§ 2005/10/06                                    Day 1

第二次去泰國，所以特別選擇一些未去過既地方!! 經旅行社姐姐介紹，我地決定向羅勇的沙美島出發~~yeah!!yeah!聽說那裡「水清沙幼」呢~

※ ※ ※ ※ ※ ※ ※ ※ ※ ※ ※ ※ ※ ※ ※ ※ ※ ※ ※ ※

係無乜點訓過既情況下,跟Hoyi + 俊 +toto一起乘坐巴士入機場，眼訓.....=0=上到機都只係8點.....大約11左右，我地就去到當地機場。Hoyi跟toto又在機上大嗌=.=失禮晒。

講講我地個團有咩人先，我地既導遊係一個阿伯=.=佢自稱「六叔」，第一印象非常之不討好!!團友包括一對情侶跟他們的爸爸，一對老父婦、一對年輕男子(兩個男人去旅行 ??好奇怪 )、四朵金花(真係四姊妹黎架!!)及我地四個哇鬼。

第一目的地係--食午飯，導遊帶我們去當地一間由香港人開既燕窩魚翅餐館，一睇就知想混我地吃貴野，除左我地四個外，其他人一率被騙!!哈哈~而我地就嗌左一d地度泰國菜食，好似炒通菜，金邊粉..四個都係370泰硃，抵!!

之後就出發到「暹羅小人國主題樂園」，其實有點像深圳的世界之窗，但比深圳的更小.....零吸引......所以拍了很小照片，最欣賞的，還是當地的麥記，有香港沒有的食品!!

去完小人國後，氣氛已經大減....加上落雨，與其話出發去世貿shopping，倒不如說去浪費時間，因為世貿都沒有東西買，去世貿的主要原因是四面佛都在這裡，但我地團無人去拜四面佛，所以落一落車，又上返車....好廢丫。

開始後悔係咪報錯團...滿腦子都是悶悶悶，可能係之前黎過既關係，Hoyi+toto 則表現得異常興奮，尤其是.....晚上自行安排的人妖show，她倆跟一些團友一同前住欣賞，而餘下的團友則去big C。

對!!我跟阿俊就是餘下的團友之一，其實都無乜好買，周圍行下咁囉~