2003.10.27 23:26

一路以黎真係好少咁公開咁明顯講我同佢o既野，今晚突然有好有感覺想講，就開始打呢篇野。

由本來佢唔係讀聖三一>轉校入黎>一齊讀1A>初步識左>f4/5一班>f5臨尾一次抽籤調位抽到一齊坐>friend左>會考同分都係衰左>佢去第2間repeat我o係原校>一齊升聖三一f6
如果當初佢冇轉校黎聖三一，如果當初我地唔係抽到一齊坐，如果我地唔係第一年ce衰左，如果我地唔係第二年一齊得左，相信我地唔會有機會一齊。
呢d係咪叫緣份呀?!不過我唔信呢2個字...每件事都係由人去爭取去創造，
就算真係叫做有緣，始終都要採取主動，right?!

一年間，都有唔少回憶，同樣經歷左一般情侶間會發生o既事，呷醋、嗌交、冷戰/冷靜期、幸福、sweet到令人羨慕、形影不離等等.....當中不少事件令自己有分手o既念頭，但係，每次直到最後一刻都會問自己仲愛唔愛...我對自己、對佢承諾過，無論點都好，只要知道自己仲愛o既話我都絕對唔會講分手，我會堅持。
如果有一日提出o既話，我相信自己係o係真係頂唔順/唔肯定仲愛唔愛o既情況下講...
做人唔可以拖泥帶水，拍拖都係..如果有一日真係知道唔可以再o係埋一齊，
同樣我唔會拖住，拖住真係好冇意思。
所以，我覺得某d情侶點解咁快分手，之後又會唔開心喊到死後悔到死，係因為一開始自己衝動唔諗清楚，我唔要做呢類人!於是，每次自己有幾傷心都好，自問仲愛o既話，就唔會放棄。
另外，其實『勇氣』呢首歌都幫我唔少...歌詞就好似講出當時自己對佢o既心聲，
所以每次嗌完交、得閒反省o既時候，都會聽一聽，然後又肯定左自己對佢o既感情。
that's why i like the song very much. 不過，而家唔會再靠佢。

有句話『當局者迷，旁觀者清』，之前深信呢句說話，所以成日會同人傾訴，聽取人意見，
但係發覺到o既係，人地o個套係唔適合自己，最清楚成件事o既係自己，
只有自己諗o既辦法先會有件事o既solution!
2個人之間o既野，尤其男女關係，我始終深信要當事人先可以解決，
或者，同朋友傾訴，其實都係想得到佢地o既支持而已。
『解鈴還須繫鈴人』先係冇錯!!

另外，唔希望大家o既感情受到外來因素而影響，for example,身邊o既朋友。
有時有d人真係好衰，可能o個d人只係想講笑串o下玩o下，(當然，如果係有心玩野o既真係好賤)，
...有時信心不足下，係真係會令到關係有所變動。

剛開始時，成日話我冷淡對待佢，其實只係我唔做典型女朋友
=等男朋友電話、成日打電話俾男朋友、無時無刻都要知佢o係邊/做緊乜、乜鬼都呷醋、煩、享受表面o既甜言蜜語、成日要陪住之類之類...
可惜o既係，經過一段日子，俾佢栽培成呢類人...老實講，自己的確唔滿意自己可以變到咁!!
轉變左，結果其實都諗到~
好唔鍾意咁o既自己，好想有一日搵返以前o既感覺...
終於，2003年10月26日俾我搵返，釋放返，頓時真係身心舒暢!!!
但係好老實講...我有為呢件事而嬲過自己and佢，點解要o係我o岩o岩轉變過後，
又要求我做返以前o既我?!
需要知道o既係，得到愛情o既同時，都要犧牲一d野。

當然，除左轉變成典型gf之外，都係佢令我變得主動左，會主動打電話俾人囉!!
因為由細到大，若非緊要事，我都唔會打電話俾人!
係佢令我會講『對唔住』....想講o既係...以前同人反面，
都係佢地嬲我先，而我係唔覺得自己做錯d乜，所以我從來唔會同嬲我o既人道歉!
但係...有時佢嬲我...我雖然唔覺得自己有錯，但係我明白到，
o係我做出自己認為冇錯o既行為時，會令到佢唔開心，所以我知道我要道歉。
仲有就係...我唔會再為左一時o既面子而唔去做出補救o既事，
如果唔係，我相信，第時我一定會後悔死。
仲有就係明白要珍惜快樂o既時刻!
當真正擁有幸福o既時候，唔會知道幸福係點，直到冇左，先會知道，
所以，而家知道要珍惜每一段快樂時刻!
同埋，會表現自己關心，過往，朋友都話我好似唔當佢係friend咁，
不過其實我內心有好多諗法，我係care佢地...只不過覺得係close o既就唔洗講/表現都get到，
事實原來唔係...所以而家都開始表達/表現多d自己。
原來病左/傷左，都要問一句我一直認為係好廢o既慰問說話"你冇事丫嘛?"，
咁樣先會令到o個個人覺得你關心佢。擺o係心o既關心冇人會知架...

其實，無論發生咩事都好...(鬧交/呷醋/嬲黎嬲去/冷淡)，能夠維繫兩者o既就係『愛』，
如果自問仲愛對方o既話，就唔好咁易放棄。『兩個人性格唔夾』只係俾大家o既藉口，
因為我覺得...世界冇人會同你真係夾!唯有愛先可以令你地夾。千就、包容、體諒係唔少得。
直到失去感情、冇左耐性，『我地都係唔夾』就會出現。
同樣地，其中一方/兩方心入面都冇對方o既話，即使表面幾好都好，o係埋一齊都係冇意義!

無論同咩人都好，最緊要o既係信任and坦誠相對!!
呢兩樣係十分重要o既項目!以我個人經驗黎講，缺少任何一樣，
只會令自己and對方唔好過。

而家，乜都唔重要，最緊要o既係，大家心入面仲有對方就足夠。
始終，o個d無謂o既表面功夫都係呃妹妹仔o既。

我有自己肯定o既諗法。