佢係我由小學識到依家既好朋友黎架 ~~ 我地小學個陣已經好好朋友架 !! 之後我地又好幸運咁可以係同一間中學度讀書喎 ~~ 雖然 F.1個陣我地唔同班，但係都有Keep呢段友情。到左 F.2,F.3我地又同返一班啦，個陣又一齊返學､放學，又一齊食Lunch，真係好開心 >.< 到左 F.4我地又分左去唔同既班度 (無法啦，佢係叻女，入精英班，我就 . . . 哈哈哈 )。到左中六我地雖處身係唔同既學校，不過我地到依家都仲有聯絡，得閒都會出下街添~~所以我真係好開心有呢個咁好既 Friend架!!

ICQ: 158440313

我 F.1已經識佢架啦 ~~ 個陣我地兩個成日一齊架，而且佢仲好玩得，好好傾既添呀 !! 佢唱歌好正架，音域好廣，唱男女歌星既歌都得既 ~~ 所以我好鍾意聽佢唱歌架 ! 之後 F.2, F.3我都同佢同班，有D咩事都會同佢傾既。但係之後，升上中四，佢文我理分左去唔同既班度，大家相處既時間少左好多，連一齊食飯既機會都無乜 V_V 到依家我地連返既學校都唔同，大家既生活圈子唔同晒，我地都已經好耐無搵過對方 . . . 不過，Lemon，我仲當你係我既好朋友黎架 +_+ !!

ICQ: 40566354

呢個係 F.2到依家既朋友仔黎架 ~~ 唔 . . 倩蕊係一個乖乖女黎架 ! 而且仲係才女一名，即係好有藝術氣質個種呢 ~~ 佢好叻架，讀書又得啦，唱歌又好聽喎 . . . 甲寅理科既高材生耶 ~~~ 呵呵 !! 不過，我覺得佢俾人感覺似讀文科既人者，都唔似會係個D會拎左把刀"湯"老鼠既人黎既 . . . >.< 不過真係人不可貌相囉 ~~ 倩蕊斯文既外表背後，佢其實都係一個幾貪玩既人黎架 !! 深藏不露耶 ~~ 嘻嘻~~ 啊，仲有一樣野唔可以唔提架，佢係一個好受異性歡迎既人黎架 ~~ 呵呵 ^^

ICQ: 93457618

又一個好有藝術氣質既小女孩 ~~ 唔知點解我周圍既朋友仔好多都好有文藝 Feel個喎，可能因為我都咁有氣質之故啦 ~~ 呵呵 ^O^ 阿芷都係一個讀書又叻，唱歌又好既人黎架，個陣佢同倩蕊成日都一齊唱歌，真係聽出耳油囉 >.< 我有佢地一半就好啦 !! 除此之外，阿芷畫畫都好靚架，佢中四五有修 Art架，可惜我無得讀 . . . 而且佢跳高同跑步都好叻架，真係樣樣俱精啦 ~~ 不過呢，我覺得佢有時會迫得自己太緊，唔識放鬆架 . . . 所以呢，阿芷呀，咪俾咁多壓力自己啦，點都要俾D時間自己抖下架，知無??

ICQ: 62287988

佢係一個好好好好既人黎架 !! 佢好鍾意幫人，而且每件事都會好俾心機去做，係一個唔會計較得失既人! 其實 Judy係一個好有領袖魅力既女仔黎，我地班 2B/3B 之所以仲可以周不時約返出黎玩，都係因為有呢個同個個都咁好傾､咁friend既人係度咋 ! Judy俾人既感覺係好大姐姐Feel，同埋好主動､好Nice，所以我諗識佢既人都無個會話唔鍾意佢，至少係我既朋友裡面無囉。不過呢，佢會成日唔理自己只會為人假想，攪到自己殘晒架 . . . 所以，又係個句，俾D時間自己抖下啦，Okay?? 

ICQ: 

小翠係一個好乖巧好斯文既女仔黎架 ! (你地唔好諗住帶壞佢呀>.< ) 講真個句呀，係我既朋友中，佢係其中一個最斯文既人黎架。唔似得我，成日周圍走､坐唔定 ~~ 嘻嘻 !! 僅然咁文靜，佢讀既當然就係文科啦 !! 不過，佢決定讀埋呢年中六就出去讀其他既課程啦 . . . 其實我真係好佩服佢架，你話有邊個可以真係咁有決心放棄個中七學位出去再讀呀 ?? 呢個學位仲要係 Band1既甲寅學位喎 !! 俾著係我我都未必可以放得低 . . . 佢有著一種外表睇唔到既堅強同決心，呢樣野係我要去學習既 ^^

My Mother ~~ 講真我都唔記得左點解佢會做左我媽咪架 ?_? 總之依家佢就係我好好既母親大人，而我就係佢既乖乖囡囡 !! 不過，我同佢同一間中學同一個 Form，但係我未試過同過佢同班囉，真係有D遺憾 . . . 依家佢都飛左去第二度讀書 Lu，拋低左佢呢個咁可愛得意既囡囡獨自留係度自生自滅。點都好，佢又唔係真係唔理我既，得閒都會寫返封家書返黎既，之不過佢成日唔記得寄返D錢俾我洗者 >.< Mother呀，你係個邊無個咁好既囡囡照顧你，你要自己小心D囉，返黎唔好唔記得搵下我丫 ~~

ICQ: 37334823

同佢熟就真係有段故囉，呢一切都要多得個陣我地個班主任"貓王"陳係 Geog堂將我地調到坐隔離，之後又有賴佢令我地悶既指數提高到極點，最後我地唯有搵野做係度"傳紙仔" !! 結果就傳出左呢個好朋友啦 ~~ 哈哈 ~~ 之後我地就變得好熟 Lu，由開初大家唔識到之後勁 Friend，都只係用左兩年時間咋 !! 係咪好犀利呢 ?? 不過，之後 Ceci就扔抵左我走左去英國讀書啦 … 嗚嗚 … 難為我仲要係香港俾呢個AL折磨 !! 佢依家間唔中都會返下黎既，又會搵我出街同買手信俾我，見你咁識做啦，我就原諒你啦 !! 呵呵 !!

ICQ: 163940043

呢個正一係傻婆黎架 !! 雖然我係F.4先識佢呀，但係我已經好清楚知道佢絕對係癲架啦 ~~ 哈哈 !! 同佢會熟可能係因為大家都係傻架啦，兩個都咁白痴 !! 不過呢，佢係靚女一名，我就唔係啦 !! 所以佢有好多男仔鍾意架，遲 D可能連女仔都會追佢呀 ~~ 哈哈 XoX !! (講笑講笑 ^^) 依家我同佢已經唔係同一間學校讀書啦，所以都少左搵對方，有段時間簡直係音訊全無呀 >.< 之但係呢，我地呢 D好朋友仔係無咁易唔記得人既，無聯絡咁耐一搵返對方都仲可以好好傾架 !! Yeah !! 不過，你呢個傻婆記住得閒就搵下我啦 !! 如果唔係我會好快就唔記得你架 !! 哈哈 ~~

ICQ: 65310281

呢板黎講暫時唯一一個Boy，不過我係被迫 Post佢上黎架 >.< 好慘啊 ~~ 呵呵 !! (Joking) 佢應該係F.4,F.5個陣同我最熟既男仔黎既 . . . 點解 ?? 咁緊係有原因既，佢係我以前個男朋友仔黎 ~~ 不過依家好地就係好朋友黎啦 !! 其實我覺得佢讀書好勁架，只不過係中英文差左D咁解者。如果佢呢兩科可以讀返好D，佢實入到U架 ~~ 我覺得 ~~ !! 所以Yan哥要俾心機囉 ^^ 唔識既就等小女子黎教下你，收返下D補習費黎駛下 ~~ 呵呵 !! 另外呢，佢又鍾意踢波同捉棋架，技術如何我就唔敢講啦，你地想知就自己搵佢啦 !!

ICQ: 155446613