~人生經驗~

0係文具店返工可以話係我0既第一份出黎社會做事0既第一個經驗,呢份工教識我好多野,我以前成日覺得返學好慘,返學要做功課測驗好煩,亞媽就話:你第日出黎做野你就知返學好.當然做完0個份工之後我就真係知味道咯=_____="原來返工真係好辛苦,雖然0個份工我做0左6日咋,但係令我知道好多野同埋放棄0左一0的野..我唔係因為冇錢出街先搵工做,係我想試下返工所以咁0岩比我睇到文具店請人所以我就入去問下啦,個老細都請0左我.每日6個鍾,一日有$120(其實唔錯架喇對我黎講)第一日返工好似冇乜野做..淨係企,掃塵,我有0的覺得無所事事..0個日我就學識影印,fax..0的貨放0係邊....我仲要幫我掃地啦,拖地啦.(好似雜工)唉...但係我就好蠢喇..成日唔記得0的野放0係邊,好大頭蝦.我仲要幫手收檔..但係0個日我差唔多放工0個時要影印就冇學到收檔,好彩0個日老媌個女幫我手..唔係就比人鬧死咯^^

到第2日返工有個亞伯入黎影印,我只係影歪0左少少就比佢串:你0的影印技術真係麻麻地喇.我就諗影印洗唔洗技術呀.比佢串到我冇聲出,仲要之後比個大陸亞嬸玩我..係咁要我教佢釘書機點用..原來平時買野好似冇乜野..原來賣野遇到0的麻煩客問到你冇聲出係咁慘架..之後我學卷大畫紙..100張卷一卷..係好辛苦架,仲要比個膠紙座同釘書機介到隻手損晒...到放工,因為尋日冇學點收檔,就比老細鬧我話我唔做野..佢都冇教我,我又點識呢?

3日返工,我幫手影印0個時無啦啦有個女仔企0左我隔離.佢企0左好耐,跟住問我有乜野做,先知佢係新黎....由呢一日起我就唔開心喇..我就得到經驗..佢好識做人..好識討人歡心..識得搵0的唔辛苦0既野黎做,0係老細面前好好學架.老細對我永衰都黑口黑面,但係對佢好多野講,有講有笑.0個時開始我就知咩叫人,咩叫為利益不擇手段...但係我唔識好似佢咁假,我亦都唔想學..0個日都有諗詔唔做架..老細個姪女黎0,佢得5年級咋..佢好煩..成日帶麻煩比我地  好煩好煩好煩...成日話幫我地手.其實0左住晒..靠害..又幫我地搬一箱箱野..點知一整成個地主公00的灰倒晒出黎...又係我執...之後我要整0file出黎賣...佢唔小心整000file..都算啦我執...佢仲要特登整跌多0的黎打到我個頭....0個時好嬲呀.我諗如果0個個係膠紙座咁未容乜易整死我..所以慶到我想唔做..我賺佢0120蚊好似搵命搏咁..唔係話佢係老細邊個就大晒架嘛.0個時只係玩下先去做..唔係因為冇錢先去做..佢比錢我大晒咩..0個時都諗住鬧完佢要老細出糧就唔做但係最後都冇呀

到0左第6日..我又要整file我都整得好好地...但係冇人叫我放出去賣..我擺0左落地0(係個倉到)出0左去做野...之後老細就勁鬧我..話我唔做野..又話我整完0的野唔放出去賣咁整黎做咩..我未話你地唔叫我拎出去我點知呢?之後真係慶得滯頂佢唔順.又頂唔順條女做0的野咁假.我就同佢講話唔做..所以今次第一份工就比到0的咁0既經驗我,真係令到我'學益良多,增廣見聞'

                                   

1