有蛋糕食~有蛋糕食~!! 聽日係阿Don既生日，
咁由於聽日唔駛返學，所以我地今日就幫佢提早興祝啦^^
我地之前已經訂定左個蛋糕，放學去拎。
黑森林蛋糕丫~好靚又好食~哈哈!!
阿Don話佢真係估唔到我地會送蛋糕俾佢，
嚇左佢一跳。見到佢咁開心我地又happy^^
之後，返左屋企做功課，做左computer既hw，
不過都有d唔識做，遲d要問下人點做。
P.S.︰ 仙踪林出左隻新既蘆薈飲品，味道都okay架!!
今日閒閒聊聊咁又過左一日啦，真係唔似個F.7。
朝早俾細佬拉左去打乒乓球，之後再去食野，
咁就無左個上晝。晏晝就繼續睇下d大學資料，
同埋包禮物俾d prefect仔。
夜晚有「星願」睇，咁就走左去睇啦~
我第一次睇呢套戲覺得好感人，好好睇。
但係今次睇返就無咁好feel，可能我唔係專心睇啦，
而且我又係睇一d唔睇一d，差唔多做左一半先睇。
呢幾日都無乜點溫過書，聽日開始要清返晒d功課､
上堂要專心d，加加油先得囉>.<
今朝返左去旺角圖書館幫手。好耐都無返過去，
今日個度有個活動係俾d讀者發表下佢地對library既意見，
咁為防無人出聲，咁就搵左我返去做"妹"俾意見啦~
之後，完左個活動，仲每人有把遮送添^^
之後Winnie仲請我食lunch，真係好開心!!
後來同阿餅行左陣街，之後就同左阿勳去BU睇野。
其實我最主要去睇Social Work，聽完之後真係好想讀>.<
我已經決定放BU Social Work係top架啦，
依家要做既野就係要俾心機努力溫書!!
今日miss鍾又無返學啦，佢已經2日無返啦>.<
唔知係咪病左呢?? 希望佢快d好返無事返返學啦^^
今日lunch之後2堂都係空堂，本身約天miss鍾傾下選科d野，
點知無返，真係唔知點好...諗住聽下miss意見會好d嘛，
依家都唔知點揀好!! 我其實係想揀social同design，
但係我覺得呢2科都好多人揀，可能都好難爭，
所以唔知點好啦>< 其他個d科都無乜特別興趣，
或者想讀呀咁，真係好難諗@.@
P.S.︰天平間M記開左啦~~ 快d去睇下啦~~
等左咁耐，今日終於等到學校賠俾我個個鎖啦!!
亦即係我終於都可以有locker用啦><太好啦!!
之後，放左學同李sir&成班head去tea~~
傾既野其實都係環繞返係新一屆既prefect同埋學生方面，
同埋就想趁機會請返阿sir食野囉!!
有人問我點解中七啦，仲乜仲要攪咁多野，
拿拿林選完交俾下一派人咪得囉。
但係，我地唔想留返d手尾俾佢地囉，而且，
我地真係好想帶好下一屆既prefect，唔會好似我地個年咁，
個個一上任都盲中中唔知點做好...
講真我地依家大把理由可以放低晒d野唔做走左去囉，
是但搵個上任，但係我地唔想咁不負責任，
亦都想盡自己最大既能力去幫手執返正班學生。
今日放學開左個Prefect會，商討下黎緊呢派Head既人選。
大致上都有d人名既，不過始終都存在左d問題...
暫時都係未定到>.<其實講真呀，2個cycle我覺得唔夠囉，
如果可以我都想train多佢地一個cycle先~~
開完會之後返到home都6點幾lu，諗住抖下訓陣啦，
點知father打黎話想叫我過新屋個邊住喎...
我都知佢地擔心我，但係過左去個邊其實咪同呢邊一樣，
而且仲可能煩d添!! 但係，阿爸叫到唔知點講好...
其實我諗住考完AL都會過去住架啦，但係依家返緊學，
我d野又係晒呢邊，我真係唔想搬黎搬去咁麻煩囉，
到底點做先好丫??
讀左成年Pure我地都無一個測驗，一轉阿sir就要test啦 ><
今日就係呢個quiz既大日子啦，仲係測Binomial !!
成份卷有4題，我都只係識做題幾...失敗!! v_v
無法啦，呢課書教左咁耐，教個陣我又無聽，
考之前我又無溫，結果係點唔講都知啦。
唉~~又一次對自己有d失望，依家科科都唔掂，
真係唔鬼知點算好囉!! 尋晚對住本Pure個陣勁眼訓，
最後無溫就訓著左，好似無乜衝勁去溫咁...
上堂個陣又無乜心機聽阿sir講書，到底點先可以令自己起勁d呀??
嘩~嘩~ 我今朝成3點鐘先訓覺囉>.<為乜??
咪就係為左份英文功課囉==>Practical Skills
不過，都係自己衰者，有時間唔做走去睇comic @.@
攪到成十一二點先開工，最後咁夜先有得訓都無得怨...
所以，今日返到學校係勁眼訓!! 但係我點都頂住唔訓，
但係去到最尾個堂PM，加埋飯氣攻心，
真係頂唔住啦，攪到我訓左成堂...>.<...
P.S.︰M記無左$3個漢堡飽啦>.< 太過份啦~~
可能前幾日都夜訓，今朝成11點幾先起身，
點知一起身就俾mother叫左去鋪頭幫手>.<多人，無法啦!
去到幫下幫下幫到2點幾先食野，餓到我死死下...
之後3點幾走人，經過漫畫廊見到Paradise Kiss第四期，
咪走入去借啦，點知本野借左出去>.<
之後，唯有借另外既comic啦。計下計下，
其實我都好耐無借過comic。之前實在太沉迷啦，
所以我就cut左唔睇等自己唔好再放咁多錢同時間係呢方面，
另外亦都係因為想自己俾心機讀書啦^^
依家去借都唔會再開新書架啦，只係追返以前追開個d。
如果我對住本教科書好似本comic咁專心，咁就好囉~.~
今日係阿Guy既生日丫>.<同時間又係中秋喎~ 為左幫佢興祝，
我同阿勳就一早就入蝴蝶灣度霸爐bbq。點知去到個度已經有好多人，
d爐俾人霸晒，咁我地唯有打的過咖啡灣啦，點知去到又無位，
我地仲要拎住2包碳，重到死下死下，真係好鬼無癮 !!
最後唯有返返去蝴蝶灣度等阿Guy砌爐燒野食...雖然熱就熱左d，
而且仲要坐地下，但係個feel就好正囉，所以都好開心架^^
夜晚返home食飯，難得咁齊人，全家6個齊晒係屋企，
又魚又蝦又蟹又雞又鮑魚又魚翅，真係豐富到丫!! 食到我勁飽囉~哈!!
平時真係好難可以齊到人食飯，阿爸阿媽要做野，家姐阿哥又住宿，
細佬又住係新屋個邊，成日都得返我一個屋企，
所以真係好開心可以成家人一齊食飯^^ 之後我地去左中央公園，
不過，可惜個月亮成晚都俾d雲遮住左，睇唔到月圓 v.v
而且，我地臨走個陣仲落大雨添!! 好彩我地帶左張墊去坐，
咁就順勢可以用黎擋雨啦~哈哈~~所以好好彩咁無乜點濕!!
總括黎講，今次都係一個難忘既中秋^^
本身今日會出去同BS03B班朋友仔去燒野食架，點知因人數不足而cancel左啦>.<
真係慘!! 咁唯有做乖乖女咁留係home啦~~點知今日先知我地班又去bbq，
但係我又同左阿媽講話今晚會返去食飯，所以最後都係攪到去唔成>.<
之後放學諗住去tea，點知經過M記個陣俾Cathy截住叫我幫佢去bank攞錢!!
咁咪幫佢衝去攞錢，點知個staff話佢個簽名走晒樣唔俾我攞錢囉>.<
真係好無奈v_v 之後就同Yu陪Cathy去電頭髮啦，真係好耐都咁同佢地傾計啦~
真係好開心^^ 之後我地3個仲一齊去左我爸間鋪都食麵添~呵!!
食完野咁我就同左我細佬去北區中央公園度玩啦，點燈籠､玩蠟蠋，
真係幾過癮!! 跟住仲撞到來wing,靜兒,阿雯.....，都幾好玩丫!!
今日實在太黑仔啦>.< 一朝早返黎阿餅晏左返黎無幫我買飽喎，
咁就無左個早餐啦 !! 咁晏畫諗住出去買野又俾人拉左去守lunch，
咁算都無咩問題既，之後就守午梯啦，咁巡樓巡到班f.1個度既時候，
咁見到有班人玩咪入去阻止佢地啦，點知就還著個麻煩鬼>.<
叫佢咪咁玩法佢就聲大夾惡咁同我講野，咁就同佢嘈起上黎啦，
之後佢同我嗌到流晒眼淚啦，巴口都仲要同我嘈，唔肯收口，
仲加插多幾句粗口添~~ 咁我咪繼續鬧佢囉，我先唔會因佢個幾滴淚而心軟。
最後就勞動社工黎到帶左佢去輔導，先至肯收聲。依家d細路真係唔知諗乜架，
要喊呀，你就咪鬼同我嗌啦，要嗌就收收d眼淚先啦大佬，
咁硬頸做咩者?? 自己咁做又唔會有好處，又攪到我喉都沙晒，真係好慘!!
之後，放左學仲更加激死人啦>.< 呢幾日學校俾左個新locker俾我地，
咁有得用就緊係用架啦，所以我今日就第一次擺書入去啦~~
點知今日放學阿sir帶班學生去剪d舊鎖，佢地好好人咁剪左我地班個d新鎖囉!!
真係激鬼死我啦，咁都可以剪錯鎖囉 !! 至樣衰既係第一日放野入locker，
即刻咁就俾人剪左。好彩阿sir都知衰，肯賠返個鎖俾我地，不過，
依家我仲未知我locker裡面d書去左邊囉，如果唔見左我實要埋學校賠返俾我 !!
最緊要係裡面好多notes囉，希望本書係俾阿sir攞左而唔係唔見左就得啦>.<
之後成班head pre開會又發生左d事，又黑多樣，真係悲哀囉!!
唉~~點解今日會咁黑架?? 太過份啦 v_v
今日係忠社會員大會，同時撞正我day off，所以要守樓梯維持秩序。
咁我2:45開咪叫班prefect仔落黎啦，點知佢地個個都差唔多2:55先落到黎>.<
咁就梗係激死我啦~~不過，佢地都話係老師唔肯放人，
咁都唔可以怪佢地既...但係，無黎個d，我要劏左佢地 !!
今年呢個社員大會都幾好呀~而且我地個新社長"阿橙"唔錯架^^
雖然佢之後話係台個陣好驚，但係我地都覺得佢無問題，
副社Samuel把聲幾動聽咁啦，另外一個副社Yummy就比較文靜d，
其他社幹事都okay呀~~ 希望今年大家俾心機攪好個社佢啦^^
呢幾日成日都落雨，今日又係咁>.< 但係至衰既係，
係返學前又唔落大d喎，係返左學個段時間先開始大，
咁又無得放假啦~~ 真係過份丫!!
另外，今日終於有幹勁去做phy啦!! 本身都好驚自己唔識做架，
但係做落又無想像中咁難喎~~ 幾題數我都識計 ^^
不過，麻煩在d文字題，俾個case我，要我解釋返出黎，好難!!
點都好啦，做左功課都已經係一個大進步黎架啦!! Keep住，加油 !!
今日終於收到Jupas啦，亦即係話係時候去揀科啦>.<
其實，我又唔係真係無諗過話揀邊科，我想讀social同design，
但係呢2科都係熱門科，係好多人爭囉，我又覺得自己又唔係真係好有天份，
而且依我依家d成績黎睇，入到既機會係微到無可再微...
唉~~有d前路茫茫feel~~真係唔知點算好 v_v
講真個句，自己知自己事，依家唔同係甲寅。衰d咁講丫，
係甲寅幾差，出到黎都話晒有另外一d學校既人墊底，但係now??
出到去係自己幫人墊底囉 !! 當然我都唔想咁，我都想讀好d，攞高d分，
但係唔知點解點都提唔起勁，無衝勁去讀書，再係咁實死梗 !!
今朝一早就俾我細佬吵醒左，拉我落去屋企樓下個會所度打桌球 >.<
個度個張桌球枱好鬼大張架，我諗我訓落去都可以碌都幾個圏呀 !! 真係大都你唔信~~
我地打左一個鐘，加埋我家姐3個日加埋都係入到個6個波，你話死唔死 !!
我自己一路打一路係度笑，真係渣都自己都唔信，之前去過"和興"打，
打1個鐘度都清枱啦，不過個張就細好多。總之，打緊都唔入既原因，
我始終係覺得因為張枱太大啦 !! 之後，成日都唔知自己做過d咩，淨係對住部腦...
執下個網頁，dl下歌咁就一日啦，幽閒都完全唔似一個F.7...
不過，出去dinner個陣居然俾我撞到F.1時既同學仔Breaker，我仲同佢傾左一陣添~
真係好開心^^見返d同學仔之餘，太家仲可以好似以前咁傾計~~
聽日就係MT18歲生日啦，我地成班fds今日就走左去同佢興祝生日。
我地夜晚走左去佢屋企一路睇波一路打邊爐，好耐都未試過打邊爐lu~正!!
不過，曼聯居然0比1輸左俾主埸既列斯，真係估唔到會係咁，對ManU開始有d失望...v_v
食完野之後走左去同個靚女妹妹玩，睇佢個樣斯斯文文咁，原來佢都幾粗魯架>.<
佢人仔細細，但係又好鬼鍾意玩，俾人整喊左2次都仲要上返去再玩過，真係好得意架!!
之後我都佢仲夾份玩人添~好過癮呀~~哈哈!! 去到12點就緊係切蛋糕啦~
唱完生日歌，許完願吹完蠟燭就係玩既時候啦 !!成班友仔玩完沙律就玩蛋糕，
個個玩到成身cream，笑到我死死下~~本身我都唔諗住玩諗住置身事外得個睇字，
點知個衰人Ronald一個蛋糕掟埋黎，攪到我都high埋野，既然係咁緊係玩埋一份啦!!
最後佢地成身都係cream，個個變晒大蛋糕，我就得好少cream者，最慘都係隻手，
俾Ronald整到成手都係，MT就緊係最慘列個個啦~洗極都洗唔晒~~呵!
之後我成12:45先返到home，好好彩咁無俾阿媽鬧，淨係話左幾句，順利過關^^
~~ 睇黎呢個都算係難忘既18生日黎啦掛 ~~
今日係BS03B既結業禮!! 其實成個course係5月度就已經完左架啦，不過就今日先叫畢業囉。
係呢個course既得著真係好多，識到好多人，知左好多係溝通上既技巧等等。
我地大約4:30去到金鐘，再坐專車去醫專既邵逸夫堂，車上面我地每人都有一個漢堡飽食，
而且仲有一包野飲俾我地添~~ 真係好鬼攪笑。去到個度我地就做義工啦，
幫手做登記､計人數咁，之後完左成個結業禮之後仲要幫手派畢業證書同襟章~~
攪掂晒d野之後，我地成組人仲霸住個hall係度影相添，真係好開心^^
之後我地就去左銅鑼灣間Pizza Hut食dinner啦~ 好耐都未試過同佢地食飯啦~
大家都好興奮^^ 埋單$60都唔貴，總之今日就好鬼happy啦 ~~!!!
個颱風走左，所以今日係要返學架>.< 不過今日都過得幾開心丫~~
呢幾日守lunch成日都對住班中一，攪到同佢地熟晒，佢地有d仲叫我做"靚女prefect"，
真係聽到我鬼死咁開心~haha^^ 其實我都只係同兩班熟既者，就係1b同1f啦~
我諗同佢地會熟既最主要原因係因為我試過守過佢地飯啦，同佢地傾過計所致啦~~
不過，遲d我就要卸任啦，咁就少左機會見佢地啦，真係有d唔捨得呀>.<
希望佢地唔好亂"洽"黎緊呢屆既新prefect啦~~呵!
今日無端端上到lunch前個堂黎打8號風喎~~真係估唔到個風會咁勁>.<
最慘就係學校要班中一中二攞埋個飯先可以走，咁我身為deputy點都要去幫手派架啦...
去到簡直係一片混亂，除左派飯之外仲要一人一個膠袋俾佢地裝飯返屋企 !!
佢地個個又鬼死咁想即走返屋企，又要控制秩序，又要快d派晒d飯俾佢地走，
真係辛苦到呀~嗌到把聲都沙呀真係 >.< 派完一班又要去另一班度睇下駛唔駛幫手，
最煩既就係唔夠膠袋，攪到我地周圍入其他班拎膠袋俾班學生，全程係咁走係咁走，
我自己都覺得我個陣個樣都幾狼狽，好彩最尾都攪得掂，好快放晒佢地。
之後，返到屋企諗住可以抖返下啦，點知又俾阿媽call出去鋪頭幫手 !! 唉~~
咁樣我就由3點企到9點...企到真係可以feel到自己隻腳痺架 !! 真係累死人啦 !!
人打風放假，我打風返工，都唔知打風好定唔打風好囉 v_v
身為上年度既忠社副社長，緊係有責任去搵人幫手做今屆既社幹事啦。
今日我地就係放學開左個meeting，叫左d有興趣做社既中六同學出席，點知結果黎得5個人 !!
其實我都唔明點解會咁既，人地個個社都有好多人自願去做社，點解單係忠社得咁少人呢??
都唔知係咪架>.< 好古怪囉~~ 真係對今年F.6既忠社社員有d失望囉 v_v
話晒大家都係同一個社，自己都唔想睇到自己個社衰架，點解唔幫下手者??
況且只要係中六你想做社就會俾你做囉，唔駛in唔駛train咁既機會去邊搵呀??
大家既視野唔好咁窄淨係睇到head同deputy啦，無錯佢地的確係好吸引，有權有勢，
邊個唔想做丫~~但係要記住呢兩個post只係得8個架咋，萬一自己真係做唔到咁點算??
各位係咪甘心成個學年只係做一個prefect仔?? 既然係咁點解唔幫自己搵多1,2個post呢~~
咁樣一黎可以有個保障，二黎又可以挑戰自己，何樂而不為呢??
今日Miss 要我地係堂上作文喎~ 作成300個字，真係唔知點寫好。
最慘係，佢居然俾今年既 past paper我地做，睇完都唔明佢講咩囉。
最後就緊係作唔切篇野啦，作得個一板單行紙。但係Miss話都照收~~
好彩我都唔係作得最小個個，應該唔會係最差個個呀嘩 ~~
聽日就要交今個學期既第一份英文剪報，所以今日就要做功課啦。
本身我諗住英文報應該唔難搵既者，咁咪等去完自修室之後先去買囉。
點知我4:30走去買，由上水中心行到彩園邨既7仔OK百佳惠康都搵唔到一份英文報紙 !!
心諗死啦，搵唔到既話聽日點交功課呀?? 好彩到最後都係石湖壚間7-11買到份，
有得做功課，聽日有得交~~ 呵呵^^
下個例拜就係敬師日，為左表逹對老師既謝意，我地prefect就要代表全校學生送張咭俾佢地。
雖然我都係唔明點解呢d野唔係由學生會去做，但係點都好啦俾到我地做就要做好佢。
所以呢今日我出旺角買野就順手去買埋咭啦，點知行晒成個旺角都買唔到張大size既咭，
之後見仲有d時間啦，咁咪去埋沙田睇下搵下啦，但係去到又係買唔到。
謝師咭係有，但係無我地想要既size囉，行左咁耐都搵唔到真係有d唔開心...唉...
為左呢張咭，不知行左幾多地方，但係都買唔到，真係唔知點算好囉今次>.<
今日返學差d遲到呀>.< 話說我今日7點俾個鬧鐘吵醒左，但係可能仲係holiday mood啦，
仲未慣咁早起身，灘灘下居然再訓返喎 !! 之後再醒既時候，一睇個鐘，
發覺已經差唔多8點啦，跟住緊係即係彈左起身去刷牙洗面換衫出門口啦。
落到樓下個陣睇睇隻錶，嘩 ~~ 8:10啦，諗住實遲硬到啦，好彩見到一架等緊客既taxi，
咁我緊係唔理三七二十一咁飛奔上左架的士，最後終於係8:20返到學校，唔駛遲到。
其實我都好佩服自己架，計返黎睇，我由起身到返到學校都只係用左差唔多20 mins，
你話勁唔勁先?? 如果唔係發生自己身上係聽返黎我都未必信丫~~哈哈~~
今日係正式返學上堂既第一日，可能真係好耐都無試過上堂啦，真係有d唔慣。
至衰就係曹sir今日第一日教我地班Pure我就訓足成堂，有d對唔住佢添...哈哈~~
無法啦，食完Lunch係想訓架啦，而且岩岩守完班"嘩"鬼食飯，真係想抖下>.<
雖然班中一又唔係話真係好曳，但係為左建立prefect既威信，點都要"用心"d對待佢地架啦 !!
其實一直以黎我都想知呢，一個男仔會主動去錫一個女仔，代唔代表佢係鍾意個個女仔呢?
如果唔係既，咁佢又係抱住d咩心態去咁做丫...有無人可以話我知呀? 我真係好想知~~
我決定左啦，如非必要都唔再去碧湖間"明星"飲茶!! 個間咁既野呀，
真係離譜架，我地book左1點枱，去到居然話無枱囉。咁都算啦，咪等下囉，
點知一等等左成3,4個字，最後得到既係一張要加板既4-6人枱，大佬呀，我地9個人呀，
你個位咁窄呀，加大張枱都迫死我地啦。後未我地同d人理論，反而俾個部長暗串返轉頭，
真係激鬼死氣。之後個waitress話免收茶位，我地都順返少少，但到收錢個陣先知只係減得個幾毫!!
係咁呀就咪鬼減俾我地啦，d態度差到乜咁，學咩人收加一服務費呀?? cheap爆!!
食完晏出左去旺角買野俾班prefects仔，話晒佢地都幫左我手成年啦，
無功都有勞丫，點都要買返d野慰勞下佢地架 !! 本身我都驚唔知買d乜好架啦，
但係好彩最後都買到野俾佢地，心情都靚返少少 ~~
嚇死我啦>.< 嚇死我啦>.< 前日影完學生相話今日拎得，點知去度攞相，
相係有呀，但係張野完全唔掂囉，成個身影到移晒位咁，唔係正中間不特只，
而且張相仲要勁白喎，咁既相點要得呀?? 之後同個staff講話影過，咁佢都好順灘咁俾我影，
仲話今日一定俾到我添，叫我留電話等call去攞相。點知我8點幾經過諗住睇下拎得相未啦，
去到間野居然同我關門大吉祥!! 你話過唔過份呀?? 咁既相鋪都有既 !!
點知去到9點幾既時候，無端端間相鋪d人打電話黎叫我落去拎相，先知原來係虛驚一場...
不過，張相都係覺得麻麻地者，可能臨急影出黎啦，之前個張個樣影得好過呢張，
唔知可唔可以叫佢將兩張join埋佢既呢~~咁就perfect啦~~呵^^
咁耐無返學，要咁早醒果然係有d難度呀~~今日一朝早要當早更，但係遲左起身，
最後攪到遲左兩個字先返到學校，不過好彩都無俾人鬧到，因為根本都無人有時間理我。
返到去第一眼到既係超級多既人俾人捉左出黎，個個d頭髮都染晒返黎，
真係攞命囉>.< 明知咁既頭返黎實俾人捉出黎架啦，好心就攪返掂先返黎啦。
又要煩我地班prefect捉你出黎，又要煩阿sir幫你染髮，為咩者，又唔係靚過人喎~
希望聽日唔好再係咁就好啦v_v....如果唔係煩都煩死 !!
聽日就要返學啦，話咁快就於完個假啦，唔制呀>.< 我都仲未玩夠!!
睇返成個假，原來有好多野都未做，溫書亦溫得好少v_v
但係又做左d第一次做既野，好似整呢個網頁､釘耳環､碌Ling咁。
總括黎講，呢個都唔係一個太開心既暑假，呢樣野係我自己完全預料唔到既...
點都好啦，暑假過左啦，係時候俾心機讀書啦^^ 各位加油啦 ~~ !!