雖然我畢左業，唔再過活蹦亂跳o既校園生活，但是我唔會咁易忘記我o既朋友。我會好好珍惜呢寶貴o既感情，希望有時間可約佢地出逛，見一見，傾一傾，好好敘舊一下。人生知己難求，一生難得一知己。好啦! 依家我為你地介紹我o既朋友，佢地有唔同o既性格，有可愛o既，有成熟o既，有麻煩o既......等，我一見佢地就想笑出o黎，佢地真係難得o家!!
1. 269c Terry Chan
佢係我感情最深o既哥哥，關係超級好好。我小時係宿舍訓時識佢，佢好鬼麻煩，整日搞我好鬼煩，嘻嘻! 不過，佢係好男人，非常大方，唔會為小事而介意呀! 當我唔開心時，佢會關心我，盡力搵方法畀我開心，令我感動不己! 識左佢係我o既榮幸。佢好中意睇漫畫書，屋企有好多本書，所以好多人借佢番屋企睇呀! 重有，佢好中意食壽司，如我有錢，會請佢食呀! 因佢係我o既好哥哥~ 另外，佢好中意巴士269c，整日對著我不停講有關巴士編號同埋路線，好煩呀! 我好想佢收聲o家! 因好悶...哈哈!!
2. 肥茵 Christine Chu
佢係我o既好契姐，佢係小學3年級o黎我間校，佢比其他女仔高，鶴立雞群。佢以前超級好肥，皮膚超級黑，幾似泰山女呀! 佢好健談，一傾就直到畢業啦，氣死左無數老師，還有破左紀錄，哈哈! 依家佢瘦左好多，靚左好多，好多健聽人士想追佢o家! 真佩服佢...令我無話可說。佢思想成熟，好似大人。如我同佢傾，好似小朋友同姐姐傾計，無臉呀~ 我同佢保持良好o既關係，直到依家仲無變~另外，佢依家讀香港藝術學院設計系，但佢o既目標係成為國際名模啊! 嘩~~
3.浩文 Penny Wan
佢係怕羞o既哥哥，幾得意。雖佢好矮，但佢有運動細胞，跳躍力好大，可以入樽o家! 厲害~ 佢係我o既最佳拍擋，打敗左好多人呀! 佢同我感情好好，連我媽咪中意佢，哈哈! 最好笑就係佢對靚女o既態度，一副臉紅又認真o既態度，令我無法停止笑出o黎呀! 喂! 你地唔好欺負佢o家，嘻~
4.小黑狗 Benny
Shek 
佢係最得意又有型o既細佬，我好中意佢。雖我同佢好少傾計，但感情非常好。佢好搞笑，常常畀人欺負，但佢唔介意喎，所以我女友好中意佢，話佢有型，又有男人風度，令我羨慕佢~以前我搭巴士番學，常常半途時碰到佢。放學後我同佢一埋番屋企，一邊走，一邊傾，傾得好開心，幾投入o家! 佢好矮又好肥，我一見佢就好想攬住佢，攬得唔放過佢，嘻~ o汪o汪...小黑狗你依家係邊度呀?我好掛住你喎，嘻嘻哈哈!!
5.芒果仔 Eriko Joe Ng
一提佢就頭痛，佢係我超級好煩o既老友，不停多口，愈幫愈忙，令好多老師同學嬲呀! 雖佢好煩，但佢好聰明，思想特別，對愛情好專一，不過，佢對我o既印象仍唔好，所以好多人作弄佢。佢係我最細個時認識o既，同佢過左14年校園生活。佢好中意收集speed，尤其Eriko，有點似色狼o既行為，嘻! 打波方面，佢好想成為超級控球後衛，但是佢...還是唔講最好。我係佢o既老友，當然支持佢呀!
6.小白狗 Kenny Chung
佢係最頑皮又得意o既細佬，我細個時識佢，當時佢好肥好矮，依家長得好高(170.5cm)，長得驚人。佢嘴巴不饒人，中意講別人o既缺點，一講就講得徹底，人言可畏... 佢打波好叻，尤其搶籃板，我好中意睇佢搶籃板o家! 因佢跳得好高，搶得又好快，令我佩服... 佢對愛情太專一，對女友非常緊張，一睇佢無奈個樣子就笑出o黎，哈哈! 佢好中意打機同埋睇漫畫書，常常向Terry Chan借o黎睇! 佢中意欺負小黑狗，好似搶小黑狗心愛o既骨頭，哈哈... 如我作弄佢，佢會無臉同埋輕打我，幾得意呀~
7. 小紅貓 Becky Yau
佢係我最靚o既朋友，雖好少同佢傾計，但感情保持好好。佢思想幾特別，對任何事情充滿好奇，尤其喜愛思考同埋答IQ問題。所以，佢不停問我幾條問題，有無聊o既，有特別o既。佢畫畫好叻，尤甚係靜物素描。佢中意做習作，令我驚訝，因佢唔係好學生，竟然中意做習作，好有趣! 佢好少上裙子出街，因佢係男人型嘛! 不過，佢有點點熱度三分鐘，可惜可惜~~同佢傾計時，佢不停講「嗯」，令我感到奇怪。佢係我好靚但好奇怪o既朋友~咪咪...唔要食煙，戒煙o家!
8.阿速 Johnson
Yeung
佢係我o既好老友，佢穿咩衫仲好靚呀! 講o野好有趣，脾氣好似孩子氣。佢身材瘦骨嶙峋同埋好高(180cm)，所以打波好叻，佢好中意艾雲遜。佢中意去游水，因佢想要曬黑，愈黑愈有型! 哈哈~所以暑假時我同佢不停去海灘或泳池游水喇! 我同佢係海南隊，佢係10號清田信長，我係6號神宗一郎。 同佢傾計時，好快就投入，佢不停露出笑樣，不過我同佢好難聯絡，好彩我同佢保持好好關係，再見亦係老友! *祕:佢好膽小，好驚鬼，佢一嚇就喊出o黎~
好啦! 以上o既朋友係我最好o既，我知道重有好多，但我唔記得，不過我一樣會好好珍惜你地對我o既友誼，保持良好關係同埋聯絡呀!
千金無法買到知己，認識你地係我o既榮幸...
返回