二零零二年五月的行車紀錄
|
1/5/2002〈星期三〉 今日返左去,原來o尋日係冇presentation的o架!又死多一次了!今日那個Lisa要我調難Stanley and Ron啊!因為廢事我地講Cantonese喎!但我調了去的隔離人又係唔同我講野!咁即係....lor..!!!好悶啊,我要Andrea啊!今日lunch time又去左買洗頭水,又買左棉花糖大家一齊食!不過好似硬左少少! |
|
2/5/2002〈星期四〉
終於今日又係Toni教返了!明天所以要debate啊!所以要準備一下啊!但返到屋企豪無頭「水」啊! |
|
3/5/2002〈星期五〉 今日debate個辦題係'Nurture/Nature is more important in determining a person's intelligence than Nature/Nurture',而我那組是支持Nurture的!但講稿也是今朝寫的!但我不知怎樣也能唔望紙,因我全程也是望紙照讀!中文我也冇可能背得晒啦、更何況係英文!但其他人又得ga!如果只用point form,我又會唔知講左D乜出來了!唉..蓬親對住一大班人講野,我就會好緊張!中文英文都會!但係D人又叫我放鬆!車...天生的嘛!之後又出左去食dinner&飲奶茶!但返到屋企收到一個好得人驚的消息,那就是上個月的上網費係AU$267,即是成千蚊港紙,都唔知會咁貴的!點算好啊!咁貴,好都唔好意思話比阿媽聽啊,實鬧死!唯有呢幾個月慳D洗啦! |
|
4/5/2002〈星期六〉 o尋晚都成日諗D上網費!但今日都係上網渡日子!但今朝我上左去香港電台聽英文會考呢!感覺真係好似在考緊試啊!在此希望芬在今次考試會大pass la,其他的朋友仔也要勁呢!今日Grace全日都不在家呢! |
|
5/5/2002〈星期 今日一起身就洗衫、吸塵!好忙啊!Grace又不在家了!所以都唔想出街啊!電視個個台唔係講踢波,就係其他sports!悶死了,唯有寫返成個禮拜冇寫的日記啦!食下野先!!! |
|
6/5/2002〈星期一〉 終於真係Victoria教返了!太耐冇見了...真係吖....!一到左今日的夜晚,唔知點解呢,D心情極down!好慘啊!好彩christy在o者!如果唔係就真係死左了!夜晚一個人孤拎拎係好慘的啊,由其是上網又冇野做喎!又冇心機做網頁!有時真想可以打下電話比人傾下揭o架!以前多數係打比珊的,但宜家大家也各有各自己的生活圈子了!炭呢,其實朋友呢D野唔駛成日搵的,只要大家心裏也有對方就行了! |
|
7/5/2002〈星期二〉 今日有D人去左上第二班(逢星期二)!所以今日好少人上堂,只有十個左右!另外又有一個新的阿拉伯(oman)人加入!不要啊!痴線!呢幾日真係忍住口冇食零食啊!各人也為著錢的問題也煩着呢!其實我係鐘意少人的班呢!冇咁大壓力卦!快D做功課、快D放假就好了! |
|
8/5/2002〈星期三〉 痴線的!今日無端端個火警鐘響了,好彩是誤嗚的!冇事的啊!而且又有...(唔記得今日有D乜事了,後補的日記啊!) |
|
9/5/2002〈星期四〉 有測驗啊今日!首先做下MC先啦!原來一條MC可以有1-3個答案的啊!如全中先有一分,中一半只得半分!所以只係拿到20/30!想拿高D的啊!不過算的是了!之後的grammer就不過不失啦,不過都係有D唔得太對得住自己了!重有writing tim ar,但未有評分住,希望都不差啦!心情終於有D好轉啦!!! |
|
10/5/2002〈星期五〉 好耐冇試過好似今日放學後的生活了!好鬼開心啊!在break time,有classmates問放左學後去唔去睇戲,我之前都冇架,諗住冇money ar ma!但諗諗下都係去了,因都係冇幾可!我地去了crown睇《mean machine》,唔知係乜戲啊!睇之前,我同ron and stanley就坐了在crown外面的茶座,我們食壽司呢!【雖然今晚有D凍,但crown外面的夜景真的好靚,對住條河添!今晚重有火噴!為冷冷的晚上增添一份溫暖呢!】食完了都大約八點了!我地約左其他人八點十五分等呢!當其他人也入了場時,我地三人本來諗住入去時,見到那個有錢阿拉伯同學,咁冇理由人地正在等佢在厠所的未婚妻,而我地又入去先!所以等埋佢個未婚妻先至入去啦!在等途中,佢請我地飲勁大汽水【我地異口同聲地說「乜都值啦」】!套戲都OK啦,雖然都唔係太聽得明!睇完都十一點了,我冇跟佢地去飲野啊!好眼訓啊!今日真係真係好開心啊! |
|
11/5/2002〈星期六〉 |
|
12/5/2002〈星期日〉 本來都冇乜諗住出街了!但阿媽一早打來,回哥帶埋我去飲茶,但我那時仍未刷牙洗面!在此講返句Happy Mother Day sin~~!所以我出到去,佢地(my brother and his classmates)都吃完了,所以自己買左杯珍珠奶茶當breakfast and lunch lu!之後就去左outlets睇野,本來都冇諗住買野了【因之後的上網費問題......】,而且我都唔鐘意nike or adidas d野!但我去到converse時,本來D野都係勁貴了,但見到有綠色的converse只是AU$9.95咋,所以都係表唔住....買了!之後就去左食壽司,繼而回家了!但D手卷太早吃了(6:00),而且又冇見dinner,所以好肚餓啊夜晚! |
|
13/5/2002〈星期一〉 係,大家好!今日唔記得帶Writing file啊,死得了,不過好彩冇事!明天一定要記住帶啊!今日襯住食lunch食得早,去了就結業的大丸看東西,睇玩具啊,勁想買啊!又比人話痴線了!放左學又有D凍添,好凍啊!今日睇下這箱,都係冇christy寄比我的信喎!哈,但christy今日講比我聽佢寄比我的信彈回頭啊,做乜同我上次那封寄比佢的信相同命運o架,我地真係有D溝通上的問題啊!部電腦的ICQ死了,好煩啊~~ICQ ho important ga,重要係我最常用的account死了!唯有將去uninstall and 再install la!!不過D history冇晒了,唔開心啊! online時,見到芬姐,我重唱生日歌呢! |
|
14/5/2002〈星期二〉 唔得了!好多日冇寫日記了!就o黎要變週記了!今日本來諗住八點起身沖涼、做功課、洗衫、食早餐!但真係好眼訓,所以十點先起到身!時間只足夠我去整早餐同洗衫,最後連整三文治的時間也沒有了!今日重要早D返去學校print野o架!好忙啊!lunch去了Melbourne Central買麵包呢,順便行一陣街街!雖然距離返香港重有一段未知同有排的日子,但唔知點解,我宜家去到邊,見到D得意野,就想買來送比人了!就算冇錢也要買啊!今日的班房好少人,好開心啊!近排痴左線,見到人食零食,自已又想食了,好似中左毒,重周圍問人o羅,好彩今日Ron有糖o者!不過break我又去了七仔.....!返到去,Grace話我知那個男人不來了,換來了一個woman【暗喜^^】,咁就唔駛煩了!今日係芬姐的生日,等我講返句Happy Birthday先,所以我打打比芬芬呢,同場加影的有阿湘【好耐冇見】!部電腦又開始死死地了! |
|
15/5/2002〈星期 三〉 今日一彈起身,就已經是十一點八了!之後拿拿臨換衫就衝左出街了!牙都冇刷,早、午餐都冇整就落左街了!儘管我如何跑,也是無法趕到四十八分的火車的!所以最後撘了十二點零八分的火車,返到去都十二點半,遲左半粒鐘啊!食lunch就出左叫外賣【呢期冇乜錢的了,但重用得多錢】!放學時,因去了chinatown,而且下雨,而且掠左D衫出去晒,所以返到去又濕晒了,唯有用暖爐「漢」返乾啦!好凍的! |
|
16/5/2002〈星期 四〉 一起身一開門口,就見到霞姐、四、tiff、christy寄來的包裏了!雖然唔係好夠時間睇清楚,但我都即刻入返屋拆!所以好衝忙地拎了兩張字條,咁就走左了!【因那時已是十一點四了】但在火車睇時,真係比霞姐D字笑死了!返到去又係咁笑,真係又嚇死人了!放左學又去左行Myer行,重買左糖添,好食好食!當晚就睇了佢地寄比我的《五個撲水的少年》,都幾好睇喎,笑死了!不過明天要度問題啊,煩! |
|
17/5/2002〈星期五〉 Happy firday~~好耐冇講過了!又差D遲左起身添!今日又o羅左個report了!只是有小小起色呢......【speaking 4-→4 writing 4-→4+ reading 4+→4+ listening 4-→4】!心灰意冷了..比佢extend ga la~~suen la..預左了!!放左學本來去睇戲的,但我又唔想睇star war喎,所以令ron and stanley勁掃興o羅!無辦法啦...冇錢!食完飯後,我又叫佢地陪我通街拍Dv了!超搞笑!走左好多地方啊,但今晚超凍,拍到流鼻水啊!但好好玩呢!今日又買左好多錢,但好靚的野啊,超靚啊! |
|
18/5/2002〈星期六〉 嘩!今日勁凍啊!所以凍到都冇出街啊!但今朝一朝早就被grace叫了起身呢!因為那個要照顧我的女人要來呢!大家見下大家面啦!見到佢了,我諗都幾好人卦!之後我就唔知做左D乜啊!我諗做下功課,上下網,咁又一日了! |
|
19/5/2002〈星期日〉 仍然係超凍啊!仍然係冇出街啊!煮左個麵食,咁就充當左我的早、午餐了!重有食左一包小餅、小薯片同埋維他奶的!朝早都仍然係游手好閒的!但係到左夜晚就不停做了!做到第二朝八點呢!坐在窗前,睇住個天係咁光呢!但最後都係............要訓一訓了!八點一訓,訓到十一點,差D遲到啊!【完全覺得自已返學返十二點係件好彩的事,如果唔係就死梗了!】 |
|
20/5/2002〈星期一〉 成朝烏下烏下添!上堂又教埋D心理學野,對呢個topic冇乜興趣啊!悶死了!放左學就去左唐人舖買零食【一包餅、藍毒酥、蝦條同埋一包牛肉味米粉--至愛,有睇開過我的行車紀錄,都知道我在香港勁鐘意呢隻米粉的了~~~正】!但今日撘火車好鬼黑啊!平日係撘開6:17的火車,但今日要買野的關係,已經本來想撘6:57架,但係我可能顧住食野啦,冇聽D宣報啦,所以可能班火車早左到,咁我就在唔知的情況下走左班車!一等便要等到7:32先有車了~~~~>_<~~~~ |
|
21/5/2002〈星期二〉 總於訓返夠平喇!精神百倍啊今日!唉~~~本來今日break的時候,有人請我飲「忌廉咖啡」的,但我只係飲左幾啖,就唔小心「冼」一「冼」腳,咁就倒晒落地了!重要整到成腳都係添!【人生第一杯咖啡,咁就冇左了!】今日又落雨了,呢幾日成日都落雨架!最憎啊! |
|
22/5/2002〈星期 三〉 哈!今日終於都有去返噚日的地方買返杯咖啡了!今次友跌瀉了!D味好似怪怪的!朝早時又去了myer買我最愛的那一隻fruit XXXXX糖糖,超好食啊!但居然今日比阿Vinh發現左,要我在lunch幫佢買,不過冇所謂啦!幫佢買左佢又開心jel!!順便去埋陪stanley寄包裏比佢囡囡lor~~the end~~(後補的...絕密寄了信比christy!因我同christy d信成日彈返轉頭,比D surprise jel~~heeeeeeeeeeeeeeeeeee) |
|
23/5/2002〈星期 四〉 好亂啊!今日D時間表調到亂晒~~~煩啊!lunch得返half an hour ar!!!
但break因多時間的關係,所以去左myer買冰冰啊,不過太甜了!今日係korkwong lastday喲!所以大家去左crown食自助餐啊!平啦...just $10...食到好飽啊!呢班真好,成日有活動,超鐘意,勁鐘意!返到去都只不過係九點jel~~但又話比grace聽返去留飯,所以唯有pack好當明天的lunch la!!(後補的...絕密寄了信比tiff!勁多野今次,逼爆左信封~~chi sin~~~~~~~~~~~~~~~~~~~~~~~~~~~~~~~~~~~~) |
||||||||||||||||||||||||
|
24/5/2002〈星期五〉 一朝早起身聽到有女人喊,咁未起左身了!不知何事的頭頭!但後來見到grace抱住係咁喊,咁我就知發生左乜事了!死了呢....我都唔知點去安慰佢好啊!隻貓佢養左都有七、八年了!不知為何噚晚冇返來食dinner之後,就連今早也沒回來!grace話可能係比車撞,撞完之後可能凍得「濟」...死左!我噚朝早先見過佢之嘛!今晚grace又要撘夜機返去英國了!真係好巧合o羅!都唔知呢D係唔係上天的安排啊!好奇妙!hehehaha,今日在icq見到久未露面的har姐啊!chat一chat sin~~ |
|
25/5/2002〈星期六〉 約左Stanley & Ron出來去outlet!又係lunch+breakfast係珍珠奶茶喲!!點知撘錯左車添!不過都係唔係差好遠的!但在千錯中,竟因為ron要去借toilet,而入了去melbourne museum,裏面有間賣紀念品的舖,裏面有好多得意野啊,所以又忍唔住手,買左D野了!之後就真真正正去outlet了!不過D野同上次差不多,所以都冇買到野,不過我見到一D無畏野想買o羅!行到六點時,D舖頭也要收了!咁就去左附近一間燒雞店食飯啦!每人也吃了四分之一隻雞,味道都不差啦!過得去過得去!後來更去了saftway買野食(糖)呢!--->返屋企了--->online! |
|
26/5/2002〈星期日〉 因為噚日出左街,所以今日stay at home la~~做做做dictionary & task sheet wow!!!不過仍未prepare presentation喲!lunch就食grace為我準備的食物【佢臨走前整左好多餸,不過放晒落冰格的,可以食到成個月架!不過只係在Fleur不在家時,才叮來吃,因fleur只會煮4 meals in 一個禮拜!】!之後都冇乜野再想做了!好悶啊!一個人在一間屋裏面! |
|
27/5/2002〈星期一〉 死左了!今日又要有presentation ar!! The topic is "What can't money buy?"!我又未prepare好喎!本來想在saturday & sunday prepare ga~~不過又因為要做其他野喎!所以連今朝都未prepare ga!不過我今朝在床上,已經口嗡嗡咁試下自己可以講到幾多lor~~都講到幾多ga!本來都唔係太想返學架咋!heee,不過最後都返了!估不到在lunch time前就要start了!好彩未輪到我jel~我在lunch之後啊!唯有在lunch prepare la!出場了,都OK wor!不是太差o者!但自己也不知自已左右移動喎!對住多人講野係咁架啦!最多老師比的分數是4334o羅!我諗ok卦!今日因為要買禮物小盒子,所以走左一班車添!今日係第一餐食Fleur煮的東西味,都不錯喎! |
|
28/5/2002〈星期二〉 好煩啊!今日要早D返去學校去,拎部計算機比老哥添!見時間尚早,走返去上下網先!看來行車紀錄冇事o羅喎!今日IELTS班D人唔駛上,所以就回見原狀了!無端端又教D類似寫essay的野喎,好彩在HK都有寫過essay jel~~heee!功課只不過侄要寫2 paragraph jel~~easy la!!! lunch就去左買小手信了!今日亦都有兩位來自中國的學生呢!回到家又正在忙包東西呢!Yeah~~~~重有!今日break食左個Donut lei~~正.... |
|
29/5/2002〈星期三〉 今日一朝早本來約左Stanley & Ron九點出來,但因為各人也十分眼訓,而延至九點半,再因我趕唔到車的關係,所以最後都係在10:00nike shop等!一去到就撘電車去了上次outlets的地方,睇o下上次收左的靚靚舖頭!今次有開啊!重買左好多、好貴的東西呢!不過我都覺得值lor!之後就在那兒食lunch (fish and crisps)&..拍左少少DV lor!跟住就要返學了!不知是否今朝早十分早起,所以好鬼眼訓啊!lunch time時,更捉左佢地陪我拍埋餅DV添!在堂上又係講debate d野,十分悶啊!今日要o羅好多野返屋企呢!有DV,MD,相機....垂有一大咋禮物添! |
|
30/5/2002〈星期四〉 噢!果然今朝都係唔知醒起身的了!所以只係用左半個鐘的時間,便完成晒兩段paragraph~~勁快喲!本來諗住襯在做功課時煮麵食的!但我竟然唔記得左煮緊,咁半個鐘之後,當我出去去廁所時,嗅到好大陣「襛」味!噢....D野變晒黑色啊!好臭啊!成間屋都係o羅!我又以九秒九的時間洗煲、換衫!咁就出了去了!今日唔知點解眼訓架!都冇乜想做!重有啊...那D麵本來係我的lunch o黎o架!咁又唯有take away啦!唉...冇錢重不斷洗錢添!值得一提的是,今日係ron少的birthday喲!最少都比我在呢度講返句happy birthday啦! |
|
31/5/2002〈星期五〉 Happy firday!!!好凍喲!今日放左學去左打邊爐啊!十共連埋我有十一個人啊!$13.80任食火碢呢!一去到,D人就勁拎野了!我都不弱呢,食左勁多野!差D飽到行唔到出去啊!嘩!見到那個jeff勁食啊!真痴線啊!好多肥牛喲!八爪魚有眼的!豬紅好鬼硬!豬肉牛肉丸都ok la!重有腸,連蟹柳都有添!甜品亦有紅豆榚!雞肉豬肉樣樣齊!不過D服務態度就差少少了!食完之後,本來想周圍行下的,不過最後都冇了!九點就鬆了人了!十點就回到家了! |