:::::::::::::::::::::::::::::::::::::::::::::::::::::::::::::::::::::::::7.7.03 星期五係老公公屋企BBQ，本來佢話陪我去woodberry行街架，不過是但啦。唉，o甘又放完假，真唔想返工，老公公快D可以養我就好囉，呵呵~(dreaming)今日開始，每日食salad餐，減減條腰嘛，25寸半呀，要減到24就好了。

:::::::::::::::::::::::::::::::::::::::::::::::::::::::::::::::::::::::::7.2.03 o尋日同Susanna去34街shopping..哈哈，都好多收獲，行到9點幾先走。聽日放假啦，老公公中未話我知佢有冇假，唉算啦，我都係要自己搵節目啦。睇到新聞，7.1 遊行好壯觀，好令人感動。最衰我唔係香港，見證唔到呢個歷史時刻。

:::::::::::::::::::::::::::::::::::::::::::::::::::::::::::::::::::::::::6.30.03 今日心情靚靚，因為老公公車我返工，中買左麥記早餐o忝。尋晚同佢去游車河~不過後來佢呀哥要佢趕返去，搞到係highway係o甘飛，我地又唔係去邊，返緊黎啦，等一下好辛苦咩？我係車度只係想，如果因為佢係o甘"吹"，係o甘鬧，因為佢要用車，萬一路上有咩意外點算？當然我唔會講D乜，反正老公公都係聽佢呀哥話架啦。都唔會為我想下，好危險架o麻。以前成日游車河，飛百幾咪不知覺得幾爽，但衣家有真係會驚，尢其是當老公公好心急是，真係好似坐過山車o甘o架。 聽日就7.1，見到D香港人o甘團結真係好感動囉，如果我係香港我一定會去遊行。D所為高官簡直不知所謂。

:::::::::::::::::::::::::::::::::::::::::::::::::::::::::::::::::::::::::6.29.03 個個都呢度去o個度去，我呢？做野做到o甘"支力"，錢唔係冇，做乜中唔去玩下？我再唔去透透氣我頂唔順o架啦！身心都好"支力"，一想起就好鬼嬲隻豬頭，冇時間同我去玩！我話佢冇heart就冇heart啦！！激死！

:::::::::::::::::::::::::::::::::::::::::::::::::::::::::::::::::::::::::6.23.03 星期六晚同老公公去睇2Fast2Furious，好正呀~ 真想同老公公游車河，係Highway飛返轉。o個晚係我地2年7個月，問佢係咪o甘先同我睇戲，佢話係所以上禮拜唔睇…真定假架！？是但啦~

:::::::::::::::::::::::::::::::::::::::::::::::::::::::::::::::::::::::::6.19.03 星期二同Susanna，中有D高中同學去食飯，飲野，傾左幾個鐘頭計，講返好多高中D趣事呀，人呀，想返起好多野。當然好多人，事都變晒啦。今晚幾開心，好耐冇o甘大笑過。原來同舊朋友聚聚，傾計，真係好快樂囉。有時係到稔，我到底需唔需要男友呢？衣家有同冇都無乜分別，佢o甘忙，中話遲D送晒7日報紙，得啦，冇野講。有時想想，真係幾唔開心架。唉，都有D心淡啦，同佢講又話我多投訴，再唔係就應承呢樣，o個樣，轉頭就唔當一回事o個隻。我可以點！？

:::::::::::::::::::::::::::::::::::::::::::::::::::::::::::::::::::::::::6.16.03 唉..有人呢邊要離婚，爭個女，另一邊就聽見有人要結婚..唔通真係結完就"分"？個朋友話會去Les Vegas honeymoon，好羨慕喔，眼見自己想去，想做o既野其他人一一替我實現晒。我都唔知要等幾耐，先可實現我簡單o既希望呢！？！可能到最後我要自己去實現啦，老公公又"冇時間"！我話佢冇"heart"就真啦。乜都得過講，"tum"住我，之後就冇左回事，想想下真有D慶。

:::::::::::::::::::::::::::::::::::::::::::::::::::::::::::::::::::::::::6.10.03 呢幾日好好天呀，真想去海邊，著件bikini曬太陽~ 可以o既話，最好裸曬，哈哈！不過老公公一定唔俾啦。呢過summmer點都要搵D野玩啦，勤力左o甘耐囉。今晚應該同Susanna去食飯或碌齡。

:::::::::::::::::::::::::::::::::::::::::::::::::::::::::::::::::::::::::6.03.03 可能係大前晚去碌齡時淋到雨，再加上亂食野啦，搞到病左。之前先話自己好彩，冇病，真係烏鴉嘴。不過呢，病時，老公公特別溫柔，o喜o喜，o甘又唔怕病呀。佢呀，o尋晚中話等佢有900蚊一個禮拜先娶我，都唔知等到幾時呢。個傻佬話等佢有錢會買架mini cooper俾我先o窩。講真，我真係好鬼鍾意架mini cooper呀！想想下，老公公真係唔錯，嫖，賭，飲，都唔好，（佢自己都成日o甘讚自己)，中話自己好專一。哈哈，係唔係都好啦，佢o甘對我講就好似一個承諾o甘，開心架！

:::::::::::::::::::::::::::::::::::::::::::::::::::::::::::::::::::::::::5.30.03 死啦，衣家先22，但已經好容易"支力"，十點以經覺"支力"唔去街，其實o尋晚係好想去碌齡囉，但搞到十點，眼訓o忝，咪唔去囉。唉，o甘唔得o窩，以前晚晚通頂都中得...唔係o甘快老o麻!?!