呢個係我地第五組既靚靚導師 Kelly小姐啦 !! 佢同我地好好傾架，仲成日都我地玩埋一齊添，所以我地成組人都好鍾意佢架 ^^ 而且佢好後生既 (外表睇黎係，實際年齡就唔知啦，呵呵 ~~ ) ，所以真係同我地好夾，咩都傾得，所以真係好開心識到佢 !! 不過呀，佢成日都會打我架，每次見親我都至少打我一次，仲係好大力個種呀，真係慘呀，俾人虐待 @o@. . . 但係算啦，打者愛也，我明白架啦，哈哈 !!

佢係我係呢個Course裡面最熟既一個，最大既原因就係因為我地都係同一個小組，相處時間就梗係多 D啦 !! 而且由我地研究所得，成個第五組入面最得閒既睇怕係我同佢囉 (都唔知應該開心定唔開心好 . . . ) ，變左好多時我地都會搵對方傾計，咁樣自不然就熟左囉 !! 阿Joe 電腦好叻架，仲成日幫人整機添。不過有次我就因為佢send俾我既野攪到我部機中左毒 >.< 真係悲哀 !! 不過，見你次次出街都借部Discman俾我聽，我就原諒你啦 ~~ 哈哈 ~~

ICQ: 110417944　

可以話係我地呢組既骨幹 !! 第五組有咩大小活動，佢都會係其中一個負責人 (我自認係另一個 ~~ 哈哈)，好多時連發起人都係佢添 !! 犀利呢? 其實佢絕對係一個好活躍既人，而且仲好好傾添 !! 好多青協既活動佢都有參加，仲成日搵人一齊去參加添。我地呢組既人好多時都只係會熟自己小組裡面既人，但Wallace除左熟自己小組既人之外，連其他小組既人都俾佢熟埋 !! 所以佢好自然咁就成為左第五組既攪手 &聯絡人啦 !! 

ICQ: 137850728

佢係一個好玩得既人黎架，仲好攪笑添 !! 開初識佢個陣，覺得佢好有壓迫感架，有D女強人既Feel。後來同佢同一個小組相處耐左之後發覺佢原來係超級玩得架 !! 而且都係一個好傾既人黎既，同佢咩都可以傾一餐 ~~ 佢份人都幾好丫，易相處，仲有D大家姐既感覺。不過由於佢為左返工攪到我地暑假既 Camp去唔成 (賴得就賴 )，所以我決定唔將佢放係呢板既頭位，咪怨我呀，呵呵 !!

ICQ: 34531646

雖然佢唔係同我一組呀，不過係命運既安排之下我係"歷奇"度識左佢。佢俾我既感覺係好叻女架，識好多野，而且都幾熱情，幾好傾架 !! 個陣雖然只係同佢相處左一日呀，但係佢都無唔記得我，之後係個Course Last Day個陣仲走埋黎同我影相添呀，真係令我又驚訝又開心丫 >.< 因為原來佢都仲記得我架，佢個組其他既組員都無佢咁主動走黎同我地影相 (有D仲可能已經唔記得左我地添 )，所以我真係覺得佢好好架 ^^

ICQ: 50937104