§ 2005/10/09                                    Day 4

唔知係咪小時候去得太多動物園，還是對動物沒有太大好感既關係，討厭去一些以動物作為主題既地方!!!

經過上次去泰國經驗，在選擇今次旅行團時，我已經更小心去鍚除有關動物既旅行團，但這些旅遊點仍佔據在行程上.....討厭。

一早.......便出發到蛇園不突止，還要聽講座，真係想講粗口。之後繼續係「動物時間」........去怎麼野生動物世界，平時我地行住去睇動物，今次就係坐係車度，俾d動物睇返....柒丫 !!!

海洋世界就像hk的海洋公園般，而且那個海洋劇場比hk的規模還要小，我地呢班些鴨仔團，係海洋劇場發呆一輪後，便緊接去睇西部牛仔show和占士邦show.........

..............................................................*$^*@$^

兩個show都悶到爆，最值得睇，就係d傻仔坐得好近個台，台前圍欄有晒中.英.泰文明寫到明，有爆破場面，可能會引至濕身都仲要坐係台前，呵呵∼最好笑就係，唔係爆破攪令水花四淺攪到濕身，而係d演員走出場外用水淋人，班傻仔最終咪就係連條底褲都濕晒離場，抵死。

相信導遊都知我地悶，就帶我地去MBK center shopping，呢個地方...咪就係普通到咩咁既商場囉!!我地去左一間專賣donut既地方，嘆個咖啡，幾經辛苦，到食飯時間，即係搵笨時間「加錢食日本菜」，過住跟團旅行，都試過類似事件，間中都會落"踏"。

不過都好睇情況，同埋好睇個導遊點sale你，點解咁講呢? 就好似今次咁，去到間餐館門口，成間「大飯堂咁」，環境素質確然係差，加錢都唔加錢都係咁既環境，就梗係唔加啦!! 個導遊蠢就蠢在去到門口先問，如果一早問定，相信勁多人落"踏"，所以，今次我地全團人，無人加錢，個個都好快趣食完閃人去Big c去。

這個Big C成個「家樂福」，乜都有得賣，我同Hoyi見到一個pillow都係泰珠85 !!! 諗落返hk之後就搬出去住，所以.......歷史性既時刻!!! 我地各人買左2大個，哈哈哈哈，估唔到我地會有些一著呢~

照埋應該係返酒店，但好多團友同我地一樣再出發到Night Bazaar去，因為尋晚確實買得唔夠，加上我同Hoyi要去買個「紅白藍」裝我地果2大個pillows。

P.S.   乘的士回酒店時，我地竟上了架CRAZY TAXI.....

       已經差不多一點，路面上無乜車，司機將車速不斷

       提高，toto又再發癲大笑起來，不知司機以為我地

       覺得好好玩......開到120/h....仲笑笑口望住我地一

       齊笑...........好驚丫...><我要落車........