過咁俾人串法 !! 亦令我一塊好耐冇黑過o既面黑起o黎 . . . 男幫女買野食係理所當然，但係有時女幫下男買又有咩問題呢 ?! 唉 !! 好嬲呀 !! \ . / 食完之後就去左 80M 買 Q 版，之後返學打波 . . .
打打打 . . . 唔識入波，射親都炒 . . . 心情唔好 . . . 無奈呀 ~ 打到 4 點幾走人，同 flora 行左陣就返歸 ~ o係車到搵安兄傾下計咁，夜晚o係到睇電視，之後就溫書啦 !!
直腸直肚係人既性格，但係永遠將自己觀念套o係人地身上 . . . 永遠只想得到別人認同自己既人 ~ 只會永遠活係自己o既空間 . . . 以上純粹個人感覺，不滿的話可以當冇睇過 ~ 多言了 ~
2004 年 5 月 20 日
天氣 -- 陰+晴
今日睇到段野，o係都市日報其中一版 ~ 都係講下珍惜呢樣野，個題目叫 "遇見" . . . 令我諗起孫燕姿同埋 "向左走.向右走" ~ 文章入面都有提過，內容好正，特別係最尾 -- [或許明天我們又會再遇上，又或永不再遇見] ~ 大家唔知對呢句有咩感覺呢 . . . 我就諗番好多以前中學 D 野 . . . 甚至而家 IVE . . . 好多好多 ~ 有 D 感觸 tim ~ 好 !! 等大家諗下呢句野啦 !!
今日開始溫 costing，星期一考啦，大家要俾心機啦 !!!
2004 年 5 月 21 日
天氣 -- 雨
今日溫 costing，不過成日都冇咩心機 ~ 冇咩動力咁 . . . 睇左好多課 notes，但係又好似無溫過咁。中間去左執相 . . . 食野同埋上下網 ~ 去 webct download 左 D 野o黎做 ~
到到夜晚都係咁，睇埋 "下一站彩虹" 大結局，成晚個人都好燥 ~ 唔知係咪開始有 D 壓力咁 . . . 希望唔好學上年咁啦，第一科就 costing . . . 有咩差池的話，之後實會有打擊呀 . . . .
2004 年 5 月 22 日
天氣 -- 陰
睇個日期，兩日後就係考試，但係心情都未去到緊張 ~ 仲未入到態去溫 . . . . 盡力啦 ~ 今朝起身之後同個 friend 傾左陣就去剪髮，係個女仔同我剪，應該係上次同安兄剪o個個 . . . 剪到極短，接近光頭咁濟 =.= 比我想像中短好多，不過都剪左啦 ~ 可以 save 幾個月既剪髮 $$ 啦 ~__~
返到屋企睇 notes，諗住開始做下 D pastpaper . . . 但係冇心機 ~ 希望聽日會好 D 啦 !!
2004 年 5 月 24 日
天氣 -- 晴
今日考 costing，因為驚唔知有 D 咩塞車，好早就出左門口 . . . 點知返到學校先知圖書館成 9 點先開，唯有坐係停車場隔離溫啦 ~ =.= . . . 今日 D 題目 . . . 唔知點講 ~ 做完都冇咩信心，加上同埋其他同學既答案唔同，有 D 擔心 law . . . 今次既心情同上次 costing test 2 之後既心情完全唔同 . . . 希望合格啦 ~ 考完同 flora 食野 + 送佢去到鑽石山就走人 ~ 返到荃灣上左 269M，坐好耐都冇坐過既龍仔 ~ 睇到個廣告講考試之後切忌同同學討論 . . . . 好無奈呀 ~ ~ ~
返到 home 就打陣機，同埋上下網。之後開始準備 L.F o既野啦，希望呢科 prepare 得好 D 啦，好啦 ~ 又要溫書 lu !!
2004 年 5 月 25 日
天氣 -- 陰
今日係屋企溫書，好鬼多野背呀，睇左好多好多 ~ 聽日開始要背，都唔知背唔背到 tim . . . 最慘就係背背下走左去打機呀 . . . . 無奈呀 ~ 到到夜晚就同阿媽去銀座食飯，之後去左睇野同埋買六合彩 ~ 不過一個 no. 都唔中 . . . 返到 home 就繼續溫啦 ~
2004 年 5 月 27 日
天氣 -- 好熱
今日考 L.F，呢兩日準備得都唔錯，不過唔係背得好熟 ~ 一早就起左身 7 點幾出門口 . . . 又係驚塞車 ~ 好鬼熱呀，之後溫左一個鐘就去考啦 ~ D 題目都 ok，係 dismissal o個題有 D 意外 ~ 其他都 ok (話哂 Miss 有俾貼士 ~__~)，好順利做左個幾鐘就走啦。心情同 costing 個日完全唔同呀 ~ 哈哈 . . . 比較放心 ma ~
之後係到吹水，吹左成個鐘就同 flora 食 lunch ~ 飲左好多湯，搞到食唔落 D 飯 =.= ~ 食完就搭車返屋企，冇同 flora 一齊走 . . . 佢好似嬲咁 =.= . . . 返到屋企睇左陣 audit，就打下機，今晚主要睇 audit . . . 如果唔係就唔多時間啦 ~ 剩番 3 科主菜，要加油呀 !!!
2004 年 5 月 28 日
天氣 -- 陰
考左 L.F 同 costing，剩番三大科主菜未考 . . . 31/5 先o黎 advanced account ~ 不過 2/6 又考 audit，得果一日幾去溫 audit，so 今日用o黎溫 audit ~ 話哂 account 之前補過課。不過上晝係到發呆，唔知自己想做咩 =.= 食完個 lunch 先開始溫，溫左陣就睇電視 . . . 之後就繼續 . . . 去到 5 點幾 relax time 就上下網 ~
食完晚飯再睇多陣就開始睇 account 啦，決定左唔溫 investment account，其他通殺 !! 之後同 flora 傾電話 . . . 俾佢講 D 野嚇到訓唔到 . . . . 後尾當然訓到啦 =.="
2004 年 5 月 29 日
天氣 -- 陰晴不定
今日 only 係屋企溫書，上晝溫左唔係好多 . . . 得個睇字 ~ 下晝安兄過左o黎，諗住用我媽親張咭買野，點知又唔俾用 wor . . . 無奈之下安兄去左 cut hair，我就番屋企溫書 ~ 安兄剪完就上左o黎 . . . 又打winning =.=" 俾我炒 ~ 哈哈 . . . 之後輸左場俾佢 . . . 最後再贏多場 ~ ^__^
今晚得我一個訓，娘親去左人地到 . . . 希望溫到書啦 !!!
2004 年 5 月 30 日
天氣 -- 陰晴不定
聽日考 account，今日好有心機溫書，不過唔係好日都咁有心機 =.=" 上晝係咁做數 . . . 下晝就放鬆左自己 ~ 一到夜晚直接冇心機 tim，開電視睇波 . . . 頂 ~ AC 輸左 wor . . . . 睇左陣又溫過，溫到覺得冇咩好溫就走去訓左 lu ~
2004 年 5 月 31 日
天氣 -- 熱
今日一如以往，好早就出左門口啦 ~ 返到去溫左陣就開始考 lu。一見到 D 題目 . . . 有 D 興奮，同我預計o既差唔多 . . . 一做就做左三個鐘，中間走左去廁所，不過有人監視 ga ~ 哈哈 !! 條 cash flow 同 partnership 平到，但係 consolidated balance 就平唔到 . . . 不過 partnership 做錯左 D 呀，同埋 ratio 計錯左三個呀 / . \，其他都冇咩問題，都識做 ~ 考完o既心情冇咩擔心，希望有好成績啦 !!
今日冇同 flora 去食飯，考完就行左陣返屋企。去商場買雞脾食，番屋企再食多個包 . . . 上下網 . . . 打左陣機 . . . 執下 notes 就開始溫 audit，剩番兩科 jar !!