二零零二年一月的行車紀錄
|
1/1/2002〈星期二〉 Happy New Year 啊！嗚...要在鄉下中渡過啊！上面好凍啊！今日十點半就上o左車喇！！撘o左四個鐘先去到深圳，真係坐到周身骨痛。重要坐成一粒鐘火車，同埋大半粒鐘巴士先至返到屋企，好辛苦啊 ！夜晚就梗係聽叱吒頒獎禮！！好緊張啊！Kelly有三個獎啊^o^！ |
|
2/1/2002〈星期三〉 今日同阿炭去o左睇《麥兜故事》啊！今次坐E3啊！【早場好平啊！二十五蚊咋】跟住去o左唱K，唱到喉嚨痛啊！唱完K，食下午茶&行街街【又係行時代啊！】！夜晚約o左老媽買件超級暖褸褸【可以頂到零下十度o架】！唉...好辛苦啊！要寫番之前五日冇寫既日記啊！！！ |
|
3/1/2002〈星期四〉 今日成十二點四先起身啊！一起身就狂上網了！連Lunch都冇食啊！弊喇...聽日要返學喇！重未做哂功課啊！下個禮拜重要考試添，重未溫啊！點算好啊！真係要神啊...救救我啊！！！ |
|
4/1/2002〈星期五〉 放o左成兩個禮拜假 ，返學真係有D唔太習慣啊！兼且又咁早就要起身，平時的我差不多成十二點先起身o架嘛！不過又見返一班同學，個感覺都幾好o架！返埋今日學就要考試了...我寧願永遠要返學，都唔要考試啊！因為考試會令我同D同學傾偈的機會少了，同埋要早放學&同學們會好早就返屋企！【平時放學係三點半，而考試則是十二點幾！】今 日去食哈迪斯！【好耐末食過了..好味】今曰派BUSS卷，又派英文卷，簡直雙重打擊啊！！！【勁差，不提也罷！】放左學食o左杯炭燒朱古力雪榚【不過冇雲呢拿！軟雪榚一定要朱力+雲拿先至係最高享受！】跟住去0左阿媽去IDP攪VISA囉！返到屋企仍然未開始溫書！ |
|
5/1/2002〈星期六〉 八點就要起身去入境處攪身份證!由於早起的關係,所以張相影得好核凸!成個非法入境者咁!唉...重要我等左成粒幾鐘,真係悶死囉!之後返到屋企訓到差不多六點!之後就必定要去機場送機阿哥喇!夜晚有得睇叱吒頒獎禮啊!YeAh!!! |
|
6/1/2002〈星期日〉 終於開始溫中文了,下晝去左哂相。【希望快D到聽日喇!因為有得囉相!】咁聽日就考試了,希望好幸運地,識答D問題喇!不過我都要睇《大話姻緣》的大結局喲! |
|
7/1/2002〈星期一〉 今日係考英文卷E同埋中文卷二o既!咁早放學就緊係去食Lunch啦【去o左時代對面o個間新開的肯德基】!跟住就打的去了中央圖書館了【都做o左一份閱讀理解+溫左少少Buss o架】!之後就轉移陣地去o左循道衛理溫書了!大約七點九重同阿招食晚飯添啊【去o左權記食牛肉米啊!正!!】!返到屋企有相睇了【不好看的呵】! |
|
8/1/2002〈星期二〉 今日係要考英文卷B&卷A【即是作文】的!!!都OK啦【個人認為咋】!放左學,首先返屋企煮個公仔牌牛肉味米粉!跟住就唸住同霞姐去自修室既,但係屋企發生o左一D好恐怖既o野,所以最終都係留番o係屋企溫書。 |
|
9/1/2002〈星期三〉 哈哈哈!今日唔駛考試啊!所以十點先至起身!我的早餐是提子飽啊!但係咁早起身,並唔係溫書喎,而係睇番D錄影帶!由於阿爺重未返落o黎香港,所以Lunch都係自已煮【仍然係公仔牌牛肉味米粉+三粒牛丸】!下晝一點約o左霞姐響石溏咀自修室溫書【重見到Eric添】!大約五點四就去左循道衛理溫書,直至九點了。 |
|
10/1/2002〈星期四〉 今日係考中文卷一【作文】同閱讀理解啊!閱讀理解差D唔夠時間做啊!今日去o左時代食麥記啊【魚柳包餐&用薯條換左漢堡飽】【哈哈!唔駛自已煮】!食完冇幾耐!好辛苦啊!有D想嘔的感覺,唔舒服添!弊喇!重要考試架!唔好玩我喇!冇辦法啦!唯有留番o係屋企啦!續繼努力啊! |
|
11/1/2002〈星期五〉 終於考BUSS啊!完全唔太識囉!又係坐左三粒鐘!【不過都要不斷寫左三粒鐘,總算對得住自已啦!】終於捱過左一個星期 的考試生捱了!今曰終於可以o抖下啦!今日去左吉野家食飯啊【D飯好多汁】!跟住行左一陣,就同Tiff & Christy 去左皇室唔記得叫乜名既地方玩遊戲【只係用左二十蚊咋,就得到了比卡超印印餅模!不過我記得起碼叫左個度既工作人員不下五次】!之後就自已去左沙田行街街,嗚【鬼叫死炭約左人咩】!去左MUJI無可耐何地買左D野【兩枝藍筆(D筆痴鬼線!考左得o個四日試就用完)+一袋麵包(勁抵!六蚊有十舊)+西袖味軟糖】!然後o係冒險樂園企左半粒鐘望住阿婆玩跌錢錢機機,阿婆超勁啊,好多飛出!之後就不斷行行行!行到攰左之後【大約七點】,就去左SNOOPY WORLD坐左係度睇Monday!睇見有咁多SNOOPY公仔&有咁多人影相,自已都有D衝動想影相!坐左一個鐘,就返屋企了!上網上網! |
|
12/1/2002〈星期六〉 成十點就有電話打黎【係芬姐啊!】!跟住就冇訓返了!一起身就睇返噚日錄的錄影帶!睇完帶後就發現電視機播緊一套名為《巨星夫婿》的日劇,好感動啊!睇到打邊爐o個度,D眼淚已經不斷流出o黎!之後就訓晏覺,書都冇溫到!夜就顧住睇電視【睇男親女愛舞台劇,我覺得麻麻好睇咋】同上網,一樣乜都冇做到,重要考試o架! |
|
13/1/2002〈星期日〉 今日都唔知自已做過D乜啊!好似好無聊咁就過左一曰了!不過都溫左一課ECON啊!哈哈!老媽買左個新龜箱比阿龜啊【終於唔駛咁迫了】!夜晚睇《勁歌總選》,雖然有D分豬肉之嫌,但係當睇到許志安囉最受歡迎男歌手獎,佢講o既一番說話的確好感動,攪到我又感動到喊o左出o黎!!【呢排都唔知發生乜事,都唔知點解自已咁易受到外間影響,整到自已成日&咁易喊】 |
|
14/1/2002〈星期一〉 哈!哈!又唔駛返學!已經有三日冇出過屋企個大門囗,就o黎發臭了!通常唔駛返學既日子都會好遲先至起身、而今日都唔例外,成十二點先至起身,D生活好頹廢啊!【早餐+午餐=鬆榚+維他檸檬茶】不過都有一邊睇電視一邊溫書o架!快D返學啦! |
|
15/1/2002〈星期二〉 終於返學考試了!今日考的科目係中文+英文聆聽!好不易做啊,尤其是英文呢!今日亦都係最後一日考兩份卷的日子!考完試,當然就係第一時間去伊館撲 王力宏222演唱會飛【不過好黑地,去到的伊館買飛時,因電腦故障的關係,要等多一陣先至可以買飛】!唯有食住飯先啦!食完飯,已經第一時間去買,但係電腦仍然係未整好,不過最終都要買到!Yeah!!之後就同Christy去左自修室溫書【大家都好勤力,一溫就溫左五粒鐘13.00-18.00】!不過Econ真係好難啊!個頭出煙了! |
|
16/1/2002〈星期三〉 考Econ的日子係今日!但係未溫哂喎,點好呢?唯有頂住上啦!但係真係有好多條唔識答啊!考完試&食完熱狗早餐之後,就去左Sylvia屋企,大約都係下睇電視,玩DV之類的東西。大約五點就走了,跟住就約左阿炭去銅鑼灣,不過都係好無聊地由銅鑼灣行去金鐘,再行太古廣場囉!好眼訓啊,所以食食o下飯都訓着左! |
|
17/1/2002〈星期四〉 |
|
18/1/2002〈星期五〉 哈哈哈!考埋今日的PA,終於考完試了!但係一返到學就收到一個壞消息,就係星期一要返學校補考Oral。簡直慘慘慘啊!考三個鐘的PA,簡直唔識囉!考完之後就去左Pizza Hut食Lunch【食o左黑淑雞柳意粉,好鬼辣啊!食唔到啊!】!跟住就如上個禮拜一樣,去左皇室玩遊戲囉【今次唱左二十五蚊玩,換左又係比卡超雪條模】!玩完之後就去左反斗城抽蛋蛋,今次抽中薯仔&Jessie啊【薯仔好得意啊】!大約四點就約左阿炭在旺角等,第一站首先到旺角中心囉機票!第二站去囉錢【題起囉錢就真係瘀,因為我本身係恒生,但係以為 自已係匯豐,所以去到匯豐時,匯豐已關了門,當時幾傷心啊!後來發現自已是恒生,恒生而且未關門,真係喜出望外】!第三站係搵洗巿街【搵左差不多兩個鐘啊】!第四站係去永明買DV【DV其實係在睇初戀o拿喳麵時,已經想買了,終於完了心願了!不過呢個心願真係好貴,要成五千蚊】!第五站就係去食飯【去左食超大麵麵,一碗兩份食也食唔哂啊!】!部DV好重啊!拎死人喇!第六站→返家 |
|
19/1/2002〈星期六〉 朝早成十二點半起身兼目係無野做的!大約兩點就有一個哥friend黎左睇電腦!三點時Christy就打電話黎約我出黎行街!咁我裝身完一輪,四點二就出左黎了。點知就真係..跟住唔知左一輪後就同四去左七仔飲熱奶奶→同四行商場→去反斗城抽蛋蛋(巴斯光年)→行HMV→去時代行→citysuper買野食【青豆薯片+蕃薯榚】→返屋企!就係好平凡,咁就一日了! |
|
20/1/2002〈星期日〉→有相睇← 死喇!駛唔駛成日見到阿炭啊!今次又係同佢唱K啊!唱到三點啊..勁囉!跟住就去左維園同D賓賓掙位坐兼且影相兼拍Video!不過今日維園好鬼凍啊【聽講今日得十四度咋】!走o個陣時,經過名店城,見到好多人圈住,以我八卦的性格,當然去睇下啦!原來係The Lord of the Rings(魔戒首部曲)D演員在宣傳【初時重以為求其搵D老外扮D主角,睇真D原來係真人o黎o架】,雖然不大認識他們,但係都企左睇好耐&囉左男主角的簽名【Yeah】!返到屋企就要睇好悶&長的頒獎禮。 |
|
21/1/2002〈星期一〉→有相睇← 今日終於返左學校補考英文Oral了【放下心頭大石】!跟住就做返噚日差不多既野,就係唱K,不過今日係去Neway因埋今次唔係炭,而係Christy,Tiff,Sylvia&霞姐啊!又係唱到三點囉!哈哈,唱完k就去左麥記坐啊→去愛群公園仔→哈迪斯→返屋企....今日撘巴士冇位坐,兼且逼到去車門,差D逼死。死喇!計下計下,下個月既今日就要走了,時間過得真係好快,上個月的今日重係X'mas Party 之嘛!唉...無端端穿左煲都有o架,希望阿珊明白我既苦處&希望佢會珍惜餘下的日子啦! |
|
22/1/2002〈星期二〉 派左卷,突然o係我腦中閃o左一句話,就係「物以類聚」。買左好多波波吹啊!吹到塊面好鬼疼啊!又得返朱古力味雪榚咋!星座書今日真係批得我好準啊!阿毛同阿豆又行出o黎了。好眼訓啊!撘巴士返屋企o個陣時差D重『鐘』o左落隔離o個個人度添!真瘀啊!打比阿珊訴苦(但又唔可以講真正原因),卻遭受冷淡對待,究竟發生乜事o者,駛唔駛發展到呢個地步,唔通連Friend都唔冇得做!後來發現佢又比同一個人傷害,真係越來越僧o個個人。點解o架,我一早忠告她要小心呢個人o架啦!又要走返我條舊路!唉... |
|
23/1/2002〈星期三〉 嗚...終於都有返D好o野喇!今日終於要調位喇!不過只不過是調了去後面咋!Buss堂,玩飛行棋,成為大(書)家啊!今日真係好攰啊!唔寫咁多喇! |
|
24/1/2002〈星期四〉 嘩!今日返學差D遲到啊!成8:22先至返到學校【8:25之後返,當作遲到】!簡直嚇到阿媽都唔認得啊!上堂又接二連三受到英文同埋中文打擊,日子真係難過啊!上Buss堂,又冇野做喎!唯有開班會啦!甚實我係班會裏面的一個小小文書o黎o架!因為要去澳洲,所以就將此重任交左比Sylvia了【講起呢度,都有D黯然啊!話哂都做左五個月啊嘛!由初成立班會裏面完全唔識D人,直至現在十分熟落哂,都係一件難得的事!開學o個時,我真係攪唔清楚,邊個打邊個o架】!當我每次食lunch,都係一件好麻煩飯事,因為...所以。哈哈!唔駛上P.A堂,皆因我地去左太古汽水廠參觀,好耐未去過了【以前老媽在暑假會經常同我報名去參觀o架】!參觀汽水廠,得到了一枝青蘋果味芬達+禮物包!參觀完之後,就撘車去o左新城市行街街,大約六點三就歸家了! |
|
25/1/2002〈星期五〉 Happy Friday!!!咁快又到o左星期五喇!都話o左我係好鐘意返學o架喇!頭o個五堂,好鬼悶啊!不過捱過o左呢五堂,就可以同阿湘食飯喇!^.^!今日就同o左阿湘、Apple、芬去吉野家Lunch!好耐冇見過阿湘喇【阿湘係我的中學同學,o係中一時,我已經同佢同班o架喇!同佢做friend,真係好舒服!o係我銀包度掛住o左一隻Thomas,而o係佢銀包亦掛住o左Percy (Thomas既Friend),呢兩隻o野係我地一齊買o架,佢地本來就係一套o黎o架,好開心可以每人一隻啊!希望我同佢可以永遠咁掛住Thomas & Percy啦!】!所以今日好開心啊!今日上P.E堂時,不斷同Irene打乒乓波【打左差不多兩堂】,好耐未試過打得咁爽喇!放o左學,同芬&湘行街街啊【阿芬為左打排球,而成五點先至到啊!】! |
|
26/1/2002〈星期六〉 今日成一點先起身啊!起身就睇電視【電視流程表--彩色世界→巨星夫婿→堂本兄弟→TOKIO小子心理攻略→撻出愛火花→小肥肥一族】!睇到隻眼好鬼痛!原本初左阿媽去買野,最後都冇去了! |
|
27/1/2002〈星期日〉 終於又到左星期日喇!今日一如以往o係十二點起身,大約一點就同左老媽響銅鑼灣買o野!買o野行程大致如下--到各大電器公司格手提電腦的價【好鬼貴,部部都要成萬銀】→去左izzue買衫【勁平啊!減o左價兼且買二送一,三件衫都唔駛四百蚊】→Bossni買冷衫【呢Do野就緊係比阿媽逼買o架啦!】→皇室堡的電腦商場格一部型號為NEC Versa Premium的價→行返去灣仔永恆買睡袋→去修頓對面的大家樂「烚吓烚吓」(肥牛什錦鍋)【熱氣死了】→返家! |
|
28/1/2002〈星期一〉 新的一星期又開始了!今朝早粒鼻瘡爆o左,D血係咁流,真係嚇鬼死囉!又有三堂P.A,我當然唔會放過呢過機會畫公仔啦【今次畫o左工廠的平面圖】!講起食Lunch就....「哈!你都幾好笑o架喎!」,四條友去Neway唱K,竟然間K房有成間班房咁大,真誇張喲【不過略嫌時間太短了,不夠喉啊!】!放o左學就去o左配眼鏡啊【有好多人陪我配眼鏡啊!數下先...有五個啊!個視光師都好細心&好人】!跟住去萬寧搵阿炭【以為佢收o左工,原來何今日收五點啊!仍然係買利口樂香草橡皮珠】!→七仔→萬寧→豐澤→又撞到阿炭&陪佢食飯直至七點! |
|
29/1/2002〈星期二〉 今日好X啊!第四五堂又唔駛上,但係要聽個好悶的講座,簡直悶足兩堂啊。放左學就去左中央圖書館附近的排球場睇我地班練波【皆因我地班參加了班際排球比賽,並且明天放學就要比賽喇!加油啊!】!大約五點三,芬姐便嗌住要走,咁我就跟左芬去金百利搵阿湘了!同阿湘行到六點幾就要走了【多謝阿湘 在世貿七仔請我飲手提利賓納】!哈!今日阿爺終於返了,差不多有成個月冇見阿爺了!開心死 |
|
30/1/2002〈星期三〉 的撘!的撘!終於今日撘返電車了!因為之前懶的關係,所以日日都撘小巴,小巴真係好死貴o架!成十蚊位..撘窮我喇!上PA堂勁玩Sylvia的好易通,兼且...哈哈哈..哈!同芬芬去o左小巴黎食Lunch喲.哼!唔要作英文作文啊,乞人僧。放o左學之後,我地班就要進行排球比賽,但另一方面我就同招去家政學會整日式草餅【在二擇其一的選擇下,唯有整餅啦!鬼叫D時間撞到正咩!我都想去睇o架!唯有在家政房的窗口「裝」啦】!最後我地班輸了,但係唔緊要啦,最緊要係盡了力就得了,6C班永遠o係我心目中也是No.1!跟住就同Christy、霞姐、Tiff&四去o左世貿的麥記 食o野【多謝Tiff杯走花生多士多啤利醬的雪榚喎!連續兩日o係世貿也有人請我食o野啊!哈哈!】!返屋企時打破o左我的過住記錄,簡直千年道行一朝喪--呢樣o野就係響巴士度訓o左,重要唔知醒落車,不過好彩只係飛o左一個站【平時就算係訓着o左,不過只要在落車前一個站,就必定會自已醒返o架】! |
|
31/1/2002〈星期四〉 再見一月了!下年見.ByeBye!撘電車時作文啊!唔知點解,我覺得呢個禮拜過得好漫長啊!三堂的中文堂 真的好難捱啊【不過在作文】!唔知寫乜好添!算把啦!重有今日囉身份証&做無聊o野&又撞到阿炭! |
