好耐都無寫過日記咁~哈哈�塺��
今日係我學校既旅行!! 都唔知點解會揀星期四去既...
而且衰在之後個日又要返學喎，真過份>.<
加埋我地個旅行地點...南丫島...唉...~_~
講真個句，個度真係無野好玩，得個靚沙灘。
阿sir仲要我地由索古灣行過榕樹灣喎，無天理!!
之後去到榕樹灣我同Florence就周圍行啦，
其實都無乜野好行，走左去機鋪打左幾鋪機。
行到1點join埋阿勳､Alan去食lunch，
後來發仔又黎埋，5個人一齊去搵野食。
我地去左間日本食店，因為見佢有特價野食^^
$18一碗叉燒拉麵，$10一兜蟹籽沙律，
另外，$28都有個饅魚豬排飯...
講真平得黎d味又唔差喎~所以都叫做抵架啦!!
後來我地就撘2:30船離開左南丫島啦~!!
出到黎過左旺角，本身諗住去買衫､買裙，
點知有人話想去唱k，咁就去左唱k啦>.<
去到Green Box Happy Hour成$69位，
貴到死，加埋nuts費($40兜)，咁就仲貴添!!
下次都唔駛旨意我會去個間死人野度唱。
最後唱到9點度，我就撘火車返上水啦!!
今日係度做Phy，但係發覺自己係唔識做既...
連條問題都唔明，要問阿哥先識，好失敗...唉...
晏畫陪阿Guy去買單車，等佢個陣見到阿詩，
佢同佢媽咪一齊去食野，第一次見到詩媽丫~~^^
之後阿Guy就黎左啦，咁我就做導遊帶路啦!!
阿Guy原來一早已經定左買邊部車架啦，
佢去到一見到就即係買左部車啦，快!!
部車$500，佢話係大埔買貴多幾舊，
所以就過黎呢邊買，自己踩返去大埔。
跟住佢就去左試車，咁我就返左屋企啦。
返到home諗住會俾人鬧，點知返到去無人，
所以無事^^ 咁就繼續做Phy，不過都係唔識=.=
後來阿哥返左黎仲dl左個MTV我地一齊睇，
個MTV好正，係韓國既，雖然唔知佢唱乜，
但係就咁睇都明個故事內容。
個故仔係講男女主角偶遇，男主角係攝影師，
所以成日都幫女主角影相，雙方漸漸鍾意左對方。
但係有一日女主角攞野既時候唔小心整盲左對眼，
後來男主角好自責咁走左，再無音信。
最後個女主角都睇返野，但係就好掛住男主角。
本來諗住個結果就咁完左，點知...
原來男主角將佢對眼捐左俾女主角，
令到對方睇返野，但係自己就從此失明...
再影唔到相，佢仲為左女主角既幸福選擇離開，
其實佢都係好愛女主角...睇完之後真係好感動...
好感動....
@.@...
亦都睇到其他國家製作既MTV唔會好似香港咁咁粗糙。
P.S.︰ 如果你想有興睇既可以叫我send俾你^^
今日lunch走去同阿餅食飯~第一次同佢食飯~好開心^^
之後放學走左去睇下忠社啦啦隊練習，結果....
得個小貓三四隻，真係唔知點死囉...><"
不過，有d無黎係因為去左女童軍個邊者，
希望下次可以多返d人返黎啦，咁就唔駛咁worry啦!!
今日有個f.1啦啦隊妹妹唔見左個銀包係度喊，
我同阿橙安慰左佢好耐，希望佢可以搵到啦~!!
後來返到屋企先記返起隻Qoo杯今日last day換購，
咁咪同Alan走落去囉，諗住我換佢食咁嘛。
點知去到個staff話換晒!! 激死我啦>< 嗚~嗚~
之前明明見到無乜人換咁嘛，無端端又話換晒囉!!
真係過份丫~~!! 唔制呀 !!! hurt.......
無得食出左去無理由咁快返屋企架，
咁咪唯有周圍行下囉，反正都要買野俾人。
聽日係我細妹"蚊蚊"生日，點都要俾返份禮物俾佢既~
之後周圍睇下揀下，最後買左隻好得意既喵喵公仔^^
買完見仲未夠7點咪繼續逛囉，因為返home會好怪，
我7點幾出去鋪頭食飯，個陣返去隔幾個字又要出黎囉，
咁所以我就索性唔鬼返去住周圍行下。
行下行下先發現原來上水有好多野唔同左，
至少有d店轉左我都唔知囉，真係失敗，
都唔知點叫自己做"上水"人囉...咩路都唔識咁>o<
最後去左惠康，見到有d曲奇餅係度咪買幾舊囉，
一黎當聽日早餐，二黎請阿餅食下野，
成日都要佢幫我買早餐好似好衰女咁~!!
但係買到出黎，我食左半舊，Alan都食左半舊，
發覺d曲奇味就okay啦，不過就就好"林"囉，
所以麻麻地囉，所以我都係決定唔攞返學校囉...
今日走左去lunch幫手，睇下有無咩問題。
睇落佢地大致上都okay，再吸受多d經驗應該無問題既...
點都好，今日都唔駛俾錢有飯食^^ 呵呵~~
不過，今日放學原來係prefect既大會囉!!
但係無人講我地知...有d心淡...v_v...
本身諗住last一次一定會去，但係衰在今日唔得閒!!
今日放學computer TAS，無得去prefect大會>.<
至慘係，成份TAS真係唔知自己做左D乜出黎，
search唔到d資料，Java Applet source個題空晒...
頭個題又好似搵左野，total黎講睇怕都無左8分!!
成份卷得個5題20分，無左差唔多一半你話死唔死??
依家望就望呢個網頁可以拉返高個分啦 ~_~
呢個睇黎都係我考得最差個份TAS囉...失望...><"
另外，今日同阿橙講過下啦啦隊d野，
佢諗住今年搵2個f.6帶，可能佢真係搵唔到人帶啦...
今日港大開放日，雖則我都無諗住會入到呢間架啦，
但係諗住點都去睇下嘛，順手攞埋紀念品都得!!
個度真係好靚，文學院大樓既建築俾人感覺好舒服!!
而且我地仲發現呢間大學好大錢囉!! 點解??
中文系玩遊戲禮物竟然係一個坐枱既時鐘計算機!!
而且仲好易玩到返黎添~我都玩左2個，不過俾左人lu><
其實今日去最主要都係睇返我想讀既科啦~social work
睇完文學院同social之後，其他既我地都只係隨便兜下。
不過個度既canteen好貴囉，而且又唔係太好食喎><"
最慘就係個度d清潔人員係有非常之高既放率囉!!
咁話說Wallace叫我出出面攞杯水俾佢嘛~
但係我出左去之後，佢同阿詩2個就傾得興高彩烈喎，
最後係佢地無為意之下俾人收左d野食都唔知@.@
話晒我碗野都仲有一半未食架，佢無問就收左d野就...
唉~之後唯有重新再走去買個飽同野飲囉...v_v...
睇完晒之後，我地3個走左去旺角，阿詩約左Mon，
咁我就陪Wallace去電腦中心買mouse~~
最後佢買左個$29(人地買三十幾四十妏架!! )
可惜無黑色呀，無得襯返個全黑色型電腦>o<
後未連Wallace走埋，咁我就去左Lib探下d舊同事仔。
之後我就去左潮流特區買野俾班head!!!
Yuki個陣話我班prefect仔有禮物收佢無，依家終於有啦^^
今日天文台又發出紅雨警告啦~咁我地又有得早放!!
上次8號風又係咁，係臨到lunch前個堂先掛個喎，
早唔掛遲唔掛，呢個時候掛又即係要上去派飯啦><"
上次試過一次走到我死死下，今日好d，
有新一屆既head係度，加上我地舊呢批，
完全係無問題呀!! 哈哈!! 至少唔駛好似上次咁辛苦先啦~
不過，硬係有d細路係鍾意攪事既，有得你早放咪好囉，
靜靜地攞完個飯，出左學校你點玩都得啦，
係要係miss面前嘈，最後係俾miss留底左既!
不過留到幾點就唔知啦，因為我個陣都走左lu^^
之後，我地左花都新開個間"椰林閣"食lunch，
難得地8個head齊人去lunch，返學日子真係第一次囉!!
個度d野都okay丫，$25有齊餐包餐湯餐飲同個扒飯，
呢區黎講真係幾好架!! 不過衰在無甜品...>0<...
食完野我地過左去M記作一個整年既prefect檢討，
傾返大家做成點呀，有咩優點，有咩做得唔好咁。
其實我地都各有所長，當然大家都有做得唔好既地方，
但係整體上大家都做得好好，而且都好俾心去做好佢!!
中六呢年既得著真係好多，亦都好有成功感，
而且絕對係我地中學生涯裡面最充實既一年!!
今日really係last day啦，好唔捨得...@.@...嗚...
做deputy識到好多人，好似d中一仔呀，prefect仔呀，
仲有好多不良分子~哈! 但係最開心就係識到班head!!
Yuki, Carol, Wing, Terry, Sze, Don & Seraph
大家一定要keep住落去呀>.<
今日嶺南同Poly一齊開放日，不過我無去嶺南，
因為個度d科似乎唔係好岩我讀，so去黎都無用。
係個度見到Ronald,Carol,婷婷,Wallace,Ha,子賢同Zoe
本身諗住去聽design呢科架，點知真係有d強差人意，
全港係得Poly有design，但佢d講師似乎唔係好得囉...
佢把聲好無神，我聽左一陣已經唔係好想聽佢講野，
完全咁俾佢催眠左，最後未聽晒就左去...><"
之後聽左幾個talk都係咁，Archi個個係最悶既，
最好既就係Social啦，因為話晒係科讀溝通既課目。
去完之後已經唔係好想報Poly，因為驚上空會悶死!!
之後去左旺角join阿詩同Terry，由花園街行到信和，
但係都買唔到我想要既空CD盒...不過就發現左樣野，
原來信和d人都幾好人架，我問佢地有無CD盒買，
佢地都好好咁即刻送個俾我，不過可惜唔係我想個隻...
但係都好謝佢地^^
夜晚同BS03B既人食飯，今次係興祝阿嬋雙10個日生日，
難得係阿耀同阿詩都有黎，之前D活動佢地都好少黎。
我地去左尖咀間Pizza Hut食dinner，仲食蛋糕添，
o個個蛋白蛋糕又真係幾好食，個餅底都好正!!
食完之後我地走左去海旁影相，個度夜晚既景真係好靚^^
我地係個度見到一個用小提琴弓拉鋸的老伯，佢好勁架，
就咁拉同埋屈塊鐡片就可以奏到d音樂出黎，
除一用弓之外用筷子敲都一樣難唔到佢!!
我地都坐左係個度玩左好耐，阿詩係玩得最好個個，
其他人就...哈哈~~得淡笑^^ 但係好好玩!!
最後我地當然同師傅影返左相先走啦~~^^
終於都等到星期五啦，返埋今日聽日就可以抖下啦!
今日train lunch，大致上都無問題，係某幾班特別嘈者。
Victor都好快上手，我都唔駛點帶，佢自己都識做。
而其他Deputy都做得唔錯，而且亦都睇到佢地真係好俾心機，
呢樣真係令我好開心，證明我地無揀錯人^^
不過，無人會一日就學識所有野，好多時都係一路做一路學，
慢慢浸下浸下就掂架啦，我地個陣都係咁浸返黎既~
今日做左樣好白痴既野，話說阿昌燒左隻Visual Fropro俾我喎，
咁我一開部機就彈左個box出黎叫我停止安裝喎，
當然以我d咁既電腦知識緊係唔敢亂黎啦，部機話no咁咪no囉。
Then我就以為隻碟有毒啦，咁就將佢交左俾阿Victor幫我攪啦，
點知返到home佢同我講隻碟完全係無問題､無毒!!
所以係可以放心去裝架!! 真係激鬼死我啦>.<
唉~~睇黎我要improve下我既電腦知識啦!!
今日開始train班新既deputy同head，
其實我都唔知點train好架，只係邊做邊講，
除左基本既野之外，就係諗到咩見到咩就講咩架啦。
不過，我都好驚講漏野，教得唔好架>.<
講真，要train既野唔係基本要做既野囉，
因為呢d都只係公式化既野，做多幾次就記得架啦。
我地要教既反而會係佢地既處事態度､禮貎，
同埋對人技巧，亦即係我地上屆既經驗之談囉~
大家都知呢間學校d同學幾咁好動活躍架啦，
又煩又牙尖咀利，真係非常難攪，
對住佢地，少d精力都唔得!!
但係對住佢地又唔可以太硬，因為佢地唔會驚你，
反而會同你嘈添，正宗既受軟唔受硬。
所以對住佢地一定要好有耐性､好脾氣，
唔可以同佢地企硬，要友善d咁對佢地講野，
佢地好自然就會同你合作，唔會太亂黎。
當然唔會個個都咁聽教聽話啦，要點先做得好?
其實最好就係自己摸，知道應該點做較好，
當然我地都會幫幫你既既。加油啦~新head ^^
今日係我地既last day啦~聽日輪都輪到班新head出場啦!!
雖然話就話退休，不過我地都會睇多佢地2個cycle度。
今日既lunch都係1E，好嘈好多嘴，又俾我留到1:30...
之後，放學第一次同成班中六開會，介紹左新阿Head，
then佢地就分組傾計呀，交搵下d電話咁啦，
暫時睇黎都無咩大問題，佢地相處得都幾好呀~
同埋都同佢地交代左一d關於prefect既野啦，
希望佢地俾心機做~~承繼我地今屆既優良傳統啦^^
完左之後，我地舊個班head又再傾過下，
講下點野train班head同大家之間既問題咁。
遲d都無d咁既機會，大家敍埋一齊傾野架啦，
放左手俾班新人之後，我地就要各自做返好讀書呢樣野，
都得返好少機會再好似依家咁得閒可以有時間吹下水...
其實都好唔捨得架，班prefect仔啦､lower form啦...etc
希望大家唔會唔記得我就得架啦><阿水會掛住你地架啦!!
今晚真係嚇到我死死下，有個Deputy話唔做喎，
真係攪到我地成班唔知點好><"
不過，當然最後都俾我地攪掂左，都叫平安渡過。
今日去1E成班友仔勁嘈，攪到我叫佢地成班罰企先識得靜，
你話死唔死?? 最後仲捉埋人落去大閘同班prefect企添~
講真，唔咁樣嚇下班細路，佢地唔會識驚囉。
而且，黎緊呢個cycle就係新既一班head架啦，
唔依家o禁住班嘩鬼，我地一走佢地仲唔現晒形??
等班新head熱夠身啦，先至放手俾佢地做啦~~!!
我地正式當值就其實淨返聽日既者，
後日我地就只係退左休既head prefect囉 v_v,
話咁快就一年啦，真係好唔捨得丫 !! @.@
淨返落黎既時間就係用黎俾心機讀書->入大學!! haha ~~
終於都可以放低少少心頭大石啦~~!! 講緊乜??
咪就係prefect選head囉!! 今日終於都選左啦!! 唔駛煩@@
之前諗選邊個諗到頭都爆埋><" 真係想死~~
又要顧左班新既lower form prefect，又要睇住班新既f.6，
都咪話唔辛苦呀!! 平時已經夠忙架啦，仲要選head，
你話難唔難啦? 最慘就係無端端放左學又要開會，
又要傾選head，一傾就咁就有排傾，返到home都夠鐘食囉~
不過，黎緊呢個cycle就唔駛再咁煩啦!! 因為有接班人啦~~
我地舊個班要負責train佢地，有事就俾佢地自己攪，
我地就扶助下佢地，唔駛自己黎，肯定無咁辛苦!!
再過多1-2個cycle之後，交待晒所有既野，
咁就可以全權俾班新head自己做，我地就可以光榮隱退lu!!
到時我就可以多返好多時間同輕鬆d啦 ~>.<~
今日學友社舉行左一個大學聯招既講座，
聽完之後覺得係waste左d錢囉，因為講既野我都知。
咁就無左$20，仲要蝕埋d車錢同時間!!
不過，如果真係要講，都有d野有用既，
例如係佢派既個本資料啦，不過Jupas個本野都有...
今日係個度撞到Gp5成員︰Wallace､阿康，
但係就反而見唔到自己間學校既同學仔~真古怪!!
今次係我第一次自己撘車去伊館，之前去都係跟車去。
其實我都只係去過個度2次，都係東華三院聯校畢業禮，
不過一個係自己小學畢業，另一個就係中學chior去表演，
所以個度對我黎講都幾特別^^
完左個talk之後，因為唔識路，係個度附近周圍行，
一黎去搵MTR station，二黎睇下有無野買咁囉>o<
最後由灣仔行到去銅鑼灣先撘車返屋企。
今日有2間大學O.day﹐分別係CU同CityU。
我2間都去左，朝早去City，之後下晝再去CU~~
其實今日既收獲真係好大，因為知左好多科係讀D乜架，
而且對Associate Degree都有更深既認識^^
今日聽talk，發覺AD都唔係想像中咁差，
佢仲要係等同於HD一樣，呢樣我真係唔知!!
當然，賣花緊係讚花香架，但係聽落又唔係太差呀，
一個唔該炒左科AL，都有返個保障丫，而且讀得好，
都可以繼續銜接其他課程year2又或者海外升學，
不過最主要既係佢開既科我有d都幾有興趣~~!!
好似Building Science & Technology都好似幾好咁...
另外，今日聽左幾個有關creative既課程，
發覺原來我對create呢方面都係有好多既興趣。
其實一直我都想讀design，但係因為好耐都無掂art，
感覺上對呢方面既野淡左，but今日再接觸返，
有個feel係好想可以係呢方面度further study!!
所以我依家要諗清楚到底自己想讀socoia work定係design多d囉!
另外，我諗我都唔會報中大架啦，因為個度d分收得好驚人><"
依家真係覺得d人好鬼cheap架!!
本身我都對呢個人無咩特別感覺，只係聽人話佢唔好。
諗住同佢無仇､盡返prefect既責任叫返佢紥好d頭髮者，
駛唔駛咁鬼串呀，食緊野大晒呀?? 你當我低b呀?
你話你食緊野紥唔到，你後面個個拎住成疊書都得呀~
你有咩可能唔得呀?? 除非你係殘廢啦，我就信呀!
你咪成日都以為我成班prefect針對你咁啦，
你當自己係乜水呀，我地鬼有咁多時間去針對你，
你咪咁枱高自己啦!! 講黎講去咪又係學生一個!!
你以前係prefect裙短我都俾返小小面你，費鬼事話你。
做野表現又無，態度又差，炒你仲要請槍搵人去同阿sir求情，
死都要攞住個prefect名唔放!! 講返平時丫，樣又係唔靚，
d頭髮又成紥草咁，人格又乜咁，一樣野，搶好朋友個bf，
呢d咁既人唔叫cheap叫咩呀? 真係見到佢後面都憎到佢前面!!
我做人好簡單既者，你點對我，我點對返你，
你要咁既態度對我，你就唔好怪我唔俾面你､係人面前數你!!
我可以話俾你知，捉你係道理，唔捉你係人情，你要咁囂既，
我唔需要同你留情面，反正你咁做只係同你d操行分過唔去者，
我又唔會有咩損失既，你要怨既就只有怨自己人品差!!
今日實在激死人啦!! 真係激到我好鬼炆丫>.<
話說今日開始係lunch班女仔如果無紥辮就可以扣分，
呢個當然好啦~等班女仔咪咁放肆，以為上左樓入左課室就無事!!
一上到去就即刻見到d女仔放晒d頭髮落黎，咁就緊係扣佢地分啦。
佢地都乖乖地紥返扣分，咁諗住個lunch可以平安咁渡過架啦，
點知完左個lunch打完鐘，班女上都黎又係散晒d辮，
話極都唔聽，見到佢地真係好鬼炆，好火滾!!
有條女上到黎唔紥辮都算啦，仲要帶not一對既耳環加成耳耳針，
隻手又要戴戒子，又要著繞頸既bra，捉左佢出黎又要係度嘈，
又要求情叫我地唔好扣佢咁多分。你唔想俾人扣分，
你就咪鬼攪到咁既樣返黎啦，落去個一陣攪咁多野為乜。
明知自己衰，又唔執返正，斷正又要求人，你話係咪攞黎賤??
呢d都唔知係咩心理黎，總之就麻鬼煩乞人憎啦@.@
P.S.︰今日問阿餅借左套"頭文字D"第二輯返黎睇，幾好睇架^^
今日放學computer room開始開放，
咁咪諗住去print prefect既野，點知去到miss唔俾入><"
佢個班成班都係度唔知做緊ca測驗定練習，未落堂。
霸住晒成間CA Room，咁都算啦，諗住等下。
點鬼知個miss見到d識既學生又俾佢地入去用機，
佢唔識我就趕我出去咁先激死呀嘛!!
間room係for全校既學生架，唔係for你專用，
你唔識人唔代表你可以唔俾人入去咁嘛。
我明白你班學生未做完野無咁快可以俾到機其他人用，
但係你俾機其他班既人用無理由係俾一d唔俾一d囉，
一係就等你班d人做完先俾，一係就全部唔好俾，
咁樣一來公平，二來唔會阻住你d學生做野。
講真個句，我唔係費事煩人幫我print野，
我都唔留校print野啦，要等已經算啦，
你仲要咁樣做，佢地趕唔同我d野唔趕要呀??
作為老師到底知唔知咩見公平､一視同仁呀?
咁樣既處事方法，無禮貌､衰d都要講句，
" 唔怪之得呢間學校d學生唔服你啦!! "
今日係阿Don生日，亦都係國慶，so唔晒返學。
國慶黎生日阿Don都算勁囉，年年生日都有假放，
幾威丫~!! 生日就緊係要去玩下啦，
所以今日Yuki,Terry,阿昌同我就幫佢興祝lu!!
我地去左K lunch，唱左3個鐘度，埋單$29，
都幾抵呀。不過，金雞間energy唔係好掂囉，
d歌上唔到之餘，仲無端端cut歌喎，
等個飯黎都等左大約45mins!! 下次都係唔鬼去啦><
之後係旺中行左陣，見到兩個1b班既妹妹仔，
最後就係新世紀間貼紙相鋪度影咭。
我同Yuki&Don影左2張咭，2張都影得幾靚架^^
之後去搭火車走人，居然俾我係MK火車站見到MT，
佢同佢個fd一齊話去唱k，應該係去唱黃金時間掛。
話時話，我都好似只係唱過2次夜晚k咋，無法啦，貴!!