克勤開個唱學識注重飲食 05/04/2002
無線新節目《名人飯局》首集嘉賓有李克勤、黃伊汶和石修，克勤笑說自己平日不愛煮食，他在節目中將會示範無油煮牛扒。克勤指在演唱會期間，學識了注重飲食的重要性，而且在那段期間可以瘦下來確實不易。克勤表示自己好鍾意食嘢，他說：「試過有一次半夜，忽然好想食麥當勞嘅漢堡飽，於是特登揸車去尖沙嘴買，雖然嗰度好多染晒黃色頭髮嘅人，不過都冇辦法。（咁佢哋見到你點呀？）咪叫克勤、克勤囉！」他亦說女友都不是善於煮食的人，這個責任都交由家裏的菲傭負責。

與陳少寶互助互利

　問及克勤與陳少寶的關係？他笑言：「發覺大家嘅語言唔同囉，要用另外一種溝通方法，但最終都係Happy Ending，互助互利嘅。而且我認為合作夥伴未必是好朋友，但就比較難溝通，不過賺錢就冇所謂。」世界盃將至，但克勤今次卻不會隨明星足球隊去睇世界盃，因為他已經感受咗四次現場氣氛了。

Dior做騷感覺興奮

　另外，黃伊汶（Dior）在節目中負責幫克勤煮嘢食，Dior說在復活節期間到了內地為某品牌做Show，與內地多名出名的模特兒同台演出，她感到很興奮。Dior表示在內地做宣傳要有好多避忌，她說﹕「有一次我上一個電視節目，事前說明這個節目不可說鄧麗君，也不可播她的歌，我都唔知點解。」黃伊汶指在內地做宣傳真的要很小心，萬一有差錯就很大件事。

BACK