石修贈言：要企定畀人影

　一直贊助香港小姐外景旅遊拍攝的康泰旅行社，昨日舉行喬遷之喜，請來港姐冠軍林敏俐、胡家惠、嘉碧儀及蔡潔雯出席。昨日嘉碧儀被報章大篇幅報道跟石修之子陳宇琛（石仔）齊齊行尖沙咀，又指她之後再約會陳思浩到Coffee Shop哭訴此事。嘉碧儀睇過報道後，都覺得好好笑，事關自己當時不是哭訴，只是同思浩飲�炩尕U而已， 她說：「明知�鶣蚴Y公眾場合，點會無啦啦喊。（同思浩咩關係？）我佢同係好朋友，好耐冇見，之前各有各忙。」

大家都係朋友

　至於跟石仔的緋聞，嘉碧儀說：「只係好朋友，（佢有冇女朋友？）唔知道，（有冇打過電話畀佢？）有，但唔會因為呢件事而唔聯絡，（Kawaii都話好鍾意石仔喎！）我同Kawaii好熟，冇必要解釋，大家都係好朋友。」

　石仔加入娛樂圈短短個多月，分別與Kawaii及港姐嘉碧儀傳出緋聞。對此，修哥笑笑口說：「我同Kawaii都攬頭攬頸，大家畀面�隉I」咁嘉碧儀呢？修哥仍然�鶗y：「大家畀面！大家在外國長大，男女交往未必有愛情，將來係咪拍拖都唔知。」

　他透露石仔十四、五歲時開始拍拖，由於他是一個好開通的Daddy，所以他不會給太大壓力以免影響仔仔的生活，而仔仔拍拖亦會同佢講。今次石仔與嘉碧儀逛街被記者撞破好事，二人分頭走避鏡頭，事後石仔亦有將此事告知父親，修哥解釋因他們未見慣大場面，他教仔仔下次遇到這情況應企定給記者影相，始終傳媒與藝人不可分割，傳媒捧場才會影相及報道，反正不是唔見得光。

Kawaii緊張追問

　Kawaii被傳對石仔一向有好感，之前更一同睇演唱會，她解釋每次約會，都是大夥兒的，問她對石仔感覺如何？Kawaii笑言：「佢人品好，有得諗，（佢追緊嘉碧儀喎！）（緊張地問）係咩！佢真係咁講，車出車入唔代表�釂A�洁A呢�曮Y有風度的表現。」Kawaii坦言會致電二人，因為新人始終不大懂面對緋聞。

嘉碧儀跟石仔均曾在外國讀書，所以特別投緣。