青"......
我地係青"，青旁邊既" 係11次方咁解，代表我地有11人。
青" 既前身叫黃戰士（用過je），o個時得8個隊員左右。
依家全隊有11人，大家都咁上下年紀，一齊青苗，見依家成日都有好多比賽舉辦，
就諗住反正打開不如組隊出去打啦，打完青苗又可以一齊打比賽，不亦樂乎∼
正式來講我地無教練，咁大家都o係青苗到練波，唔知可唔可以當朱sir係我地教練呢 ~
仲有雕鳳做我地領隊，不過佢好忙架，成日都得閒帶我地比賽...
我地由2003年5月開始組隊，雖然時間好短，不過，青" 一定長打長有架！
各位隊友們！我地要努力ｄ呀，靠自己打出個名堂！
編者的話：
17/8/03......
唔經唔覺青" 打左3個月lu，係呢個8月先至稍為正式ｄ咁打比賽、練下波，
已經好令人振奮喇，尤其有個院長唻睇住我地，好開心呀∼
到現時為止，比賽都打過唔少lu，不過點解好似越打越核突咁既......
唔通一認真起來就太過緊張?! 定我地既實力已經盡哂 ??
但我地青" 唔可以咁易向自己認輸架！
定下目標，超越自己！大家要加油呀！
27/8/03......
雖然我地係有人睇有人理，但原來打左青”一排，好似開始有ｄ唔同喇，
依家青”經過兩場慘敗之後，個個都頹哂，唔知各位有無發現到ｄ野呢 ??
完場之後，我地係咪過分團結地去吃喝玩樂呢?? 但比賽時候就變成自己打自己呢 ??
咁樣係我地青”既目標咩?? 做乜依家搞成咁架，係咪我地玩得太多（場外）
落返場唔記得哂咩叫認真點樣認真，就連我地既目標都開始沒落喇，
再咁落去，呢隊波好有機會會散架喇，唔想咁樣可以點樣，
打返好ｄ啦各位，唔好放棄我地隊波呀，自己都放棄自己就無人願意睇我地架喇，
好記得院長訓話：「你地就好似一副拼圖，每個人都係唔同既一塊，拼唔好就會散哂，
如果想拼好一幅靚畫，除左要靠拼圖者，你地都要用下腦維持住架！
更何況呢個唔係一個好既拼圖者呢，好多野要靠你地自己架！」
院長，令到你咁失望，好對唔住呀......
30/9/03......
星期日練波，院長宣布左ｄ野，呢個絕對係好嚴重既問題，
我地唔係要解散，而係要重組，仲開始步近左我地個目標wo，打出個名堂 !!
不過都唔係正常地發展既，即係打比賽方面未見有好特出個成績，但就有個機會，
雖然來得好似好快，我地一定要繼續努力，因為呢個真係一個好好既機會 !!
個個都有機會入到更好既隊，比ｄ心機，話比人知我地o係青" 出來架。
11/10/03......
青" 有隊員退出，睇來真係好需要一個大重組，搵返大家打波個心出來。
院長話因為我地有夢想先肯帶我地，亦都因為我地有心同肯用心去打籃球，
先至抽ｄ時間帶我地，教我地，如果我地連o個兩個鐘都肯拎出來，咁就叫有心 ?!
我地個夢想，我地隊波，係要靠所有隊友來實現同維持架！
我地要共同進退，唔好再走喇！
31/5/04......
叉燒話：我最近對青" 真的感到失望，
波...沒有人練；比賽...沒有人打...要找外援才能夠去打...
心態...大家也不像組隊的時候... 很有衝勁的...
可是現在... 不再像有11人了...
我都覺得好痛心，青"點解會變成咁...
青"明明有11個人，平時就話練波唔齊人算數，點解就連比賽都唔齊人!??
究竟點解會咁!? 我唔係話怪大家，但好似大家個心真係有ｄ變左，
已經再唔係為目標而打波，只不過係為打波而打波，
鍾意來就來，唔鍾意來就唔來，青"唔係一個遊樂場呀，
我希望大家真係好好檢討下......
不過講真，我覺得大家都有進步到，要繼續努力呀!! 搵返我地個目標出來呀!!