「麻麻啦！普通啦，好多人都靚仔過我！」

但從阿倫的笑容看出，他也知道自己的外形比別人出眾.....　

是事實又何必這樣謙虛？

唔搵球迷做女友

縱然不認為自己靚仔，但每次當他練波或比賽時，都有大批女球迷在場邊打氣，阿倫又豈會不知道為什麼。

「我頭一、兩年踢甲組真係冇咁多女球迷睇，近兩、三年就犀利左好多，我都唔知佢地入球場為左睇人定係睇波架？」

那麼多女球迷只單純為足球而來，阿倫又會否覺得破壞了足球的真正意義？

「身為球員，當然想多D人睇波捧場！我唔理係男定女，總之有人捧場我就好開心。其實有人肯寫信比自己，感覺又真係幾開心，證明有人支持自己。況且好多女球迷寫信比我都話唔係淨係鍾意我靚仔，佢地都會講下我踢波踢成點、狀態好唔好.....」

既然不抗拒女球迷常伴左右，又可有考慮在其中揀個做女朋友？

「幾靚都唔會！我初出道已經講過，一定唔會同球迷拍拖！球迷就係球迷，同自己出去識既朋友係有分別既！」阿倫斬釘截鐵地說。

「我就算識女朋友，最初都唔希望佢知我係踢波既。我希望佢會當我係普通人，而唔係以一個球迷身分去鍾意我，想同我一齊！」

不是空口說白話，阿倫現時的女朋友，本身就並非球迷。初相遇時她根本不知道身邊人原來是香港球星。

首席女「球迷」

除球迷和外形，阿倫自問有什麼條件吸引女友？

「冇囉！唔知喎！」阿倫邊說邊甜甜笑。

「其實男女拍拖，最重要係你對佢好，佢又對你好！大家一齊開開心心，岩Key就已經足夠！靚就係人都想，不過唔需要睇得咁重。」

「其實依家都好少女仔會話鍾意靚仔，總之佢對你好就OK！假如有個男仔好醜樣，但佢對你真係好好，你就算初時唔鍾意佢，但佢依然對你咁好，過多兩、三年你都會心軟啦，係咪？」阿倫反問記者。

阿倫對愛情觀講心唔講樣，佢既然形容到各姊姊妹妹咁偉大、咁重感情，記者當然不反對他的論調。

拍拖半年，每逢阿倫有比賽，女友都會親往現場打氣：「未拍拖前佢冇睇波，依家佢入球場就純粹因為睇我！有女朋友捧場，我梗係會踢得落力D啦！」

雖然曾經表示女朋友與球迷不可混為一談，不過對於這位首席女「球迷」，阿倫當然會另眼相看，最錫這個唔係為睇佢波的女「球迷」！