二零零二年四月的行車紀錄
|
1/4/2002〈星期一〉 就o黎放假放到死左了!今日10:30先至起身,個頭勁暈啊!之後又同Roshni(印度囡囡)玩Card Games啊+去佢的房畫公仔啊!食完Lunch後又玩,之後便來個午睡【因太頭暈了,頂不順】!訓到7:00了,果然冇咁暈了,沖返個涼,便有得睇Friends喲!再之後便吃Dinner~~再睇下電視,再做下D無聊野便訓了! |
|
2/4/2002〈星期二〉 今日終於開始返學了!一早得知香港那面的霞姐、Tiff、Christy、Sylvia&4有很多節目啊,真的很羡慕啊,有咁多野攪!所以今日就早D出街去Melbourne Central打電話比霞姐,等佢報告一下在做什麼啦!【冇得參與,都要聽下丫嘛】,原來霞姐撘緊電車啊!【我由佢撘電車,居然講到佢去到油麻地啊~~勁啊!】Christy、Tiff+Sylvia重到左添!哼!要返學添~~等我lunch再撥電話先,有lunch time時,我急急腳吃過我的三文治,便又在傻笑,阿Ron又話我:『喂,咁好笑啊,知你有很多時間煲「祝」喇!重唔去!!!』總知勁好笑啦!!!咁我又即刻衝左去電話亭打電話,誰知霞姐的手電打不通呢,再試下打比Tiff啦!通了..hee.hee..佢地啱啱打完保齡啊!佢地重話Christy將個保鈴齡返轉頭啊,真係幾得意啊!不過講到興起的時候,突然後面有人等電話用喎,我為免被人打,所以我唯有收線,用另外的一個電話亭再打啦(要比多0.4)~~慘~~佢地呢次正前往九龍城唱k呢,看來今日的k舖也爆滿人呢!!唔知今日有冇位呢!【呢個呢候,電話突然cut線&我的lunch time也差不多時間完了】上返去student common room,正見ting kee佢地好努力的準備緊lunch time後的presentation,今日的Topic係早我地choose一個你最想去的地方&講啊!【煩啊!成日都要present】其實呢一個都不算是什麼presentation,因為只係講比一個classmate聽--3 mins 另一人--2 mins 自另外一人--1 mins, same topic啊!但係明天就在一個大大大大的presentation→o羅我的小命咩→死了,個topic係pollution in my own country(HK)啊,識鬼咩→死多次,唯有見步行步啦!又到左break lu,再撥多一次電話先,佢地現在正在唱k呢,不過不在Neway,而係Energy啊,換言之冇ke11y D歌啦!重要撞正佢地唱緊「流星雨」喎,問你死末~~重有G for Girl啊,我都識少少啦!死喇,後面又有個死佬等緊啊,有冇攪錯啊,行過幾步未有電話亭o羅,做乜成日有人等o架,我唔用o個陣又冇人用,為免被人斜bear,所以又唯有立即收線啦!誰知佢又是用不到一分鐘→再死→激死!!!終於又等到放學喇,開心死啦~~再跑去Melbourne Central撥個輪先,佢地又唱完k了,正在信和買「F4」的相呢...佢地口講話只有christy買緊,話唔定Tiff、霞姐.........4都.....哈哈!Tiff重報告話Kelly上左日本雜誌啊,有六頁啊&Kelly出左隻新CD→兒歌!電話不斷傳的→Tiff→Christy→霞姐→4→但當同四講緊時,突然斷線,之後都有再打比Tiff,有人接啊,不過係→電話暫時未能接通....!所以之後冇再打了!值得一提的是,在講電話途中,見到Pima奔跑趕火車啊!在撘火車時,當出左隧道後,發珼天都黑齊了(夜晚了),我忘記左個鐘較慢左一個鐘啊,嚇死人啊,個天咁黑!!!返到去又要準備明天的presentation lu!祝自己好運啦!Good Luck!!! 【P.S.今日一共在電話亭打了七次電話啊!!!7x$0.4=$2.8→HK$11.2】 |
|
3/4/2002〈星期 三〉 o尋日一早便訓了,所以今朝先至寫份講稿啊!在break之後,終於要講了,真係死了,天生細膽,死o羅!D pronunciation勁唔得啊!!不過都OK啦,但我又要成日睇張貓紙!終於捱過了!開心死!重要住多聽日便要返Grace屋lu~~有D唔捨得間大屋添【貪慕虛榮^.^,我都有買D禮物比佢地o架!heehee】 |
|
4/4/2002〈星期四〉 今日生活平淡啊!但係到左夜晚就開始皮膚敏感啊!好恐怖啊,自已睇見都驚了!都唔知點解啊,好驚啊..死喇!好在Pima積極幫我揾辦法啊,例如見我食生果,飲多D水,飲蘋果「澡」,搽tea tree oil啦.....都定D,希望明天好D啦!冇晒心機了! |
|
5/4/2002〈星期五〉 諗住好D啦!但係都係差唔多,好想返香港啊,如果在香港會定D,真係好驚啊!幸好Roshni今朝帶左我去睇醫生,個醫生打左枝針後,過多一陣就完全冇事了!之後就因為今日係最後一日留在印度家,所以就拖住一喼喼野去Pima office了!之後就返學!放左學又去返office拿行李!真係有D唔捨得Pima家啊,佢地真係好好啊,好關心我啊!返到Grace家,就見到有好多信啊!【有芬、四、tiff+Christy+霞】 到夜晚諗住online on通宵架,但係D皮膚又起了,唯有即刻訓覺啦,希望明天冇事! |
|
6/4/2002〈星期六〉 今日一早起身了,點知又開始起了!立即食一粒藥,之後又冇事了!後來更上左網好耐添!【見到4、芬、Irene、Tiff】重同TIff netmeeting啊,但係因為我只是50.6K,所以好慢,激死人了..最後頂不順,所以打電話了!傾左一粒鐘後,再接力打比霞姐了!因為今日有人來聚會,所以Grace拎飯入o黎比我食啊!今日由十點上網上到零晨四點啊,勁!唔記得講,共用桌面好好玩! |
|
7/4/2002〈星期日〉 今日本來冇食lunch的,但臨走時阿grace比左個朱古力蛋榚我食啊!之後便去了city了!今日勁驚喜啊,因為在Target撞到以前中五的同學,不過我就做左呢生人最廢的事--就俊忘了交換電話!【但係見唔到阿蕭,有D失望添!阿蕭亦係我中五的好朋友!原來佢地已讀緊大學Year 1了,而我就....】到city本來睇戲的,但係...總之冇去啦!又去左yoyogi食飯,又係那個位了!哥之後重來左我家坐添!上網啊!本來今日有得去park ga....唉............ |
|
8/4/2002〈星期一〉 Andrea終於返來了!希望今日返學冇皮膚敏感啦!哈哈!今日lunch竟然一大班人去左supermarket買野喎!重要係買洗頭水啊!呢D野在香港同朋友點會做架,好搞笑!明天要再去啊!好彩地,乖皮膚冇人發作了,希望keep住啦!今晚上網上到兩點半啊!眼睏死了! |
|
9/4/2002〈星期二〉 Andrea又病左了,又找人代了課!死喇,現在每個禮拜都要睇一本書啊!星期四要交Book Report了,但係仍未睇!要一定在今晚睇左佢先得,唔係就死硬了! |
|
10/4/2002〈星期三〉 死喇!明天要交book report + journal + vocab. ar!書都未睇,實行睇通宵啦!點知真係通宵o羅!希望下周可以早D做晒啦! |
|
11/4/2002〈星期四〉 終於做完D功課了,昨天做通宵功課啊!好辛苦啊,要成六點先有得訓啊!終於交到了,成身鬆晒了!但今日上堂睇戲時,竟訓着左呢,好彩冇比人發現啊!返屋企上網,後來真的頂不順了,重亂咁打字比christy & tiff 啊!好似痴左線的!!! |
|
12/4/2002〈星期五〉 今日同赤柱講開佢鐘意聽D乜音樂,嚇然發現佢同Tiff都一樣,佢鐘意日本的Indies Band啊!佢重講左好多我唔多明的東西比我聽呢!放左學,因為要從哥那兒拿回相機,咁順便未同同學出去食飯了!食完飯重周圍影相啊,嚇死隔離了!回家後,諗住send完個極長E-mail之後,便訓覺了,但係臨訓之前,竟發現Tiff and christy上網啊!咁我就同Tiff講關於赤柱D野,咁啱赤柱又on-line喎!咁未有時tiff問下赤柱野,赤柱又問返tiff野,咁我就做左中間人了^.^!後來今日仍是三點訓! |
|
13/4/2002〈星期六〉 唉..噚晚好夜訓,加上今朝要早起身去參加活動,所以有好大的黑眼圈!好攰啊!今日原來只係得個行事,所以都頗悶啦!重有啊,今日見到好多蝙蝠啊,嚇死人了!去完之後,就去食lunch!同二個日本女仔+一個日本男仔+Zoe食上海野呢,都十分好食!【D日本人好勁,走的時候,連一滴湯也沒有剩!】之後重去左食甜品呢,食左cheese cake啊,好食!再之後同Zoe行多一陣,便返去了!返到去上網,見到Tiff喎,佢教我認Due'le quartz D人添!【有kikasa,sakito,miyabi&kazuki啊! 】好似傾左好耐咁啊!今晚仍然有同Stanley哥傳遞訊息呢!真的好攪笑啊!哈,三點訓啊今日! |
|
14/4/2002〈星期日〉 今日訓到成兩點啊!終於充足晒電了!但係今日仍係於電腦世界中渡過!勁上網!居然聽晒成個禮拜的《森美小儀dot dot dot》啊!攪到進眼好疼!要做功課了開始! |
|
15/4/2002〈星期一〉 終於都係趕不切交的!今晚一定要做晒啊!今日放左學去超市掃左一包勁大薯文+汽水啊!好野,有排食!本書重未開始睇啊!今日收到Irene寄比我的森美VCD了!真係多謝晒,Irene真係好快手啊!但後期發現tiff亦買左比我~~噢!Anyway,真係多謝佢地咁好啊^o^!睇o黎我現在send e-mail已成了習慣了,因近排勁send 啊!今晚上網,上上下跳左上床訓覺啊,掉低左tiff and christy添! |
|
16/4/2002〈星期二〉 今日的雪櫃將D食物雪到石頭咁硬!所以D麵包裏沒有夾東西啊,只好夾果占啦!同埋食昨天買的薯片!今日又收到阿媽寄左成個月都未收到的卡+MD啊!唔得喇,一定要睇書了!死喇!今日聽小儀話那個jock的e-mail係病毒啊,死喇,開左添,中左毒啊,又冇防毒軟件,我唔想死機啊!唔想冇晒D野啊,本來想睇書o架!點知整左成晚機!咁黑o架! |
|
17/4/2002〈星期 三〉 今日一返學,就不斷問人點整電腦啊!個個都答D好廢的答案囉!算啦!今晚自己諗辦法啦!返到屋企自已再update返個Norton Antivirus,咁終於都鏟走左D worms了!一天都光晒!再上網再搵virus啦,嘩,重搵到啊,再再再再delete晒佢地,好野,唔駛死機了!但因攪機攪左成晚,所以都冇做功課,唯有上網抄book reports啦!重有另外的,明天先做啦! |
|
18/4/2002〈星期四〉 好彩趕得切!交到了終於!個個星期四都係咁!今日lunch,我發起左一個薯片基金,只每人夾一些錢,來買包薯片,好好笑啊!大股東係Ron呢!放左學,就去左買盒子同麥【用來做早餐的】啊! |
|
19/4/2002〈星期五〉 痴線的,「衭」眼鏡居然爛左啊!成朝早睇悟到野啊!攪到眼疼眼!Rosh(代課老師)重囉左佢的老花鏡比我試添,不過當然係唔啱啦!咁唯有在lunch time的時候去眼鏡整啦,終於整返好了!今日係好好的下午啊!放左學,就同Sudi & Ron & Stanley去食dinner啊!死仔Ron重同我撞飯食,成日同Stanley講埋D衰野!食完飯就去左Ron屋企坐,佢間屋的門口,lift成間洒店咁啊!要用D電腦card去開門,開lift, D卡只可以去到佢住o個層,其他唔得的!之後重在他的家影左好多攪笑相,痴線o架!今晚要早D訓,因為明天要去騎馬啊! |
|
20/4/2002〈星期六〉 六點半就起了身了!大約八點三就回了學校門口等了!妖,又要等人,D人成日遲到,等左成九個字了!正八婆啊,又唔起身!之後就 撘車出發去騎馬的地方,原來都要撘差不多一粒鐘車o架!去到了,見到D馬唔係吒掂喎!重要戴D好臭的冒添!終於上左馬了,但隻馬好似好肚餓咁,成日烏低頭食草啊!激死我了!重整到我隻手好疼啊!死馬!之後就出發去樹林了!D馬慢慢行都冇乜所謂,但係一跑就真係嚇死人了!好鬼驚由 馬跌下來啊!由於隻馬高,所以我個頭碰到D樹枝,佢跑時,重連環撞樹枝添!嚇死,有D拍笑片的感覺!三個鐘的馬程終看過左了,真係好辛苦啊!大比內則好疼啊,行唔到路啊!lunch就去左間pub食,有D似金田一的殺人場境咁啊!有火爐的!唔識D英文餐,唯有叫瑞士人叫啦!味道都不錯!食完之後,就去左洒廠去試洒,我試左兩種洒之後都冇試了,因為覺得好苦!【我從來冇飲過洒的,噢!咁就飲左第一次了】回程之,在車上訓了覺呢!原本諗住等埋D晒相呢,但係都唔好了,明天先拿啦!上網見到4呢! |
|
21/4/2002〈星期日〉 死喇!落床時好辛苦啊!周身骨疼啊!已訓到下午兩點,就係咁!breakfast + lunch就成了一餐了!唯有唔多「沃」啦,坐在凳上上網啦!隻眼好疼啊!Grace就教我浸熱水,咁又真係舒服D喎!夜晚又見到Christy + tiff在趕geog project呢!好似做左好耐geog project都未做完架!我亦在趕功課呢!今日亦有同招用netmeeing傾偈啊,好耐冇同招傾了! |
|
22/4/2002〈星期 一〉 今日去拎D相,都影得不錯喎!但當跑返學校時,仍然係周身骨疼,跑唔到呢!幾時先好返o架!今日聽Andrea講,話下周會調班(SKUS 2)啊!由於兩班都唔夠人喎!好唔捨得Andrea,佢真係好好呢!我地成班都冇晒心機呢(除Ting kee,因她下周已走了)!算啦!唯有好好珍惜呢幾日啦!放左學後,去左買電話咭,因為今日晒相,有張discount card~~10% off wor!!!本來以為可以買多張的,所以叫埋stanley去買,但後來發現只可買一張呢!重好樣衰地認錯左一名顧客為賣東西呢!!!樣衰!!!今日打左比4、霞、tiff、christy添! |
|
23/4/2002〈星期二〉 D功課...做唔晒...明天先交啦!今日同SKUS 2合併埋一班添!因為有好多人今日去左考試啊!好唔慣o羅,同另外一班一齊上!明天係Andrea最後一日,我一定要做好D功課,交左佢啊,就算唔訓都要做晒佢啊!但係因上網,冇心機做添! |
|
24/4/2002〈星期三〉 明天有假放,萬歲!今日要好好咁上堂啊!在最尾上堂的一個鐘!Andrea同我地玩遊戲啊!哈哈,我好似好勉強笑得,佢用好多紙一層層的包住一份禮物.而每一層紙都要一個問題,如果呢條問題的答案係符合我地某一個,咁就會傳比佢,繼續進行吧!最後由sudi勝出!重有另一樣就係貼Donkey尾巴,個個貼時都好攪笑啊!笑死喇!開心過後,就離開學校了!回家吧!今日把左比芬姐啦、炭啦、重有爺爺啊!D電話費好平呢! |
|
25/4/2002〈星期四〉 今日放假啊!成兩點先至起身啊!上住網真係做唔到功課的!所以今日都冇做啊!算把啦!都係自已懶啦!要改下呢個壞缺點了! |
|
26/4/2002〈星期五〉 好彩朝早起到身,都做得晒功課!好開心啊!今日係ting kee and Rosh(Miss)的last day啊!都係咁啦!放左學之後就去左食飯,食台灣紅燒午肉麵呢!都幾好味!食完後,重買左杯「黑社會」奶茶呢,裏面有涼粉啊!好攪笑地,那兒寫用澳洲鮮奶,我心諗澳洲當然用澳洲鮮奶啦,如果用香港鮮奶,我幫佢買成打添!之後就去左Ron屋企講是非添,佢同stanley成個八婆咁,講到口乾啊!返到屋企後,就上網用語音交談,嘩!一講就講到第二朝七點幾啊!中途都有停的,因為我要沖涼、洗dishes!重有加插同christy嗲呢!好耐無試過講咁耐「電話」了!好攰但好開心^^! |
|
27/4/2002〈星期六〉 由於今朝先訓,所以一訓就訓到下午四點了!嚇死人啊!點知一起身,又見到tiff啊!超勁啊!好似重對得多過平時在香港返學的日子添!之後就開始寫那五篇的learning journals了!加油!很難完成得晒啊!o羅命咩!今夜好早就訓了,因明天我左中五的同學聚一聚!要早D唞! |
|
28/4/2002〈星期日〉 今日約左connie and joyce在nike shop 門口等!嘩!隔左成兩年冇見,D樣好似唔同晒似的,D話題又好似少左!不過都好開心見返佢地啊!不過只是聚了兩個鐘,之後便返左屋企了!我地相聚係去左食茶餐,食左忌廉酥皮雞肉XX(有兩個)+沙律+凍檬水【好飽啊】!死喇!返到去又要食飯,重要係勁多的,又唔好意思唔食啊!但在洗碗的時候grace就同我講食完飯要講thank you,因為呢D係西方禮儀喎!好尷尬啊!!! |
|
29/4/2002〈星期一〉 |
|
30/4/2002〈星期二〉 |