20/11(三)

今日放左學之後約左班fds返甲寅。

我一放學就打俾個傻柏啦,約佢一齊返去。

係華明個巴士站等左成2個字佢先行過黎,

真係呀~最後去到梗係攪到遲到啦>.<

返到去甲寅個感覺有d陌生、怪怪地咁,

完完全全感覺到自己唔再係屬於呢間學校...

返到去間學校有好多地方都改左、裝修過,

個學生會室都由後花園搬左去deskshop咁,

咩都變晒lu~ 景物不同、人面亦全非。

由於我地遲到,去到都已經見到好多人到左,

有肥冼,肥邱,阿奶,肥仔水,坤,Useph,Alex,老馮,

雀,筲箕,紙巾,伊人,Dru,阿懶,Joyce,Grace....

仲見到Miss Cheung, 陸sir, 佢2個都話我瘦左,

聽完真係好開心,不過唔係因為佢地話我瘦左,

而係因為佢地仲記得我^^ 所以真係好happy~!!

不過,可惜我地遲左到,去到貓王已經走左,

見唔到佢>.< 話晒都係我f.4,5既班主任嘛 ~.~

而且我最想見既Miss Ha同黃sir都唔係閒,

係度開緊會,抽唔到時間出黎見我地,

真係有d失望...真係好想見下佢地><"

我地成班諗住傾下計等到佢地開完會出黎架,

不過佢地開極都開唔完,最後都係等唔到...

我地唯有留低d西餅俾佢地,等佢地知我地黎過!

今日見返佢地真係好開心,大家傾下近況咁,

計下計下,我地都好耐無聚返埋一齊...

由F.5個年到依家,都成年幾啦,

之前F.6個陣無攪過活動,今日都有咁多人黎,

真係好難得^^証明我地對4E5E仲係咁留戀~!!

如果可以既話,真係希望遲d大家都仲可以咁,

等閒約出黎玩下、傾下計咁。

諗返以前係甲寅個陣,真係發生左好多事,

識左好多人,雖然對呢間學校無乜歸屬感,

但係我都好開心、好興幸自己曾經係度讀書,

無係個度讀可能今日呢個我亦都會唔同晒...

F.2-5我都過得好開心,因為有一班好朋友陪住我,

F.2,3有Jenny,倩蕊...佢地陪我,F.4,5有Ceci,柏...

而中四、五既生活係最難忘架,

因為大家都好團結,一齊玩得好開心,

成日上堂傳紙仔啦、食野啦、睇comic...

因為地利關係,我地有時仲係嘈到拆天,

陣係我地係天台課室上堂,

完全與世隔絕,正宗既無工管...

諗返雖然都覺得我地有時都幾衰,

但係呢d反而係最難忘既回憶....

而且d老師仲好鍚我地班,因為個個都好玩!!

有時激親佢地,佢地都嬲唔落我地 :P

個陣同邊個坐都好易傾得埋,成班玩埋一堆,

係咪都可以講一餐,個種感覺就好似成個family咁,

雖然依家都好少同佢地聯絡、見面,

但係我都仲係好記得佢地同我地個天台課室,

我相信我呢班同學仔亦都一樣^^

都係個句,希望大家可以Keep In Touch啦 ~~*

Back

 

 

 

17/11(日)

等左咁耐,終於都到左prefect BBQ既大日子啦!!

數返手指都有幾個月無燒過野食lu~/.\

對上一次應該係同阿guy興祝生日個次。

今次我地都係去返屯門蝴碟灣個度,個度夠大嘛^^

去到個度已經一早有人去,真係辛苦晒佢地呀>.<

之後我地就分組燒野食,話要聯繫組員既感情喎~

我地上一屆既阿head就自然同埋阿sir一組啦~~哈~

我一開始就梗係燒芝士腸啦,我既最愛!!

不過,唔知點解燒左2次都燒得唔好喎,

d芝士腸燒極都唔爆之餘,最後仲攪到燶埋~.~

咁攪法就真係乜心機都無晒,咁都算啦,

班死友仔又要加多把口攪到我無晒mood....

幫你地加炭又要嫌三嫌四、嘈冤巴閉,

大佬呀,我今日唔係黎幫你地做野架,

我攪到成隻手黑晒啦,你仲想點呀??

如果係平時可能我己經發晒脾氣鬧人啦,

見今日大家黎玩咁開心費事掃你地興呀,

你見我笑笑口咁走,其實我真係好嬲囉..!!

做左成年都係等今日黎玩,仲要我去招呼你地呀??

之後走去燒雞翼,都係燒得唔靚,索性罷燒算...

跟住諗住同小萍一齊出去行下順手幫下人買野飲,

點鬼知班人麻鬼煩,又要呢樣又要個樣,

煩到死,下次唔駛旨意我幫你地去買野!!

計錢個度,唔駛講...煩到爆...個個20蚊紙...

有d又無俾喎,點計喎...最後又要請人...

諗住出去行下散下心,最後變左做苦力...頂!!

之後都好d,岩岩撞正間馬術學校open day,

我地幾個就走左入去行下啦!!

我咁大個女第一次咁近距離見到d馬囉,

佢地真係好大隻呀,睇電視都唔覺有咁大,

點知今日近距離見到先知原來係咁高咁大~~

真係嚇親我>< 要坐上去都要有返咁上下膽量!!

係個度見到既大部份都係外國人,

可能因為騎馬呢種玩意都係外國人有興趣d啦。

個度有d攤位遊戲玩,我地都玩左一陣,

拎左d扭扭氣球俾李sir個2個仔仔玩^^

而且個度仲有免費布甸派添,我地都拎左d走。

不過唔知點解拎到返去d布甸已經融左1/3...

變到好醜樣,最後都唔知邊個食左~

行完馬術學校,心情靚晒就走左落沙灘。

本身諗住打下波,多飛下碟,行下沙灘咁,

點知肥貓無端端整到我成頸沙...!!

之後就梗係報仇啦,係咪都整返佢先算~

最後佢俾全部人圍攻,攪到一身沙~哈~

後來班男仔越玩越癲,齊手搬人落水!!

首先遭殃既阿昌,跟住Terry、發仔....

肥貓就因為無人大力得過佢要唔駛變落水貓,

不過阿華就係俾人捉既時候同猩猩撞到頭...>.<

好彩無人扔女仔落水,如果唔係我諗我實濕晒。

但係我最後都係濕左個背脊囉....

d人變態架,人地諗住去浸下腳者,

點知就俾人扔水彈...Terry我一定記住你架!!

仲有魚旦你地成班拎水彈黎玩既人...嗚...

就咁樣我就成身沙加水咁離開屯門啦~~

回程個陣係車度唱歌、班新head問問題,

雖然都係得我地班舊head理佢地,

但係都算係咁啦,而且又有朱古力食~幾好丫

返到粉嶺落左粉場睇左陣波就返左屋企啦!!

可惜今日嘉寶同阿Joe都無黎到...

如果唔係就perfect啦~哈哈!!

Back

 

 

 

15/11(五)

今日係另外一日既sport day, 淨係返半晝。

我今日攞左個擲鐵餅銀牌~呵!!

加埋上年個幾個牌,我屋企金銀銅都有齊晒~

本身我無諗住會跑架,點知最後都係俾人拉左去跑...

女甲跑4x1個d傷左二個,結果就由我阿wing頂上>.<

未跑之前我都驚有事,好彩跑完之後都無乜野。

不過我都唔知我個隊跑第幾~我跑第一棒,

跑完就算,因為其他d隊員我都唔識既~~

雖然忠社今年又輸左,不過我都好開心!!

因為今年忠社啦啦隊嬴左~~!! 勁開心!!

上年超唔順咁輸左俾文社,今年終於都嬴返啦!!

可惜麥記、Cathy同Yu無黎到,睇唔到班啦啦拎奬~

除左啦啦隊之外,今年忠社仲拎左女甲既冠軍添^^

其實真係估唔到今年d忠社女甲咁勁囉~~

不過,話晒我都幫社攞返唔少分架,哈哈哈!!

就係咁樣,今年既陸運會就咁過左啦~~!!

今年都係我中學生涯裡面最後一個陸運會,

自己又有奬,啦啦隊又嬴左,真係好正><

諗返以前甲寅個陣,都係諗住成班fds玩下,

一齊參加呢樣,一齊參加個樣,成班人一齊玩下玩下...

黎到粉官,2年陸運會都係為prefect同社忙,

參加比賽都想得到好成績為社攞分,

自己係忠社既一分子呢個信念比以前儉社強得多,

想做好個社,想幫個社重新振作...

雖然係好難,但係我覺得自己真係盡左力去做,

係做副社既同時識到好多人、得到好多經驗,

尤其係識到一班社幹事同啦啦隊,真係超開心!!

所以呢2年既陸運會係我最難忘架!!

Back

 

 

 

8/11(五)

今日係學校既Sport Day。

尋日整整下成點幾鐘先訓 ~.~ 今朝7點又要去到運動場...

真係累到想死>.<不過夜訓係自己衰,無得冤~!!

7點幾去到個度睇班啦啦隊練習,順便幫下手咁。

練下練下去到8點度,prefect就集合啦!!

幫手點完名之後我地就入左去個場度當值...

其實我都唔知叫唔叫做幫過手...係咁易周圍行下...

幫手收下證、寫下時間、趕下人走咁,

行到咁上下就走返去忠社度幫手帶下啦啦隊...

今日參加左一樣比賽,就係推鉛球~~

而我就好白痴咁將對鞋放左係學校locker...

最後攪到要問啦啦隊借鞋...真係失敗>.<

結果我攞左第三,估都估唔到囉!!

不過今年有好多勁人都無參加,我個班個d已經無啦,

所以個獎都無乜意思~~不過點都好,攞到都係開心既^^

lunch去左同小萍食飯,好耐無搵佢lu>.<

我同佢買完外賣諗住返運動場食架啦,

點知俾我地撞到發仔同阿詩2個,咁又等埋佢地外賣,

大家齊齊返去場個度食~~哈哈!!

之後下畫又係咁過直到陸運會完左~��

夜晚食完飯知道原來有個fd入左院喎,

咁就同左2個fds一齊去探佢啦,好彩都無乜野...

希望佢無事快d出院啦^^

Back

 

 

 

 

2/11(六)

今日李sir請我地去食buffet,地點照舊--帝都。

呢次應該係阿sir最後一次請我地去食buffet啦,

下次再去就係我地自己出錢囉~~

今次我地係成大班新舊阿head一齊去食,

total加埋連阿sir有成18個人,真係大陣仗...

不過我今次去到都無乜點食到野,

尤其係d生冷野,因為我唔係太舒服><"

之後阿sir就俾左d意見我地呢屆既head,

聽完之後大體上都幾岩,但係有d就...哈哈!!

食完之後我地每人都同阿sir影左張相,

另外我地成班舊head都同阿sir黎張大合照^^

阿sir走左之後,我地就走左去影咭同貼紙相,

同Yuki影左張貼紙相啦,同阿富影左張貼紙相啦,

又同Carol,阿Wing影左張喎,影得好滿意^^

最後梗係唔少得我地成班head影返幾張咭啦^^

影完晒相之後,我地就打的過左富豪Neway,

Yuki,Terry,Carol,Don,Cheong,Victor,KaPo,

加埋我total8個人去唱,唱得幾開心,

諗返前日唱k勁無癮,今日終於補返數!!

唱完都成7點半啦,走下走下走梗D人,

最後Yuki,Terry,KaPo同我就去左西田食dinner。

一路食一路傾,講下prefect,講下d英文字母咁...

最後返到上水仲見到KaPo個個bf添~哈哈~~

跟住叫左個fd出黎陪我去OK買軟雪糕食,

因為依家係個度買軟雪糕加錢有公仔換,

點知去到個度d公仔又換晒囉...真係慘v_v...

上次換Qoo杯又換唔到,今次又係咁/.\

咁諗住去返7仔買雪糕食 (OK個d無咁好食),

點知行勻成個上水既7仔都話賣晒...好無奈...

最後我地就買左杯花生朱古力雪糕杯食啦,

本身我都無諗住食架,不過買一送一咁咪食囉~

之後上返新屋攞返d野諗住返天平架啦,

點知行行下見到個天好多星星,好靚,

咁就同我個fd走左去粉嶺圍睇星星,

雖然唔可以話成個天都係星,但係都有好多,

至衰個靚位俾人霸左無得坐係度睇,

如果唔係我實坐耐d睇多陣先肯走~~嘻嘻^^

最後返到屋企都成12點半,覺得自己有d曳添:p

不過,今日真係好開心^^YEAH!!

Back