約馬浚偉做訪問，其經理人強調，希望可以用新角度去訪問馬浚偉，但，何謂「新角度」？

原來馬浚偉最近迷上了社交舞，於是提議在一間排舞室影相兼訪問，這當然是好，而且馬浚偉更會自備舞衣，小記一於唔使煩。

記得N年前曾經問過馬浚偉，覺得自己最弱的一環是甚麼？他想也不想就答：「跳舞，我跳舞好核突。」

所以一直以來從沒有見過馬浚偉跳舞，今年三月馬浚偉卻在《博愛歡樂傳萬家》與李彩華表演跳舞作為回歸無�赤瑰Y炮，因為無心之失誤觸李彩華下體，因而慘變成為「鹹豬手」。

出師未捷，換了是以前的馬浚偉，應該以後會視跳舞有如毒蛇猛獸，有咁遠避咁遠。但這次意外，卻出奇地沒有動搖馬浚偉學「舞」的心，仍然繼續苦練舞功。

馬浚偉說，學舞之後，因為要對鏡練姿勢，久而久之自信心反而大了。

可能是我想多了，曾在噓聲中成長的馬浚偉，應該會懂得如何面對失敗。

至少，應該會習慣。

馬浚偉是一個非常小心的人，問他一條問題，他會想得清清楚楚才答你，永不會發現一些反悔、後兜的說話，例如「哎呀……唔係」、「即係咁……」等說話，會在馬浚偉的口中出現。

所以，當馬浚偉說他日後會朝「最佳男主角」這條路走，因為這是一個原動力，我有理由相信，這不是信口雌黃，或是心高氣傲之言。

雖然馬浚偉已經是一間出版社的老闆，但這隻馬似乎未甘於平淡，仍然會在星光燦爛中「馬照跑、舞照跳」！

:::回歸拍劇捧獎:::

對於跳舞，可以用「唔跳唔知身手好」來形容馬浚偉。雖然馬浚偉是歌手身分入行，但由始至終都沒有想過學跳舞。第一次學跳舞，為了在《博愛歡樂傳萬家》表演，當時雖然沒有太多時間綵排，但卻為馬浚偉帶來新的感覺，之後繼續用心去學，是為了應付新劇《突圍而出》的演出，結果再試即上癮，因為在學舞的過程，發現自己做任何事，都愈來愈有自信心，情況就如放棄唱歌拍電視劇，想也沒有想過，會成為當家小生。

回到2004年，當時的馬浚偉已貴為無綫的當家小生兼被譽為福將，縱使主演的電視劇，播出前不被看好，到最後收視卻往往出人意表。人氣有了，劇集亦一部接一部，但馬浚偉卻在這個上位衝線之時，選擇返大陸拍劇搵真銀，荷包豐厚了，但同時在香港人氣下滑，當時更有指他已成為無綫的棄將。從愛將到棄將，雖一字之差，但失之毫釐，差之千里。

一年後，馬浚偉返港後即與無綫簽下經理人合約，洗脫了棄將的嫌疑。回歸後第一套電視劇《鐵血保鏢》，便為他帶來《我最喜愛的電視男角色》獎項，在不少當家小生圍攻之下脫穎而出，他自言絕對意想不到。

「其實那次憑《鐵血保鏢》得獎，真係好感動，我拍《鐵血保鏢》嘅時候，就知道呢套劇一定掂，因為監製有李添勝，演員又有黎耀祥、郭鋒、雪梨姐等等，個個都係好戲之人，所以一直以來我都覺得，《鐵》點都會有一個獎，只不過冇諗過會係我嘅啫。」

的確，記得《鐵》片播出之前，外間一直睇淡，女主角更被批評得體無完膚，所以《鐵血保鏢》有好成績，差不多焦點都落在男角身上，馬浚偉自然也要承受孭飛的壓力。「試過有監製喺電視城見到我，都拍拍我膊頭話：「喂，靠晒你啦！」嗰一刻真係好大壓力！

「記得星期五晚大結局，我打電話返公司問收視，佢哋話最高有42點，破晒星期五大結局嘅收視紀錄，我開心到喺電話度大嗌。我唔000係話覺得自己好掂，而係有感呢套劇真係得�驉C

「結果仲�垣I呢個獎，嗰刻終於感受到一股強大嘅壓力，不過係正面嘅，我會繼續朝「最佳男主角」出發。因為我好鍾意叫人跌眼鏡，你話我呢套劇唔得咩，我就要得俾你睇。好似之前拍《洛神》夠有人話我古裝劇唔得，所以我好努力咁去做，結果反應唔錯，呢種感覺好正。」

:::唱歌從未放棄:::

近年全力主戰電視圈成為當家小生的他，相信有不少人已經忘記他其實是歌手出身，因為在鏡頭下有點似黎明，因而被大造文章，被冠以「翻版黎明」的稱號。還記得當年唱片公司以「他不是黎明，他不是學友」作為宣傳口號，迴響是有的，但卻偏向負面，結果每次出場，都引來台下噓聲，令馬浚偉的歌手路歷盡艱辛。

近年無綫劇集差不多指定由男女主角唱主題曲，令不少歌手出身跳入電視圈的半途出家藝員，有機會再展歌喉，重溫昔日當歌手的感覺，馬浚偉身為當家小生，唱主題曲自然是理所當然，對於能重拾咪高峰，他直言心態已明顯有變。

「歌其實我一直都有唱，我成日都有出外登台唱歌，每次出外登台，我一定要唱現場，咁先至有氣氛。不過如果你要我去花半年、一年出一張唱片，之後再花幾個月去做宣傳，我相信我花唔起呢啲時間，我只係希望可以為享受唱歌而唱歌。好似早前我試過同中樂團合作，雖然時間唔長但感覺真係好touching。」

除了唱歌，馬浚偉最近亦迷上了舞台劇，希望可以一嘗踏台板的心願。「舞台劇我一直都好有興趣去做，07年應該會有一個開始。不過我要好用心去做，要做就要做到最到。唔係話因為做舞台劇好型，所以我要去做，始終舞台劇唔同拍戲，你拍戲得到認同，唔代表在舞台上會一樣掂。」

:::緋聞篤正死穴:::

訪問馬浚偉，實在不能不提關於他的緋聞，雖然馬浚偉強調，真正關於他的緋聞，其實只有三單。儘管馬浚偉口中說不介意，但一直都表現淡定的他，在不知不覺間會突然激動起來。至少，我翻聽訪問錄音時，volume要即時扭細聲點。

入行十三年，俾人噓過，亦俾人出賣過，本以為見慣風浪的他，對緋聞應該可以處之泰然，但真情流露時，仍然火滾。

「入行以來，真正同我有關嘅緋聞得三單，《妙手仁心》同陳子菁，話子菁鍾意我；《洛神》同蔡少芬，話我暗戀Ada；最後就係同郭羨妮。之後全部都唔關我事，好似《十月初五的月光》，本來係話唐文龍追阿佘（佘詩曼），最後無啦啦就傳我追阿佘，我一直都好懷疑係寫錯啫，寫吓寫吓就變咗真。

「對緋聞已經冇乜感覺，又唔可以話係化，有幾多緋聞係真？好多都係睇完就算。其實自從我自由身之後，我已經有兩年冇做過專訪，喺活動見到面，咪同你哋（指傳媒）傾幾句。但係每次做專訪，問來問去都係幾件事、幾個人，好多記者係唔會睇我以前 嘅訪問，好多事我已經回應過不下十次，但佢哋仲係要問，佢哋以為係新鮮事，我就覺得好悶囉，搞到我好似一直靠呢幾件事去宣傳咁。其實呢幾年我做咗好多事，我有好多事想同人分享。

「所以�M家有blog（網上日記）幾好，我可以喺blog分享自己嘅嘢，例如我喺大陸嘅所見所聞，我又可以將我影咗嘅相，上載到個blog同fans分享，入面記錄嘅野，先至係真正�黻辛C偉。

「其實我好鍾意用文字去表達我自己�儱P覺，雖然我只係一個中五畢業生，但我一向都鍾意睇書，除�髐p說我乜都會睇。04年我返大陸做���黈伬唌A我依照公開大學�鴾什磢懋|科學課程，自己買齊所有書去自修，雖然我冇去報讀亦冇考試，但至少佢教���洇皕|識。

「雖然我�M家寫���洐曮Y好深層次，但至少我開始對文字有認識，對文章會有要求，無論係人�]定自己�鴾撜飽A我都敢去評論人地�鴽@品，質素好定差。」

是言者無心，還是我聽者有意，但我真係有少少覺得，馬浚偉是在給我下馬威，話晒佢係出版社�爃逵it人，又係被訪者，佢應該有資格批評這篇 訪問。

:::信得過:::

世事，就係咁神奇。

自從愛上交際舞後，馬浚偉給我的感覺真係唔同晒，一言一語間自信十足。

以前的馬浚偉，要他扭身扭勢扮跳舞，不要說他，連小記想起都會即時起雞皮。

現在的馬浚偉，竟然可以隨時聞歌起舞，興之所至還會捉住化妝師，私人醒她兩招，教她跳慢四，居然也有板有眼。

雖然有記者在場，但他忘我到毫不避忌，一副悠然自得的神態，攬住化妝師1234的扭動起來。

小記乘虛而入「唔怕又俾人話鹹豬手咩？」

「唔怕，我信得你過！」

不過，我有理由相信，

他信自己多過信任我唔會亂寫。

不過點都好，

小記仍要多謝馬生這一句客氣說話，令我的自信也返晒�薄C