| 2002/06/25 |
係今日嘅凌晨，發生咗一件極之不愉快嘅事。事情所產生嘅影響，係我未能所預計到嘅，亦都真係令我好後悔咁去做。或者本身我嘅性格實在係太無所謂啦，覺得呢個世界上所有嘅事，祇要自己唔去理，唔去唸，有時啲嘢，知道咗就算。久而久之，我亦都將呢個自創嘅道理套用係人哋身上。但係，原來每個人對每件事嘅應同以及接受程度都係唔同嘅，有時候甚至係有好大嘅差異。 |
| 2002/06/21 |
呢個期終試終於都考完啦！不過其實都未考完嘅，仲有小小，不過都唔使去溫書啦！朝頭早返去應付一下就OK啦！ 留言版中點到嘅歌都應該放晒上嚟啦！如果未放嘅，咁你就去通知我一聲啦！ 由於今日精神有點攰，有啲嘢想寫，不過唔寫住啦！留返聽日或日後得閑先寫啦！
今日更新︰ |
| 2002/06/09 |
好耐都無作出更新啦！可能一嚟係自己本身懶啦！二嚟就係呢排都幾多嘢做。嘻！嘻！無論點講，呢啲都係藉口嚟嘅啫。由於真係幾耐都無更新，所以我今次就將網友係留言版點嘅歌一次放晒上嚟，而邊個係要邊首呢？就唔寫出嚟啦！咁你哋就各自去搵返自己想聽嘅歌啦！ 唔知點解，近期對呢兩首歌嘅歌詞有好大嘅感觸，一首係「眼神騙不過」，而另一首就係「愛情影畫戲」。下次去唱K唱下先。(「眼神騙不過」尋日唱咗啦！)各位朋友留意一下呢兩首歌嘅歌詞，估下發生乜事？點解會有咁大嘅感觸！ 今日對呢個故事分享亦作出了更新，今次所推薦的故事就叫做《消氣》。
今日更新︰ |
| 2002/05/31 | 今日第一場世界波(世界杯)真係跌眼鏡！法國就咁輸咗啦！可能係佢哋上次攞咗冠軍之後太過驕傲，疏於練習？祇有佢哋自己先知啦。我唔係一個愛睇波嘅人，所以對於睇波呢啲嘢，唔係咁鐘情！如果有鐘意睇波嘅人，可以到我嘅留言版入面發表一下你嘅偉論，同大家分享一下！ 今個星期都有幾多人點歌，首先係留言版入面有一個叫(留言493)阿ying嘅人，佢話要點莫文蔚嘅「愛」俾小丸子聽。另外，(留言505)卡米要點Twins嘅「朋友仔」俾阿維同阿鳴聽，祝佢哋兩個傻婆可以一萬年都係好好朋友；(留言511)Fanee話要點首梁詠琪嘅「他喜歡的是你」俾阿Bee聽，但係唔知點解要係卡拉OK版嘅呢？想佢唱俾自己聽？另外，收到兩封點歌嘅E-mail，一封係一位朋友想試聽Twins嘅新碟，但很遺憾地，我祇能提供部份歌曲；還有一位沒有署名的朋友話要點首「苦口良藥」俾Amanda聽。
今日更新︰ |
| 2002/05/26 | 這頁日記因為某些原因被刪除了！ 今日更新︰ 中文歌曲︰ 容祖兒 - 抱抱 梁詠琪 - 我們的永遠 張學友 - 失戀事小 黎 明 - 最美時光 K歌更新︰ Twins - 大浪漫主義 黎 明 - 全日愛 鄭秀文 - 跳傘 陳奕迅 - Shall We Talk 盧巧音 - 喜歡戀愛 張學友 - 有病呻吟 王 傑 - 不浪漫罪名 陳慧琳 - 走在前面 |
| 2002/05/25 | 尋晚同一位老同學深夜長談！足足傾咗五個幾鐘。可能係大家所面對嘅情況都係類似啦。一時有好多感觸，不知不覺間就傾到四點幾啦。我哋回憶以前嘅生活。真係覺得好好笑，覺得自己嗰陣時嘅行為真係好鬼死幼稚，或者細路仔就應該係咁啦，可能呢啲就叫做天真。而人漸漸咁長大，為了去適應呢個環境，每個人都同自己戴上一個假面具，而且呢個面具戴咗之後都好難除返。我哋由小學，中學直至傾到現在。當中發現，小學及初中階段嘅生活係最開心嘅！玩，可以玩到好巔，無乜人理；又唔使點去擔心啲功課，因為我哋個個都係「天才」。哈！哈！但其實當中都有啲唔開心嘅經歷，記得初二嗰年就因為一啲好無聊嘅事，整嬲咗個女仔，之後佢足足成年無理過我，無睬過我。我唸呢件將會係我初中生活中最難忘嘅事啦。佢同我講︰「依家唔可以再好似以前咁同佢最親密嘅fd玩得咁巔，咁開心，或者係因為佢哋改變咗，亦都係因為我自己改變咗。又或者佢哋以前一直都係當我係男仔，從來無當過我係女仔，但係依家又當返我做女仔，有啲唔慣。」其實引致呢個局面都有好多原因嘅。唔一定係因為呢啲原因嘅。嗯！唔好去多唸！順其自然啦！或者下次再見面時，又可以一齊玩得好巔啦……… 原本都有幾首K歌upload嘅，但係因為時間嘅關係，所以稍後先至送上。 |
| 2002/05/24 | 今個星期又有好多pass
paper等住我去做啦！噢！讀中六真係好鬼死辛苦。或者真係我太懶嘅緣故啦！所以，我係呢度再次勸喻各位應屆會考生，如果唸住讀中六，千奇唔好懶啦。如果你真係咁懶嘅話，讀中六就簡直係自尋死路，生不如死啦！(表面上睇落去啲中六生好似好鬼死得閑，其實呢個係假象。) 離考試就祇剩返三個星期左右。都唔知點算，唯有見步行步啦。 本來仲有好多嘢想講，但係由於係依家呢個咁尷尬嘅時段，所以呢啲嘢都係唔講住啦！留返日後有機會先講啦。 今日最主要更新的都係K歌，有K齊齊唱嘛！Enjoy！ 今日更新︰ K歌更新︰ S.H.E.女朋友 - Belief 容祖兒 - What's up 陳小春 - 我愛的人 Twins - 和平日 S.H.E.女朋友 - 幸福留言 S.H.E.女朋友 - 圍巾 S.H.E.女朋友 - 給我多一點 蘇永康 - 越吻越傷心 Twins - 愛情當入樽 許志安/車婉婉 - 會過去的 Shine - 燕尾蝶 陳冠希 - 壞孩子的天空 S.H.E.女朋友 - 戀人未滿 |
| 2002/05/19 |
呢個禮拜都有幾多新碟出咗，但係覺得好聽嘅歌就真係唔覺得有好多。嗰日同妹妹去睇電影，睇完之後唸住去買Leon嘅一隻舊碟「今夜你會不會來」，但係搵唔到，所以結果係買唔成。呢個唔知叫做好彩定係唔好彩呢？因為，當我返到屋企上網，居然有得Download
喎！好鬼死開心嘅啫。呢隻碟我搵咗好鬼死耐，以前覺得佢太貴而且我祇係為一首歌，所以無買。但係之後就好似失咗蹤咁，點搵都搵唔到。大型唱片鋪，二手唱片鋪，就算係係論壇問人，都係無人有嘅。估唔到咁都可以搵返。真係好開心啊。所以依家就送我嗰首搵咗好耐嘅歌俾大家聽，叫「聲音的迴響」。 學校的summer time如下個嚟緊嘅禮拜就開始啦。雖然未開始，但係都覺得呢個summer time可能會俾平日更辛苦。無他嘅，因為好多科都未教完書，所以咪可能要日日補課囉。唉！ 會考又快考完啦。各位會考生一定係唸住去大玩特玩啦！有啲就會去Camp，有啲就可能會去旅行，有啲就可能會日日去唱K。去唱K就更係想唱啲好歌俾人聽啦。所以今次就提供多幾首K歌，雖然有啲係舊啲，但係唱K都唔一定係要唱新歌嘅，唱下舊歌都得嘅啫。去唱之前，不妨先嚟呢度練下先啦！廿四小時免費開放。 故事區亦作出了更新。今次的故仔之中，我推薦「智者的眼晴」俾各位。係依家咁嘅經濟情況下，我哋更加需要智者的眼晴。 今日更新︰ 中文歌曲 黎明/周華健/常寬 - 聲音的迴響 K歌更新︰ 陳慧琳 - 不如跳舞 許志安/鄭秀文 - 其實你心裏有沒有我 谷祖琳 - 承受 周杰倫 - 星晴 李克勤 - 飛花 傅佩嘉 - 絕 鄭秀文/LMF - 愛是…… 楊千嬅 - 楊千嬅 張學友/陳潔儀 - 醇酒醉影 周杰倫 - 龍捲風 陳慧琳 - 戀愛情色 故事分享更新︰ 禮物 智者的眼晴 秘訣 區別 登高 扛船趕路 小節的象徵 |
| 2002/05/11 | 返得嗰一日學又有假放啦。呢排咁多假放，搞到成個人都懶晒。但係喺呢個咁懶嘅情況下，卻有好鬼死多嘢等住去做喎，搞活動啦，做Project啦，仲有好多好多好鬼死濕粹但又唔可以唔做嘅嘢要做喎，真係做死人啦。尋日Bio堂玩劏老鼠。雖然我同隻老鼠無親無故，毫無關係，但係咁樣俾我哋嚟玩，真係有啲於心不隱啊。唉！其實劏老鼠嘅過程並不可怕，最可怕嘅係………
哈！哈！哈！都係唔講啦。 卡米似乎得罪咗人，所以係呢度點返首「啫喱」俾人聽，希望人哋原諒返佢。 另外，熊貓女想聽「人情味」，依家就即刻送上，因為我係好有人情味㗎。 今日更新︰ 中文歌曲 楊千嬅 - 啫喱 黃伊汶 - 人情味 盧巧音 - 好心分手 孫燕姿 - 一起走到 郭富城 - 因愛之名 傅佩嘉 - 愛上足球小將 英文歌曲 Eagle Eye Cherry - Save Tonight 孫燕姿 - We Will Go There (一起走到英文版) |
| 2002/05/05 | 今日無乜嘢講啊！聽日又要去做report，學校借咗個俾人考試，唔知俾唔俾我哋入呢？如果唔俾嗰陣，點先算好啊？哈！哈！哈！今日係屋企，無乜嘢做，睇返啲舊戲。嗯！原來「夏日的麼麼茶」都幾好睇。睇過嘅朋友唔知覺得點呢？ 塊留言版近期無乜人去，搵歌的動力越嚟越小啦。聽歌的朋友不妨係聽歌之餘去畫隻龜啦！多謝！ 今日更新︰ 陳慧琳 - 愛情來了(戀愛神經國語版) 戴佩妮 - 你要的愛 任賢齊/光亮/阿牛 - 浪花一朵朵 |
| 2002/05/04 | 我的會考就暫告一段落啦。今日考的Listen仲過得去啦。祇要考埋個Oral就搞掂啦。今年份英文卷偏淺，可能係暗藏玄機，表面睇落好淺，但係實際上係睇你小唔小心。如果係咁，咁我今次真係死到直。事關我今次份文寫得奇差，如果其他Part都係咁樣俾佢玩嘅，噢！咁就真係死啦。AL的listening音樂唔知同唔同會考嘅呢？唔知啊，依家我哋就一齊黎緬懷下CE
listening的音樂啦！ 網友點的「think of me」就找不到了，祇找到一首由安室唱的「think of me」。其他歌曲正在搜尋中，稍後送上。 今日更新︰ 楊千嬅 - 談談情 探探聽 英文歌更新︰ Celine Dion - When I Need You |